@@ هين هين ... يالمغروره ...@@

[محمد السليس]

مصافحه ساخنــــــــــه ومستعجله


لموقف اثر في نفسي



والله لو في قلبك شويّة احساس = ماهان لعيونك مشاهد دموعـــي

ماقلت لى وشبك ؟؟ ولاقلت ماباس =ولاخذت في يدّي وهديت روعي

وانا اتقطلعك صبابه من الياس = واكابد احزانى ولانى جزوعي

اخضعت لك هامه ووطيت لك راس = لو ماهى بسلمي وماهى طبوعي

لكن عشان الحب ياعذب الانفاس = غمضت عيني عن شماتة ربوعي

وعاديت بك ناس ٍ وزعلت بك ناس =وسكرت عن صوت العواذل سموعي

طعنتنى طعنة ظهر مثل جساس =ورمحك ثبت بين اللحم والدروعي

ربي عطالك حسن مع قد مياس = لكن وراها كان قلب ٍ قطوعي

ومن بعد ماقد وقع الفاس فالراس = معاد لى قلب ٍ تشيله ضلوعي

تلعب بي الاشواق مع كل نسناس = واقدح من اشواقي واولع شموعي

لكن عزاى ان الوفا في نبراس = يمشي معا دمى ولاهو بطوعي

والدمعه اللى جات ماغير.. هوجاس = له موعد ٍ مع موق عيني اسبوعي

وجا وانت متواجد واثر!!(( مابك احسااس)) = كشفك ربي يالغزال الفروعي

وقدام لاقلبي من الحب ينداس = قنعت من حبــك .. وقلبي قنوعي





ترى العنوان ماله داعي بالقصيده بس من باب الجذب وشد الانتباه

وصراحه عجزت القي عنوان للقصيده

[عبدالله بن سمير]

محمد السليس

روووووعه

روووووعه


صح لسانك

لاهنت

تحياتي

[النوري]

محمد السليس


هين هين يالدلوعه ؟

الدلع طبع شنيع ..من تطبع به يضيع

قصيدة تجبر على العوده..

تميز بلاحدود.

[احمد مناحي]

محمد السليس

هلا بك وغلا

حي الله ابو علي

حي الله الابداع والجزاله والعذوبه

اخضعـت لـك هامـه ووطيـت لـك راس
لـو ماهـى بسلمـي وماهـى طبـوعـي
لكـن عشـان الحـب ياعـذب الانفـاس
غمضـت عينـي عـن شماتـة ربوعـي
وعاديت بك نـاس ٍ وزعلـت بـك نـاس
وسكرت عـن صـوت العـواذل سموعـي

ياسلااااااااااام عليك هكذا الوفا والاخلاص في الحب ولا فلا وانت عزيز وشامخ رغم كل شي

يابو علي ماخاسر الا اللي يخسرك ..........

شهادتي فيك مجروحه ياستاذنا الرائع ....

صح لسانك وطال عمرك

تقبل مروري

[راشد البقمي]

محمد السليس

روووووعه

برووووعة حضوووورك


صح لسانك

لاهنت

تحياتي

[ربح السبيعي]

اخضعـت لـك هامـه ووطيـت لـك راس
لـو ماهـى بسلمـي وماهـى طبـوعـي
لكـن عشـان الحـب ياعـذب الانـفـاس
غمضـت عينـي عـن شماتـة ربوعـي
وعاديت بـك نـاس ٍ وزعلـت بـك نـاس
وسكرت عـن صـوت العـواذل سموعـي
طعنتنـى طعنـة ظهـر مثـل جـسـاس
ورمحـك ثبـت بيـن اللحـم والدروعـي


صح لسانك يابوعلي


على هالدره الرائعه والمتميزه


لاتستغرب من محمد السليس


سلمت وسلم فكرك

[أبوعبدالرحمن]

لله درك يابوعلي

وقصيدة كلها احساس في احساس

وفيها هجوم ودفاع


صح قلبك وكلك


وسلمت اناملك


تحيتي لك

[عبدالرحمن الجبابرة]

أرحب يابو علي
صح لسانك وسلم فكرك ملايين
ما يحتاج لها عنوان طالع عمرك
يكفي إنها ممهورة بخاتم المبدع محمد السليس
لاعدمناك
.
.
.
مودتي

[جواهر عبدالله]

تعودنا منك الإبداع

صح لسانك ملاييييييييييييييييين ولا هنت

وسلمت يمينك .

[بـنـت الـشـيـوخ]

الشاعر محمد السليس

صح لسانك .. ونبضك وكلك

ودمت بروعة أحاسيسك

ولاهنت

[محمد الروقي]

شايبي العزيز

ويش اقول غير صح لسااااااااااااااااانك الى رضاك

ولك مني كل ود ومزرعة على خط عفيف ورد تحياتي

[خــــالـــــد]

محمد السليس
ـــــــــــــــــــــــــ ــــــ
صح لسانك يا أبو علي

وتسلم يمينك

ولا تحرمنا جديدك
ـــــــــــــــــــــــــ ــــــ
أخوكـ/خالد

[محمد الدغيري]

صح لـ سانكـ وقلبك وفكرك

مبدع يا محمد مبدع


مهما قلت فـ شهادتي فيك مجروحه


سلمت

وننتظر قادمكـ


تحيه عطره
محمد

[مسلط المغيري]

ابو علي


هين هين


صح لسانك


ولي الشرف بقراءتها يالقرم

[زايد الروقي]

محمد



صح لسانك


و بيض الله و جهك على هالابداع الراقي



سجل اعجابي كالعاده


.......

[منور العوني]

والله مدري وش اقول لك يابو علي

بس الوكاد انك شاعر مبدع بكل ماتحمله الكلمه من معنى

ودايم ننتظر جديدك ونتوق لمعانيه الجزله


لله درك يامحمد وصح لسانك يالذيب

[نياف العتيبي]

الغالي ابوعلي


لله درررك ولاتهون


ابدعت


صح لسااااانك يالخال


ولاهنتتتتتتتتتت


النااايف

[محمد السليس]

ابو سمير


صح بدنك ولاخلا ولاعدم هالحضور وراعيه

وصح بدنك يالقرم

ولاعليك زوووود

[** عذبة النوح **]

,

,

محمد السليس

اكتفي بهذا القدر او اجيب حاصلي ؟؟؟

مريت وعانقت الابداع في كل حرف وهل هذا غريب ؟ طبعا لا

انت من رموز الجزاله هنا ولشعرك نكهه خاصه , بس لو تترك عنك التغلي

ولا تطول علينا الغيبات وتتحفنا بهالروائع دائما ترى احسن

اكتفي الان بهذا القدر ولو كان ما يكفي ,, السموحه يا شعر

صح لسانك والله يديم هالبوح وراعيه

تحياتي العطره وتقديري .

[الدندووووونه]

ابوعلي..

صــح لسااانك وعلا شااانك..

قصيده أقل مايقال عنها رائعه..

بإنتظار المزيد من إبداعاتك..

تحيتي..

[محمد الجبريني]

الله الله ثم الله وكبر ولااله
الا الله سبحااانه وتعالى
ووماشالله عليك يابو على
عسى اسلمتك العين هههههههاامين
وانت ماتحتاج شهاده يابو على
قرم وكريم وشاعر

تقبل هذي البويتات والمعذره استاذي


دكتوور ماتحتاج اشااده وتمجيد=الشعر والامجاد لك يخظعنا
تعاملك بالكاش ماهو بتقصيد =شاعر ولك جزل القصايد تثنا
قرم وكريم وفارس(ن) ضفرصنديد= وبصوتك العذب المعاني تغنا
اليا تصفحت القصايدك ماهيد = تحرك الهاجوس لين استجنا
الله يحقق لك طموحات ماتريد =ويوفقك ربي لكل ماتمنا

وتقبل عذري وشكري واعجابي واحتراااامي

[مضحي السميري]

ما يحتاج عنوان

يا محمد

شهوودهااا في عضوودهااا






عزف منفرد


صح لسانك


مدد

دم بخير

[شاعرة نجد]

الشاعر محمد السليس صح الله لسانك

أمتعتنا بهالعذبه والراائعه,لاهنت

إحترااامي...

[أحمد بن ناحل]

أبوعلي


صح لسانك وبيض الله وجهك


رسالة واضحة وصادقة

سلمت والله ولاهنت

جزل والشهادة فيك مجروحة

تحياتي لك.....,

[معيوف الدوسري]

وش البنت الي بكت يا ابو علي


حاضرين نخطفها لك يا ابو علي


اما من جهة القصيده انت تعرف رايي


الي بققوول صح السانك ترليون