منور مطلوب للعداله ههههههه [الأرشيف]

محمد نايف العتيبي

23-12-2007, 01:52 AM

الله يكفيني شرك يامنور هههههه

الي الشرف باللعب معك طال عمرك واعتبرها مغامره لاكن يبا الله يعين :

اقرب يامنور وانت شاعر وشغموم=شاعر بحر تقطف جزال المعاني
واظن تعرف ماقصدته ومفهوم=من هاجسي يطلع وينطق لساني

تقبل الود :

محمد العتيبي

منور العوني

23-12-2007, 02:31 AM

يامرحبا والله يالذيب

والمعذره ماشفت موضوعك الا اللحين وانا داخل للمحاوره بالصدفه

دقايق وعسانا نتجمل معك يامحمد

منور العوني

23-12-2007, 02:35 AM

جيتك ولك عندي يابن مشيب علوم=علوم جزله والمعاني سماني
البحر فيه الموت والعالم تعوم=كلن يعرف القصد قاصي وداني

ناصر الشيباني

23-12-2007, 02:45 AM

الله الله

هذي المحاوره اللي انتظرها من مده طووويله

واصلوو وحنا متابعين

ابداع في ابداع

بس قبل امشي محمد انتبه لأذن منور الثانيه لاتقطعها

ترى مامعه غيرها

هههههههههههههههههههه

تقبلوو الوود

منور العوني

23-12-2007, 02:51 AM

هذا وش مقومه اخر الليل الله .. يحييه

انا ومحمد نتصافا انت اطلع منها بس يابو كمونيه

ههههههههههههههههههههههههه هههه

سلم

محمد نايف العتيبي

23-12-2007, 02:58 AM

ياسلام ياسلام

هاستلم استلم

هات العلوم وياعسى عمرك يدوم=والليل قدم وكل شي ٍ يباني
مدام عندك علم لاتكثر الحوم=بده وانا يامنور الله عطاني

محمد نايف العتيبي

23-12-2007, 03:00 AM

هههههههههههههههههه

ناصر حياك الله نورت المتصفح يالذيب

والله يفكني منكم يالشعار

واذن منور ازهلها ههههههههه

تبي شلوطه ولا اسم خبر ههههههههههه

<< وش عنده حبيب العازمي

تقبل الود :

منور العوني

23-12-2007, 03:19 AM

اشوفك انت وأبّن عمك مع نجوم=معكم قمر ماهو سهيل اليماني
يبغا يحضر الدرس والدرس معلوم=فهمته الموضوع لكن عصاني

منور العوني

23-12-2007, 03:26 AM

اي ذيب يامحمد الله يهديك

الذيب فالقليب يامحمد

ههههههههههههههههههههههههه

الظاهر ماعرفته على حقيقته ):

محمد نايف العتيبي

23-12-2007, 03:32 AM

اشوفك انت وأبّن عمك مع نجوم=معكم قمر ماهو سهيل اليماني
يبغا يحضر الدرس والدرس معلوم=فهمته الموضوع لكن عصاني

ياسلام ياسلام

استـلم :

انا وبن عمي رياجيل ٍ قروم=والعلم بين لا تظن يخفاني
الدرس خله مالنا فيه ملزوم=وعمر العشر مايوم جت لك ثماني

محمد نايف العتيبي

23-12-2007, 03:35 AM

ههههههههههههههههه

منور عاد انتم ادرى ببعض

والله الضاهر اني جيت بين اثنين ٍ ابراي لله منهم ههههههههههه

<< على ماقال جدي ( ابراي لله )

حياك الله يامنور يشهد الله ان لك معزه يالغالي والدعوه بطلع شوي عن جو النظم

ومثلك يشرفني اللعب معه

منور العوني

23-12-2007, 03:53 AM

وانا ماقلت انك وابن عمك رخوم=الظاهر انك للقشر اتحداني
ماهو بسر وعننا صار مكتوم=لو ان ماودك ولاهو يداني

منور العوني

23-12-2007, 03:57 AM

الله يشرف مقدارك يامحمد واللعب معك مكسب لاي شاعر

واما بالنسبه لناصر فعلاجه عندي وهو خابر

هههههههههههههههههههه

محمد نايف العتيبي

23-12-2007, 04:07 AM

وانا ماقلت انك وابن عمك رخوم=الظاهر انك للقشر اتحداني
ماهو بسر وعننا صار مكتوم=لو ان ماودك ولاهو يداني
الله الله

استلم :

وانا بعد ماقلت غلطان محشوم=بس انت تبغاها ياراع المواني
ان كان تبغى للقشر جاك مقسوم=وان كان تبغى الخير بجيك عاني

محمد الدهمشي

23-12-2007, 04:16 AM

محاوره رائعه واصلوا وتراني
بصفك يامنور وانت ماقصرت ياما وقفت بصفي
(ابوراشد سابقا)

محمد نايف العتيبي

23-12-2007, 04:18 AM

ياجعلك تسلم يالذيب لا خلا ولا عدم

وناصر عندك مالي شغل فيك انت وياه ههههههههه

<< يقول وين الله طرحني عند شعار المحاوره كانت قعدت فالنظم ههههههههه

محمد نايف العتيبي

23-12-2007, 04:20 AM

محمد الدهمشي

هلا وغلا

نورت المتصفح بمرورك

صح بدنك

دمت بخير

محمد نايف العتيبي

23-12-2007, 04:21 AM

منور يالغالي استاذنك النوم سلطان

سلطان ولا ناصر ههههههههه <<< مهذري

بس لنا تكمله انشالله

منور العوني

23-12-2007, 04:22 AM

ماودنا فيها لو القلب مغروم=وانته تعاني ضمن ناسً تعاني
العقل عن بعض الحكي دايم يشوم=نبا نتسلى معك والعمر فاني

منور العوني

23-12-2007, 04:24 AM

نو العوافي والفراش الدافي يامحمد

وتصبح على خير

منور العوني

23-12-2007, 04:27 AM

الشاعر الكبير

ابو راشد

يامرحبا والله

وين الغيبات

ابرك الساعات اللي جابتك هنا

وانت اللي تجي محلي وانا اللي امسك الصف يابو راشد

محمد نايف العتيبي

24-12-2007, 01:09 AM

:

ماودك انته لاكن الشاهد وسوم=اوسوم يامنور من اقرب خواني
والفعل واضح بين وفيك مختوم=وناصر يوصيني بقطع الاذاني

ههههههههههه الله يرجك يامنور انت وخويك ناصر

منور صح لسااااااااااانك مليووون يالذيب ولي الشرف اني اغامر استاذ لي فالمحاوره

وبوصي ناصر يحب لي خشمك يالذيب والعذر كان قصرنا ولا غلطنا .

هذي محاوله شعريه وعيديه في نفس الوقت ههههههه

دمــت بــخــيــر

محمد العتيبي

ماجد الرويس

24-12-2007, 01:16 AM

الله الله

صح السانكم جميعا ....مبدعين وانا في صف محمد ضد المجرم منور

والصف دبل يابو حميد

تحياتي

منور العوني

24-12-2007, 01:20 AM

استلم ياطويل العمر

انا ما اخاوي غير رجلً وزيزوم=وناصر خويي احشمه لا نصاني
يدري على شانه انا اطيح وآقوم=واصد عنه القوم لامن نخاني

منور العوني

24-12-2007, 01:23 AM

صح بدنك يامحمد

الشرف لي طال عمرك
واللعب معك والله ما ينمل منه

ونصيحه

ناصر لا تسمع كلامه ترى بيوديك في داهيه

ههههههههههههههههههههههههه هه

منور العوني

24-12-2007, 01:26 AM

عباث

صح بدنك

وانت زعيم المجرمين فالمنتدى

هههههههههههههههههههه

محمد نايف العتيبي

24-12-2007, 01:33 AM

واصد عنه القوم لامن نخاني

الله الله كفوووو يامنور

الله يسلمك يالذيب

دمت بخير

محمد نايف العتيبي

24-12-2007, 01:35 AM

عباث :

صح لسانك ولاهنت طال عمرك

والصف عامر يالغالي

وانا ومنور فالحال واحد

دمت بخير

منور العوني

24-12-2007, 01:39 AM

ماعليك زود يا بو حميد

وتصبح على خير

معيوف الدوسري

25-12-2007, 02:58 AM

يا شاعر مانبي مدح بينكم مادحكم الله

اليل اليل اليل

يا معنى يا هجاد

عاشو محمد ومنور

منور ازهل صفك لاكن البرد سرى علي ياخوك هات الفروه

محمد نايف العتيبي

25-12-2007, 03:44 AM

معيوف الدوسري :

حياك الله نورت المتصفح بمرورك

انا ومنور مابيننا هجاد يالغالي الدعوه لعب بين اثنين معناهم واضح وبينهم

ومرورك شرف لنا طال عمرك

تقبل الود :

اخوكـ

ربح السبيعي

25-12-2007, 06:34 AM

محمد العتيبي ومنور العوني

صحت السنتكم ولاهنتو

محمد نايف العتيبي

25-12-2007, 07:40 AM

الغالي ربح السبيعي

صح بدنك

ومرورك شرف لنا طال عمرك

دمت بخير

محمد العتيبي