اخيييييرا. الله يتمم على خير

[الاهلي الراقي]

السلام عليكم ورحمة الله وبركاته. المنتدى يعج بطلبات انهاء التعاقدات مع المدرب واللاعبين الاجانب وهذا يشكل ضغط عالادارة. اكثر نغمه نقراها بالمنتدى هي ان الانديه خلصت وادارتنا نايمه في العسل وهذا شي غريب لانو ما فيه احد مخلص غير الهلال اما الاتحاد فماجاب اي اجنبي ومدربهم من العام الماضي ولو احنا ما رضينا فيه والنصر ولا لاعب اجنبي ومدربهم لو تعاقدنا معاه كان الجمهور شن حرب شعواء ضد الاداره بحجة انه مو من مستوى الاهلي. والشباب للحين ولا لاعب اجنبي وتعاقد مع مدرب كان مساعد مدرب وماله سيفي جيد. لييييييه نظرة الجماهير دايما تشاۇمية وليه ما عندنا ثقه في ادارتنا بالرغم من اجتهاداتهم الواضحه في الفتره الماضيه وبالرغم من تغير فكرهم في استقطاب لاعبين بمستويات جيدة .وفيه ناس تبغى الادارة ترد على كل خبر وكل اشاعة وياكثرها بكل مكان ومعظمها مو صحيحة. وهذا ينافي سياسة الادارة في التكتم الشديد عالاخبار وفيه امثله كثيره شفنا فيها تعاقدات ما احد جاب لها سيرة الا بعد ما تمت منها بالمينيو وصالح العمري وكمان حسين المقهوي ما احد عرف بالتعاقد معاهم الا لمن تم التوقيع وغيرهم كثير.
ياليت نترك ادارتنا تشتغل صح وما نضغطهم باخبار واشاعات مغلوطة وانتقادات في غير محلها. اكيد كلكم سمعتوا حسين المقهوي في مقابلته التلفزيونية لمن ذكر اكثر من اربع او خمس مرات عن اهتمام وحرص الامير فهد بن خالدبالتعاقد معاه وعدم تمتعه بالنوم والراحة حتى تم التوقيع وشكر الامير شكر غير طبيعي لانه حس بتعبه الغير عادي. والاكيد ان الادارة كلهم شغالين ليل نهار لجلب مدرب ولاعبين يرضون طموح الجماهير وكل تأخيره وفيها خيره. علينا دعم الاداره ومساعدتهم بالدعاء لهم بالتوفيق والسداد والبعد عن الانتقاد واللي يصدر من ناس مرتاحين ومتكين ببيوتهم على كفوف الراحة بدون هم او تعب او مجهود فعلا اسهل شي الانتقاد والتجريح.
مستحيل مستحيل مستحيل نكون احنا كجماهير احرص من الامير فهد بن خالد وادارته على مصلحة نادينا الملكي الراقي.
اخيييييييييييرا اسأل الله أن يكون بعون ادارة الامير فهد بن خالد وأن يجعل التوفيق حليفهم في تعاقداتهم مع مدرب ولاعبين يرضون طموحات الجماهير الاهلاوية وفي كل عمل يقومون به لمصلحة النادي الاهلي.