,’,’,’ الجـــرح في عيـــنك وانا اقول ( ياسين) ,’,’,’,’

[مشاعر حالمه]

السلام عليكم ورحمة الله وبركاته

كل عام وانتم بخير ..وعيدكم مبارك جميعاً

بمناسبة عودة الوالدة بالسلامة الى البيت بعد إجراء عملية جراحية في عينها حفظها الله ..

جادت قريحتي بهذه الأبيات التي اتمنى أن تعبّر عن ماكان يخالجني في غيابها وأثناء حضورها ..






يامرحبـا 2000 ياقـرّة العيـن=ياللي حياتي دون شوفك شتاتـي
متربّعة في القلب بين الشراييـن=فـداك يايمّـه جميـع البنـاتـي
من عقب مارحتي وانا بين همّيـن=همّ التعب فيـكِ وهـمّ الخواتـي
أحطّهم يالغاليـه بيـن رمشيـن=خوفٍ عليهم من صروف الحيـاةِ
الجرح في عينك وانا اقول يا سين=اخذي عيونـي ياعيـون المهـاةِ
تفـداك وادري ماتكفّيـك يازيـن=ياروح روحي يامنـاي وهناتـي
تسوين يمّه ياغرامي مـن سنيـن=تسوين عيني ياغـلا روح ذاتـي
يالله يامنـزل تبـارك و( يـسٍ )=ياواسع الرحمه بديـع الصفاتـي
ياخالقٍ خلقك على العسر والليـن=يافالق الحبّـه ومحيـي النباتـي
ياخالق اعظامٍ رميمة مـن الطيـن=ياللي بأمرك تحـدث المعجزاتـي
تحفظ غلاي من البشر والشياطين=اهل العقول الخاويـة والوشاتـي
وختامها مع ريح مسك ورياحيـن=ازكي سلامي للرسـول وصلاتـي


وسلامـــة تسلــمكم ..

تحيتي للجميع ..

مشاعر حالمه

[فالح المصعوك الغنّامي]

مشاعر حالمه

الحمدلله على سلااااامة الوالده وخطاها السوء بأذن الله

ولااااتشوف شر والحمدلله اللي قرّت عينك بعودتها

والابيات السابقه والله يااختي انها من البر والتعبير عن

الفرح بسلامتها وحتى من زود فرحتك جادت قريحتك

بالجزل والجميل:smile: صح لساااانك اختي

تقبلي مروري المتواضع

[محمد الروقي]

سبقني ابن عمي

على المقعد الاول


اختي مشاعر حالمه

ماسويتي شي والله لو تردين من اليوم الى يوم الدين

انك ماتوفينهاا حقهاااااااااااا بس تعبيرك من حبك وهذا قلليل من ابنه باره

والحمد لله على سلامتهاا وقولي فيه بدوي يقول الحمد لله على السلامه يامي

وصح لسااااااااااااااااااانك الى يوم يبعثون

تقبلي الود

وتريلة ورد

وتكفيرة ذنب للوالده انشا الله

[وجــــدان]

السلام عليكم ورحمة الله وبركاته

كل عام وانتم بخير ..وعيدكم مبارك جميعاً

بمناسبة عودة الوالدة بالسلامة الى البيت بعد إجراء عملية جراحية في عينها حفظها الله ..

جادت قريحتي بهذه الأبيات التي اتمنى أن تعبّر عن ماكان يخالجني في غيابها وأثناء حضورها ..






يامرحبـا 2000 ياقـرّة العيـن=ياللي حياتي دون شوفك شتاتـي
متربّعة في القلب بين الشراييـن=فـداك يايمّـه جميـع البنـاتـي
من عقب مارحتي وانا بين همّيـن=همّ التعب فيـكِ وهـمّ الخواتـي
أحطّهم يالغاليـه بيـن رمشيـن=خوفٍ عليهم من صروف الحيـاةِ
الجرح في عينك وانا اقول يا سين=اخذي عيونـي ياعيـون المهـاةِ
تفـداك وادري ماتكفّيـك يازيـن=ياروح روحي يامنـاي وهناتـي
تسوين يمّه ياغرامي مـن سنيـن=تسوين عيني ياغـلا روح ذاتـي
يالله يامنـزل تبـارك و( يـسٍ )=ياواسع الرحمه بديـع الصفاتـي
ياخالقٍ خلقك على العسر والليـن=يافالق الحبّـه ومحيـي النباتـي
ياخالق اعظامٍ رميمة مـن الطيـن=ياللي بأمرك تحـدث المعجزاتـي
تحفظ غلاي من البشر والشياطين=اهل العقول الخاويـة والوشاتـي
وختامها مع ريح مسك ورياحيـن=ازكي سلامي للرسـول وصلاتـي


وسلامـــة تسلــمكم ..

تحيتي للجميع ..

مشاعر حالمه


الغاليه مشاعر حالمه

الف لاباس على الوالده وماتشوف شر

والحمدلله على سلامتها

صح لسانك مليووووون ومن العايدين

تحيتي لك

[مشاعر حالمه]

فالح الغنّامي

تسلم والله يسلمك من الشر

وصح ابدنك ولاهنت

اي والله اني فرحت جدا بعودتها للبيت لأني حسّيت بما تحسّ فيه الأم : ( فديت روحها

تحيتي لك / مشاعر حالمه

[مشاعر حالمه]

محمد الروقي

انت وولد عمّك سوا

وتسلم والله على المرور الكريم وصح ابدنك

اما اني اوصل أو اوفي حقها بري حالي ادري وحتى لو اطبخ الزيت في يدي ماوفيّتها حقها ^__^

لاااااااااااهنت يالقرم

تحيتي لك / مشاعرحالمه

[مشاعر حالمه]

وجدان

ارحبي فديتج يالغاليه

تسلمين من الشر يابعدي وصح ابدنج ولاهنتي على المرور الغالي

تحيتي لج / مشاعر حالمه

[أمل عبدالعزيز]

,
,
,
الحبيبة الغالية مشاعر حالمة:

ألف لابأس على الوالدة وطهور إن شاء الله لها
والحمد لله على سلامتها

الله لايوريكم فيها بأس أبداً
وبصدق والله أني فرحانة لها ياغلاتي
وصح قلبك وكلك
على مشاعرك العذبة
وقلبك النقي
ولله درك من شاعرة..
.

[مشاعر حالمه]

الغاليه أمل بنت عبدالعزيز

تسلمين فديت عمرج وصح ابدنج

والله كلج نظر يابعد قلبي وجعلج ماتبكين غالي يابعدي

تحيتي لج / مشاعر حالمه

[أبوعبدالرحمن]

الحمد لله على سلامتها


وصح قلبك وكلك يا مشاعر


وكل عام وانت بخير

[محمد نايف العتيبي]

الله الله


اول شي الف مبروك على سلامه الوالده وجعلها ماتشوف شر


الشاعره : مشاعر حالمه
صح لسانك على الابيات الاكثر من رائعه

ويكفي عن روعتها موضوعها


والله يخليها لكم ويطول بعمرها



دمـتــي بـخـيـر


محمد العتيبي

[نايف السليطي]

طهووووووور بإذن ربٍ غفووووووووووور
الحمد لله على سلامتها أولا وأخيرا ..
ولا ترون مكروه بإذن الله ..
وصح لسااانك بلا عدد ..
وأعدك يامشاعر بالمتابعه ..
لي عوده
.
.

[دفا المشاعر]

http://www.up.5alid.com/up/uploads/d931391091.gif

أختي الشاعرة الشجية القديرة /

مشاعر حالمه

صح لسانك و نبضك يالغالية

وبيّض الله وجهك

قصيدتك مؤثرة حيييل

وألف حمد لله على سلامة الوالدة

عسى ربي يحفظها لكم دوم

http://www.up.5alid.com/up/uploads/d931391091.gif

لا عدمنا جديد شعرك الراقي و الشجي

فائق احترامي وتقديري

[@الخياله@]

أختي / مشاعر حالمه

الف حمدلله على سلامة الوالده
الله يخليها لكم

وصح لسااانك ولاهنتي
مؤثره جدا جدا

يعطيك الف عافيه


تقبلي مرور

أختكـ الخياله

[سلطان الـبـلوي]

الحمدلله على سلامة الوالده وماتشوف مكروه انشألله

صح السانك ملايين مبدعه

تقبل مروري وتقديري

اخوك

[مضحي السميري]

مشاعر

الله يحفظ لك امك ويطول بعمرها

ويقربك عينهاا

وصح لسانك


مدد


دمتي بخير

[معدي اليامي]

مشاعر حالمه



اجمل الكلمات عندما تاتي من القلب


الحمدلله على سلامة الوالده


وصح لسانك ملايين


تحياتي

[مفرح بن مناحي]

طهور إن شاء الله

والحمد الله على سلامتها

وصح لسانك يا مشاعر

[محمد السبيعي]

http://www.moveed.com/data/media/10/Entertainment-02.gif


كل عام وانت بخير

وصح لسانك لرضاك أختي

أخوك

أبوتركي