الليل يا الشعار

[شلعان الدوسري]

بسم الله الرحمن الرحيم



سلامي سلامٍ ريحته عود مع طيب = على أهل الوفاء و الجود لازم نسوقه
أنا ذيب ودي اسري الليل مع ذيب = على كل غالي ساق رجله سبوقه

[سعود السلمي]

انا اشهد انك ذيب صح لسانك ياشلعان وصح لسان الشاعر المقابل مقدماا

[شلعان الدوسري]

ما عليك زود يا القرم

و الله لا يهينك

شرفت الموضوع بمرورك

[عمدة الشعار]

صح لسانك ياشلعان

[نايفة شمر]

أنا ذيب ودي اسري الليل مع ذيـب
على كل غالي ساق رجلـه سبوقـه

اسر ياذيب ولك متابعتي

[شلعان الدوسري]

الله لا يهينكم على المرور و المتابعه

و الله يجيب الشعار

[معيوف الدوسري]

ارحب يا ابن العم واستلم يا الذيب


هلاء مرحبا بك يا بعيد المحاضيب=عدد ما يهل الخير وانشت حقوقه

عليكم مواجيب وعلينا مواجيب= ولا فيه رجال ً يفرط بنوقه

[صايب عريقات]

عليكم مواجيب وعلينـا مواجيـب=ولا فيه رجـال ً يفـرط بنوقـه


صح السنتكم ياشلعان ومعيوف ، والليل ياشلعان

[شلعان الدوسري]

هلا و الله و غلا يا ابن العم

خلووووووووها



يدوم البقاء يا اللي تثني التراحيب = يا راعي جزالٍ من سمعها تشوقه
ترانا نحفظ حقوق كل الاصاحيب = و مثلك يعرف الطيب ويدل سوقه

[شلعان الدوسري]

صايب عريقات

حياك الله و شرفتنا بمرورك

تحياتي

[عبد المجيد بن عريج]

الله الله الله

صح لسانكم متابع لكما


اخوكم

عبدالمجيد

[معيوف الدوسري]

استلم يا شلعان



يا شلعان لو تويق عوج المحاديب=شرايين قلبي في الزمان محروقه
بعد ما حرمنا من كبار المطاليب=على كل رجال ً يحرم غبوقه

[شلعان الدوسري]

خلووووووها



توكل على الله عالم السر و الغيب = هذي عادة المعشوق هو و معشوقه
ترى المعرفه حظ و نصيب ومواهيب = فلا تمنع المشتاق شفه و شوقه

[سعيد بن دلهم]

متابع مع عيال زايد وصح اللسنتكم جميع

[شلعان الدوسري]

الأخ : سعيد ابن دلهم

مرحبا و الله و مسهلا

و متابعتك شرف طال عمرك

و صح بدنك و لا هنت