محمد بن دحيلان
26-02-2004, 02:37 PM
السلام عليكم
القصيده تحكي عن نفسها
فـالشيراتون ،، والديرة ،، افراح وأعياد=جالس اهوجس ،، بين يالله ،، وبعدين
مره على الوقفه ،، ومره على قعاد=ومره على الممشى !! ولا ادري على وين
وفتحت الانترنت ،، ودي بالابعاد=عن همي اللي جاريٍ بالشرايين
وقريت قافٍ سنّدوا به على آد=الآد في صدره وعجزه على إيين
مضمونه اجوادٍ تهاوش مع اجواد=يالله دخيلك من هواش المساكين
هذا وانا شاعر ،، وشاعر ،، ونقاد=اعطي كفاله للبيوت ومضامين
يعني اذا للشعر بارق ورعّاد=تسيل من شعري جميع البلادين
للندّر الجزلات راصد وصيّاد=اصيد صيدٍ مايصيدونه اثنين
معنى وفكر وفلسفة بوح ومراد=كايد ولا تقواه شعار الألفين
ياوآد ،، يابادي على الطرق ،، ياوآد=ياللي تعذرب زين بنت العريبين
بنت الخليج انسامها عنبروكاد=وتفكيرها يصعب على طاهه حسين
فيها سمآحة وجه ميعاد عواد=يوم انها بالعمر واحد وعشرين
وفيها بياض الغيم لاجاك منقاد=وفيها التغنج كنها الهام شآهين
وفيها طغآ صدام في شعب الاكراد = وفيها طهر مكه ،، وطيبة فلسطين
فيها وفيها ،،أعدّ؟؟ وش لي بالاعداد =يا شين ،، ما انت بكفوها غور،، يا شين
ما تبغي الا اللي له افعال وامجاد=اللي يسم كبود كل المعادين
اللي يزيد الشر بالشر لا زاد=حاضر بحاضر ما تعامل مع الدين
اللي لو تهود المحيطين ما هاد=زيزوم كل الربع فالعسر واللين
على النقا والطيب والعز معتاد=لأهل الكرم والجود فعله عناوين
هذي فقط نبذه من افواه الاسياد=اللي على تأديب شرواك قاوين
والله لا يرفع قدر كل حقـّاد=ويحفظ بنات الطيبين الاصيلين
من شر سوء الظن وهروج الاوغاد=اللي على قذف الحصينات ضارين
وسلامتكم
القصيده تحكي عن نفسها
فـالشيراتون ،، والديرة ،، افراح وأعياد=جالس اهوجس ،، بين يالله ،، وبعدين
مره على الوقفه ،، ومره على قعاد=ومره على الممشى !! ولا ادري على وين
وفتحت الانترنت ،، ودي بالابعاد=عن همي اللي جاريٍ بالشرايين
وقريت قافٍ سنّدوا به على آد=الآد في صدره وعجزه على إيين
مضمونه اجوادٍ تهاوش مع اجواد=يالله دخيلك من هواش المساكين
هذا وانا شاعر ،، وشاعر ،، ونقاد=اعطي كفاله للبيوت ومضامين
يعني اذا للشعر بارق ورعّاد=تسيل من شعري جميع البلادين
للندّر الجزلات راصد وصيّاد=اصيد صيدٍ مايصيدونه اثنين
معنى وفكر وفلسفة بوح ومراد=كايد ولا تقواه شعار الألفين
ياوآد ،، يابادي على الطرق ،، ياوآد=ياللي تعذرب زين بنت العريبين
بنت الخليج انسامها عنبروكاد=وتفكيرها يصعب على طاهه حسين
فيها سمآحة وجه ميعاد عواد=يوم انها بالعمر واحد وعشرين
وفيها بياض الغيم لاجاك منقاد=وفيها التغنج كنها الهام شآهين
وفيها طغآ صدام في شعب الاكراد = وفيها طهر مكه ،، وطيبة فلسطين
فيها وفيها ،،أعدّ؟؟ وش لي بالاعداد =يا شين ،، ما انت بكفوها غور،، يا شين
ما تبغي الا اللي له افعال وامجاد=اللي يسم كبود كل المعادين
اللي يزيد الشر بالشر لا زاد=حاضر بحاضر ما تعامل مع الدين
اللي لو تهود المحيطين ما هاد=زيزوم كل الربع فالعسر واللين
على النقا والطيب والعز معتاد=لأهل الكرم والجود فعله عناوين
هذي فقط نبذه من افواه الاسياد=اللي على تأديب شرواك قاوين
والله لا يرفع قدر كل حقـّاد=ويحفظ بنات الطيبين الاصيلين
من شر سوء الظن وهروج الاوغاد=اللي على قذف الحصينات ضارين
وسلامتكم