أنا أبنة اللي يلغي الطيب طيبه /// أهداء خاص

[ايلاف]

السلام عليكم ورحمة الله وبركاته :


أمس قريت في جريدة الجزيرة قصيدة لي نسبها لنفسه عضو غرابيل عوض ناشي وألقاها في حفلة بالطائف والشي العجيب أنه كان قد رد عليها هنا والظاهر أنها جازت له . والله لو طلبها مارديته لكن يأخذها بالطريقة هذي عيب :

هذي القصيدة في غرابيل (http://www.sfsaleh.com/vb/forum8/thread52033.html)

وهنا خبر الجزيرة (http://www.al-jazirah.com/132297/tr5d.htm)

أما القصيدة اللي حبيت اشارك بها فهي :


أنا أبنة اللي يلغي الطيب طيبه = من ماضي الأيام ماله إمعاشي
شيخ ٍ فعوله في زمنا غريبه = من مرته هزت شعوره وشاشي
تبعد به أحلامه بعيد وتجيبه = ويحرم المطعم ودمث الفراشي
كل العلوم الطيبة تبتديبه = ولاهوب نمام ولاهوب واشي
وأنا القصايد من خيالي قريبه = وأقطف روايعها الليا هاض جاشي
أدور اللي من حلاها صعيبه = وأترك مناظيم القصيد الخشاشي
أتعب لها مثل البدو للذهيبه = وأروي ظما قلوب هيام عطاشي
والليا لقيت الفارقة والغريبه = اللي تسبب لهفتي وإندهاشي
قطفتها قطف الورود الرهيبه = وأسوق تفكيري من الشوق كاشي
والشعر فتل وحل ماهو غصيبه = مثل الغشين اللي بعرض المناشي
ألذ من در البكار الأديبه = ومن ريحة اللي هيلها تو غاشي
وصحيح كل له من أسمه نصيبه = وأنته عوض ناشي وبالشعر ناشي
والذيب طشته الظروف بقليبه = والسيرة العطرة طواها التلاشي
شعر ماهو شعرك وش اللي تبيبه = حاول مادام أن القصايد بلاشي
والليا عجزت من الدروب التعيبه = أرجع لأهلك ومركب الشعر ماشي

[محمد الروقي]

صح لساااااااااااااااانك الى رضاك

وياليت تقولين منو العضو على شان نعرف ويعرف العالم اجمع

انه سروووووووووق

[ايلاف]

اخوي محمد .. شكلك ماقريت لا القصيدة ولا الكلام قبل القصيدة .

[@الخياله@]

الله يعطيك الف عافيه

[شاعرة نجد]

صح الله لسانك أختي مليااار

ولاهنتي على هالجزله ..بل المذهله والرااائعه والممتعه للغايه

تقديري لبوحك العذب..

[ايلاف]

اختي الخيالة

مشكورة على تشريفك للقصيدة وشاعرتها

[ايلاف]

الخياله

مشكور على تشريفك القصيدة وشاعرتها

[محمد الروقي]

انا قريتهاا

بس شكلك سريعه في الرد مافهمتي وش قصدي

انا قصدي ان توضحين الاسم لان ماقاله في الامسيه صار في اسفل المقال وقليل من سينتبه له

وهذا ماقال

وأردف بقصيدة فقال:

قبل ما ادخل يا جما عه كنت أذاكر

مر (شيطان الشعر) يبغاني اغني ((( وهنا كسر البيت والدلليل ان ليس بشاعر

قلت: أذاكر قال اجلها لباكر

قلت : وش بك كل مره ممتحني

قال : جر الصوت لي وكون شاكر

قلت : بالله لو سمحت تحل عني

شكرا ايلاف

[ايلاف]

انا قريتهاا

بس شكلك سريعه في الرد مافهمتي وش قصدي

انا قصدي ان توضحين الاسم لان ماقاله في الامسيه صار في اسفل المقال وقليل من سينتبه له

وهذا ماقال

وأردف بقصيدة فقال:

قبل ما ادخل يا جما عه كنت أذاكر

مر (شيطان الشعر) يبغاني اغني ((( وهنا كسر البيت والدلليل ان ليس بشاعر

قلت: أذاكر قال اجلها لباكر

قلت : وش بك كل مره ممتحني

قال : جر الصوت لي وكون شاكر

قلت : بالله لو سمحت تحل عني

شكرا ايلاف


وشلون أوضح الاسم : الاسم كاتبته قبل القصيدة وبالقصيدة ومعطيتك رابطين وبالاخير تسألني عنه ..

غريبة جدا ..

[ايلاف]

محمد على شان ترتاح من هاللوغاريتمات .. أسمه / عوض ناشي الجعيد

لا إله إلا الله

[محمد الروقي]

الله يعينك

ويعوضك بطيب منهااااا خليها على الله يابنت الاجواد ياكم ضاع للحاج من جمل

بس حلو اختي انك وضحتي ولا تشرهين يالغاليه انا خريج محو الاميه الصف الثاني لا انتبه لبعض مايكتب وفيه زيي كثير

تحملينا يالطيبه تحياتي

[خيالات الشعر]

هلا والله يايلاف منوره يالغلا


وصح السانك مليار في مليار ولايكفون


جزله والله يايلاف وعلى القوووه يالغلاا



دمتي بوود

[أبوعبدالرحمن]

ايلاف

صح لسانك اختي

واهلا بعودتك مجددا


وبالنسبة للقصيدة محل الخلاف فننتظر رد الاخ عوض ناشي فقد يأتي بتاريخ نشر لها اقدم من تاريخ ادراجها بالمنتدى


تحيتي لك

[ريتشارد]

وأنا القصايد من خيالـي قريبـه وأقطف روايعها الليا هاض جاشي
أدور اللي مـن حلاهـا صعيبـه وأترك مناظيم القصيد الخشاشـي
أتعب لهـا مثـل البـدو للذهيبـه وأروي ظما قلوب هيام عطاشـي

الشاعرة \إيلاف

صح لسانك

[معيوف الدوسري]

الله الله الله

بدون مجامله اناء اشهد انك قطفتي من ورود الشعرررررررر

[إشراقـ أمل ـة]

أختي إيلاف

الله يهديه

هو لو استأذن أكيد ماتقصرين معه ... بنت رجال ...

ويليت نسبها لك كان يهون ...

إلا السرقات الأدبية ما أحد يرضى بها أبدا

لابد من ظهور الحقيقة

صراحة قصيدة رائعة

صح لسانك .. يالغلا

[عبدالرحمن الجبابرة]

الشاعرة إيلاف

صح لسانك وسلم فكرك على القصيدة
وبيض الله وجهك
شاعرة ولا فيك شك
.
.
أما القصيدة محل الخلاف فلا أحد يستطيع الحكم لك أوعليك حتى حضور المُدّعى عليه ويقول ماعنده , مثل ما قال أخوي أبو عبدالرحمن وهذا الحق ما احد يزعل منه .

لي ملاحظة على الرواة ومن يقوم مقامهم الوقت الحاضر, وهم الصحافة والمجلات والانترنت وهؤلاء يقعون في أكبر من هذه الأخطاء لأنهم أيضا بشر , وهناك من يتعمد أيضا إحداث مثل ذلك عمدا لهدف أو لآخر . .
فهوني عليك أختي الكريمة , ونسال الله أن يكون في ذلك خيرا لك ويحفظك بحفظه .

[نياف العتيبي]

ايلاف

صح لسااانك عدد شعر راسك

ابدعتي ,, واسمك مميز بالشعر النسائي

وبالنسبه للقصيده محل الخلاف بصراحه لاتعليق

ولم استوعبها من جد ,, لاني على يقين بانتفاء عنصر الشبهه عنكما


سلامي لكِ ولحضورك المميز

الناايف

[الدندووووونه]

إيلاف

صــح لسااااانك وعلا شاانك..

الله يهديه .. بس اي قصيده فيهم ماوضحتي..

تحيتي..

[ساره آل مسلم]

صح السانك قصيده في غاية الروعه ولا تقلين عنها روعه

وصحيح كل له من أسمه نصيبه
وأنته عوض ناشي وبالشعر ناشي
والذيب طشته الظـروف بقليبـه
والسيرة العطرة طواها التلاشـي
شعر ماهو شعرك وش اللي تبيبه
حاول مادام أن القصايد بلاشـي
والليا عجزت من الدروب التعيبه
أرجع لأهلك ومركب الشعر ماشي

وربييييييييي ماااااااااااااااااهره تلعبين بالقصيد


ابداااااااااااااع


تقبلي تواجدي




ما كنت لارحل دون اثر



اما عن عووووووض (((غريب امره من جد))
عبد الرحمن الجباره



الشاعرة إيلاف

.
أما القصيدة محل الخلاف فلا أحد يستطيع الحكم لك أوعليك حتى حضور المُدّعى عليه ويقول ماعنده , مثل ما قال أخوي أبو عبدالرحمن وهذا الحق ما احد يزعل منه .

لي ملاحظة على الرواة ومن يقوم مقامهم الوقت الحاضر, وهم الصحافة والمجلات والانترنت وهؤلاء يقعون في أكبر من هذه الأخطاء لأنهم أيضا بشر , وهناك من يتعمد أيضا إحداث مثل ذلك عمدا لهدف أو لآخر . .
فهوني عليك أختي الكريمة , ونسال الله أن يكون في ذلك خيرا لك ويحفظك بحفظه .

بصارحه استغرب ردك مع انها واااااااااااضحه زي نور الشمس
في عز الظهر


اخوي عبد الرحمن
لو انه كاتبها قبل ايلاف كان ما رد على القصيده وكا رده كتالي ::


قال : غني لي وأنا أكون شاكر
قلت : واللللللله ؟؟؟ لو سمحت ( تحل عني ) !!

قال : ( طيب .. كيف اطير بلاتذاكر ) ؟؟
قلت : مدري ,, قال لي : لاصرت جني !!



ههههههههههههههههه



اختي العزيزه

الشاعره ايلاف


صح لسانك مددا بلا عدد

قصيدة غير وفكره غير

سجلي متابعتي لقلمك ونزفك الراقي


تحياااااااااااااااااااااا ااتي


اخوووووووووووك

؟؟؟؟
نحن بانتظاره ليدافع عن نفسه
...

[ايلاف]

أختي خيالات الشعر

الله يحفظك . شرفني حضورك

[ايلاف]

ايلاف

صح لسانك اختي

واهلا بعودتك مجددا


وبالنسبة للقصيدة محل الخلاف فننتظر رد الاخ عوض ناشي فقد يأتي بتاريخ نشر لها اقدم من تاريخ ادراجها بالمنتدى


تحيتي لك



حياك ابو عبدالرحمن . لكن لاتنتظر رفيقك وإبن عمك عوض لإنه ماراح يجي .. الرجال راد على القصيدة . وبالنسبة لتاريخ النشر حركة قديمة جدا وأتمنى تكون ارقى من كذا .

أنت عارف وش تقصد ايلاف

[أبوعبدالرحمن]

غريب ردك يا ايلاف

تبين نحكم بدون نسمع له ؟


ولو بفزع له ما رجعت رقمك السري وحذفت قصيدتك في غرابيل او اضفتها لمشاركات عوض ناشي


الشعر ادب وانا خوك فتحلي بالأدب لين نجيب لك حقك

[معيوف الدوسري]

كلمة الحق تقال


واناء اقول والله كلام ابو عبدالرحمن عين العقل ولم يخطي بحقك


اختي ايلاف == اناء ادري انك متضايقه لاكن العقل حكم بين العقال


تقبلو فضولي

[ايلاف]

هلا اختي بغداد الأمجاد

مشكورة على تشريفك للقصيدة

[ايلاف]

هلا اخوي معيوف الدوسري

مشكور على تشريفك وماقصرت على التفاعل

[ايلاف]

أختي اشراقة أمل

ياهلا وغلا فيك وماقصرتي على تشريفك للقصيدة

[ايلاف]

هلا وغلا اخي عبدالرحمن الجبابره


شرفت القصيدة ولي ملاحظة على عدم تفهمك للوضع .

وشلون شاعر يرد على قصيدة ويشكر راعيتها وبعدين ينسبها لنفسه

[ايلاف]

هلا اخوي نياف


وانت ان شائ الله نياف على اسمك

عنصر الشبهه هذا موجود والدليل السرقة في وضح النهار

[ايلاف]

هلا اختي وغاليتي الدندونه

ياعلني ماخلا من هالطله والله مشتاقه لك موت

[ايلاف]

هلا وغلا ومرحبا اختي كيان ماسور

والف شكر على ايضاحك للموضوع الذي لم يكن بحاجة الى مثل هذا الايضاح

تسلمين

[ايلاف]

أخوي ابو عبدالرحمن

عطني تفسير واضح للقضية :

واحد يرد على قصيدة وحده وبعدين ينسبها على نفسه والشي الاخر حد علمي ان عوض ناشي عسكري بالطواري وشلون يذاكر والشي الثالث خذ اي قصيدة لي وقارنها بهذي القصيدة تلقاها نفس الاسلوب .

وش يدل هذا عليه .

[احمد مناحي]

ايلاف

هلا بك وغلا

صح لسانك على القصيده الرائعه والجميله ..

ابداع بمعنى الابداع

تناولتي موضوعك بطريقه جميله كل الابيات في القصيده تصب في

غالب واحد ومرتبطه ارتباط فعلي بالموضوع بدون تكرار .....

اما موضوع القصيده بصراحه كثرت السرقات للاسف ولايوجد حفظ للحقوق على الوجه

الاكمل ..

وان كانت ثقتنا مطلقه في ادراة منتدانا انهم دائما يقفون مع الحق ويناصرون اصحاب الحقوق ..

فلا عليك ان كان لك حق بوصلك ان شاء الله والاخوان مايقصرون .....

تقبلي مروري

[ايلاف]

اخوي معيوف :

ماقصرت على رسالتك الطيبة .

كلك مفهومية

[سلطان الـبـلوي]

صــــح السانك يا ايـــــــــــــــــــلاف


والحلال مايــــــــضيع

[ايلاف]

اخوي احمد الشمري

ماقصرت على حضورك , والحق بّاذن الله مايضيع

[وجــــدان]

الأخت الشاعره ايلاف

صح لسانك وربي يظهر الحق ان شاء الله

تحيتي لك

[سلطان الـبـلوي]

صــــــــــــــــــــــــ ــــــح السانك ولا قصرتي اختي ايلاف



مأشألله عليك اتمنا لك التوفيق


تحياتي

[ايلاف]

اخوي سلطان البلوي :

مشكور على تشريفك للقصيدة

[ايلاف]

هلا بالغالية وجدان :

شرفتيني بطلتك البهية ربي يخليك لي

[منصور الحربي]

مساءك سكر :


الله يبارك بالصديق الغالي عوض ناشي الذي أعادك إلى هنا . . !!

صح لسانك أولا . . وثانيا لايساورني شك أن هنالك إشتباه في الموضوع . . بحكم علاقتي بأبو عناد الشاعر المتمكن فإنني أجزم يقيناً أن عناد ليس بحاجة الى إستعارة اي قصيدة لأي شاعر او شاعرة مهما يكن . . !!

تقبلي أرق تحياتي ..

[منور العوني]

صح لسانك يا ايلاف


وانا صراحه من جمال البيتين اللي فالتوقيع ماركزت على الموضوع

بس متابع لكم الا ان تظهر الحقيقه

[عبدالهادي الجهني]

صح لسانك بلا حد على القصيدة الجزلة والعذبة

[عوض ناشي]

( ادارة واعضاء منتديات غرابيل )
السلام عليكم
اولا ً انا لا اعلم عن هذا الموضوع الا بعد اتصال تلفوني من اخي العزيزالشاعر/ نياف العتيبي
نظرا ً لضروفي الخاصة وانقطاعي عن الشبكة العنكبوتيه لفتره طويله ,
وقطعا ً للمهاترات اضع لكم هذه الصورة اللتي سحبت باالأسكنر
http://www.7ammil.com/data/visitors/2007/11/26/7ammil_612_top - 1.jpg

تقبلوا خااااااااااالص
تقديري ومودتي الدائمة



اخوكم / عنيدأأأأأأأألشْعِر

[ساره آل مسلم]

ما كنت لارد لولا خوفي من ان اكون في مداخلتي السابقه قد ظلمتك

عوض ناشى
تاريخ النشر:
23/5/1419

ايـــلاف
تاريخ النشر:

20 / 11 / 2006
الإثنين 29 شوال 1427 هـ

؟؟؟؟
غريب ياعوض كيف ترد عليها والقصيده لك؟؟


قال : غني لي وأنا أكون شاكر
قلت : واللللللله ؟؟؟ لو سمحت ( تحل عني ) !!

قال : ( طيب .. كيف اطير بلاتذاكر ) ؟؟
قلت : مدري ,, قال لي : لاصرت جني !!



ههههههههههههههههه



اختي العزيزه

الشاعره ايلاف


صح لسانك مددا بلا عدد

قصيدة غير وفكره غير

سجلي متابعتي لقلمك ونزفك الراقي


تحياااااااااااااااااااااا ااتي


اخوووووووووووك

معقول ما عرفتها

[محمد الجبريني]

الشاعره ايلاف صح السانك شاعره جزززله
ومتمكنه وقويه
تقبلي تقديرري واحترااامي

[ايلاف]

أخوي عوض حركة قديمة جدا .. ورب البيت اللي رفع سبع ونزل سبع لأكشفك قدام الله وخلقه .

والطريقة اللي سويت عشرين الف واحد يقدر يسويها .

[صهيل الصمت]

ومايضيع حق وراه مطالب


موفقه اختي ايلاف