يامنور العووووني اقرررب جاااي

[ناصر الشيباني]

السلام عليكم ورحمة الله وبركااته

حبيت العب معك طاروق على الطاير



هلا يامرحبا ترحيبتن مامثلها ترحيب = تراحيب الرجال اللي تفتل في شواربها

تريد الصدق حنا مانحب الا رجال الطيب = حقايق والحقايق طيبه من طيب جايبها

[منور العوني]

عليك السلام ورحمة الله وبركاته

واللي عندك هاته


يدوم إلك البقا والله يبارك فيك ياهالذيب=تغيب وغيبتك كل العرب تبغى سبايبها
وحنا ياولد صالح مانتبع للردى والعيب=ولاندرق عن الانظار لاشبت شبايبها

[سعود السلمي]

الله لله هذا الكلام الي يصحي من النوم على قولتهم

صح لسانك ناصر الشيباني

وصح لسانك منور العوني

[ناصر الشيباني]

الله الله





يامنور لاتخربها نعرفك ماتعرف الغيب = وعيني ماتغيب الا عن القشرا وخايبها

وحنا مانعلقها معك بالشك والاالريب = لك الله ماحسبنا للسريا مع كتايبها

[ناصر الشيباني]

هااوي قصيد



حياااك الله ملياار ولاتكفى



عسااك عاد في صفي منت فالصف المناحر



تقبل الود

[سعود السلمي]

لو انقسم نصين كان خليت كل نص في صف كلكم مثل العينين فالراس

[ناصر الشيباني]

طيب احرجتني



من طيبك


انا ابي لك الخير من شان كذا اقول خلك بصفي

ههههههههههههههههههههه




الشك زايل والدعوى سهاله

على قولة واحد من العيال




تقبل الووود

[منور العوني]

هاوي قصيد


حياك الله وصفي انا والعضو اللي احاوره واحد :)

[منور العوني]

استلم استلم


ترى في هرجك الفايت ياناصر انت منت مصيب=وترا (القشرا) ياناصر كاثرً والله زلايبها
انا ماقلت انك ياولد ضاري على التكذيب=وترى من يقرب الشبه يبا يونس لهايبها

[منور العوني]

ناصر

الساعه 2:24

الدوام انتهى

القاك ان شاء الله الليله او اي وقت انت فاضي فيه

[ناصر الشيباني]

الله الله

استلم





حشا ماقلت لك غير الحقيقه ياعساك تطيب = نصيحه لاتجي من بين ريسها ونايبها


بعد ماجابك الله مانلومك يوم جاك الشيب = تشب النار وانته عود واحد من حطايبها

[منور العوني]

استلم وليلك ليل ):



حشا مانقرب الشَجره ولانقرب لأم جنيب =بعد شفنا الاوادم فالزمن كاثر مصايبها
غريبه كيف ياجحدر تبا تقوى سواة كليب=سهومي فيك ياناصر يبا يبطي ضرايبها

[ناصر الشيباني]

ياطيب لليل ً القااك فيه


حيااك واستلم يالغالي




تبا تنحاش عنها وانت شايلها بوسط الجيب = تحمل مايجيك من الحياه ومن عجايبها

اعرفك انك كليب ولاحميتو شامخات النيب = صحيح انك تعرف الحرب واهل الحرب هايبها



شامخات النيب = الابل

[وافي السبيعي]

ناصر ومنور

صحت اللسنتكم على هالطاروووق

الجميل والرائع


متابع

[ناصر الشيباني]

واافي



انت وافي على اسمك



وحيااك الله ونورت المتصفح



وتقبل الوود

[منور العوني]

وافي السبيعي


حياك الله وابرك الساعات اللي تجيبك

وصح بدنك

[منور العوني]

استلم ياناصر



لقينا العز فيها مالقينا قلة التهذيب=تقوله وانت ياناصر مقرّب من حبايبها
اعرف الحرب والا انته ياناصر تعرف الترتيب=اوقف واحتزم دونك ليا شبت حرايبها

[ناصر الشيباني]

الله الله



حيااك مير استلم يالغالي




لقيت العز لابله لقيت الموت والتعذيب = عساهم مع هبوب الله ليا هبت هبايبها

بفضل الله خذلنا شلة التهريب والتخريب = مصيرك فالقبور اللي مركزتن نصايبها

[ناصر الشيباني]

اخووي منور بيض الله وجهك




وصح الله لساانك مليار



تقبل الوووود




اخوك

ناصر

الشيباني

[منور العوني]

استلم ياناصر


تقوله وانت قرصك فالسمن يامانع التهريب=تعيش اكثر تشوف اكثر مع الدنيا وغرايبها
ادلّك للطريق الصح وانته ترغب التجنيب=مصير الناس للحفره شباب او كان شايبها

[منور العوني]

الاخ العزيز

ناصر الشيباني

صح بدنك وتشرفت باللعب معك


اخوك