*** أخطاء في الكلام من غير قصد ***

[إشراقـ أمل ـة]

http://sfsaleh.com/9war/uploads/ae9f78424a.gif (http://sfsaleh.com/9war/)

بسم الله الرحمن الرحيم

السلام عليكم ورحمة الله وبركاته ...


لقيت الموضوع هذا وأعجبني لأنه يحصل في أحسن العائلات ...

أحيانا و أنت تسولف من كثر الحماس تخربط في الكلام أو تقلب حرف مكان حرف ...

:مزون::مزون: و هالاشيا واااايد تصيرلنا صح ؟؟!!

طيب أناقريت هالمواقف عن هالموضوع و حبيت أنقلها لكم عشان تقرأونها ... :مزون: ..

هي مواقف حللللوه و تضحك ...

طولت عليكم مو ؟؟!!

خلاص بخليكم تقرأونها ...


مره كنت رايح للدوائر الحكوميه بس ما وجدتها ... أنا قريب منها لكن مكانها صعب ... المهم

يقولون اللي يسأل ما يتهش ..

لقيت هندي و قلت له صديق وين مكان الوزاره ... قال جوف قدام أول ملف لف من عنده ...

قلت وين الملف ما أشوفه ...

قال هذا قدااام

قلت ما أشوفه

قال جوف هذا ( بندوق صلديه )

قلت قلت وش بندوق صلديه !!!

قال هذا أصصصصفر ... بندوق صلديه !!!

قلت وش هذا بندوق صلديه !! قال هذا قدام أنت ما في شوف هذا حق بلديه هههههه

صراحه أنا فهمت بعدين أن قصده ( صندوق البلديه )

:مزون::مزون:


راح لسوق الخضرة وقال لصاحب المحل عندك ( بندوق سردقان ) قال راعي المحل ..هاه قال

عندك ( صندوق برتقال ) قال إيه الحين عندي ...


وواحد قال لي إنه راح لإحدى المدن ويبحث عن مكان يسكن فيه وما وجد ...ووقف له رجال

وقال له ماهنا ( فقّه أو شندق ) يقصد شقه أو فندق .:مزون:


أحد مقدمي نشرة الأخبار أراد أن يقول " نرحب بكم في نشرة الأخبار " فقال " نرحب بكم في

نخرة الأشبار " طبعاً درور الخليقه من الضحك


كنت في إجتماع واستأذن واحد وتكلم وعلى بالي أبثني عليه ماحد قدي قلت له وأنا متحمس

محلك في كلامه يعني كلامك في محله ...

مرة واحد أتصل يعزيني في الوالد رحمه الله وكان متأخر في التعزيه ومتحمس وحزن نفسه

حبتين فقال لي أخوي قلت سم قال كل عام وانت بخير



ومرة أتصل واحد يعزيني في الوالد فقال لي عظم الله أجرك قلت له عقبالك طبعا أخطأت من

شدة الحزن


مرة واحد من الشباب كان بيذكر أسماء أصحاب المعلقات فقال بسرعة شنتر بن عداد...........



والان جاء دوركم لتذكروا لنا مواقفكم ... ولاتبخلوا علينا ..

أنتظر المواقف لا تنسووووووون ... والناسي عذره معه ..:مزون:


تم تنقيح الموضوع من قبلي من حذف وتعديل ....

http://sfsaleh.com/9war/uploads/858f5907f1.gif (http://sfsaleh.com/9war/)

[][ عبدالعزيز ][]

ِ


يثبت الموضوع لمده خمسه أيام مع أربعه نجوم تقديرآآ لروعته


ولي عوده بأذن الي ماتنام عينه

[•.'Deem'.•]

ههههههههههههههههههههههههه ههه

اي والله احيانا حتى تطلع جمل .......... تحف ........

والله ما اتذكر من تحفي شي ...... بس اتذكر من تحف اختي ......:مزون:

بدال ما تقول كنت اسفط الغسيل .....

قالت ......

اغسل السفيط .......:هاها:

يعطيك العافيه على هالموضوع ......

ما ننحرم يارب......

تحياتي......

[وجن محمد]

.

والله انك تووووحفة يا إشراقة ..:مزون:

طيب .. انا بيوم جاية انادي اخوي عشان نتابع برنامج بالتلفزيون وقلت له (تعااااااااااال بسررررررعة برنامج تاش كاستي بدأ ) <<<< كنت اقصد كاش تاكسي :هاها:

ومرة وحدة من صديقاتي تكلمني كنت مريضة قالت (عشى ماسر) <<< تقصد عسى ماشر :icon_mrgr موتتني ضحكـ :هاها:

وكله كوووووووووووووم واختي يوم قالت ( من زمين القدام ) تقصد من قديم الزمان :icon_eek: عاااد شوفيني وقتها !! :هاها:

وانا شخصيا اسولف مع امي ابي ابلغها ان بنت عمتي جاية و ( شوكها زاجر ) <<<< اقصد زوجها شاكر :اوبس:

والله موضوع من فل جدة <<<<< من جد فلة هههههههههههههههههه


مشكووور شرووووقة ..

[إشراقـ أمل ـة]

أخوي عبدالعزيز

يعطيك العافيه على التثبت والنجوم

نحن بالانتظار إن شاء الله

[إشراقـ أمل ـة]

سمايل

الله يعطيك العافية

وفرحت بطلتك البهية ..

الله يسعد أختك على الموقف البريء

يسلمووووووووووووووووووو يالغلا

[إشراقـ أمل ـة]

طيب .. انا بيوم جاية انادي اخوي عشان نتابع برنامج بالتلفزيون وقلت له (تعااااااااااال بسررررررعة برنامج تاش كاستي بدأ ) <<<< كنت اقصد كاش تاكسي

حلووووووووووووووووووووووه :مزون::مزون:


ومرة وحدة من صديقاتي تكلمني كنت مريضة قالت (عشى ماسر) <<< تقصد عسى ماشر موتتني ضحكـ

عن جد تضحك :مزون:


وكله كوووووووووووووم واختي يوم قالت ( من زمين القدام ) تقصد من قديم الزمان عاااد شوفيني وقتها !!

وكمان هذه جدا روعه ..:مزون:


وانا شخصيا اسولف مع امي ابي ابلغها ان بنت عمتي جاية و ( شوكها زاجر ) <<<< اقصد زوجها شاكر

فعلا شوكها زاجر .... جوناااااااااااااااااااااا اان :مزون:


والله موضوع من فل جدة <<<<< من جد فلة هههههههههههههههههه

:مزون:

تشكري ياروعه على الأخطاء غير المقصودة ..

مشاركتك رحيل العمر أسعدتني جدا ..

[TαlαL]

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههه

شروقه

والله ثم والله ثم والله ثم والله وانتي ماحلفتيني ان الفكره كانت في راسي

والاسبوع الي راح طرت في بالي ليه تسرقينها حرام عليك :زعلان:

يامحاسن الصدف يالله حصل خير :مزون:

طيب الاخطاء الي مرت عليه

واحد بيقول صندوق برتقال قال بردوق صندقان

والخطا الثاني هاذا ولد خالي هو بليا عجل بكلامه ودام يجيب ام العيد وعليها شطحات محترمه

مره خربانه سيارته مرمن عنده واحد قاله يافلان مساعده شي

يبي يقول لا سلامتك الخراب بسيط قال البساط خريب :مزون:

ونسيبي مره يبي يقول خبصت بالطبع قال طبعت بالخبص

هاذا مايحضرني الحين

شروقه

تسلم يمينك خيتوه

موضوع في قمة الروعه والله

[إشراقـ أمل ـة]

شروقه

والله ثم والله ثم والله ثم والله وانتي ماحلفتيني ان الفكره كانت في راسي

والاسبوع الي راح طرت في بالي ليه تسرقينها حرام عليك

خلاص كانت من نصيبي :مزون:


يامحاسن الصدف يالله حصل خير

:مزون:


والخطا الثاني هاذا ولد خالي هو بليا عجل بكلامه ودام يجيب ام العيد وعليها شطحات محترمه

مره خربانه سيارته مرمن عنده واحد قاله يافلان مساعده شي

يبي يقول لا سلامتك الخراب بسيط قال البساط خريب

حلووووووووووووووووووووووو ووه :مزون:


ونسيبي مره يبي يقول خبصت بالطبع قال طبعت بالخبص

رووووووعه :مزون:



شروقه

تسلم يمينك خيتوه

موضوع في قمة الروعه والله

يعطيك العافيه أخوي طلال على الحضور النايس ..

[عاشقة الفردوس الأعلى]

هههههههههههه

إشراقة أمل والله أخطاء جداً مضحكة

وياكثر ما نكون في مثل هالمواقف

بس للأسف ما يحضرني إلا هذا

مرة الوالدة بغت تقول ما شاء الله كرم حاتم الطائي

قالت طائم الحاتي

و لو تسمعين أخطاءنا تتعبين من كثر الضحك

تسلمين يالغلا على موضوعك الظريف

دمت بود

[حــنــيــن]

شروووووووووووووقه..

يسلمووووووووووووووووو..

برررررررررررررررررررررررر رررررررررررررررررب

بحوس واطلع لك اخطاء

[إشراقـ أمل ـة]

أختي عاشقة الفردوس الأعلى

الأخطاء كثيرة وأناعن نفسي حاولت استرجاعها لكنها لا تحضرني الان ، ولكن إذا جاءت الأخطاء سأدونها وأكتبها بإذن الله سواء لي أو لغيري ...


مرة الوالدة بغت تقول ما شاء الله كرم حاتم الطائي

قالت طائم الحاتي

الله يسعدها ويحفظها لكم ، ويديم عليكم السعادة يارب في ظل من تحبين عاشقة ..

تحدث في كل الأسر ....:مزون:

[إشراقـ أمل ـة]

حنين ننتظر حوساتك بكل شووووووووووووووووووووووق

:11ap::11ap:

لاتتركينا وتخلينا ننتظر ..............:مزون:

يسلمووووووووووووووووووووو وووووووووووووووو

[محمد نايف العتيبي]

اختي : اشراقه امل

مواضيع مميزه تكتبين عنها وتطرحينها

ههههههههههههههههههه

صراحه اني ضحكت الين فكرت اني اقفل الصفحه هههههههههههه

ولك كل الشكر على التميز , وشاكر للاخوان اللذين طرحوا اعيادهم ( مواقفهم ). الجميله والفكاهيه .



اما انا لو اقول وش قلت ذاك اليوم اتوقع انهم يحطون موقفي ذا على واجهه المنتدى هههههههه




دمتي بود :

[إشراقـ أمل ـة]

أخوي محمد العتيبي

إحنا نتشرف بمثلك وشرواك

ولكن لابد من ذكر ذلك الموقف اللي قلت عليه بالذات حتى نضحك على الخطأ الذي كدت أن تقع فيه ، أو بالأحرى وقعت فيه وما حد سمى عليك :مزون:...

لا تنسانا وتخلينا بدون أخطاء غير مقصودة :مزون:

يسلمووووووووووووووووووووو

[محمد نايف العتيبي]

والله ماسمى علي غير اللي كان واقف قدامي

لاااااااا الموقف مررره محرج يعني انا تلخبطت في اكثر من كلمه

بس انشالله اذا صارت لي مواقف ثانيه اقولها هههههههه

<< بيحاول يخطي عشان يقولكم


شاكر لك اشراقه

[إشراقـ أمل ـة]

أخوي محمد

متى ما أخطأت تأكد بأننا في انتظارك :مزون:

ولا تنسى تدون الأخطاء في نوته صغيرررررررررررررررة

حتى نشاركك البسمة ...


وإن شاء الله إحنا كمان ماننسى ... :مزون::مزون:

لك مني أعذب تحية

[][aJgJI pJLc][]

مواقفكم رائعه ومظحكة

عاد انا اذكر يوم كنت معزوم على عشا

المهم يوم خلصت قمت والناس كلها ساكته

وبدل ما اقول كثر الله خيركم

قلت>>>> كثر الله عليكم :مزون:

عاد ذيك اللحظة كل جزء من وجهي صار بجهه:مزون:

[][ عبدالعزيز ][]

[aJgJI pJLc][;1777520']
عاد انا اذكر يوم كنت معزوم على عشا

المهم يوم خلصت قمت والناس كلها ساكته

وبدل ما اقول كثر الله خيركم

قلت>>>> كثر الله عليكم :مزون:





ههههههههههههه



أذكر مره كان عندنا عشاء ..


المهم تعشوا الصغار بعد ماتعشوا الكبار ويوم خلصوا الصغار قام يشكّرون (( يعني يقولون كثر الله خيركم,,,,أنعم الله عليكم ... ومن هالدعوات الحلوه ))


واحد من هالمبزره مطفوووووووووووووووق ولسانه متبري منه


يوم قام بغى يقوول (( اأنعم الله عليك يبو فيصل )) قال (( الله يلعن والديك يبو فيصل ))


ابو فيصل أبوي ههههههههههههههههه


صراحه أنا بغيت أبخها ضحك في وجه أبوي بس اشوا مسكت نفسي


والبزر بعد ماقال هالكلمه ماشفنا الا عجه غباره حط رجله


أما أنا لي علاقه حب قووويه مع الاخطاء مستحيل نفارق بعض


الله يخارجنا بس


اشراقه أمل


موضوع رااااااااااااااااااايق تشكرين عليه

[TαlαL]

8
8

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههه

عالموه ذكرتني بواحد من عيال عمي موقف مشابه لموقفك بس طامه بكل ماتعنيه الكلمه

رايح يعزي ناس المهم عزاهم وقعد جا العشا وقام واتعشى يوم قام تخيل وش قال

قالهم داااااااااااااااااايمه :هاها:

رد عليه واحد منهم قال عندكم :مزون:

وموقف ثاني واحد رايح يعزي ناس بيقولهم عظم الله اجركم

قال كبر الله عظمكم :مزون:

[إشراقـ أمل ـة]

أخوي عالم

المواقف الصعبة ماتحدث إلا والناس سكيتي ( ساكته )

ومع عمعمة الهدوء يعلو صوت الإنسان بالأخطاء الفادحة والمضحكة ...:مزون:

ولاتنسانا إذا كان هناك ثمة موقف حدث حديثا ...:مزون:

وحدة من الأقارب ركبت مع تاكسي أجرة وبتقوله

لو سمحت لف مع شارع التقاطع هذاوتشير له

وبدل ماتقول لف مع شارع التقاطع هذا


قالت


لو سمحت لف مع شارع التقاطيع هذا :مزون::مزون: والتقاطيع هي ( أكله مشهورة في الغربيه )

وتقول انكسفت أيما انكساف :11oud9: وهاك ضحك مع البنات في السيارة ...:مزون:

موقف لاتحسد عليه .....

[إشراقـ أمل ـة]

أخوي عبدالعزيز



يوم قام بغى يقوول (( اأنعم الله عليك يبو فيصل )) قال (( الله يلعن والديك يبو فيصل ))

موقف هالولد كثييييييييييييير مضحك به رجه :مزون:

ولاتحرمنا من أخطاءك غير المقصودة حتى تعلو الإبتسامة محيانا :مزون:

[إشراقـ أمل ـة]

أخوي طلال


رايح يعزي ناس المهم عزاهم وقعد جا العشا وقام واتعشى يوم قام تخيل وش قال

قالهم داااااااااااااااااايمه

رد عليه واحد منهم قال عندكم


وش ذا والله موقف مضحك جدا جدا يقطع إبليسه

ملأ بطنه ويبغاها دائمة

بس كان رد الثاني ردا زاجرا له يستاهل :مزون:


وموقف ثاني واحد رايح يعزي ناس بيقولهم عظم الله اجركم

قال كبر الله عظمكم

الله أكبر

ياقوة هذه الكلمة ... عن جد قويه :مزون::مزون:

ألف شكر لك أخوي طلال على المواقف المضحكة ... ونحن طماعون بحاجة

لمثل هذه الأخطاء .... ننتظر المزيد :مزون:

[كلي وفاء]

أختي اشراقه موضوع جدا ً رائع
بذكر لكم من بدلياتي المشهورة لدرجة ان الناس ماعاد يشرهون علي من كثر ما اخلط

1/ مره كانت عندنا عزيمه وناس غرب المهم قالت وحده من الي جالسين بصراحه انتم عندكم برد مرره وانا ماجبت شي وبنتي برد عليها علموني اماكن تبيع جكيتات جيت عاد انا وبلقافه تمشي180 درجه قلت المحل الفلاني يبيع جاطيتات روعه(اقصد جاكيتات):11oud9:.......... بعدها دورو المجلس وشلون قامو يضحكون..
2/ من ذكريات التطبيق في الكليه كنت داخله اشرح وانا خايفه المهم جننتني بنت قمت قومتها وسألتها على طول وحواجبي رافعتها قلت .. عرسي وحدة السعر ؟؟؟؟؟؟؟؟(اقصد عرفي وحدة السعر) :هاها:
دورو الطالبات وشلون ماتوا ضحك:11ctor:
3/وبعد مره من المرات كنت اهاوش وحده قلت لها شوفي ترا انا للحين اكلمك بحترام مو بأدب
وبعدها يقالك بتطنز قلت عليها قلت حدث ولا حجر:خجل:

ههههههههههههههههههههههههه ههههههههههههههههه
ولنا لقاء ثاني:icon_bigg:icon_bigg:icon_bigg

[إشراقـ أمل ـة]

1/ مره كانت عندنا عزيمه وناس غرب المهم قالت وحده من الي جالسين بصراحه انتم عندكم برد مرره وانا ماجبت شي وبنتي برد عليها علموني اماكن تبيع جكيتات جيت عاد انا وبلقافه تمشي180 درجه قلت المحل الفلاني يبيع جاطيتات روعه(اقصد جاكيتات).......... بعدها دورو المجلس وشلون قامو يضحكون..

فشلتي عمرك ... غلطه بريئة ... بس حلوووووووووووه:11umbup:


2/ من ذكريات التطبيق في الكليه كنت داخله اشرح وانا خايفه المهم جننتني بنت قمت قومتها وسألتها على طول وحواجبي رافعتها قلت .. عرسي وحدة السعر ؟؟؟؟؟؟؟؟(اقصد عرفي وحدة السعر)
دورو الطالبات وشلون ماتوا ضحك

صرااااااااااااااااحة تمووووووووووووووووت من الضحك :مزون:


وبعد مره من المرات كنت اهاوش وحده قلت لها شوفي ترا انا للحين اكلمك بحترام مو بأدب
وبعدها يقالك بتطنز قلت عليها قلت حدث ولا حجر

عن جد مواقفك لاتحسدين عليها كلها نايس ...:واو:

وبانتظارك إن شاء الله ...:مزون:

[سعود]

قال جوف هذا ( بندوق صلديه ) ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هههههههههههه

ايوالله صادقه


سديق ورفيق يقول كلااام سيم سيم




طيب انا اذكر واحد من اخواني كان يصلي فينا في رمضان

طبعاً مسجد مش كبير



جالس يدعي بعد صلاة التراويح


يقول


اللهم لا تجعل منا ولا بيننا شقياً ولا مرحومااا <<== يقصد محرومااا


والناس وراه آآآآآآآآآآمين


ههههههههههههه




عبدالعزيز




قال (( الله يلعن والديك يبو فيصل ))


صج ان هالولد جليل خاتمه


ليتك لحقته ياعزوز ثمن عطيته شلووووووووووت



تسلمين اشراقه على هيك موضوع رااااااااااائع بكل المقاييس الدوليه


تحية عطرة

[إشراقـ أمل ـة]

طيب انا اذكر واحد من اخواني كان يصلي فينا في رمضان

طبعاً مسجد مش كبير

جالس يدعي بعد صلاة التراويح

يقول

اللهم لا تجعل منا ولا بيننا شقياً ولا مرحومااا <<== يقصد محرومااا

والناس وراه آآآآآآآآآآمين


تحدث في أحسن العائلات أخوي سعود

مثل اللي يقول اللهم لاتحرمنا من النار ( والعياذ بالله )

والناس يقولون


اااااااااااااااااااامين



تسلمين اشراقه على هيك موضوع رااااااااااائع بكل المقاييس الدوليه

الله يسلمك سعود على المشاركة الرااائعة بكل المقاييس الدولية ...

[مــيــزو]

اشراقه


مموضوع مميز جداً ويعطيك العافيه

وهذي موقفين صارت

الاول / ركب مع واحد من الشباب في السيارة وشال غترته وعقاله والطاقيه

وحطها في المرته اللى ورا وصار شعره حوووسه

وقالي "ميزو عندك فشط والا مرشه في السياره" <<< يقصد مشط والا فرشه

والثاني / هذا طازه قبل كم يوم اتصلت على الوالد لله يحفظها ويطولي بعمرها

وقالت لي وانت جاي اشتر لنا معك خبز و "جلبه عبنه" <<< علبه جبنه



تقبلي مروري






اخوك

مــيــزو

[@الخياله@]

شروووقه

يعطييييييك الف عافيه

على الموضوع

ناااااااايس


بقولك

على اقرب موقف حصل معاي

مع أختي المصون :مزون:

كنت سهرانه معاها الا شوي من كثر النوم اللي فيها

فتحت فمها تتثاوب :هاها:

ونا من نعاسي قلت لها يوووه منك

كم مره قلتلك حطي فمك على يدك لما تتثاوبي ههههههه

أقصد يدك على فمك :هاها:

,
,
,
أختكـ الخياله

[إشراقـ أمل ـة]

مموضوع مميز جداً ويعطيك العافيه

الله يعافيك ميزو


الاول / ركب مع واحد من الشباب في السيارة وشال غترته وعقاله والطاقيه

وحطها في المرته اللى ورا وصار شعره حوووسه

وقالي "ميزو عندك فشط والا مرشه في السياره" <<< يقصد مشط والا فرشه

علامه لخبط بالحكي !!!!!! :مزون:

بيلحق يزين عمره قبل لأحد يناظره :مزون:

موقف نايس :مزون:



والثاني / هذا طازه قبل كم يوم اتصلت على الوالد لله يحفظها ويطولي بعمرها

وقالت لي وانت جاي اشتر لنا معك خبز و "جلبه عبنه" <<< علبه جبنه

الله يخليها لكم ويطول بعمرها يارب


وتشكر ميزو على هالطلة الجميلة ...

[إشراقـ أمل ـة]

كنت سهرانه معاها الا شوي من كثر النوم اللي فيها

فتحت فمها تتثاوب

ونا من نعاسي قلت لها يوووه منك

كم مره قلتلك حطي فمك على يدك لما تتثاوبي ههههههه

أقصد يدك على فمك

الخيالة معذووووووووووورة

هذا من أثر النعاس .:مزون:

المهم ما أحد سمعك غير أختك :مزون:

الخيالة
تشكري على هالموقف اللذيذ جدا

وإن شاء الله تكون اّخر المواقف ...

[لمياء الديوان]

اشراقة أمل

موضوع جميل

وانا اقرأه تذكرت موقف لن انساه ودائما اذكره

وهو ليس خطأ في الكلام بل خطأ في التعبير يعني لما الواحد يقول كلمة او عبارة ليس في محلها فيكون الموقف صعب جدا وخاصة الموقف الذي ساذكره


_____________________________________________

الموقف حصل لما كان العراق يمر بحرب مع ايران وكان شباب العراق يستشهدون في المعارك

جارتنا لها ثلاث اولاد والحادثة وقعت في مجلس عزاء

جارتنا نصبت عزاء في بيتها لان ابنها الكبير استشهد في المعركة

وكنت أنا حاضرة للمجلس جاءت زوجة أخ جارتنا وهي تريد أن تودع ام الشهيد بكلمات تطيب خاطرها فقالت :-

(( ربي يعوده عليك ))

طبعا بدلا من أن تقول : ((أنشاء الله أخر الاحزان))

وأنتبه كل من في المجلس على تلك العبارة وكثير منهم أبتسم لاختيارها هذه الكلمات ومنهم أنا

أما جارتنا الحزينه على ولدها والتي اغاضتها العبارة أجابتها قائلة


(( يعل ربي ما يسمع منج ))


وتفسير عبارة (((( يعل ربي ما يسمع منج )) يا ليت ربي لا يسمع دعائك

أصبروا السالفة الى الان لم تنتهي ........................

ولم يمضي سوى ثلاث أسابيع ألا وجارتنا جابو لها ابنها الثاني شهيد من المعركة

فلما سمعت بأبنها تركت كل المواضيع وكل ما أصابها وقالت :

(( يعلج ما تربحين يا نجاة أنتي الي دعيتي على أولادي ))

أكيد عرفتوا من نجاة - زوجة أخوها الي قالت لها في المرة السابقة

(( ربي يعوده عليج )) وأخذت تردد هذه العبارة معتقده أن سبب موت ولدها دعاء نجاة على اولادها

اصبروا علي لم تنتهي القصة

ولم يمضي شهران الا وجاؤوا بأبنها الثالث وكان اصغرهم شهيد ...................


وأنتم أكملوا نهاية القصه أكيد عرفتوا جارتنا ماذا قالت بحق نجاة

وختاما أقول لكم الى الان جارتنا مقاطعة نجاة التي لا ذنب لها سوى أنها أختارت عبارة خطأ




أرجوا أن أكون قد أضفت للموضوع شيء يزيد حلاوته

[إشراقـ أمل ـة]

أختي الغالية / لمياء الديوان

زادك الله تشريفا وعلما ونفع بك خلقا كثيرا ...

قصة حزينة لكن لله درك ياأم الشهداء يا أم الأبطال ... فعلا الله عليك ....

جعلتيني أتفاعل مع القصة رغم مرارتها ... ولكن ماذنبها .... غلطة في التعبير غير مقصودة :زعلان:


وأنتم أكملوا نهاية القصه أكيد عرفتوا جارتنا ماذا قالت بحق نجاة

النهاية معروفة ومأساويه بالتأكيييييييييييد :زعلان:


وختاما أقول لكم الى الان جارتنا مقاطعة نجاة التي لا ذنب لها سوى أنها أختارت عبارة خطأ

لا حول ولا قوة إلا بالله ... ليه كدا بس ياأم الشهيييييد



أرجوا أن أكون قد أضفت للموضوع شيء يزيد حلاوته

حياك الله في متصفحي الذي طرب طربا شديدا لطلتك الحلوة ..

دمت بود ...

[حــنــيــن]

لمياء..

يؤ..ياربي..ياحياتي هم الثنتين..<<خنقتها العبره..

شرووووووووووقه..

جبت لك شي هع..

مره من زود الحظ متهاوشين انا واختي..المهم اسولف على امي عن صوت سمعته..

أنا..والله خفت كأنها فناجر يتقنبلن(قنابل يتفجرن)خخخخخخخخخخخخخخ

تعالي دوري اختي وواك وااك مسكتها علي..

وبصصصصصصصصصصصصصصصصص

[إشراقـ أمل ـة]

مره من زود الحظ متهاوشين انا واختي..المهم اسولف على امي عن صوت سمعته..

أنا..والله خفت كأنها فناجر يتقنبلن(قنابل يتفجرن)خخخخخخخخخخخخخخ

حنو

حلوووووووووووووووووووه يابنت :مزون:

وأنا شروووقه أناظر لزميلتي قالت خلوني أكمل كمالي ( قصدها أكمل كلامي ) قلت لحظة وش قلتي خليني أكتبه وسجلته وهاهو هنا ... وقعدت تضحك والباقيات يضحكن ..:مزون:

[الدكتورة حياة]

ههههههههههههههههههههههههه ههههههههههههههههههههههههه ههههههههههههههههههههههههه هههههههه الموضوع فله

هذي خالتي دايم تردد المثل من راقب الناس ماتهنى هههههههههههههه
ياخالة المثل من راقب الناس مات هما بس لاحياة لمن تنادي

ومرة اختي نزلناها في بيت خالي وكنا بنسافر ولما نزلت قالت اذا اتصلتوا وصلوا تقصد اذا وصلتوا اتصلوا

كمان هذي سالفه لبنت عمي كانت بتودع خالتها اللي بتسافر وتطول وهي تسلم عليها عشان تودعها قالت كيف الحال بدل كلمة مع السلامه

[إشراقـ أمل ـة]

ومرة اختي نزلناها في بيت خالي وكنا بنسافر ولما نزلت قالت اذا اتصلتوا وصلوا تقصد اذا وصلتوا اتصلوا

حلوه أستاذة حياة لأن حرف الصاد مكرر غصب تغلط ..


كمان هذي سالفه لبنت عمي كانت بتودع خالتها اللي بتسافر وتطول وهي تسلم عليها عشان تودعها قالت كيف الحال بدل كلمة مع السلامه

هذا سببه الحزن لفراق الخاله ...

يسلموووووووووو أستاذة / حياة

ماننحرم منك

[* فـهـدهـ *]

كنت في إجتماع واستأذن واحد وتكلم وعلى بالي أبثني عليه ماحد قدي قلت له وأنا متحمس

محلك في كلامه يعني كلامك في محله ...

مرة واحد أتصل يعزيني في الوالد رحمه الله وكان متأخر في التعزيه ومتحمس وحزن نفسه

حبتين فقال لي أخوي قلت سم قال كل عام وانت بخير



ومرة أتصل واحد يعزيني في الوالد فقال لي عظم الله أجرك قلت له عقبالك طبعا أخطأت من

شدة الحزن

















ههههههههههههههههههههههههه ههههههههههههههههههههههههه ههههههههههههههههههههههههه ههههههههه

بطني

يمغصني ضحكا


ياربيييييييييييييييه

ههههههههههههههههههههههههه هههههههههههههههههه

والله كثير ماتصير

واول موقف جا على بالي خخخخخخخخخ

مره وانا صغيره حول عمري 11 سنه
كانت امي بتروح لسوق البسطه اللي جمب الحاره يسمونه سوق الخميس هع

المهم

وانا كنت توي صاحيه من النوم
ولاشفتها الا لابسه عباتها واقوم البس كابي>>كح كح والكشه مامشطتها

والحقها الا واناديها يمه يممممممممه
قالت بسم الله وش مجيبتس قلت شفتتس وجيت
لفت علي وشافت كشتي وزمرررررررت بكل صوتها

وجعه تشيلس روحي مشطي< كستس >هههههههههههههههههه:هاها:

طبعا روحي مشطي كشتك

عاد دوروني وقتها اضحك مدري بيجيني كف الا واشوى امي جلست على عتبة الجيران من كثر ماهي ضحكت :مزون:

بس
:مزون:

والموضوع حبتين والله

[إشراقـ أمل ـة]

كنت في إجتماع واستأذن واحد وتكلم وعلى بالي أبثني عليه ماحد قدي قلت له وأنا متحمس

محلك في كلامه يعني كلامك في محله ...

تحدث كثيرا وياما صدنا أمثالها الكثير ..:مزون:


مرة واحد أتصل يعزيني في الوالد رحمه الله وكان متأخر في التعزيه ومتحمس وحزن نفسه

حبتين فقال لي أخوي قلت سم قال كل عام وانت بخير



ومرة أتصل واحد يعزيني في الوالد فقال لي عظم الله أجرك قلت له عقبالك طبعا أخطأت من

شدة الحزن

هذا يحدث كثيرا كثيرا جدا ...:مزون:


مره وانا صغيره حول عمري 11 سنه
كانت امي بتروح لسوق البسطه اللي جمب الحاره يسمونه سوق الخميس هع

المهم

وانا كنت توي صاحيه من النوم
ولاشفتها الا لابسه عباتها واقوم البس كابي>>كح كح والكشه مامشطتها

والحقها الا واناديها يمه يممممممممه
قالت بسم الله وش مجيبتس قلت شفتتس وجيت
لفت علي وشافت كشتي وزمرررررررت بكل صوتها

وجعه تشيلس روحي مشطي< كستس >هههههههههههههههههه

طبعا روحي مشطي كشتك

عاد دوروني وقتها اضحك مدري بيجيني كف الا واشوى امي جلست على عتبة الجيران من كثر ماهي ضحكت

يافشيلتك يابنت بين الناس ..

أهكذا تذهبين بشوشه منكوشه ؟؟؟:مزون:

أختي فهده

مواقفك كلها تقطر عسلا لروعتها

سعدت بمواقفك الجميلة

ولا تحرمينا من طلتك الرائعة ...

[الجرح أرحم]

ومرة أتصل واحد يعزيني في الوالد فقال لي عظم الله أجرك قلت له عقبالك طبعا أخطأت من

شدة الحزن

والله حلوووووووووووووووه
مشكوره
تقبلي مروري

[إشراقـ أمل ـة]

الجرح ألم

بعض الأخطاء تخرج هكذا من غير قصد وفي هذه الحالة معذور والكل يعرف هذا ...

مشكور أخوي الجرح ألم

ولك مني جزيل الشكر

[المرهــف]

شرووقه
.
.
جبتيها ع الجرح

من هالناحيه بالنسبه

لي حدثي ولا حرج نبدا على بركة الله

يوم انا والشباب قعدنا نتشاور وش نتعشى قلت لهم بنروح خواية الشليج ( شواية الخليج )

وكمان في مرة كنت اكلم واحد قلت له نسوتي فلستها ( فلوسي نسيتها )

وبالدوام كنت بكتب قلت لزميلي لو سمحت عطيني الكلم ( القلم )

وهذا خطا بالفعل مش بالكلام يوم كنت نايم دق جوالي صحيت مسكت الجوال بيدي اليمين ومسكت ريموت التلفزيون بيدي اليسار ووجهت الريموت على الابجورة اللي كانت شغاله
وقاعد اضغط بالريموت منتظرها تطفي تخيلو كل هالحوسه عشان ارد ع الجوال

هذا مالدينا والقادم احلى

ولاتنسون تقولون الله لايبلانا

:هاها:
×××××
سااانكيو
على هيك
فزااااايح
.
.
مودتي

:11ROB:

[إشراقـ أمل ـة]

يوم انا والشباب قعدنا نتشاور وش نتعشى قلت لهم بنروح خواية الشليج ( شواية الخليج )

ماقدرت أنطقها صعبة ما أدري يالمرهف كيف نطقتها.. هذه لغة يديده علينا مرهفوه ... هذا من أثر الجوع القارص مع البرد اللادغ ... تعيش وتغلط غيرها اّسفه تعيش وماتغلط غيرها ..


وكمان في مرة كنت اكلم واحد قلت له نسوتي فلستها ( فلوسي نسيتها )

روووووووووووعه تهبل ونطقها بالحييييييييل صعب .. على كذا أخطاءك كثيره مرهف ..:11utup:


وبالدوام كنت بكتب قلت لزميلي لو سمحت عطيني الكلم ( القلم )

هذه أهون من اللي فوق اللي أصابتني بهستيريا حاده من الضحك ..:مزون::مزون:


وهذا خطا بالفعل مش بالكلام يوم كنت نايم دق جوالي صحيت مسكت الجوال بيدي اليمين ومسكت ريموت التلفزيون بيدي اليسار ووجهت الريموت على الابجورة اللي كانت شغاله
وقاعد اضغط بالريموت منتظرها تطفي تخيلو كل هالحوسه عشان ارد ع الجوال

النوم ماسمعت عنه إنه سلطان ..:مزون:

حووووووووووووووووووووسه على حساب المسيكين اللي قاعد على الجوال ينتظرك وأنت حضرتك قاعد عم تضغط في الريموت ... :مزون:

بس كل أخطاءك غير المقصوده رهيييييييييييييييييييبه ...

شكرا المرهف على هذه المواقف عن جد مضحكة ....