-((هاوي قصيد))- اقرب جاي

[مسري الشعار]

-((هاوي قصيد))- اقرب جاي

طلبت برايفت سياف العتيبي ولا رد شفت النك مالك متصل طلبتك

خلووووووووووووووها

استلم استلم
’
’
ياسلام الله سلامن يسابق له بنوز //// مثل طعم المٌر ولا طعام السكرا

شفت انا هاوي يعرمش عظم تحت القزوز //// البطن جوعان يا ابا الحصين الازهرا

[سعود السلمي]

,

,


لا سلام ولا تحية على مثلك تجوز = كلمتي واقولها بالقلم والمسطرا

مانلومه يوم مخه ضرب فيه الفيوز = يمكن الي شافها صورته فالمنظرا

[شلعان الدوسري]

الله الله يا المطاليق

كبار كلكم

واصلوا وحنا متابعين

صحت السنتكم

[سعود السلمي]

شلعان الدوسري صح بدنك شرفت ونورت بمرورك

[فتال]

قابسه من اولها

ايه بعدي

المحاوره مايزينها الا المصامخ ):

ياسلام عليكم يالنشاما


واصلوا وعساكم على القوه



اخوكم

[سعود السلمي]

ايه ابشر بالي يخليه مسري نفسه لاهنت على مرورك فتال

[فتال]

عندكيه يالذيب


حده على المسجد ترا دينه ردي ):

[مسري الشعار]

صح ابدااااانكم شلعان الدوسري وفتال الامور سعت صدور عسى نتخارج من الورطه خخخخ


خلوهاااااااااااااااااا


سيفي الي بالمواقف يهوز الناس هوز // المعارك خاضها بالمدن قبل القرا

لابسين العز والمرجله فينا تفوز /// والامور مدبرا تحت حد الابترا

[سعود السلمي]

’
’


سيفك الي فالمواقف مثل ناب العجوز = كل ما حِدًت جنوبه تنكس للورا

خابرك ماتلبس ألا شناقيط الجنوز = امتلت بجيوبها بالفضايح والزرا

[فتال]

’
’


سيفك الي فالمواقف مثل ناب العجوز = كل ما حِدًت جنوبه تنكس للورا

خابرك ماتلبس ألا شناقيط الجنوز = امتلت بجيوبها بالفضايح والزرا


:11ap::11ap::11ap::11ap::11ap::11ap::11ap::11ap:

هاوي انت:11umbup:

[ناصر الجلاه]

..

هاوي قصيد

..

هههههههههههههههههههههه

الله يرجك والوصف 100% ياهاوي


سيفك الي فالمواقف مثل ناب العجوز
كل ما حِدًت جنوبـه تنكـس للـورا


سيفك الي فالمواقف مثل ناب العجوز
كل ما حِدًت جنوبـه تنكـس للـورا


صح لسااااانك وصح لسان مسررررري

متابع بصمـــت

..

[سعود السلمي]

ههههههههه

صح بدنك ياناصر


فتال لاهنت على المتابعه بالذيب

[ابـــوليـــــلى]

يمكن الي شافها صورته بالمنظرا

رد مجنوون ضرب عشر نسب

صح اللستكم مسري وهاوي

[نايفة شمر]

صحت السنتكم ولكم متابعتي


الزعيمة

[مسري الشعار]

نااااصر ابو ليلي الزعيمه صحت ابدانكم

عطووناااا الصفووف اليل اليل خلووووووووهاا


مابعد شفت الجواهر وانا عندي كنوز /// بس صبرك يوم طبيت سوق المشترا

المكينه سخنت والبواجي والقزوز /// وانت توك بالهدا ماوصلت ليا الكرا

[فتال]

الله الله

يامسري


شاعر يامسري وتجيب المعنى


اخوك

[مسري الشعار]

تسلم تسلم صح بدنك الله الله بالصفوف

[سعود السلمي]

,

’


انت لو حطوك مفتي تصلي بالدروز = ماحسبنٌك تعرف الفاتحه والم ترا

ضربت الحادي عشر من شهر تسعه تموز = هدت ابراج التجارة وساوت للثرا

[سعود السلمي]

ابو ليلي

الزعيمه

صحت ابدانكم لاهنتوا

[ناصر الجلاه]

..

هاوي قصيد

..

ضربت الحادي عشر من شهر تسعه تموز
هـدت ابـراج التجـارة وسـاوت للثـرا

ضربت الحادي عشر من شهر تسعه تموز
هـدت ابـراج التجـارة وسـاوت للثـرا



صح لسانك على الجزالـــه

[عبد المجيد بن عريج]

مانلومه يوم مخه ضرب فيه الفيوز
يمكن الي شافها صورته فالمنظرا

لهدرجه شبهه مسري الشعار خخخخخخخخخخخخخخخخخ

صح لسانك مليووون وولاهنت

مسري صح لساانك ولاهنت يابعدي عينان في خشه وحده

تحياتي لكم

[سعود السلمي]

صح بدنك ناصر ماعندي شيء من الي عندك طال عمرك

صح بدنك عبدالمجيد شرفت ونورت

[مسري الشعار]

هاوي قصيد صح لسانك الطاروق شاب تشرفت باللعب معاك وافي والله يالقرم وسوري على القصور

الي تابعونا وافين وصح ابدانكم

اخوكم مسري

[سعود السلمي]

صح بدنك لاهنت على كل حال مافيه قصور متعودين عليك لاتشيل هم ههههه

[ناصر الشيباني]

بيض الله وجيهكم على هالمحاوره




تقبلو الود


اخوكم

ناصر


الشيباني