حياك يالباسل .................

[عبدالرزاق الشمري]

قوم يالباسل تقدّم مادام النار حيّه = ودّي آخذ معك ياصاحبي طاروق حامي

هي قضيه ما انتهت وين حلال القضيه = صاحبك عنده تحفّظ على بعض الاسامي

[محمد الروقي]

صاحبك عنده تحفّظ على بعض الاسامي

صدقت والله وصح لسااااااااااااانك الى رضاك

وين الباسل

انتظااااااااااااااااااااا ااااااااااااااااااااااااا اااااار

[الباسل]

عبد الرزاق الشمري

مرحبابك .. واستلم طال عمرك /


يا هلا والدرب قدام يا راع المطيه = والدروب اثنين هذا يماني ذاك شامي

القضية عند قاضي وذمتنا بريه = ماعرفنا هي حلال البضاعه أو حرامي

[عبدالرزاق الشمري]

بارك الله فيك وانته معك نفس ٍ جريّه = خابرك تمشي مع الدرب يالباسل تمامي

ليه بعض الناس قام يتسمى بالصبيه = واسمه الاصلي مخفيه يالحر القطامي

[عمدة الشعار]

ليه بعض الناس قام يتسمى بالصبيه = واسمه الاصلي مخفيه يالحر القطامي

يادافع البلا

واصلو واصلوا وصح الله السنتكم

وانا مواصل معكم للنهاية

[عبدالرزاق الشمري]

الأخ محمد الروقي

الشاعر أبوسيم

صحت أبدانكم ومشكورين على المتابعه

[عمدة الشعار]

الشاعر أبوسيم



لا هذي فيها دقه

بنركبك حق يالشمري

[عبدالرزاق الشمري]

لا هذي فيها دقه

بنركبك حق يالشمري



لا دقه ولاشي يابعد حي
ترى النوايا سليمه ( واللي خلقني )
وأبشر بعزك يالزميل

[عمدة الشعار]

لا دقه ولاشي يابعد حي
ترى النوايا سليمه ( واللي خلقني )
وأبشر بعزك يالزميل

ههههههههههههه

مغير أمزح معك يالزميل

والا الشك زايل طال عمرك

تقبل تحياتي

[الباسل]

طيب طيب



الكفو يا صاحبي في طريقه حي حيه = مير لا ترفعلي الصوت يصحون النيامي

يمكن إن فيها تميز وترفع معنويه = ينتقل من آخر الصف للصف الامامي

[عبدالرزاق الشمري]

صاحبك ماهوب يخطي ولايرضى الخطيه = والله انا مانجامل مخالفة النظامي

التميز باسم ثاني نقول أشوى شويه = وأنت رجال ٍ وتفهم ترى مغزى كلامي

[الباسل]

عمدة الشعار ( ابو سيم سابقا ) .. منورنا يا القرم ..

لا خلا ولا عدم ..

[الباسل]

كلن ابكيفه يركب حروف الابجديه = وكل شي مسموح فالحرب ولا فالغرامي

لا تزعلني عليهم واشيل البندقية = والله ان اقضي عليهم بطلقه من حزامي

[عبدالرزاق الشمري]

رايي الشخصي ولاحد ٍ ترى يزعل عليّه = والعقل نعمه ويعطيك قدر ٍ واحترامي

القضيه ماتبي بندقيه عسكريه = والله إني مخلص ٍ ياعرب والقصد سامي

[الباسل]

هذي من ابسط حقوقك ولا فيها زرية = لا يهمونك ياشاعر خفافيش الظلامي

وانت شاعر فيك غيره وفي راسك حميه = وفي زمان العولمه لا تقول انا علامي

[الباسل]

عبد الرزاق الشمري


صح لسانك ... وأسعدتني بذا الطاروق الراقي معنى ومبنى ..


لا هنت كل الوود ...

[عبدالرزاق الشمري]

صح بدنك يالباسل

ولاهنت على الرد الراقي
وانا مادعيتك إلا يوم شفت ردك في كذا محاوره

لنا محاريف ثانيه إن شاء الله قريبا"
وتقبل احترامي وإعجابي الشديد بشخصك

ودمتم ...............