طه حسيـن أقلط!!!

[عمدة الشعار]

طه حسين أقلط على دلةٍ صفرا وفذه = الين يا طه عليك وعلينا يظهر النور
بذتني الدنيا وبذتك والطيب تبذّه = يالله عسى نلقى دروبٍ تنومس راعي الكور

[ماجد الرويس]

الله الله يابو سيم توني انتبه صح لسانك
دقايق وجايك

[عمدة الشعار]

الله يبقيك ياذيب وأنا مشفت موضوعك غير يوم حطيت هالطاروق

[ماجد الرويس]

ياراعي الدلة عسا قهوتك طعم وملذة=اليا ظبطت الكيف نسهر معك والبال مسرور
انته عسرت القاف لكّن عشه ثم وغذه=عشه وغذة وابشرو عنكم مانقصر الشور

[ماجد الرويس]

ابو سيم نكمل غدا انت الظاهر منتب موجود واشوا افتكيت منك ههههههههههه

تحياتي

[عمدة الشعار]

حنا نغرف الشعر من بحر ما نشحذه شحذه = يالله عساك العطب يا بندقٍ بالكون ماتثور
اليا وردنا نارد عدود ماروده وعذه = يا عنك شلفا ذياب ما تارد الا حلوق و نحور

[عمدة الشعار]

ابو سيم نكمل غدا انت الظاهر منتب موجود واشوا افتكيت منك ههههههههههه

تحياتي

لا والله موجود .. الجهاز لارحم جده يعلق
و اللي تشوفه يابوحسين ..
ولا أنت منتب قليل شر و عسى الله يسهل :)