][][لبيك اللهم لبيك][][

[سعيد بن يحيى الزهراني]

الحج خامس ركن والناس يدرون =فرضًاعلى المسلم وربي حسيبه
أول ليالي الحج بمنى يباتون=الثامن من الحج يوم ابتدي به
خمسة فروضٍ في منى هم يصلون=ومع شروق الشمس شد الحقيبه
عرفات فيها الحج يمّها يسيرون= في زحمة الحجاج ماهي قريبه
الظهر ويالعصرصلوا ويدعون=ومع غروب الشمس وش تالمصيبه
دعسِ ورفسِ كِن ماجويحجون =واحترت أنا بالحج من بعتني به
كلهم على مزدلفه يبغويروحون =والي اندعس والله ماحدٍ دري به
في وسط مزدلفة خذ العلم مضمون =ومع الفلبن معركتنا عجيبه
وأعطيته المقسوم من دون قانون =والحجة تستغفر على ماجري به
فرضين صلوها وراحوا يجمعون =بعض الحصى لرمي ماهي صعيبه
في طلبت الرحمن يومِ يلبون =والكل يدعي عسى الله يجيبه
والصبح على الجمرات والقصد يرمون=في زحمةٍ صارت ترآها مريبه
يرمون سبع من الحصى ثم يحلقون=ويشلواالإحرام ماحد مشيبه
من عقبها ركنٍ عليهم يطوفون=والسعي قد صارت علومه غريبه
بعد السعي من حيث ماجويعودون=يوفون باقي الحج ماينتهي به
باقي لهم يومين بمنى يباتون=يومين فيها الرمي لازم يفي به
في حجتي قد ذقت مرٍ وطاعون =واصبحت من الزحمات حالي تعيبه
في اليوم الآخر شفت ظبيَابلا قرون=حتى بوصف الشعر ماينحكي به

[جواهر عبدالله]

سعيد الزهراني

حج مبرور ، وسعي مشكور

والحمد لله على السلامة ..

[مضحي السميري]

سعيد


صح لسانك


ولاهنت


وكل عام وانت بخير

[محمد الروقي]

ابو سعداااااا


صح لسااااااااااااااااااااانك الى رضاك


والتريلات الليله معطله بس ابي ارسلك دادسن ند وورد

[النوري]

هكذا الشعر يبقى شامخا حين يترجم مشاعر تشرق بالروحانية
فعذب الحرف يبقى..ويهنئ به كل من راق له رقي الإحساس

.

شكروتقدير,,

وكل عام وانتم الي الله أقرب

[ناعمة]

,
,
شاعر زمانه
صح قلبك وفكرك
وتسلم

,
,
كونوا بخير

[نايفة شمر]

الشاعر / سعيد

هذه القصيدة ذات بحر بسيط وقافية سهلة ومع ذلك فأبياتها متعسرة جدا
اتمنى منك فقط الاهتمام الفعلي بكل ماتنشرة على صفحات الانترنت فهو عائد لك بكل تاكيد
وايضا يجب ان تعيد النظر في البيت الاخير فهذه قصيدة تتكلم عن اطهر بقاع الارض وليست سوق للنظر والغزل .

اعتذ رعن النقل الى هنا وننتظرك في الاجمل

[أمل عبدالعزيز]

,
,

سلمت يمينك ياالزعيمة

سعيد الزهراني:

يبقى الشعر ذو لون راقي وطابع جميل
وبصدق هذه القصيدة فيها من الثقل مالله به عليم ولو قلت كسر فأنا لست مخطئة
رغم أن هذاالبحر يسمى حمار الشعراء لسهولة امتطائه ولكن أنت هنا لم تعطيه حقّه
أضف لذلك البيت الأخير العجيب الغريب؟ معنى ووزن وكل شيء!!!

والله لو أنتقد من الحين إلى بكرة ماوفيت القصيدة نقد بس ننتظرك في الأجمل..
.
ياشاعرنا العزيز..
.

[محمد نايف العتيبي]

شاكر لللاخوات الشاعرات : الزعيمه , امل

اللذين تابعوا القصيده وابدوا رايهم بدون مجامله كما رئيت

فالمجامله في بعض الامور مثل الشعر تضر الشاعر نفسه وتسي للشعر بشكل عام

لا اطيل عليكم تعقيبا ً على كلام استاذتي الشعر الزعيمه و امل

انا لا اجد شعر نبطي مقفى وموزون في هذه القصيده الا البيت الاول :

الحج خامس ركن والنـاس يـدرون
فرضًاعلى المسلـم وربـي حسيبـه


اما باقي الابيات اعتقد انها متعسره الى حد الكسور في بعض الابيات .


اخوي : سعيد الزهراني

اتمنى قبول ملاحضاتي بسعه صدر لان ( الشعر ليس للمجامله ) هذه عباره اقتدي بها .

بالتوفيق اخوي سعيد وماحد خلق شاعر .





محمد العتيبي

[دفا المشاعر]

القصيدة والله لم أقرأها إلا تو ؟!

أخي في الله /

سعيد الزهراني

هالقصيدة غير موفقة مع احترامي الشديد لك

والإجابة مثلما أجابوا من هم قبلي

باركَ الله فيهم

بننتظر القادم الأجمل و الأفضل

من حيث المعنى والوزن

فالشعر وزن وقافية ومعنى :)

ومشكورة أختي الزعيمة على نقلك الموفق

باركَ الله فيك

ودي وتقديري

[سعيد بن يحيى الزهراني]

الزعيمة
أمل عبدالعزيز
دفا المشاعر
اذا انتم ما تعرفون تقرون مو ذنبي
ذنب المدرسه اللى خرجتكم

[نياف العتيبي]

ابو يحيي

عيدك مبارك ,, وتقبل الله منك حجك ,, وحج مبرور وسعي مشكور باذن الله

اتمنى ان يتسع صدرك للجميع وان نرتقي بالردود

فالاختلاف لايفسد للود قضيه

قرأت القصيده اخي سعيد

واتفق مع الاخت امل بان بها من الثقل الشيء الكثير


أول ليالـي الحـج بمنـى يبـاتـون

عرفات فيها الحـج يمّهـا يسيـرون

دعـسِ ورفـسِ كِـن ماجويحجـون


كلهم علـى مزدلفـه يبغويروحـون

فرضين صلوهـا وراحـوا يجمعـون

بعض الحصى لرمي ماهـي صعيبـه

والكـل يدعـي عسـى الله يجيـبـه

والصبح على الجمرات والقصد يرمون



في اليوم الآخر شفت ظبيَابلا قـرون
حتى بوصف الشعـر ماينحكـي بـه

ابويحيي هالبيت يعتبر نشاز في كل شي ء من حيث وضعه فالقصيده ماله رابط

مع الابيات السابقه له كذلك معناه نشاز القصيده عن ركن فضيل وفي مكان فضيل

وايام فضيله وهو جاي عرض جعلك تحيا ,,

نطمح منك بالاجمل ,, ونطمح بان يتسع صدرك لنا جميعا ً

وترى اخوك هو من حرر ردك السابق ,,,, لاني رأيت بانه لاداعي لما كتبت

وتقبل ود اخوك

النااايف