استفسار ياهل الخبره .. عسى ربي يجزاكم خير ويرزقكم

[تاجر مواشي]

اغنام - ابل - دواجن - طيور


استفسار ياهل الخبره .. عسى ربي يجزاكم خير ويرزقكم (http://www.aghnam.com.sa/vb/showthread.php?t=347437)


السلام عليكم ,,

اخواني انا امس شريت حمام من القصيم ونقلته للرياض وبما ان محاكيكم عليمي في الحمام اطلب فزعتكم ومشورتكم

بعض الشباب اعطوني نصايح وماقصروا لكن ودنا نتزود منكم اكثر ..

اليوم بديت وعطيت الحمام بروفاسيكلين يقول البيطري انه مضاد حيوي مفيد لتغير الجو ومقوي للمناعه وقال عطه لمدة 4 ايام ..! هل منكم احد جرب المضاد هذا وهل هو زين ؟

وودي اسالكم بعد الاربعه ايام هذي وش اعطي الحمام من التحصينات وكم المقدار ؟

بخصوص الطعام بسألكم هل افضل احط الطعام في معالف والا انثره بالارض ؟ واذا المعالف احسن هل هي تضر منقار الحمام بما ان المعالف حديد والا عادي؟

راعي الحمام الاول يقول انه يطعم اراسكو وانا بستمر عليه لكن تنصحوني احط معه شي ثاني والا ابقى على الاراسكو ؟

كم الطعام اللي يحتاجه الحمام يومي اذا قلنا ان العدد 200 حمامه نوع زاجل ؟ وهل اعطيهن على قدهن كل يوم والا عادي اعطيهن زود ومايضرهن ؟


ادري طولت عليكم بالاسئله والاستفسارات لكن والله محتاجها وماعندي خبره في تربية الحمام ,,

وعسى ربي يبارك لكل من يفيدني بمعلومه ويرزقه من واسع فضله ويجزاه خير

المصدر: منـتـديات أغـــنـام (http://www.aghnam.com.sa/vb) - من قسم: *ساحة بيع وشراء الـحمـــام الـزاجــل (http://www.aghnam.com.sa/vb/forumdisplay.php?f=193)


hsjtshv dhig hgofvi >> usn vfd d[.h;l odv ,dv.r;l