ريانة العود
28-02-2004, 04:08 PM
السسسلام عليكم
بصراحه وانا قاعده اقرا مجله فواصل العزيزه وماكان لي خلق فقعدت اتصفح
والصفحه اللي فيها الوان ملفته اقراها
< تمزح
المهم وانا اقرا الا في صفحه مدري ايش اللي خلاني اقراها
ويوم قريتها تسدحت ضحك وعجبتني مرره قلت انسخها لكم هنا
وهي للكاتب : رفيع الشان
من اسبوع جتني رساله من صديق يقول فيها انت معزوم في استراحه عزيمه خاصه بالاخوه
والاصدقاء والاشتراك ب 100 ريال
(( والله يديم الرخص ))
وان الاشتراك من ضمنه عشا يعني تجي تسولف وتتعشا ب 100 ريال في الحقيقه اني مارحت لاني شفت ان
شوفة الاخوه والاصحاب مكلفه مرره وش اللي ميه ريال عشان اجي اشوف اصحابي ؟ ليه يفتحون عيونهم على ان
الصداقه دخلت في عالم البزنس من اوسع ابوابه يعني بكره لا جا واحد وحب يستهلك وجهه البشوش عشان اواعده
على خلاف رنه وحده في الجوال وادفع فوقها خمسين ريال ولا سالته لييه قال تبي ولا اطي معاد ناقص الا تطلب
اصحابك عن طريق خدمه الكول 700 ,, المهم اني صفطتهم وقلت اللي بشوفه في الشارع العام وببلاش ياهلا به
اما اللي بيكلفني ميه ريال بطاقه سوا اصرف
ومن يومين لقيت صديق لي على اشاره المرور وفتح الدريشه وقال لي هلا رفيع وقف على جنب ابي اسلم عليك
قلت له سم هلا وغلا بالسلام وبالشوفه اللي ببلاش ولا امداني بسكر الدريشه عشان اتحرك الا فتحت الاشاره الا وهو يقولي
جب لي من البياع اللي وراك قاروره مويه < ياشين الخساير اللي ماتحسب لها ابدا >
قلت له ابشر وانادي الهندي واشتري منه قروره مويه بريال ويوم تعديت الاشاره والقاروره معي
صفطت موتري على الرصيف وصفط وراي صاحبي ونزلت بالقاروره وقلت له سم هذي القاروره
ويقوم النذل وياخذ القاروره قبل يسلم علي ويوم يخلص الشرب سلم على وسالني عن حالي
< زين ماسالني كم في مخباك من قروش >
المهم اني سلكت عليه وطسسسسسسسسس << ترا كذا مكتوبه بالمجله :تصفير:
ويوم قربت لم الدوام حقي والا رفيق لي واقف لم سيارته في المواقف ويوم شافني سلم علي
وقالي جايب لك سندويتشات تعال افطر معي < فديت الصداقات اللي زي كذا >
وقلت له سم والا امدانا نطلع الاصنصير ويقول لي رفيع احصل معك ريالين صرف عشان ماكينة الببسي ؟؟
< يخرب بيته عطاني سندويتش بريال واخذ مني ريالين الله لا يوفقه >
المهم انه مرغم اخاك لا بطل طلعت الريالين وعطيته اياه <كان اعتذرت له وقلت ان ثوبك في البيت وناسي المخبا فيه>
المهم واكلت الساندويتش وطلع حقها على ظهر دين سماوي قلت معليه صدقه عن والديني ويوم طلعت من الدوام
متوجه للبيت واصادف لي صديق حبيب طيب نذل اعرفه من زمان قالي وش رايك نروح نتغدا قلت له لا انا بروح اتغدا في البيت
قال تكفا خلنا انتغدا في مطعم وانا عازمك وقلت له تم ورحنا نتغدا في مطعم مره ذرب وفخم اذكر اني دخلت الحمامات حقتهم ولقيت
ورقه محطوطه في الباب الخلفي مكتوب عليها حضور وانصراف واقوم قبل لا ادخل الحمام واوقع على الحضور ويوم طلعت من الحمام وقعت الانصراف لين لحقني رئيس السيرفسيه وقال هذا حق العمال حضور وانصراف ليه توقع عليه ؟؟:D
قلت له : كنت احسب حماماتكم تابعه للمباحث < ياشين اللي يشربون الشاهي على الصبح في طاسه مويه
تختلط عدادات التركيز معه >
المهم اني جلست على الطاوله وطلبت مشكل مشوي وصاحبي طلب سمك وساعه ونص من هالاحداث المريعه
واحنا ناكل جتنا الفاتوره وكان الحساب 265ريال ويناظرني صاحبي قال رفيع معك شي ؟
قلت مامعي الا انت < لا تستهبل يالدب > قال اقصد معك قروش قلت ليه العزيمه ماهيب على حسابك ؟ قال الا
بس كنت احسب ان العزيمه بتكلف 100 ريال < عز الله دفت 165 > قلت يعني مامعك الا 100 ريال ؟
قال ايه < وجعيه >:)
قلت سم ولا يهمك انا اكملها المهم اني عقب ماطلعت من العزيمه اللي ثلاث ارباعها على حسابي مشي للبيت
وحلفت لو يوقفني ابوي الله يرحمه ويسالني وين ودك تتعشا قلت له عند امي الله يعطيها طولة العمر اللي لا شوفتها تكلف
ولا عشاها يكلف < وش هالصداقات اللي تخسر >
يعني الحين لو بحسب اني بشوف لي كل يوم ثلاثه من اصحابي احسب معهم 6000 ريال في الشهر وعشان كذا
قررت اني احط تسعيره لخدي اليمين وتسعيره لخدي اليسار وحطيت عشره ريال للي يبوسني من اليمين وسته ريال ونص
للي يبوسني من اليسار .. طبعا ماهو لاي سبب بس اخاف اطيح لي في صديق بخيل افتح باب الخيارات قدامه وياخذ الخد الايسر
< عز الله ربعك اللي انا خابرهم نصهم بيقاطع خدك والثلث بيكاسر واثنين بيستعملون خدك اليسار سلف >..
وانشالله تعجبكم :confused:
بصراحه وانا قاعده اقرا مجله فواصل العزيزه وماكان لي خلق فقعدت اتصفح
والصفحه اللي فيها الوان ملفته اقراها
< تمزح
المهم وانا اقرا الا في صفحه مدري ايش اللي خلاني اقراها
ويوم قريتها تسدحت ضحك وعجبتني مرره قلت انسخها لكم هنا
وهي للكاتب : رفيع الشان
من اسبوع جتني رساله من صديق يقول فيها انت معزوم في استراحه عزيمه خاصه بالاخوه
والاصدقاء والاشتراك ب 100 ريال
(( والله يديم الرخص ))
وان الاشتراك من ضمنه عشا يعني تجي تسولف وتتعشا ب 100 ريال في الحقيقه اني مارحت لاني شفت ان
شوفة الاخوه والاصحاب مكلفه مرره وش اللي ميه ريال عشان اجي اشوف اصحابي ؟ ليه يفتحون عيونهم على ان
الصداقه دخلت في عالم البزنس من اوسع ابوابه يعني بكره لا جا واحد وحب يستهلك وجهه البشوش عشان اواعده
على خلاف رنه وحده في الجوال وادفع فوقها خمسين ريال ولا سالته لييه قال تبي ولا اطي معاد ناقص الا تطلب
اصحابك عن طريق خدمه الكول 700 ,, المهم اني صفطتهم وقلت اللي بشوفه في الشارع العام وببلاش ياهلا به
اما اللي بيكلفني ميه ريال بطاقه سوا اصرف
ومن يومين لقيت صديق لي على اشاره المرور وفتح الدريشه وقال لي هلا رفيع وقف على جنب ابي اسلم عليك
قلت له سم هلا وغلا بالسلام وبالشوفه اللي ببلاش ولا امداني بسكر الدريشه عشان اتحرك الا فتحت الاشاره الا وهو يقولي
جب لي من البياع اللي وراك قاروره مويه < ياشين الخساير اللي ماتحسب لها ابدا >
قلت له ابشر وانادي الهندي واشتري منه قروره مويه بريال ويوم تعديت الاشاره والقاروره معي
صفطت موتري على الرصيف وصفط وراي صاحبي ونزلت بالقاروره وقلت له سم هذي القاروره
ويقوم النذل وياخذ القاروره قبل يسلم علي ويوم يخلص الشرب سلم على وسالني عن حالي
< زين ماسالني كم في مخباك من قروش >
المهم اني سلكت عليه وطسسسسسسسسس << ترا كذا مكتوبه بالمجله :تصفير:
ويوم قربت لم الدوام حقي والا رفيق لي واقف لم سيارته في المواقف ويوم شافني سلم علي
وقالي جايب لك سندويتشات تعال افطر معي < فديت الصداقات اللي زي كذا >
وقلت له سم والا امدانا نطلع الاصنصير ويقول لي رفيع احصل معك ريالين صرف عشان ماكينة الببسي ؟؟
< يخرب بيته عطاني سندويتش بريال واخذ مني ريالين الله لا يوفقه >
المهم انه مرغم اخاك لا بطل طلعت الريالين وعطيته اياه <كان اعتذرت له وقلت ان ثوبك في البيت وناسي المخبا فيه>
المهم واكلت الساندويتش وطلع حقها على ظهر دين سماوي قلت معليه صدقه عن والديني ويوم طلعت من الدوام
متوجه للبيت واصادف لي صديق حبيب طيب نذل اعرفه من زمان قالي وش رايك نروح نتغدا قلت له لا انا بروح اتغدا في البيت
قال تكفا خلنا انتغدا في مطعم وانا عازمك وقلت له تم ورحنا نتغدا في مطعم مره ذرب وفخم اذكر اني دخلت الحمامات حقتهم ولقيت
ورقه محطوطه في الباب الخلفي مكتوب عليها حضور وانصراف واقوم قبل لا ادخل الحمام واوقع على الحضور ويوم طلعت من الحمام وقعت الانصراف لين لحقني رئيس السيرفسيه وقال هذا حق العمال حضور وانصراف ليه توقع عليه ؟؟:D
قلت له : كنت احسب حماماتكم تابعه للمباحث < ياشين اللي يشربون الشاهي على الصبح في طاسه مويه
تختلط عدادات التركيز معه >
المهم اني جلست على الطاوله وطلبت مشكل مشوي وصاحبي طلب سمك وساعه ونص من هالاحداث المريعه
واحنا ناكل جتنا الفاتوره وكان الحساب 265ريال ويناظرني صاحبي قال رفيع معك شي ؟
قلت مامعي الا انت < لا تستهبل يالدب > قال اقصد معك قروش قلت ليه العزيمه ماهيب على حسابك ؟ قال الا
بس كنت احسب ان العزيمه بتكلف 100 ريال < عز الله دفت 165 > قلت يعني مامعك الا 100 ريال ؟
قال ايه < وجعيه >:)
قلت سم ولا يهمك انا اكملها المهم اني عقب ماطلعت من العزيمه اللي ثلاث ارباعها على حسابي مشي للبيت
وحلفت لو يوقفني ابوي الله يرحمه ويسالني وين ودك تتعشا قلت له عند امي الله يعطيها طولة العمر اللي لا شوفتها تكلف
ولا عشاها يكلف < وش هالصداقات اللي تخسر >
يعني الحين لو بحسب اني بشوف لي كل يوم ثلاثه من اصحابي احسب معهم 6000 ريال في الشهر وعشان كذا
قررت اني احط تسعيره لخدي اليمين وتسعيره لخدي اليسار وحطيت عشره ريال للي يبوسني من اليمين وسته ريال ونص
للي يبوسني من اليسار .. طبعا ماهو لاي سبب بس اخاف اطيح لي في صديق بخيل افتح باب الخيارات قدامه وياخذ الخد الايسر
< عز الله ربعك اللي انا خابرهم نصهم بيقاطع خدك والثلث بيكاسر واثنين بيستعملون خدك اليسار سلف >..
وانشالله تعجبكم :confused: