الليله غير والطارف يلقى خير

[احمدالعارضي]

مساء الخير
الطارف منكم يسدني


سلام ردية وفا تضفي على كل العرب=اعروقها تحت الرمل وافروعها فوق السما
البارحه راحت كذا مدري رضا ولا غضب=راحت كذا راحت كذا بين المقدى والعما

[محمد نايف العتيبي]

الله الله بين المقدا والعما

احمد العارضي : صح لساااااااااااااانك

ومبدا جميل بما فيه


لاهنت

وبأنتظار الشاعر القادم وصح لسانه مقدما


واصلوا


دمت بخير

[ضيف الله الحميدي]

هلا باحمد العارضي

واستلم بارك الله فيك



هلا يامرحبا مثل الجواهر وكنوز الذهب=ترحيبت(ن) مثل المطرللخلق من بعد الضما
طرالك ماطراء بين اللى معتدي واللى نهب=واللى نهب نهب والمعتدي لعله لصما

[عنود القصيد]

صح لسانك احمد

وانا بالصف

[ماجد الرويس]

صح لسانك وتفضل ياضيف الله مانتبهت لردك

وصح لسانكم مقدماً

[منور العوني]

مساء الخير
الطارف منكم يسدني


سلام ردية وفا تضفي على كل العرب=اعروقها تحت الرمل وافروعها فوق السما
البارحه راحت كذا مدري رضا ولا غضب=راحت كذا راحت كذا بين المقدى والعما

حي والله هالاسم

عز الله انك تنحت في صخر يالعارضي

ولايهون الشاعر اللي بيرد

[احمدالعارضي]

خلووووووووووووووووووووووو ووووووووووووووووووووووووه ا


دام البقا ياللي ترحب في ميادين الطرب=ولاكل من ترمي يمينه بين خلق الله رما
ياصاحبي قال المثل فالناس حامض ياعنب=نغزي ونكسب والعرب ياربما ياربما

[احمدالعارضي]

يالربع وش فيكم
انا الحين مدري من خصيمي

[احمدالعارضي]

حي والله هالاسم

عز الله انك تنحت في صخر يالعارضي

ولايهون الشاعر اللي بيرد



الله يبقيك يامنور
ولاعليك زود
ويشرفني متابعت شاعر مثلك

[احمدالعارضي]

اجل دقايق بعدل البيتين

[ضيف الله الحميدي]

خلووووووووووووووووووووووو ووها



عيني ماهي على الطرب عيني على شب اللهب=لاكن عطني اعلومك وهلها لي يانما
انحمد الله نوفي المكيال ياراع الجلب=اليوم ولا البارحه املكما وملكما

[ضيف الله الحميدي]

احمد العارضي باقي ماعرفت خصمك وانا معلنها من بدري

وعباث عرفها وعذره معه

[ضيف الله الحميدي]

عباث صح بدنك يالغالي

ولاهنت

[احمدالعارضي]

مدام بان الخصم
خلووووووووووووووووووووووو ووووووووووووووووووووها


لاتشب نيران اللهب وتطيح في وسط الحطب=جيت اتهبد ماتشوف الدرب يامال الغما
راع الجلب يحتاجله شيال(ن) يشيل القرب=وانته ياضيف الله كما ولا كما ولا كما

[احمدالعارضي]

احمد العارضي باقي ماعرفت خصمك وانا معلنها من بدري

وعباث عرفها وعذره معه


المعذره ياضيف الله
بس قلت يمكن عباث كلمك او استاذن منك
على العموم صار خير وكلنا اخوان ولابيننا شكوك

[ضيف الله الحميدي]

خلووووووووووووووها



من بعد انحنا راسك ويديك طاحت فالنشب=كشرتلي بالتركيبه اللى طاحت امن الجما

علتك عله ياشعيل امن الضعف صابك جرب=مار ابتعد عن العرب ياموهما ياموهما

[ضيف الله الحميدي]

تصبح على خير

ولنا لقاء بكره

[احمدالعارضي]

الضاهر انها بتلحق البارح هههههههههههههه
خلووووووووووووووووووووووو ووووووووووووووووووووووووه ا


تضحك ولالك سن يامال العجايب والعجب=والسن ياكل لقمته والراس من فوقك سما
ردد معي ردد معي الراس مايرجع ذنب=وش جابني عندك وانا بين الرجال امكرما

[مسلط المغيري]

الشاعر القادم والجزل احمد العارضي


الشاعر الجزل ضيف الله الحميدي


صحت السنتكم



محاوره رائعه

[عبدالعزيز نايف]

الضاهر انها بتلحق البارح هههههههههههههه
خلووووووووووووووووووووووو ووووووووووووووووووووووووه ا


تضحك ولالك سن يامال العجايب والعجب=والسن ياكل لقمته والراس من فوقك سما
ردد معي ردد معي الراس مايرجع ذنب=وش جابني عندك وانا بين الرجال امكرما

صح لسانك وعسى ماشر وش صايرلك البارح

[ضيف الله الحميدي]

لا لا ليلك طويل

واستلم


يالعارضي يالعارضي مالك ومال ام الهدب=ام الهدب لها رجال والحشيم محشما
حافظ على خيمتك لاترميك من تحت الطنب=ولابد قصور ماتبنى على السيسان مهدما

[ضيف الله الحميدي]

مسلط المغيري صح بدنك يالغالي

ومرورك مشرف

[ماجد]

احمد العارضي

ضيف الله الحميدي

والله كفو فيكم ابيات قويه وجزله بالحيل

وانا بصفك ابو خالد ولا يهون اخوي احمد

متابع

نبضـ الشمالــ