استاذي عباث تقدم لا هنت

[شلعان الدوسري]

بسم الله الرحمن الرحيم

الأخ العزيز : عباث

و دنا نلعب معك و لا عليك أمر

أستلم :



في غرابيل المكارم في غرابيل الجميله = يا سلام الله سلامٍ ريحته هيلٍ و بنا
وين عباث المسمى راعي اليمنى الطويله = ورَد اجمالك تقدم يوم وردنَا جملنا

[ماجد الرويس]

الله الله

ياسلام

يامرحبا والله ياشلعان ويشرفني المحاروة معك وانت الاستاذ

دقايق وجايك يالذيب

[ماجد الرويس]

في غرابيل القصايد مرحبابك يالدليله=واستعنا في عزيز الجاه ربي واتكلنا
صاحبك ماجود ياشلعان ياراع الكحيلة=هات علمك ياوسيع العرف يازبن المجنا

[سمو الذات]

السلام عليكم

شلعان الدوسري
بيض الله وجهك على المبدا الكايف وصح السانك

عباااااث
الله عليك ياعباث رد ولا اروع
صح السانك يا عباث

متابعين ومستانسين وازهلو الصفين

تقديري
سمو الذات

[ناصر الجلاه]

..

شلعان الدوسري

..

وعبااااث

..

الله الله

صحت السنتكم يالاخوان .. متابعين لكم

واصلوووووووووا

..

[ماجد الرويس]

السلام عليكم

شلعان الدوسري
بيض الله وجهك على المبدا الكايف وصح السانك

عباااااث
الله عليك ياعباث رد ولا اروع
صح السانك يا عباث

متابعين ومستانسين وازهلو الصفين

تقديري
سمو الذات



وعليكم السلام

هلا وغلا وصح بدنك والاروع حضورك ومتابعتك تسعدنا يالغالي

تحياتي.

[ماجد الرويس]

..

شلعان الدوسري

..

وعبااااث

..

الله الله

صحت السنتكم يالاخوان .. متابعين لكم

واصلوووووووووا

..

هلا وغلا ياناصر صح بدنك يالغالي ومتابعتك تسعدنا يالغالي

تحياتي.

[شلعان الدوسري]

مرحبا و الله يا عباث

و حي الله الحضور كلهم

و أنا آسف على التأخير

[شلعان الدوسري]

كل رجالٍ على ما قيل ينتج من حصيله = يا عسى الجزله نصيب الطيبين أنتم و حنا
بنت أبو زيد الهلالي حملها من هو يشيله = قد لها مده تصيح و قد لها مده تونا

[شلعان الدوسري]

سمو الذات

ناصر الجلاه

حياكم الله و يا هلا

نورتوا الملعبه بتواجدكم

[ماجد الرويس]

الله الله


انت مجهودك ترى محسوب وتجيب الجزيلة=عنك ياشلعان مانقصر طاوريقً تغنا
ياعميلي ياعميلي كل حملً نرتكيلة=بنت ابو زيد الهلالي جالها منهو تمنا

[شلعان الدوسري]

العذر من الله ثم منك يا عباث

و الله أني انشغلت و خرجت

تحياتي

[ماجد الرويس]

هلا والله يالذيب لاتعذر ولاا شي يالغالي الدعوة وناسه وسعة صدر ولاحقين خير

يالذيب

تحياتي

[شلعان الدوسري]

راعي المعروف يا عباث ما يجزى رذيله = نحمد الله ما نغير سلمنا و اسلوم اهلنا
و الله أنك كفو دايم ترتكي للي ثقيله = البنيه ودها مثل الزلامي و المعنا

[شلعان الدوسري]

الله لا يهينك يا عباث

اي و الله لاحقين خير

خص ليا لعبنا مع شرواك هذا اكبر شرف

[ماجد الرويس]

ماعليكم زود ياشلعان نعمً بالقبيلة=مير لاتحلق شكه مير لايلحق ظنا
بنت ابو زيد الهلالي للزلامي تنحنيلة=لاتقارن عاشقً توه بدى عشقة وفنا

[سمو الذات]

ماعليكم زود ياشلعان نعمً بالقبيلة=مير لاتحلق شكه مير لايلحق ظنا
بنت ابو زيد الهلالي للزلامي تنحنيلة=لاتقارن عاشقً توه بدى عشقة وفنا

الله الله متابعين ومستانسين يالعملاقين

اخوي عباث تعديل املائي بسيط بس


ماعليكم زود ياشلعان نعمً بالقبيلة=مير لاتحلقك شكه مير لايلحقك ظنا
بنت ابو زيد الهلالي للزلامي تنحنيلة=لاتقارن عاشقً توه بدى عشقة وفنا

[شلعان الدوسري]

يا عريب الساس نعمينٍ ترى فيكم قليله = ما نشكك في رجال الطيب و الرمح المطنا
كل جزلٍ يا عميل الخير هيَا تنتمي له = من تعلا يا وسيع العرف عكس اللي تدنا

[ماجد الرويس]

الله الله متابعين ومستانسين يالعملاقين

اخوي عباث تعديل املائي بسيط بس


ماعليكم زود ياشلعان نعمً بالقبيلة=مير لاتحلقك شكه مير لايلحقك ظنا
بنت ابو زيد الهلالي للزلامي تنحنيلة=لاتقارن عاشقً توه بدى عشقة وفنا

هههههههههههههههه

ماقصرت ياسمو الذات بيض الله وجهك

لاتوخذني ياشلعان سهران ماشوف الاحرف زين

[ماجد الرويس]

يا عريب الساس نعمينٍ ترى فيكم قليله = ما نشكك في رجال الطيب و الرمح المطنا
كل جزلٍ يا عميل الخير هيَا تنتمي له = من تعلا يا وسيع العرف عكس اللي تدنا


يالدواسر شاعرك مدري يجيب المستحيلة=ليت والله يرفع البيرق يجيبه في وطنا
هل خفاك ان العتيبي شاعرً رام الطويلة؟=يوم بعض الناس ياشلعان في غيه تعنا

[شلعان الدوسري]

شاعر اربوعي ترى ما فيه يا عباث حيله = شاعرٍ لاجاء لزومه يا العتيبي ما تونا
ما نققل فالنشاما وكل براقٍ نخيله = نحمد الله حن هل ابيوتٍ على العليا تبنا

[ماجد الرويس]

لو يجيبه قلت شاعر معتبر مافي مثيلة=لويجيبه نذبح الحاشي واحطه في صحنا
ان بغيت امن العسل وانكان بتغا الحنظليلة=انت ذقت امن العسل والثانيه يمك تثنا

[شلعان الدوسري]

بذن رب الكون تعرف من هي الخيل الأصيله = نفتخر لا صار منكم نفتخر لا صار منا
لا ينوش الزند يا عباث من راس الفتيله = كان عندك سيفٍ أملح عندنا سيفٍ مثنا


و الختام عندك يا استاذي القدير

و تشرفنا با اللعب معك يا القرم

كل التقدير و الاحترام

[ماجد الرويس]

هههههههههههه

الله الله صح لسانك ومابعد ردك رد يالغالي

وتشرفت بالمحاروة معك يالغالي

تحياتي لك يالذيب

[سمو الذات]

اي بالله هذي المحاورة السنعه من شاعرين متمكنين
مو مثل المحاورات اللي من شاعر واحد فقط هههههههههههه

صح الله لساناتكم :) وبيض الله وجيهكم

تقديري