المساعد الشخصي الرقمي

مشاهدة النسخة كاملة : اقرب واحد ياشباب


عبدالعزيز نايف
06-12-2007, 07:30 PM
يامرحبا ياصحابنا الحضار يامرحبا والفين ترحيبه
اللي يبى الطاروق ياشعار يكرب حزامه ثم اهليبه



اقلطوا
سعود السلمي
06-12-2007, 07:36 PM
حاول تسويها على منسق القصايد علشان تطلع بشكل افضل واوضح

صح لسانك وفي انتظار الشاعر المقابل
عبدالعزيز نايف
06-12-2007, 07:40 PM
] مشكووووووروالله لايهينك لكن ترانا عليميه
سعود السلمي
06-12-2007, 07:50 PM
شوف تحصل فوق في مربع على شكل ورقة رسائل لما تحط الماوس عليها يطلع لك ((تنسيق قصيده شعرية)) .. ظلل بالماوس على ابياتك بس تأكد أنه فيه علامة يساوي = بين الشطرين

علشان تطلع القصيده منسقه وسهله للقرايه كذا الي يقراها يحسبها بيت واحد

اكتب ابياتك بالطريقه هذي قبل تظللها بالماوس


يامرحبا بصحابنا الحضار = يامرحبا والفين ترحيبه

الي يبى الطاروق ياشعار = يكرب حزامه ثم اهليبه
عبدالعزيز نايف
06-12-2007, 07:53 PM
لاهنت يالذيب ومشكور على النصيحة
منور العوني
06-12-2007, 08:48 PM
حياك الله ياعاشق واستلم



دام البقا يالشاعر البيطار=بيطار لكن تو ندريبه
عطنا ياعاشق آخر الاخبار=اللي سواتك بينً طيبه
عبدالعزيز نايف
07-12-2007, 03:03 AM
البحر مايصعب على البحار= والبحر ماتصفي مشاريبه
انذاعت الاخبار بالتكرار= واللي جميع البدو تحكيبه



سامحنى على التاخير ماتوقعت احد فاضي
منور العوني
08-12-2007, 10:00 AM
حياك الله ياعاشق صيد وما ابطا من جا
والدعوى تراها سهالات متى ماشفت نفسك فاضي رد


استلم


البحر فيه اللول والمحار=كلن وش اللي فعله يجيبه
وشهي علوم الخير والامطار=يالله عساك العلم تحريبه
وافي السبيعي
08-12-2007, 11:12 AM
رائعين

صحت السنتكم متابع
عبدالعزيز نايف
08-12-2007, 03:24 PM
صح لسانك


السالفه هانت على التجار = واللي يبيه اليوم ياتيبه
المزنه اللي وبلها مدرار = بامر الولي نطلبه تقريبه
نـواف الشمــري
08-12-2007, 09:01 PM
الله الله عليكم جميعا






صحت السنتكم جميعا





بصفك يا منور ولا يهون عاشق الصيد








تحياتي لكم
عبدالعزيز نايف
10-12-2007, 10:21 PM
ومن يقول وصح بدنك
ماجد الرويس
11-12-2007, 02:49 AM
طاروق رائع واصلو

يعطيكم العافيه

تحياتي