الشاعر الطارف سداد ..................

[عبدالرزاق الشمري]

مرحبا ترحيبة ٍ تمشي على الدفع الرباعي = قلتها لاخواني الشعار في عيد الضحيه

الحقايق ماتزعّل واحد ٍ له قلب واعي = والحقيقه واضحه للناس والنيه مطيه

[ماجد الرويس]

البقا ثم البقا ياراعي النقل الجماعي=موتره دفعً رباعي يشبعه صبح وعشية
لاتضيق ابك الدروب ولااتضيق ابك المساعي=هات علمك يافتى شمر وسوق الشاذلية

[عبدالرزاق الشمري]

انته اسمك من تغيّر ليه ماطفت الوداعي = واسمك الاول مخالف وانت في نجد العذيه

ماتضايقنا ولكن انتشر سمّ الافاعي = لين صارت عندنا ياذيب نكته عالميه

[ماجد الرويس]

ماتغير نهجنا ياصاحبي معروف باعي=من قرى رزاق قالو رجل مجهول الهويه
جعل ناسً ماتفرق فالثنيه والرباعي=جعلها ياصاحبي تقلع كما مقلع طميه

[شلعان الدوسري]

صحت السنتكم جميعاً

و اصلوا و حنا متابعين لكم يا الشعار

و أنا في صفكم الاثنين

تحياتي

[ماجد الرويس]

صح بدنك ياشلعان

لاهنت علي الحضور يالغالي


تحياتي

[عبدالرزاق الشمري]

بارك الله فيك والاقمار كم فيها صناعي = لاتجاهل صاحبك ماهوب يرضى بالخطيه

الخبر موثوق لكن الخبر عيّا يذاعي = صاروا العالم صراحه بين شمس وبين فيّه

[عبدالرزاق الشمري]

الأخ شلعان صح بدنك

ولاهنت على المرور والمتابعه

[الباسل]

يا سلااااااااااااااااااااااا ااااااااااااااااااااااام


عبد الرزاق ( صح لسانك وقيادتك للطاروق كذا )


عباث ( صح لسانك ونقضك كذا بعد )


واصلووووووووووووووووووووا !!!!!!!!!!!


متااااااااااااااااااااااا ااااااااااااابع !!!!!!!!!!!!

[عبدالرزاق الشمري]

صح بدنك أخوي العزيز الباسل

أحيانا" يجي الواحد طربان يبي يلعب

ولكن يحصل من يرد عليه ببيت او بيتين ثم يروح ويترك اللعب

وتلقاه يلعب في محاوره ثانيه بدون اعتذار ولا حتى سبب

[ماجد الرويس]

صح بدنك أخوي العزيز الباسل

أحيانا" يجي الواحد طربان يبي يلعب

ولكن يحصل من يرد عليه ببيت او بيتين ثم يروح ويترك اللعب

وتلقاه يلعب في محاوره ثانيه بدون اعتذار ولا حتى سبب

الاخ الفاضل عبدالرزاق

الله يعطيك العافيه انت تحط بيوتك وترد عقبها بيوم او تتئخر ولذلك المحاورة تفقد طعمها

ومع ذلك نعتذر لك ياعبد الرزاق

تحياتي

[عبدالرزاق الشمري]

الاخ الفاضل عبدالرزاق

الله يعطيك العافيه انت تحط بيوتك وترد عقبها بيوم او تتئخر ولذلك المحاورة تفقد طعمها

ومع ذلك نعتذر لك ياعبد الرزاق

تحياتي


الأخ الفاضل عباث
الله يعافيك وكلامك غير صحيح مع احترامي لك
ارجع للردود وشوف التاريخ والوقت .........
على العموم صح لسانك واعتذارك على راسي