دعـوة لـلـمـحـاورة !!

[محمد السبيعي]

بعد غيبة عن المنتدى ، أردت أن أسلم على الجميع عبر منتدى الشعر ( قسم المحاورة )
بهذه المحاورة المفتوحة للجميع ، معبراً بها عن اشتياقي لكم ،،،


في المنتدى والباب مفتوح .. أخذ وعطا=نأخذ علوم ونعطي دروس للي قرا
طال المدى واشتقت للبوح .. عقب البطا=والراس تبغى مثلها روس يااهل القرى

[ابـــوليـــــلى]

حيا الله محمد والحمد لله على رجعتك

ماااااااش اشوف المنتدى نايم

جيت اول امس

نبي احد نبي قصيد نبي شي

الله يدفع البلا محد مر علينا الا الحانوتي

وواحد يقاله السفير يقولي لا تقصد ترا فيه شعار كبار ؟؟؟

وانا اخوك والله خفت

وقلت ما بدهاش دام المشرفيين ما عقبو على موضوعي واشوف السفير هذا شكله من الفرسان المتخفيين

قلنا اجل اترك الشعر يا ولد وخلك من الجمهور احسن لك


سلامت راسك يا السبيعي

وسلملي على الاخوان

[ابـــوليـــــلى]

في المنتدى والباب مفتوح .. أخذ وعطانأخذ علوم ونعطـي دروس للـي قـرا
طال المدى واشتقت للبوح .. عقب البطاوالراس تبغى مثلها روس يااهل القـرى



قرا وقرى



:(

[الجريح]

من لهفتي كم بكيت وسال ***** دمعي ولا من نهيته يزود

كل سبب صاحب على البال*** بدل على الوصل بصدود

[ابن هندي]

الله يحييك يا محمد السبيعي

وتشرفني مجاراتك


استلم ،،




علم القدآ مكتوب فاللوح مابه خطا=انقد فلوس وننقد فلوس بيع وشرا
تذهب سدآ لاصرت فالشوح متورطا=الحب لا يدخل به السوس يالاقشرا

[محمد السبيعي]

والنعم يا ابن هندي ،
وتسلم على ذا الرد ،
واستلم :


لا ما غدى ، وقدورها تفوح تحت الغطا=والحَـب كلش فيه محسوس يا الأزهـرا
واللي عدا، ويصيح وينوح .. ويش امتطا؟!=ما يدري إن السم مدسوس لا ما درى !!

[طيف الوله]

:برافو: :برافو: :برافو:


محمد السبيعي وبن هندي الله الله الله

شاعرااان من اروع الشعار واجزلهم يجتمعااان:برافو:

اكيد ستكون متعة المحاوره معهم لها طعم آخر

صححححححححت قلوبكم

[ابن هندي]

مآ عليك زود يالسبيعي


الله الله


استلم ،،


راع الردآ منزوح منزوح لوّه وطا=ابدآر من عوّج له القوس ما ينطرآ
لا لابدآ منته بمسموح سيفي سطا=اشويّ وعالجك بالدوس يالابهرآ





،،

[محمد السبيعي]

الأخ العزيز الشاعر / ابن هندي
مساك الله بالخير ،
واستلم ،،
قطرة ندى غرق بها نوح يوم اهبطا=والدرب قدامه ومعسوس يا وش طرى !!
هدا هدا وابليس مكبوح ومربـّـطا=وعلاجها ما هوب ميئوس مهما جرى.





أبو تركي

[محمد السبيعي]

الأخت العزيزة والشاعرة الرائعة / طيف الوله

شكراً لإطرائك ، ومرورك الرااااااائع ،،

[محمد بن دحيلان]

لا لابدآ منته بمسموح سيفي سطا
اشويّ وعالجك بالدوس يالابهرآ




اللله الله




محمد السبيعي وظافر ابن هندي




ياعيني على الجزااااله


واصلوا يالغالين




تحياتي للجميع

[أبوعبدالرحمن]

كاتب الرسالة الأصلية الجريح
من لهفتي كم بكيت وسال ***** دمعي ولا من نهيته يزود

كل سبب صاحب على البال*** بدل على الوصل بصدود





واللي عدا، ويصيح وينوح .. ويش امتطا؟!=ما يدري إن السم مدسوس لا ما درى !! [/B][/QUOTE]


الله الله

استمروا لكم متابعين

وصح لسانك يابوتركي انت وابن هندي

[قوت القلوب]

الحمدلله على السلامه
صح السانكم
تحياتي