سلا م الله عليكم عقب مده والقلوب صحاح ،،،، يقوله شاعر فاللعب ماختلت موازينه

[سعيد بن دلهم]

السلام عليكم وكل عام وانتم بخير وتقبل الله طاعاتكم وصيامكم وقيامكم


سلا م الله عليكم عقب مده والقلوب صحاح ،،،، يقوله شاعر فالشعر خيره سابق ٍ شره


عسى دايم لياليكم تعود بخير ولا فراح ،،،،، وعساها دوم بالخيرات والافراح مستره

[محمد السليس]

عليكم السلام

والله يجزاك خير ويبارك فيك ويتقبل منا ومنك ان شاء الله

واستلم لاهنت


هلا يامرحبا مافوق غصن الدوح ورق ٍ ناح = يقوله شاعر ٍ ماهوب من تغلب ولامره

من اللى تعرف المكسب لياقامت من الارباح = رجال ٍ قسمها من غربي العارض ليا الحره

[ناصر الجلاه]

..

سعيد ابن دلهم

..

صح لسانك ومطول الغيبببببه يابن دلهم جزل ومبدا جزل

..

محمد السليس

صح لسانك رد وافي


واصلووووا متابعييييييين


..

[عمدة الشعار]

نترقب الإبداع عن بعد

وصحت الألسن

تحيـاتي

[سعيد بن دلهم]

مرحبا بالجميع ولا عليكم زود

الا وبك البقاء وعداد برق في مزونه لاح ،،،، لاكن سر اللحن والقاف يامحمد معي سره


نعرفك يامحمد من عتيبه كاسبت لامداح ،،،، لاكني قد نصحتك مرتين وباقين مره

[محمد السليس]

حياكم الله جميع ومتابعتكم نومااس وتشريف


انا خابرك عارفنى على الغاوى حصاة رزاح = وكم من شاعر ٍ يمشي معى ويضيّع الجره

وياويل المكينه كان ماوسط الاديتر فاح = خطير الما يخلط الزيت قبل نحلحل الصره

[سعيد بن دلهم]

الله الله

لتحرص والرعيه في يدين الراعي المصلاح ،،،،، ومن قدم لنا دره يحصل عندنا دره


محمد ماجهلنا فازمان السارق المزاح ،،،،، واذا فاح الاديتر المكينه اكيد محتره

[محمد السليس]

استلم استلم


علامك يابن دلهم مختبص والليل ماقد راح = اثرك الشاعر اللى مايشوف من السما ذره
ترى ماراح اوكلك العنب والخوخ والتفاح = الين تظبط اوضاعك معى والناظر تسره

[سعيد بن دلهم]

الله الله

استلم


انا ثابت محلي في زماني والعلم ماطاح ،،،، لاكن قال المثل ماكل مره تسلم الجره

بعدي كلمتك يابن العتيبي والليالي اللقاح ،،، ولامن عدتها ضاق الفضا بك بحره وبره

[فتال]

الله الله

متابع

وسجلني في صفك يالفاقد :)

[محمد السليس]

هلا فتاال

ولاخلا ولاعدم


تحيزم لك ببندق يا ابن دلهم واحتزم بشباح = وجود محزمك واحذر يميل شوى للسره

كلامى مثل حد السيف وافطن كان سدك باح = بفك زرار ثوبك وان زعلت اعود وازره

[سعود السلمي]

عز الله المحاوره الي فيها سعيد بن دلهم ومحمد السليس ماتنتفوت صح اللسنتكم لاتوقفون القاف الا بعد خمس صفحات ..الله يقويكم

[نـواف الشمــري]

مرحبا مرحبا مليون يابن دلهم







وصح الله لسانك ولسان السليس












واصلوا يالربع













وبصفك يابن دلهم
















ولا يهون محمد
















تحياتي

[سعيد بن دلهم]

مرحبا بالجميع وانا فخور بمروركم


استلم يامحمد

انا عندي اسلاح ماش مثله يالسليس اسلاح ،،،،،، واذاكانك ادور له حرام ان تطعم المره


وانا والله كلامي مثل ضرب اسهوم والارماح ،،،،، وثوبك لو تقرب حولنا ياسليس بنطره

[محمد السليس]

استلم

سلاحك لا يثور في الخبا وتروح فيها ارواح = وبعده مايفيدك فالوغا لو صوتك تجره

ترانا يا ابن ادلهم ماسرقنالك حوار مراح = عطيناك الكلام اللى وسيع العرف ماغره

[محمد السليس]

هاوى قصيد

هلا وغلا يالقرم

وحضورك ينومس

نواف الشمرى

هلا وغلا يالقرم

والصف واحد لاهنت

[سعيد بن دلهم]

استلم

بيوتك صابها خله مثل طير كسير اجناح ،،،، عتيبي ٍ بيزعل لو فتحنا باقي الصره


ترى مأنته بمستور العصيمي ولانته القرقاح ،،،، سواءة الحبه اللي في رحاه وجات مفتره

[منصور السبيعي]

محاورة كبار صح الله ألسنت الشعار

[مسري الشعار]

صح اللسنتكم ابن دلهم والسليس

[محمد السليس]

ياليت سعيد بن دلهم يريّح باله ويرتاح=بعد ماعاد شي فات في اعلانه وفي سرّه
ليامنك زعلت من الجزال وقدر صدرك فاح=تعوذ من بليس ولاتعاود ثاني الكره

[محمد السليس]

منصور السبيعي

ماعليك زود يالقرم

صح بدنك ولاتهنت على حضورك يامسري

[سعيد بن دلهم]

مرحبا بالجميع ولا عليكم زود

استلم يامحمد


يامحمد صاحبك ماتزعله من صاحبه لامزاح ،،،،، وختام السالفه عساك ترقى عالي الحره


اخوي محمد لاهنت على اللعب معي واستمتعت معك واسمحلي اذا بدر مني شي جل مالا يسهو

اخوك بن دلهم تقبل تحياتي

[محمد السليس]

الا استمتعت واستفدت وتنومست يا سعيد

ويشهد الله انى اتعلم منك ومن شرواك من الرجال

وصح لساانك ولاهنت يالقرم

والساعه المباركه اللى جمعتنى مع مثلك وشرواك

ولاهان كل من حضر