تشرهــــ علي ؟؟؟ ليه ما سلمت

[زهرة الخزاما]

تشره علي ليه يوم مريت ما سلمـت=وكيف اسلم علي من طعني بوجعاتـه
مدري نسيت او انك يعنـي تندمـت=او انك تحاول ترجع من العمر ما فاته
روح بدربك من جنابك ياما تعلمـت=والقلب من صوبك توقفت كل دقاتـه
ضمدت جرحـي ومـا يـوم تكلمـت=ولليوم اعالج جروح قلبـي ودمعاتـه
ما احد تألم كثر ما انا منـك تألمـت=وصرت الرفيق اللي طعني بشلفاتـه
بعتك ولو الزمان يعود مـا تندمـت=مات الغلا وخذ مني شهـادة وفاتـه
صدر حكمي في حياتك مـا تلعثمـت=وعلمتك كيف الغلا يلفظ اخر حياتـه
كسرت اناطـوق طغيانـك ولملمـت=شتات عمري وما بقي من ذكرياتـه
فوق كل هذا تري يوم مريت سلمـت=وشفت كيف بعدي تأثرت به حياتـه

[أبوعبدالرحمن]

بعتك ولو الزمان يعود مـا تندمـت

مات الغلا وخذ مني شهـادة وفاتـه


صدر حكمي في حياتك مـا تلعثمـت

وعلمتك كيف الغلا يلفظ اخر حياتـه


صح لسانك اختي


ولازلتي تسيرين على خطى ثابته


تحيتي لكِ

[زهرة الخزاما]

هلا بك أخوي عبد الرحمن
يسعدني انك تكون اول من مر من هنا
واعذروني علي الغيبه الخارجه عن ارادتي

دمت بكل خير

[ماجد]

الله الله

رهييييييييييبه زهرة الخزاما

كان لي الشرف بالتواجد هنا والاطلاع على هذا النزف وهذا البوح الرائع

دمتي بود

نبضـ الشمالــ

[زهرة الخزاما]

هلا والله اخوي نبض الشمال
لي شرف حضورك اخي الرااائع بحضوره دااائما

دمت بكل خير

[نورالأمل]

كسرت اناطـوق طغيانـك ولملمـت
شتات عمري وما بقي من ذكرياتـه
فوق كل هذا تري يوم مريت سلمـت
وشفت كيف بعدي تأثرت بـه حياتـه


صح لسانك

لاهنتي



دمتي غاليتي شامخه
تحياتيـ

[زهرة الخزاما]

نورت كلماتي بمرورك
غاليتي وحبيبتي نور الامل
لا حرمني الله طلتك الغاليه علي قلبي

دمتي ودامت الموده بيننا

[عتيبيه بكل فخر]

صح لسانك زهره

كلمات رائعه

مودتــــــــــــــــــــي

[سعود السلمي]

مشاء الله الله لايضرك

صح لساانك ملاييين

[زهرة الخزاما]

يا مرحبا وهلا فيك اختي عتيبيه
اسعدتني اطلالتك الرااائعه

دمتي بكل الود وباقة ورد

[زهرة الخزاما]

هلا بك اخوي هاوي قصيد
سعيده بمرورك علي مشاركتي


دمت بكل خير اخوي

[سعد الغنامي]

صح لسانك يازهرة

محاولاتك جيده والتزامك في صدر الأبيات بالميم والتاء ممتاز رغم تعثر الوزن لأن اكثر الشعراء يهمله ولايلتزم به .

ولكن ليتك تبتدئين باللحون القصيره وتغنينها بلحن معين ومن ثم انتقلي للحن اطول وهكذا

ابي اعدل بعض الأبيات وأقوم بوزنها على لحن وجدت شطره موزون في ابياتك لترين الفرق


تشره علي ليه يوم مريت ما سلمـت
تشّره عليه ليه مريت ما سلمـت<<<<بعد التعديل
وكيف اسلم علي من طعني بوجعاتـه
مدري نسيت او انـك يعنـي تندمـت
او انك تحاول ترجع من العمر ما فاته
اواتحاول ترجع من العمر ما فاته <<<<بعد التعديل
روح بدربك من جنابك يامـا تعلمـت
والقلب من صوبك توقفت كل دقاتـه
ضمدت جرحـي ومـا يـوم تكلمـت
ولليوم اعالج جروح قلبي ودمعاتـه
ولليوم اعالج جرح قلبي ودمعاتـه << حذفت واو الجروح فقط
ما احد تألم كثر ما انا منـك تألمـت
وصرت الرفيق اللي طعني بشلفاتـه
وصرت الرفيق اللي طعني بشلفاتـه موزون ومعناه قمه في الروعه.


آسف على الإطاله

تحيه عطره لك

[محمد نايف العتيبي]

زهره الخزامى

شاعره لفتت انتباهي منذ فتره وهي تكتب وكل قصيده تتقدم بها عن الاخرى

ومشيت على الحكمه : من سار على الدرب وصل

وانتي ان شالله سرتي على الطريق الصحيح وبتوصلين في قمه الجزاله

لكن حاولي الاستفاده اكثر بمواضيع تخص الوزن فقط

لان الباقي تعديتيه وبكل تفوق من حيث تلاحم الفكره وانسياق القصيده لكن الوزن مع الوقت

راح تعرفين وتصيرين استاذه بأذن الله .

صح لسانك وتسلمين ...


محمد بن نايف

[زهرة الخزاما]

شاعرنا واستاذنا سعد الغنامي
يسعدني مرورك وتعقيبك وهذا يزيدها نقاااء وروعه
شاكره لك اهتمامك بما اكتب ومتابعتك الرااائعه
لا حرمنا الله متابعتك لنا

دمت بكل خير أخوي

[زهرة الخزاما]

اخوي محمد بن نايف العتيبي
سعيده باطلالتك
وسعيده بتعقيبك علي ما كتبت وارجو من الله ان اجد الوقت الكافي لمتابعة الاستاذه امل في دروس الشعر

شاكره لك حسن متابعتك

[خلف المهيلان]

بعتك ولو الزمان يعود مـا تندمـت

مات الغلا وخذ مني شهـادة وفاتـه


صدر حكمي في حياتك مـا تلعثمـت

وعلمتك كيف الغلا يلفظ اخر حياتـه
زهرة الخزامى الله على هالبيتين عن قصيده كامله جميل هذا النزف
رائعه اختي إلى الامام الموهبه واضحه وفكرك عميق واصلي
اخوك خلف المهيلان

[زهرة الخزاما]

مرحبا بحضورك الرااقي اخوي خلف المهيلان
مرورك شرف لي
سعدت بكلماتك الراائعه

دمت بكل خير

[مهاوي تجرح وتداوي]

وااااااااااااااااااو جنان
يسلم يمناك تقبلي مروري
مهاااوي تجرح وتداااوي

[زهرة الخزاما]

يا مرحبا بك مهاوي
انتي تداوين
بس ما تجرحين
سلمتي ودام حضورك الرااقي

[شوق ،،]

صح لسانك زهره ..
قصيده رائعه ..

[زهرة الخزاما]

هلا بك كورستال
أسعدني مرورك الغالي

دمت بكل خير

[نياف العتيبي]

زهرة الخزاما


صح لسانك

ولاهنتي


وروعتها بروعة الروح اللي تتمتعين بها وتقبلك الملاحظات


وربي يوفقك ومتأكد انك بتوصلين مرادك مع الوقت


النااايف

[زهرة الخزاما]

مجرد مرور الغالي االنايف من هنا هو بمثابة شهادة أعتز بها لكلماااتي

دمت بحفظ الرحمن اخوي الناايف وتاكد من لا يتقبل النقد سواء في عمل او حياة او شعر فلن يصل إلي مبتغاه
لان الغلط خير معلم

وفقنا الله واياكم في كل امور حياتنا
وبمناسبة حضورك
ابشرك ترقيت بعملي وهذا اللي خلاني قليلة الدخول او العطاء بسبب ضروفي

دمت بكل خير

[عبدالهادي الجهني]

زهرة الخراما

صح لسانك بلا حد

وفقك الله في الوصول الى مبتغاك

تمشين بخطوات واثقة على طريق الابداع

واصلى رعاك الله

تقبلى مرورى

،

،

،

[زهرة الخزاما]

زهرة الخراما

صح لسانك بلا حد

وفقك الله في الوصول الى مبتغاك

تمشين بخطوات واثقة على طريق الابداع

واصلى رعاك الله

تقبلى مرورى

،

،

،

كل الكلمات ضاعت من بين يدي
وحضورك هو عطر الكلمات اخوي عبد الهادي
سلمت ودمت من كل مكروه