جمهور الليزر مرة أخرى (صورة)

[هلالي كايدكم]

الصورة ابلغ من الكلام


http://sfsaleh.com/9war/uploads/4b098247ba.jpg (http://sfsaleh.com/9war/)

--------------------------------
ولكم كل تقديري .....

[إشراقـ أمل ـة]

أخوي هلالي

من جــــــد انقهرت من هالحركه

ماكان لها داعـــي

بس يالله الله يســــامحهم ولو كانوا غلطانين


مشكوووور على الموضوع

[TαlαL]

هلالي كايدهم

اجزم مليون في الميه انه مو نصراوي

وليه مايكون هلالي او او مندس مع جماهير النصر

مانقول غير الله يهديه ويترك هالحركات

لانه قبل كل هاذا وذاك يمكن يعمي نظر اخ مسلم له

وبالنسبه للقب الي اطلقته جمهور الليزر

سؤال بسيط ترضى اطلق على جماهير الهلال العريضه لقب نيفيا

http://sfsaleh.com/9war/uploads/8204c843bb.jpg (http://sfsaleh.com/9war/)

8
8

احشرروووووووووووووووووووو ه :هاها:

[حــنــيــن]

الله يهديهم..

مو شرط يكـــــــــــــــــــــــ ـــــون نصراااااااوي..

محد يحب يشوه سمعت فريقه ومشجعيه..مااتوقعه نصرااااااوي..

جمهوووووووووووووووووور الوفا مو الليزر الله يهديك ):

):

[خجل الورد]

ان كان جمهور النصر الله يهديهم

فمو شرط من النصرررر يمكن من نادي اخر يريد تشووويه صورة النصررررررر

مشكور اخوي

[شامخة الذات]

اجزم مليون في الميه انه مو نصراوي

وليه مايكون هلالي او او مندس مع جماهير النصر

مانقول غير الله يهديه ويترك هالحركات


طـــــــــــلال

لا تجزم ولا تنصب >> ماسك معها النحو:مزون:

بعدين اذا هو هلالي غبي يخسر فريقه


اسمحلي ما أظن إنه هلالي أبد


لكن ممكن يكون نصراوي

لإنه لمن يسوي هالحركة يكون يفيد فريقه

و اشمعنى ما تصير إلا في مباريات النصر

لكن مع هــــــــــذا الدعيع ما يهمه

و ثــــــــــــابت


بس الحركــــــــــة بايخــــــــة و تــــــــدل على سخف اللي مسويها




هلالي يعطيك العافيه

[طيف]

100 % مو نصراوي

وأتوقع من الحقااد

[ابله ساره]

00على بالهم بفوزون بالحركه00


وبعدين ياطلال نيفيا ولا غيييرها على الاقل نيفيا ماتضر احد

مااقدر اقول الا ان هذي حركات مايسويها الا واااحد خوااااف((جمهور النصر

:::وصدق حقوي:::

نكبتهم العالميييه((امحق عالميه وهم بالجمهور هذا00

مشكور هلالي على الموضوع((وحسبنا الله ونعم الوكيييل))

[حــنــيــن]

بعدين اذا هو هلالي غبي يخسر فريقه

وإذا نصراوي..بتروح سمعت فريقه..وجماهيره..


مااقدر اقول الا ان هذي حركات مايسويها الا واااحد خوااااف((جمهور النصر

): الله يهديك..خواف ماقلنا شي..لاكن مو نصراووووووووووووي ياجماعه..تفكير بعقل شوي..



امحق عالميه وهم بالجمهور هذا00

ماكان له داعي كلامك قلبووو ):

مو جمهووووووووووووووووورنا..

[دفء البوح]

ولا ننسى ايضا ان احد جمهور النصر قد احضر هذا الليزر في مباراة الاتفاق

وقد كُشف من قبل رجال الامن وظهرت صورته امام الجميع

فهل يعاقب الجهور هذه المرة . ؟؟؟

[خــــالـــــد]

هلالي كايدكم
ـــــــــــــــــــــــــ ــــــ
ليست المرة الأولى , ولن تكون الأخيرة !!

السؤال المحيّر ( لماذا ) تتكرر في مباريات النصر ؟!

مع الهلال في الدور الأول والثاني , وفي مباراة الاتفاق وتم تصوير

رجل الأمن الذي قبض على جهاز الليزر في الصحف ..

أتمنى أن يكون لـ لجنة الانضباط كلمة في هذا الموضوع


كورة لافّة /
( والله فيه واحد من زملاء العمل " نصراوي " حاضر المباراة .. يقول والله إن اللي معه الليزر موجود في جماهير النصر في أعلى المدرجات من فوق " << العهدة على الرواي

وشكراً
ـــــــــــــــــــــــــ ــــــ
أخوكـ/خالد

[الدندووووونه]

الله لايسامحه وربي طول المباراه قاعده ادعي عليه مو لأن الدعيع هلالي لا وربي بس لوفقد الدعيع نظره من راح يعوضه...

لاتقول جمهور الليزر.. لان غلطة واحد عديم تربيه منهم ماتمثلهم أبداً..

وحسبك لله يالدعيع ونعم الوكيل..

أشكرك يالهلالي..

تحيتي.

[مغترب في عذاب]

انا اعتقد انه مو نصراوي

بل ممن يحقدون على جمهور الشمس اللي غطى عالكل !!!

لانه لو كان نصراوي لسووها مع اي فريق غير الهلال

مع الاهلى والاتفاق والشباب وغيرهم ....!!!


بس مسالة انها ما تصير الا مع الهلال فهذا اسئلو عنه الهلاليين انفسهم ..


وعالعموم مهما كان ميول الشخص اللي سواها فهي حركة ( قلة ادب )

[ر111يق]

المشجع موجود مع جمهور النصر

في المدرجات المقابلة للمنصة في الدور الثاني

والخطأ أيضا على أمن الملعب النايمين

[خــــالـــــد]

مغترب :
لا تنسَ إن رجال الأمن في مباراة النصر والاتفاق قبضوا على الجهاز الليزر مع أحد مشجعين النصر .. وش يدل عليه هذا بارك الله فيك ؟

[مغترب في عذاب]

افاااااا .. حتى لو نصراوي وقلتها من اول تره يمثل نفسه فقط

مع اني ما سمعت في هذي يا خالد الا منك والله

حتى اننا ما شفنا انها استخدمت في مباراة الاتفاق والنصر !!!!!

ولا احد جاب لها طاري مرررررررررررة

وبعدين اذا كان انمسك واحد ليه ما ادبوه عشان تخلو مبارياتنا من مثل هالحركات

ويكون عبرة لغيرة !!!!!!


واللي يقهر في السالفة بصراحة مهما كان مصدرها (( انها ضد ابو عبدالعزيز ))

لانو بصراحة الدعيع غير اي لاعب هلالي ثااني !!!!

[أبوعبدالرحمن]

يا حليلهم


يبون يفوزون على الهلال باي طريقة

[حــنــيــن]

المشجع موجود مع جمهور النصر

موجدود معهم اييييييييييييه..لاكن منهم لااااااااااااااع..

[هلالي كايدكم]

هلالي كايدهم



وبالنسبه للقب الي اطلقته جمهور الليزر

سؤال بسيط ترضى اطلق على جماهير الهلال العريضه لقب نيفيا

http://sfsaleh.com/9war/uploads/8204c843bb.jpg (http://sfsaleh.com/9war/)

8
8

احشرروووووووووووووووووووو ه :هاها:



الصورة اللي انت حاط هذي من جمهور نادي الوطني

ولا تنسى طلال انكم أشغتونا بعد مباراة الحزم اللي نزل الجمهور فيها

بكلمة جمهور( العربيااات )

يعني وحدة بوحدة والبادي أظلم :11umbup:

الليزر + الشيشة:11utup:

هههههههههههههههه

[ابله ساره]

هههههههههههههههههههههه

هلالي حلوه الشيشه,,,

هههههههههههههههههههههههه

[ريمي]

سبحان الله
هلالي ومندس بين النصراوين

عموما

الله يهدي الجميع يارب

[تميمي وكل الحلا فيني]

هلا شباب .. !

اهلين صبايا .. ؟

تنويه صغير ولو الموظوع راح وقته ..

اعذروني ابي ادلو بدلوي في الموظوع ..

اعتراف مني وانا نصراوي بكامل قواي العقليه اليزر من مشجع نصراوي الله يهديه بس ؟؟

ملاحظه مهمه للأخوه الهلاليه .. ؟؟

انتم السابقون ونحن اللاحقون ؟؟

يعني ؟؟

انتم اول جمهور للأسف دخل اليزر بالمدرجات ولا نسيتو مبارات الاتحاد والحزم بالقصيم قبل موسم او موسمين .. :)

يعني انتم اخر ناس تتكلمون في الموظوع لانكم انتم جمهور الفساد في الملاعب ولا نسينا (( نيجيريا نيجيريا & وزمان كنتم تعايرون جمهور النصر بحمير جحا << والكرامه للجميع :(

ومبارياتكم في المجمعه والقصيم كل شوي ناط لنا واحد من جماهيركم المراهقين بالملعب وسالفت العرابيات كنكم عمال باكستانيه :)

عموماً بأختصار انتم اأأأخر ناس تدعون المثاليه ؟؟؟؟؟؟؟؟؟

لانها للأسف بعيده عنكم كثيرررررررررررررررررررررر رررررررررررررر

وتقبلو ردي بصدر رحب .. !!

ودي لكم ..

[هلالي مهما طال الزمن]

ليه يالاخو مغترب

يعني تفكر ان واحد من جماهير الزعيم

يعمي لاعب من نادية عشان حقد على جماهير النصر

اتحداك تكون الفكرة كذا

وما نقول الا الله يهديهم

مع تحياتي

[كبرياء مهزوم]

00على بالهم بفوزون بالحركه00


وبعدين ياطلال نيفيا ولا غيييرها على الاقل نيفيا ماتضر احد

مااقدر اقول الا ان هذي حركات مايسويها الا واااحد خوااااف((جمهور النصر

:::وصدق حقوي:::

نكبتهم العالميييه((امحق عالميه وهم بالجمهور هذا00

مشكور هلالي على الموضوع((وحسبنا الله ونعم الوكيييل))



هههههههههههههههههههههه

هدي اعصابك ابله ساره

بعدين يالله لك الحمد تسمونا جمهور ليزر احسن من تسمونا على اسم كريمات وعقبال ماتسمونا جمهور النووي

وسعوا صدوركم اخوانا الهلالين ومحشومين وبعدين اللي استخدم الليزر يبي يسوي للدعيع

نيوو لووك شوفوا عيونه خضررر ماشاءالله تقل محمد بيكنجهام :مزون:

عسى الله يهدي الجميع