وش شعورك وإحسآسك في هاليوم !

[أسواق]

أيآم قليلة وسـ أحتضن أصدقآئي حضن النهآية وسـ أهمس لهم كونو بخير فلن يجمعني بكم صبآح آخر ,,
ولن يعد يومي يبدأ يومي بكم ,,
,
بهالكلمآت أبدآ هالموضوع اللي هالأيآم نعيشه ,,
نهآية المرحلة الثآنوية أو الجآمعية ,,
تخيلو تنتهي صحبة عمر من أولى إبتدآئي إلى ثآلث ثآنوي !
12 سنة جمعتنآ بنآس لآنعرفهم إلآ من الأسم فقط ,,
ولكن 12 سنة جعلتهم مثل الأخوة وأكثر يعرفون من ملآمحنآ متى نكون في قمة فرحنآ وفي حزننآ ,,
أشخآص نجتمع بهم لمدة 5 أيآم في الأسبوع لمدة فصلين درآسيين من السآعة 7 ص حتى 1 م
والبعض نقآبله العصر والمسآء حتى أيآم الإجآزآت ,,
ممكن تستمر هالصحبه إلى المرحلة الجآمعية ,,
لكن في النهآية !
كل شخص رآح يبدأ من إستلآم الشهآدة البحث عن جآمعة تضم أحلآمه ,,
واللي رآح يبحث عن كلية يبدأ فيهآ حلمه ,,
واللي رآح يبدآ التقديم في الوظآئف ,,
واللي يبي يشتغل بهالشادة بأي مجآل ,,
تختلف الطموحآت من شخص لشخص ,,
,
إتركو كل الكلآم اللي ذكرته ووقف عند هاللحظه :
يوم إستلمت الشهآدة في المدرسة وسلمت على المدرسين والبعض دموعه بعينه ,,
والمدرسين والمدير والوكيل والمرشد كلهم بلسآن وآحد يقولون : سآمحنآ وحللنآ والله يوفقك ,,
وإنت طآلع تشوف فصولك اللي درست فيهآ شقآوتك همومك أفرآحك ,,
تطلع من الفصول تشوف الحوش والمقصف جلستنآ مكآن فطورنآ شلتنآ ,,
تطلع برى تلتفت مآتحصل أحد كل شخص رآح يدور مستقبله ورزقه وحيآته ,,
موقفي شخصيآ والله جلست في السيآرة لمدة 5 دقآيق وأكثر أتآمل الشهآدة وأفكر ,,
شعوري وقتهآ مثل الطفل اللي أمه فكته من حضنهآ وقآلت له يآ الله شوف هالدنيآ ,,
كآن عدد فصلي يوم تخرجت 31 طآلب ,,
لمآ تذكرت هاليوم قبل شوي مسكت جوآلي وأبحث في الأسمآء من أ حتى حرف ي ,,
أشوف الأسمآء كثير مآعندي أرقآمهم والبعض عندي رقمه ,,
من ضمنهم شخصين أنتقلو لرحمة الله بس محتفظ بأرقآمهم إذآ شفتهآ أدعي لهم ,,
والبآقي أخر توآصل معه من الأعيآد أو المنآسبآت ,,
مآينلآم أي شخص في ظل ظروف ومشآكل هالدنيآ ,,
لكن في دآخلنآ شيء يحن لهالأيآم وأتمنى لو ترجع لو ثوآني ,,
يكفي بمجرد نتذكرهآ نبتسم ,,
بعض اللحظآت لآنعرف قيمتهآ إلآ عندمآ تعود لنآ على شكل ذكريآت ,,
,
وش شعوركم وإحسآسكم عن أخر يوم في المدرسة أو الجآمعة ؟
:052: