( راكــان متكــبّر )

[معيوف الدوسري]

أحد شاف راكان بن بدن يالربع ، الكبر لله يابن بدن هههههه
من الراس للقرطاس :



يا اصحابنا الشعار منكم نبي شور=حلّت على روس القصايد مصيبه

أشواركم يا اهل المواقيف بالدور=كلٍ يورّد ماحوا في قليبه

نبغى شهادة حق مانقبل الزور=موضوع مايدخلْه شكّه وريبه

راكان متكبّر بعد صار مشهور=قفّل تليفونه وطنّش صحيبه

وأنا على راكان مانيب مجبور=لكن أحبه ياعسى الله يصيبه

أول معي صاحب وشاعر ومغمور=واليوم أشوفه قايدٍ له كتيبه

كبْر علي راسه بعد حط جمهور=يا مصدق اللي قال دنيا غريبه

صحيح متمكّن ومبدع ودكتور=ويطوّع أبياتٍ لغيره صعيبه

لكن عطوني ياهل القاف ناظور=بدوّره يالله عساه الذهيبه

اقسم بربي ماني بمنْه مقهور=لكن أحبه ياعسى الله يصيبه




(ياعسى الله يصيبه) استغفر الله ، استغفر الله ، استغفر الله

[فايز آل بذال]

الراااائع

معيوف

ابدعت والله وامتعت بهالجزله يالجزل



أول معي صاحب وشاعر ومغمور
واليوم أشوفه قايدٍ له كتيبه
كبْر علي راسه بعد حط جمهور
يا مصدق اللي قال دنيا غريبه


ما اعرف من يكون راكان

لكن الكبر لله يا معيوف

وأكيد تتفق معي بأنه خصله غير مستحبه

خصوصاً خصوصاً لمن لا يستحق أن يتكابر ناهيك عن يتكبر

دائماً مبدع يالجزل

[خــــالـــــد]

معيوف الدوسري
ـــــــــــــــــــــــــ ــــــ
صح لسانك وقلبك

تسلم يمينك

جعلنا ما ننحرم من إبداعك يا معيوف

دمت وسلمت !
ـــــــــــــــــــــــــ ــــــ
أخوكـ/خالد

[سـعـد الحويماني]

الاملاء شي هالمره يامعيوف

صح لسانك على هالقصيده ..اما مضمونها ما اعتقد ان الكبر في راكان ولو بنسبه قليله

بس تدري بتصل عليه وارد لك علم

تحيتي

[عبدالرحمن الجبابرة]

الشاعر المميز : معيوف الدوسري
صح لسانك وسلم فكرك
وأما خويك فأنت أبخص به
وهو أبخص بك
وان ماخاب ظني فـ القرين بالمقارن يقتدي
.
.
لا عدمناكم يا اثنين والله يديم المحبة والأخوة بالقلوب
.
.
مودتي بنكهة دهن العود

[عبدالله بن سمير]

معيوف الدوسري

انشهد انك ابدعت

صح لسانك لاهنت

لك تحياتي

[ناعمة]

/
معيوف
صح قلبك وفكرك

وراكان انت ابخص فيه
هههههههه

وتسلم

/
كونوا بخير

[بـنـت الـشـيـوخ]

إيه متكبر .. حتى ماعاد شفناه بالمنتدى

:مزون:

وصح نبضك وكلك يامعيوف .. ولاهنت

[مشاعر حالمه]

اقسم بربي ماني بمنْه مقهور
لكن أحبه ياعسى الله يصيبه





(ياعسى الله يصيبه) استغفر الله ، استغفر الله ، استغفر الله

معيوف الدوسري

والله انك تحبّــــه دعيت عليه وعوّدت واستغفرت هع هع

عسى الله يحفظه ويرجع لك حبيبك يامعيوف ^_^

وصح السانك يالقرم مليووون ولاتهون

تحيتي لك / مشاعر حالمه

[مهدي بن مسفر الحبابي]

أخوي ابو مبارك

صح لسانك واعتلا شانك وبيض الله وجهك

رايعه ووافيه من وافي وننتظر علم الوافي راكان

لك فائق احترامي وتقديري

[نياف العتيبي]

ارررررحب يامعيوف


اخذتني فالطوشه رحت اجاريك ونسيت ارد على مشاركتك


هههههههههههههههههه


صحيح متمكّن ومبدع ودكتور
ويطوّع أبياتٍ لغيره صعيبه


كفو ابومحمد شروى كاتبها

صح لسااانك يالدوسري

ودامه متكبر اتركه عنك هههه

لاهنتتتتتتتتتتتت


النااايف

[عبدالكريم بن خزيّم]

الشاعر معيوف الدوسري

صح الله لسانك

والله لايفرق الأصحاب

وراكان ماهي من عوايده البعد

عن رفقته والله لايفرقكم

تقديري .

[معيوف الدوسري]

اخوي فايز اليذال

حياك الله الخطاء مني كتبت راكان بدون ذكر ابوه الى بعد مارديت

وراكان هو راكان ابن بدن اشهر من نار على علم


ولاهنت طال عمرك على مرورك الدائم وهاذا من مايزيدني شرف

[أحمد بن ناحل]

أبومبارك


صح لسانك وبيض الله وجهك

جزل وشهادتي فيك تقطر دم

وأنت صادق راكان من تالي مقفل جواله

لا والله أبو محمد قابله ربه والشهرة زاهيته

وتستاهل أنت وياه كل علم طيب


تحياتي لك.......,

[الدندووووونه]

معيوف الدوسري..

صـــح لسااانك وعلا شاانك..

قصيده رائعه..

تحيتي..

[أبوعبدالرحمن]

وأنا على راكان مانيب مجبور
لكن أحبه ياعسى الله يصيبه
أول معي صاحب وشاعر ومغمور
واليوم أشوفه قايدٍ له كتيبه
كبْر علي راسه بعد حط جمهور
يا مصدق اللي قال دنيا غريبه


معيوف

وانا اشارك الراي

لي فترة اتصل عليه ومايرد

صح لسانك لرضاك

تحيتي لك

[معيوف الدوسري]

معيوف الدوسري
ـــــــــــــــــــــــــ ــــــ
صح لسانك وقلبك

تسلم يمينك

جعلنا ما ننحرم من إبداعك يا معيوف

دمت وسلمت !
ـــــــــــــــــــــــــ ــــــ
أخوكـ/خالد

اارحب يا حالد

وصح ابدنك يا كحيلان ومرورك وسام
وعسا ما ننحرم منك لنك كفو

[** عذبة النوح **]

,

,

الله ولا هالحب يا معيوف ,,,,

دور لخويك عذر لين تلقاه يمكن منعه العذر عن التواصل

ثم القصيده ماتحتاج اي كلمه , روعه وخفيفه وتتجلى فيها روح الدعابه

الله يستر عليكم ولا يفرقكم

تحياتي وتقديري .

[الرائد33]

0
0
السلام عليكم

معيوف الدوسري عز الله ان وجهك ابيض

ما قصرت يا معيوف ابدعت وامتعت ولا هو غريب عليك

صح السانك يالجزل

وما أخرني عن الرد على هذه الرائعه الا الغارات الجوية اللي بالمنتدى :هاها:

ننتظر جديدك بالتأكيد

تقديري لك

اخوك الرااااائد

[معيوف الدوسري]

الاملاء شي هالمره يامعيوف

صح لسانك على هالقصيده ..اما مضمونها ما اعتقد ان الكبر في راكان ولو بنسبه قليله

بس تدري بتصل عليه وارد لك علم

تحيتي


وش دراك يا ابو حسن اني مستعين بصديق
خلاص لا تتصل عليه الحرب بينا قايمه
الى يوووم القيامه
لاهنت يا كحيلان على تشريفك

[معيوف الدوسري]

[quote=عبدالرحمن الجبابرة;1704626]الشاعر المميز : معيوف الدوسري
صح لسانك وسلم فكرك
وأما خويك فأنت أبخص به
وهو أبخص بك
وان ماخاب ظني فـ القرين بالمقارن يقتدي
.
.
لا عدمناكم يا اثنين والله يديم المحبة والأخوة بالقلوب
.
.
مودتي بنكهة دهن العود[/quote
ارررحب يا ابو غانم
صح ابدنك وعساني ما عدمك مرورك وتعليقك عندي سوى الكثير
لاهنت يا كحيلان احترامي لك

[ناصر السبيعي]

الله يسعدكم يالثنين

معيوف

قصيده عذبه سهله ممتنعه فيها حس فكاهي وشعور نبيل ويستاهل راكان وانت بعد تستاهل

:

ارفع القبعه اجلالً لهذه الصداقه الجميله والرقي الفكري سلمت يامعيوف


وصح قلبك

وكلك,,,

[نواف زايد الشلاحي]

صح السانك يا معيوف قصيده جزله ولله يعطيك العافيه

اخوك نواف الشلاحي

[النوري]

والنعم بالجميع

راكان بن بدن.شاعرالجود

والغايب حجته معه؟

و الغايب عسى الله يجيبه؟


ماعينتوا.

فايزبن ماجد؟

ومضحي العتيبي؟

وأخيراظهر ابن راجس والروقي.والنايف.}ثلاثتهم شاردين؟؟


معيوف الدوسري

السموحه .وأنا أختكـ
طلعت .عن جادة الصواب

والله قصيدكـ. من الطراز الفاخر

وشهادتي ماتقدم ولاتوخر.

غير.اقبل تحية تقدير
وفخر بشاعر بحجمك

ونباركـ لكـ التآهل.

بالتوفيق.إن شاءالله

[معيوف الدوسري]

معيوف الدوسري

انشهد انك ابدعت

صح لسانك لاهنت

لك تحياتي


صح بدنك ولاهنت يا كحيلان

[معيوف الدوسري]

/
معيوف
صح قلبك وفكرك

وراكان انت ابخص فيه
هههههههه

وتسلم

/
كونوا بخير

مشكوره يا ناعمه على مرورك الناعم

[**** شوق ****]

الفاضلـ

/
/

معيوف الدوسري

/

صح السانكـ وسلم بنانكـ

وبعدين وش فيها انقلبت الآيه أذكر ان راكان دايم يتهمك بالغرور

وانك شفت نفسك عليه

حرام عليك هذا جزاه وهو دايم مزعجنا صوتوا لمعيوف هههههههه

على العموم الله يديم المحبه بينكم

تقديري لكـ

شوق