أسرع طريقة لتسمين الحلال

[تاجر مواشي]

اغنام - ابل - دواجن - طيور


أسرع طريقة لتسمين الحلال (http://www.aghnam.com.sa/vb/showthread.php?t=336458)


السلام عليكم ورحمة الله وبركاته
بإختصار شديد دون مقدمات
باختصار شديد تبغى تسمن حلالك وتشوف الفرق 15 يوم
تبدأ تشوف الفرق
باقي الرز حق الغداء تفلتره يعني تنقيه من باقي اللحوم
وتصب عليه دبس القصب علبة يوميا العلبة ب 8 ريال وتخلطه
مع الرز وتحطه بحوض أو كفر حسب كمية الرز ولا مانع إنك
تحتفظ بباقي الغداء يومين بالثلاجة وتحطه يوم ورا يوم
النتيجة الحلا يبدأ يزين حاله وتزين شعرته ويختفي تسمم الحمل
ومنها بعد تستفيد تحفظ النعمة بدال كبها في القمامة أجلكم الله
ملاحظة
هالطريقة تغنيك عن الشعير نهائيا عند إنقطاعه بس تضيف لها
خبز يابس ولاتكثر تلاحظ حلالك مايردى حاله لو إنقطع الشعير
بل يمكن لا أبالغ يزيد شحم !! ولا يجي أحد يقول يأثر باللحم أبد
يزين لحمه لا أسود ولا هم يحزنون هذاك الخبز لحاله يمكن يسود اللحم
الطريقة سهلة يمكن ما أكون موجود دائما للرد
دبس قصب أو دبس تمر بس أفضل قصب السكر العلبة 8 ريال
والجركل يكفي أسبوع مع باقي الرز وتشوفون الفرق والسلام

المصدر: منـتـديات أغـــنـام (http://www.aghnam.com.sa/vb) - من قسم: منتدى التغذية و الاعلاف (http://www.aghnam.com.sa/vb/forumdisplay.php?f=65)


Hsvu 'vdrm gjsldk hgpghg