وين الشعار؟

[راس النايف]

ياسلام الله عليكم وانا صدري وسيع = والعرب قبل المواضيع تبدا بالسلام

وين تجار الذهب نشتري والا نبيع = سوق الاسهم ماعرفنا حلاله والحرام

[عبدالرزاق الشمري]

مرحبابك يالمسلّم عدد نبت الربيع = ومن يسلم قبل يبدا تعداه الملام

كل تاجر لازم ٍ يمتلك قلب ٍ شجيع = واحترام الناس يعطيك قدر ٍ واحترام

[راس النايف]

والبقى يالعزوه الي لها قدر(ن) رفيع = ودنا ناخذ علو مك هنا والدرب شام

جيت ساري في بلدكم على الخط السريع = مير ماعينت فالدار عمران ونظام

[ناصر الشيباني]

راس النايف


عبدالرزاق الشمري



الله الله عليكم



واصلووو وحناا متابعين لكم




نبي الصفحات توصل لحد 2349676



هههههههههههههههههههه



تقبلووو الوود



اخووكم

[راس النايف]

ناصر الشيباني

مرورك اسعدني

وصح بدنك

[عمدة الشعار]

!!! راس النايف مره واحدة !!!
$$أرحبي يالطواريق أرحبي$$



صح لسانك ولسان الزميل :)


متـــــابـع

[راس النايف]

!!! راس النايف مره واحدة !!!
$$أرحبي يالطواريق أرحبي$$



صح لسانك ولسان الزميل :)


متـــــابـع

شوفت عينك ياعمدة الشعار

تسلم على الترحيب بالطواريق وصح بدنك

مرحبا بمتابعتك

[راس النايف]

الاخ عبد الرزاق الشمري

هل لك عوده انتظرك؟؟

[عبدالرزاق الشمري]

المعذره ياخوي معلق معي شوي


ماعليكم زود دام النجم يلمع لميع = شاعوا إنه طاح قبل امس جعله للرحام

من يدل الدرب ياصاحبي لا مايضيع = والديار العامره عامره في كل عام

[عبدالرزاق الشمري]

الشاعر القدير أبومشيب صح بدنك ولاهنت على المتابعه يالقرم

الزميل الشاعر العمده ( أبوسيم ) سابقا" :مزون:
شرفتنا بالمتابعه عسى عمرك طويل

راس النايف صح لسانك والتأخير ماهو بيدي يالغالي
مدري من الجهاز أو المنتدى ( العلم عند الله )

[راس النايف]

لا يهمك يا عبد الرزاق بس والله احسبك طلعت
صح لسانك

اسلتم


حكمة الخلاق تمشي على روس الجميع = السفر ياذيب يجلي دياجير الضلام

لاتوصيني على الدرب وانا من سبيع = بندقي في منكبي والفشق ملي الحزام

[عمدة الشعار]

لا يهمك يا عبد الرزاق بس والله احسبك طلعت
صح لسانك

اسلتم



لاتوصيني على الدرب وانا من سبيع = بندقي في منكبي والفشق ملي الحزام


كــفــــــــــــــــو والله ومليــــــــــــــــــــو ن فــي
ملـــــــــــــــــــــــ ـيـــــــون نـــــــــــــعــــــــــ ـــــــــــم

[راس النايف]

ماعليك زود ياعمدة الشعار

[عبدالرزاق الشمري]

صح بدنك وصح لسانك والنعم فيك وفي عزوتك واستلم يالذيب :
غثوا العالم وسووا لهم فعل ٍ شنيع = لين صار الوضع كله كلام ٍ في كلام

ونعم فيكم مير قاوم حسب ماتستطيع = والرجال تبين يارجل في وقت الزحام

[الباسل]

الله الله

طاروق دسم .. واصلوووووووووا


متابع ووبقوووة

[راس النايف]

منهو الي لانصحناه له عقل و يطيع = باخر الايام كثرت خفافيش الضلام

اللكاعه ماتعداك يالقلب اللكيع = وان بذلت الجهد بعطيك من عندي وسام

[عبدالرزاق الشمري]

الفعول المايله شيبت راس الرضيع = مثل وصف الامّعه يارفيقي بالتمام

اللكاعه يالسبيعي تراها بالوضيع = صاحبك ياصاحبي ماشي ٍ حسب النظام

[راس النايف]

مايل الافعال ماهوب لاقي له شفيع = يدعي بالنوم هاني وعينه ماتنام

عن هبوب الريح ريًح وسكر كل ريع = من يضيم الناس لابد له يوم (ن) يضام

[عبدالرزاق الشمري]

ياعسى الله يرحم اللي سكن وسط البقيع = ويصلح الاحوال قبل الجسد يصبح عظام

مستريح البال والذيب من حول القطيع = والسلام ختام ياربنا حسن الختام

[راس النايف]

الاخ عبد الرزاق الشمري

صح لسانك على هالطاروق

تصبح على خير

[عبدالرزاق الشمري]

الشاعر راس النايف صح لسانك

ولاهنت على هالمحاوره

وأرجو اني قدمت مايحوز على رضا الجميع

والمعذره ان حصل منا زلل

تقبل تحياتي ومودتي

[ربح السبيعي]

راس النايف وعبدالرزاق الشمري


صحت السنتكم على هالمحاوره الرائعه


لاهنتو جميعاً

[عبدالرزاق الشمري]

الشاعر والقدير ربح السبيعي

صح بدنك ولاهنت على هالمرور العطر

وعسى عمرك طويل

[راس النايف]

الاخ العزيز ربح السبيعي

شرفني مرورك ومتابعتك

كنت برسل لك خاص بس نظام المنتدى مايسمح الا بعد مئة مشاركه

اشكرك وتحياتي لشخصك الكريم