ابن حنيف العازمي
01-11-2007, 02:50 PM
بسم الله الرحمن الرحيم
هاتين القصيدتين اضعهما امام سمو الامير واعضاء المنتدى المحترمين
الاولى:مشاركتي في مسابقة خمسين عام
والثانية :بعد نتائج مسابقة خمسين عام
عز الرياض وعز وادي حنيفه=وعز الامارة والامور العظايم
عدل الحكم سلمان بالعز ريفه=خمسين عام كلبوها غنايم
تبصر بعدله عين حيي كفيفه=المجد له والطيب والعز دايم
وتقوى بميقافه قلوب ضعيفه=ويخاف من عدله زبون الظلايم
ويرحم رحمه الله ويمضي بسيفه=على اهل التخريب عنده عزايم
وتبرز نواميس الكرم في مضيفه=ويقنع بمنطوقه كثير التهايم
ولا يعتمد غير المبادي النظيفه=ولا يندفع في موقف ما يلايم
ولا يقنعه حل الخطأ بالنصيفه=ولا يمتهن بالجور كسر القوايم
ولا ينخدع بمزخرفين الطريفه=ولا يتهم راع النقاء بالنمايم
العرف دربه والتواضع حليفه=والصدق نهجه والردي عنه شايم
والخير ظنه والتعاون رديفه=والبذل سلمه لو دفع له قسايم
والحب في قلبه جبال منيفه=للشعب والاسلام والعلم قايم
مع قايد الامه يمينه عسيفه=بحر من التقدير لأخوه عايم
وولي عهد اخوه اخوه ووصيفه=عليه من وصفه بطيبه قوايم
الله يحمى اهل النفوس العفيفه=دعوة وفاء ما اسمع بها لوم لايم
__________________________________________________
وهذه القصيدة الاخرى بعد نتايج مسابقة خمسين عام
يا امير جيتك والرجاء يدفع اليأس=دفع الهبوب لمرزمات السحايب
ليا انهل ماها وارتوت منه الاطعاس=وقام النفيض يروج قدم الهبايب
جيتك ابنشد عن ذلول(ن) في الادماس=سريتها يمك وانا كنت غايب
ووردت عليك الصبح مع جملة الناس=ووسمي عليها عن جميع الطلايب
يا أمير يا راع الوفاء طيب الراس=ما شفتها يوم احتدام الركايب
حمراء من التضمير تشدي للأقواس=حول الرباع ولا عليها جنايب
حنيتها وانا محنك وحساس=من الجمل في وقت سوق الضرايب
أبي ليا قدمتها تضرس اضراس=اضراس ذيب(ن) عيشته بالنهايب
في مسابقة رجل(ن) حوى كل نوماس=خمسين عام(ن) كلبوها وهايب
والكأس من يمناك يا طيب الساس=كسيبة(ن) مابه وراها كسايب
يا راعي المعروف يا عدم الاجناس= يا زبن من كثرت عليه النوايب
يا من فتحت الباب وارخيت الاكياس=وعندك ضيوفك من غلاهم قرايب
اليوم جيتك ادفع الرجل عساس=واشرح لك الدعوى عسى الفال طايب
ولا اظن من ينصاك يرجع بالافلاس=وانت الذي فيك اطيب القول صايب
دين وذكاء وتقيس الاحداث بقياس=النظره اللي ما عليها شوايب
وختامها عداد ما هب نسناس=سلام يا من جاك ما عاد خايب
______________________
راشد بن حنيف العازمي
هاتين القصيدتين اضعهما امام سمو الامير واعضاء المنتدى المحترمين
الاولى:مشاركتي في مسابقة خمسين عام
والثانية :بعد نتائج مسابقة خمسين عام
عز الرياض وعز وادي حنيفه=وعز الامارة والامور العظايم
عدل الحكم سلمان بالعز ريفه=خمسين عام كلبوها غنايم
تبصر بعدله عين حيي كفيفه=المجد له والطيب والعز دايم
وتقوى بميقافه قلوب ضعيفه=ويخاف من عدله زبون الظلايم
ويرحم رحمه الله ويمضي بسيفه=على اهل التخريب عنده عزايم
وتبرز نواميس الكرم في مضيفه=ويقنع بمنطوقه كثير التهايم
ولا يعتمد غير المبادي النظيفه=ولا يندفع في موقف ما يلايم
ولا يقنعه حل الخطأ بالنصيفه=ولا يمتهن بالجور كسر القوايم
ولا ينخدع بمزخرفين الطريفه=ولا يتهم راع النقاء بالنمايم
العرف دربه والتواضع حليفه=والصدق نهجه والردي عنه شايم
والخير ظنه والتعاون رديفه=والبذل سلمه لو دفع له قسايم
والحب في قلبه جبال منيفه=للشعب والاسلام والعلم قايم
مع قايد الامه يمينه عسيفه=بحر من التقدير لأخوه عايم
وولي عهد اخوه اخوه ووصيفه=عليه من وصفه بطيبه قوايم
الله يحمى اهل النفوس العفيفه=دعوة وفاء ما اسمع بها لوم لايم
__________________________________________________
وهذه القصيدة الاخرى بعد نتايج مسابقة خمسين عام
يا امير جيتك والرجاء يدفع اليأس=دفع الهبوب لمرزمات السحايب
ليا انهل ماها وارتوت منه الاطعاس=وقام النفيض يروج قدم الهبايب
جيتك ابنشد عن ذلول(ن) في الادماس=سريتها يمك وانا كنت غايب
ووردت عليك الصبح مع جملة الناس=ووسمي عليها عن جميع الطلايب
يا أمير يا راع الوفاء طيب الراس=ما شفتها يوم احتدام الركايب
حمراء من التضمير تشدي للأقواس=حول الرباع ولا عليها جنايب
حنيتها وانا محنك وحساس=من الجمل في وقت سوق الضرايب
أبي ليا قدمتها تضرس اضراس=اضراس ذيب(ن) عيشته بالنهايب
في مسابقة رجل(ن) حوى كل نوماس=خمسين عام(ن) كلبوها وهايب
والكأس من يمناك يا طيب الساس=كسيبة(ن) مابه وراها كسايب
يا راعي المعروف يا عدم الاجناس= يا زبن من كثرت عليه النوايب
يا من فتحت الباب وارخيت الاكياس=وعندك ضيوفك من غلاهم قرايب
اليوم جيتك ادفع الرجل عساس=واشرح لك الدعوى عسى الفال طايب
ولا اظن من ينصاك يرجع بالافلاس=وانت الذي فيك اطيب القول صايب
دين وذكاء وتقيس الاحداث بقياس=النظره اللي ما عليها شوايب
وختامها عداد ما هب نسناس=سلام يا من جاك ما عاد خايب
______________________
راشد بن حنيف العازمي