ياراكـب المرسيدس

[أمـير الورد]

ياراكـب المرسيدس اشعلت قلبي
من يوم شفتك والبلا بي لذلحين
شفتك بجنبي ليت ماجيت جنبــــــي
شفتك مع السواق خلفه من يمين
آخر مـوديل فـياقـرا حـرفـها البــي
وحرفين مابين الألف وآخر السين
ارقــامـها وحـده مـن الأف آي بـي
آخـر موديـــلٍ بالثلاثة واللـفـيـن
وقــت الــعصـر لاعـاده الله بدربي
باول صفر من عام اربع وعشرين
وجـهـتـك لاشـرقٍ ولاهــيب غربـي
وان كان ماني واهـمٍ يـوم الاثنين
عطـيتني نظـرة غـرور اغدرت بي
مثل الـذي صـابه من القـوم رمحين
شلت اللـثـام وشفتـنا المسـتخبي
وشفتك تناظرني وانا شاخل العين
واحـترتنا مابـين عيــنٍ وهـدبـي
ومابين سـلة سـيـف ومـابين خديـن
وهللــت انا متــذكراً عــظــم
اللي خـلـق بالكـون شمــسٍِ وبدرين
بـدرٍ بعـيدٍ في السـما ماينبـــي
إلا في يــومٍ يقـسم الشهر نصفـــين
ماقول غير الله حسيبك وحسبي
يكـفيني اللي ذقـتـنا مــنك يازيــن
اشغلت بالي في عواصف تهبي
وانا مـن اول دالـهٍ مااشـكي البيــن
قصدي شريف ابغاك ماهوب لعبي
ولاهوب حبٍ في الطمع والملايين
الذنب ذنب الحب ماهوب ذنبي
وذنب العيون اللي رمتني بسيفين
والـلـه لو قـالو تـراها تــحبي
عيش الرغد والعز ولبس الفساتين
بــقول تسـتاهل وحـنا نـلبي
حتى ولو نصفق لها الدين بالدين
يازين انا مدري وش اللي حصل بي
واللي حصل منك به اليوم تدرين
تدرين زينك للمنايا حدر بي
لكن عساي بروضةٍ مابها طيـن
انا اشهد ان القلب بالنار شبي
تكفين طفي ناره اليوم تكفين
لانيب في سلمٍ ولاني بحربي
والشاهد الله صرتنا بين نارين

للشاعر/فهد بن مطلق المصارير

فهد بن مطلق المصارير

فهد بن مطلق المصارير

[عبدالرحمن الجبابرة]

وهللــت انا متــذكراً عــظــم
اللي خـلـق بالكـون شمــسٍِ وبدرين


مرحبا بك أخي الكريم : صقر البدارين
سعدا بانضمامك لمنتديات غرابيل
القصيدة نقلتها هنا لملائمة الإختصاص

القصيدة رائعة واختيارك لها يدل على حسن ذائقتك الجميلة

البيت أعلاه ناقص كلمة ( ربي ) وهذا من السرعة في الكتابة

أتمنى بأن تقضي معنا أسعد الأوقات وأمتعها وبأن نرى لك إبدعات قلمك قريبا

وياهلا وغلا ملايين بالبدارين

.
.
مودتي

[الدندووووونه]

الله يعطيك العافيه خيووو..

قصيده رائعه ..

تحيتي..

[أمـير الورد]

اشكرك على حسن المتابعة
تشرفت بمرورك اخي عبدالرحمن

تشرفت بمرورك الدن....!