ادخل وشوف هل انت المطلوب؟

[فتال]

أللي يجي اسمه على قافية (ايع)=نادوه في راسي تدور المشاريع
بجربعه من ضمن باقِ الجرابيع=واللي تبيه العين تسهر وتلقاه


ان ماحضر من طلبنا دوروا غيره=البال طربان والقيفان موزونه
وأليا تعذر قبلناها معاذيره=تبقى المعزه على الخفاق مركونه

[فتال]

عدد الأعضاء الحاليين الذين يشاهدون محتوى هذا الموضوع : 2 ( 2 عضو و 0 ضيوف )
‏فتال


كيف جت هذي :)):

[ناصر الجلاه]

..

فتال

..


الله الله مبدأ نادر وجميل صح لسانك

وننتظر شاعرتنا (( ذعاذيــع ))

وصح لسانها مقدمآ

تقبل مروري

..

[فتال]

صح بدنك ياناصر


وشكرا على مرورك الكريم

[منيرة الحربي]

أللي يجي اسمه على قافية (ايع)=نادوه في راسي تدور المشاريع
بجربعه من ضمن باقِ الجرابيع=واللي تبيه العين تسهر وتلقاه


ان ماحضر من طلبنا دوروا غيره=البال طربان والقيفان موزونه
وأليا تعذر قبلناها معاذيره=تبقى المعزه على الخفاق مركونه



انته تحارب مار مايعرف اصلك = لو تفتل الشارب تراء الشر مهلك


والعقل زين ٍ لا بدا فيك عقلك = واللي تبيه العين تصبر وتلقاه



حنا حضرنا نقول موفق ٍ خيره = والقاف نطرب على مبداه والحونه


انكان عندك علوم ٍ سير السيره = والعز يبقا على اللي دايم يصونه

[صايب عريقات]

صح لسانك يافتال ويا ذعاذيع نجد


وانا أقول من البداية وش ذاللي على قافية إيع


اتمنى محاورة رائعة ومتاااااااااااابع لكم

[عبدالهادي الجهني]

،

،


فتال ووو ذعاذيع نجد


صحت الألسن ولاهنتم


جزلين وبيض الله وجيهكم

،

،

،

[فتال]

صايب

عبدالهادي


يامرحبا والله

وتشرفنا بمروركم

[فتال]

ذعاذيع

حياك الله

واستلمي

[فتال]

يامرحبا ترحيبة الذيب بالشاه=والكذب يهلك لكن الصدق منجاه
ما انتي بويا الحرب والعلم جبناه=واللي تبيه العين تسهر وتلقاه



وش عرفك بالقصيد الجزل يااميره=الشعر يعرف من الاشناب مضمونه
نويت العب معك اليوم تصبيره=والدار بالزين هاليومين مسكونه

[منيرة الحربي]

يامرحبا ترحيبة الذيب بالشاه=والكذب يهلك لكن الصدق منجاه
ما انتي بويا الحرب والعلم جبناه=واللي تبيه العين تسهر وتلقاه



وش عرفك بالقصيد الجزل يااميره=الشعر يعرف من الاشناب مضمونه
نويت العب معك اليوم تصبيره=والدار بالزين هاليومين مسكونه



ابك البقا مثل السكاكين لتيس = لا كن ماودي انا اقول يابليس

لوك تعذرب بنت ناس ٍ وفريس = واللي تبيه العين تسهر وتلقاه

كم ٍ شنب ناقص ٍ عقله وتفكيره = وانته اضنك من اللي مايشوفونه


مطرود من دار ودور على ديره = يالله دخيلك من اللي حضه يخونه

[معيوف الدوسري]

الدعوى مولعه الله يعينكم


نجيب المطافي

عاشو صحت السنتكم

[منيرة الحربي]

معيوف الدوسري المطافي جبها الروحك الله يخليك

[خيالات الشعر]

الله الله عليكم


صح السان الشاعر والشاعره



متابعه

[سعيد بن دلهم]

صح اللسان الجميع


لاكن وش السالفه الدعوى فيها شاه وتيس وجرابيع


على العموم متابع واللي يصير يصير


الليل الليل

[فتال]

التيس شاف العنز وسط المفالي=ورحب وغنى يابعد كل غالي
جاه الهياج وجاه بعض انفعالي=واللي تبيه العين تسهر وتلقاه



معروف ان المره ماتترك العيره=وكلً يابنت النشاما شافت عيونه
النم عاداتكن والذم والغيره=والطيبه من تجي فالبيت ملسونه

[فتال]

معيوف

خشمك


وامسحها بوجهي


:)

[فتال]

خيالات شاعره


حياك الله

وحددي وين اتجاهك

[فتال]

يامرحبا ياسعيد

والله والولكم اللي كبر راس البعير


واللي مايدري يرقد بدري ):

[منيرة الحربي]

فتال صح السانك لاهنت


يوم وصلت كذا ماني من اهلك يالغالي



تحياتي لكل من مر وعلق

[عبد المجيد بن عريج]

التيس شاف العنز وسط المفالي
ورحب وغنى يابعد كل غالـي
جاه الهياج وجاه بعض انفعالي
واللي تبيه العين تسهر وتلقـاه


ههههههههههههههههههه
هههههههههههههههههههه

الله يرجك يافتال مبدع وصح لسانك ولاهنت

ولاتهون ذعاذيع نجد

[مسري الشعار]

خخخخخخخخخخخخخخخخخخخخ الطعن بالميت حرام صحت اللسن

[فتال]

ذعاذيع

ترا الدعوى وانا اخوك مزوووح تجي وترووح

وانا كان ودي استفيد من اللعب معك والا كان ماطلبتك بالاسم



اخوك

[فتال]

عبدالمجيد


حياك الله يالذيب

وصح بدنك

وحنا تلاميذ في مدرسة اللي مثلك وشرواك

[فتال]

مسري


حياك الله

وتشرفنا بمرورك