ابن هندي
07-03-2004, 12:22 PM
السلام عليكم ورحمة الله وبركاته
قصيده مطلوبه مني ،، واتمنى ان تحوز على رضاكم
وهي تقول ،،
الله مـن شـيٍ سرآبـي مـن مكـان الـيـا مـكـان=خلاّني اعرف كيـف اميّـز بيـن عرفـي واجهلـي
ياللـي تبـون السالفـه ارخـو لأبـن هنـدي الاذان=وسمّو معي وصلّو علـى وجـه الرسـول المرسلـي
صحيت من نومي تسع في ليل عشـر مـن ارمضـان=واخـذت دش،،ورحـت للمجلـس،،وانـا بالـي خلـيّ
ماخـذت لا ذا التيلـفـون يصـيـح يالله المستـعـان=رقـمٍ غريـب ابسبّتـه قشّـط شعـر جسمـي علـيّ
ضغطت سيند،، آلوه ،، سمّ ،، ظافر ،، نعم ،، معك حنان=علامة استعجاب فـي مخّـي !! وقلـت ،،اتفضّلـي
قالـت تعـرف الجوهره بنـت الفـلآن ابـن الفـلآن=قلت ايـه قالـت ولعنـه! لحظـه بجيـب امسجّلـي
قلت اصبـري شسالفـه ،، قالـت دقايـق يـا جبـان=قلـت اعقبـي يالتاليـه بنـت التلـي ولـد التـلـي
قالت بعد وتسب زيـن،، انـا تـرى عنـدي ضمـان=اسمـك وعنوانـك وعمـرك والموبـايـل الاولــيّ
وللعلم انا محاميه ،، قلت اووف جعل امحـق زمـان=السالفـه وشهـي جعـل منـهـو بـلانـي يبتـلـي
قالت تمسكن قلـت ،،لا،، قالـت اجـل يـا بهلـوان=مـا تـدري ان الجوهره منحاشـه امــن المنـزلـي
وجبنا برنـت الاتصـال ولقيـت مـن رقمـك ثمـان=إمكالـمـاتٍ كلّبـوهـا مـنـك ،، وازداد ازعـلـي
قلـت اسمعـي واقـوم (الآيفهـا) بعقلـي و اللسـان=كلمـه تذوّقهـا بـصـل كلـمـه تذوّقـهـا جـلـي
لخبطتهـا وضيّعتـهـا ووصّلتـهـا حــدّ الجـنـان=وقامت تأسـف لـي وانـا راسـي مصـدّع ويغلـي
ودخّلتهـا فـي جـوّ مـن بيـن الصعوبـه والليـان=ونسّيتها اللي جات مـن شانـه وصـار الطيـب إلـي
تمدحنـي وتمـدح سـلاسـة منطـقـي والاتــزان=وقالت ابسألك اسئلـه ممكـن ؟؟وقلـت إلهـا اسألـي
قالت اكيـد انـك موظـف بـس قلّـي بـأي مكـان=قلت اشتغـل فـي سنتـرال الاحمـدي عنـد اهلـي
قالت اكيد إنْك إمتـزوّج ،، قلـت ليـه الهـرج شـان=قالـت علامـك قلـت مابـه شـي لـكـن كمّـلـي
قالـت اكيـد انـك بحاجـة رأفـه ولطـف وحنـان=قلـت اشهد ان ابغي غـرامٍ فيـه قلبـي يمتـلـي
قالت شرايك (فيّ) ،، قلت الحكـم فـي شـوف العيـان=قالت اجي ،، قلت ارحبي وافرش لـك الشـارع زلـي
قالـت اجـل بكـره وعدنـا،، قلـت ياغصيـن اللبـان=علـيّ رفقـه مـا تاخـرّ وازهلـي الامـر ازهلـي
قالـت ترانـي امنقّبـه ،،قلـت اممـم زان الليـل زان=وقالـت تـرى عيونـي نعـاس وواسعـاتٍ كحّـلـي
وطولـي ايتعـدّا ميّـه وسبعـه وستّـيـن وكـمـآن=البس كعب عالي وراسي فـوق وامشـي ب امهلـي
واللون حنطى ،، بالأصح سمرا لَكَـنْ سمـرآ جنـان=سمآري اغـلا مـن غـلا سعـر الجواهـر والحلـي
وبراهنـك ان اعجبـك ،، واكيـد بتخـسـر الـرهـان=والله لــو تشوفـنـي ليصـيـر قلـبـك منـزلـي
قلـت اسكنينـي يـا بعـد كـل الغناديـر الحـسـان=وبكيف كيفـك اظلمـي فـي حكـم قلبـي واعدلـي
حطّينـي افجيبـك كـذا مثـل بطاقـة الائتـمـان=واقفـي بمعشوقـك مـع دربـوب الليالـي واقبلـي
انا تحت امـرك تبينـي ريتـش مـان او بـور مـان=اهم شي رضـاك مالـك فـي رضـاي و فـ ازعلـي
والله وانا لوصف الجمـال اليوسفـي شخـصٍ مـدان=بوفّـي ديونـي واسـوق لديـرة الشـعـر اجمـلـي
يعني مـدام انـك كـذا لابـو الهـدان ابـن الهـدان=والله لغنّـي بـك علـى روس الجـبـال الزحّـلـي
وابنقش اسمك بالذهـب واسقيـك صافـي القحويـان=وازيـد مـن قـدرك واخلـيّ القـدر دايـم معتلـي
وادوس فـوق العقربـه واقطـع لـسـان البغبـغـان=واقـول يـا رب السمـآ والـي ولا غيـرك ولــيّ
وبفتخـر بـك يـا غـلا دنيـاي والحـاسـد يـهـان=دام المفاخـر بالغـلا مطـلـوب فــي مستقبـلـي
واصل الفخر مولود لي ،، خالي من شيـوخ قحطـان=وانا سهلي ولـد سهلـي ولـد سهلـي ولـد سهلـي
وســـلآمتكم
،،
ابن هندي
،،
قصيده مطلوبه مني ،، واتمنى ان تحوز على رضاكم
وهي تقول ،،
الله مـن شـيٍ سرآبـي مـن مكـان الـيـا مـكـان=خلاّني اعرف كيـف اميّـز بيـن عرفـي واجهلـي
ياللـي تبـون السالفـه ارخـو لأبـن هنـدي الاذان=وسمّو معي وصلّو علـى وجـه الرسـول المرسلـي
صحيت من نومي تسع في ليل عشـر مـن ارمضـان=واخـذت دش،،ورحـت للمجلـس،،وانـا بالـي خلـيّ
ماخـذت لا ذا التيلـفـون يصـيـح يالله المستـعـان=رقـمٍ غريـب ابسبّتـه قشّـط شعـر جسمـي علـيّ
ضغطت سيند،، آلوه ،، سمّ ،، ظافر ،، نعم ،، معك حنان=علامة استعجاب فـي مخّـي !! وقلـت ،،اتفضّلـي
قالـت تعـرف الجوهره بنـت الفـلآن ابـن الفـلآن=قلت ايـه قالـت ولعنـه! لحظـه بجيـب امسجّلـي
قلت اصبـري شسالفـه ،، قالـت دقايـق يـا جبـان=قلـت اعقبـي يالتاليـه بنـت التلـي ولـد التـلـي
قالت بعد وتسب زيـن،، انـا تـرى عنـدي ضمـان=اسمـك وعنوانـك وعمـرك والموبـايـل الاولــيّ
وللعلم انا محاميه ،، قلت اووف جعل امحـق زمـان=السالفـه وشهـي جعـل منـهـو بـلانـي يبتـلـي
قالت تمسكن قلـت ،،لا،، قالـت اجـل يـا بهلـوان=مـا تـدري ان الجوهره منحاشـه امــن المنـزلـي
وجبنا برنـت الاتصـال ولقيـت مـن رقمـك ثمـان=إمكالـمـاتٍ كلّبـوهـا مـنـك ،، وازداد ازعـلـي
قلـت اسمعـي واقـوم (الآيفهـا) بعقلـي و اللسـان=كلمـه تذوّقهـا بـصـل كلـمـه تذوّقـهـا جـلـي
لخبطتهـا وضيّعتـهـا ووصّلتـهـا حــدّ الجـنـان=وقامت تأسـف لـي وانـا راسـي مصـدّع ويغلـي
ودخّلتهـا فـي جـوّ مـن بيـن الصعوبـه والليـان=ونسّيتها اللي جات مـن شانـه وصـار الطيـب إلـي
تمدحنـي وتمـدح سـلاسـة منطـقـي والاتــزان=وقالت ابسألك اسئلـه ممكـن ؟؟وقلـت إلهـا اسألـي
قالت اكيـد انـك موظـف بـس قلّـي بـأي مكـان=قلت اشتغـل فـي سنتـرال الاحمـدي عنـد اهلـي
قالت اكيد إنْك إمتـزوّج ،، قلـت ليـه الهـرج شـان=قالـت علامـك قلـت مابـه شـي لـكـن كمّـلـي
قالـت اكيـد انـك بحاجـة رأفـه ولطـف وحنـان=قلـت اشهد ان ابغي غـرامٍ فيـه قلبـي يمتـلـي
قالت شرايك (فيّ) ،، قلت الحكـم فـي شـوف العيـان=قالت اجي ،، قلت ارحبي وافرش لـك الشـارع زلـي
قالـت اجـل بكـره وعدنـا،، قلـت ياغصيـن اللبـان=علـيّ رفقـه مـا تاخـرّ وازهلـي الامـر ازهلـي
قالـت ترانـي امنقّبـه ،،قلـت اممـم زان الليـل زان=وقالـت تـرى عيونـي نعـاس وواسعـاتٍ كحّـلـي
وطولـي ايتعـدّا ميّـه وسبعـه وستّـيـن وكـمـآن=البس كعب عالي وراسي فـوق وامشـي ب امهلـي
واللون حنطى ،، بالأصح سمرا لَكَـنْ سمـرآ جنـان=سمآري اغـلا مـن غـلا سعـر الجواهـر والحلـي
وبراهنـك ان اعجبـك ،، واكيـد بتخـسـر الـرهـان=والله لــو تشوفـنـي ليصـيـر قلـبـك منـزلـي
قلـت اسكنينـي يـا بعـد كـل الغناديـر الحـسـان=وبكيف كيفـك اظلمـي فـي حكـم قلبـي واعدلـي
حطّينـي افجيبـك كـذا مثـل بطاقـة الائتـمـان=واقفـي بمعشوقـك مـع دربـوب الليالـي واقبلـي
انا تحت امـرك تبينـي ريتـش مـان او بـور مـان=اهم شي رضـاك مالـك فـي رضـاي و فـ ازعلـي
والله وانا لوصف الجمـال اليوسفـي شخـصٍ مـدان=بوفّـي ديونـي واسـوق لديـرة الشـعـر اجمـلـي
يعني مـدام انـك كـذا لابـو الهـدان ابـن الهـدان=والله لغنّـي بـك علـى روس الجـبـال الزحّـلـي
وابنقش اسمك بالذهـب واسقيـك صافـي القحويـان=وازيـد مـن قـدرك واخلـيّ القـدر دايـم معتلـي
وادوس فـوق العقربـه واقطـع لـسـان البغبـغـان=واقـول يـا رب السمـآ والـي ولا غيـرك ولــيّ
وبفتخـر بـك يـا غـلا دنيـاي والحـاسـد يـهـان=دام المفاخـر بالغـلا مطـلـوب فــي مستقبـلـي
واصل الفخر مولود لي ،، خالي من شيـوخ قحطـان=وانا سهلي ولـد سهلـي ولـد سهلـي ولـد سهلـي
وســـلآمتكم
،،
ابن هندي
،،