صربي وصهيوني على علماني

[فالح المصعوك الغنّامي]

السلام عليكم ورحمة الله وبركاته

تواصلا مع غرابيل المحبه والإخاء وعلى خجل اضع بين ايديكم هذا النص

طويل حبتين.. لكن يكفيني مروركم يااحبتي


يارب عافيني ولاتبلاني=يارب عفو(ن) منْك يارحماني
يارب انا مذنب ولا لي غيرك=اغفر ذنوب المستجير الجاني
اغفر لأبويه واشتمْله بعفوك=وامي وربعي مع جميع اخواني
والمسلمين المؤمنين ارحمهم=القاصي اغفر زلّته والداني
ماينقفل من دون مسلم بابك=وفلان بابه ينقفل وفلاني
مديت كفّي واطلبِك ياربي=عزّيت نفسي واْقصرت ذرعاني
مارحت ادوّر مال من خلق الله=لو ان فقري هدّني واشقاني
انت العظيم المعتلي في عرشك=انت الكريم المعطي المناني
احمدْك ياربي على نعمائك=سمعي وتفكيري وشوف اعياني
فضلِك كثير ونعمتِك لاتحصى=ياذا الجلال وصاحب السلطاني
يارب صبرني ولاتشقيني=يارب تنصرني على عدواني
اصبر على الدنيا ولا لي حيله=بعض الصبِر مايبري الوجعاني
مشكاي للي سائله يفْرِج لي=هم(ن) من اسبابه غديت اعاني
ماكنت احسبْني تخور عزومي=ماكنت احسب ان الزمن يقواني
لين اصطدمت بواقعي واشوفه=يبتر جذوري يستبيح اغصاني
الوقت غيّر بالسّواد الوانه=غيّر ملامح بهجتي والواني
واشوف امور(ن) قبْل كنت اجهلها=مدري وش اللي صابني واعماني
وابصرْت..ويش ابصرت عقب غيي؟=ابصرت والظلما تحوف اركاني
ماكنت اظنْ الغدْر فعله كايد=خص(ن) من اقرب ناسي وخلاني
لين اكتويت وبان لي مفعوله=منّي وفيني جمرة(ن) تصلاني
واصحابي اللي لابغيت احصيهم=وقت الشدايد ينحني ميزاني
امحق رفاقه فالسّعه مااوسعها=لاضاقت..اسمح لي ولا تلقاني
دستور يالصاحب ولا لك قيمه=تلميع وجهك غرّني واغراني
الصّحبه اللي دون طيب اقلعها=مقلاع جد(ن) راح مع جدّاني
من دون فضل(ن) لي ولا لي منّه=اعطيت محد(ن) من عطاه اعطاني
الاّ الاله اللي عطاه اغرقني=من زود فضله سالت الودياني
اكتبْك ياشعري واجرّ لحونك=معناك ضيف معزبه قيفاني
البيت صدره لا طربت وشلْتِه=بالهون..قال العجز:ياطرباني
مال الشّجر طربان حتى غصنه=قام يتمايل فيه عود الباني
ياهيه ياللي ميلتِك في نهجك=اعدّلك من قولي الملياني
ارْسم طريقك بأحتراف وخبره=ماوافقك في فكرك الشيطاني
خيّرتني مابين نار وجنّه=جنّتْك فتنه تشعل النيراني
لو فكّر لساني يردد قولك=قصّيت دون احتار عِرْق لساني
عقلك مزيج افكار صار الناتج=صربي وصهيوني على علماني
ماتدري ان الدين قدْ وحّدنا=كل جيل ينقل عزّته للثاني
واليوم في حكم الســعود اصبحنا=للدين حصن(ن) دونه الفرساني
دوله وشعب(ن) مايبيع الدوله=عشنا بأمان بجوها الروحاني
دستورنا بالنور صاغ احكامه=وحي(ن)..وقانون البلد ربّاني
دستورنا معروف شرع(ن) منزل=سنّة نبي الله مع القرآني
يارب تحفظ ذخرنا عبدالله=مالك قلوب الناس بالاحساني
يارب تحفظ اسرته واخوانه=وعيالهم وسلالة الشجعاني
يارب شاعر نوب اهيم بوادي=وادندن بدانه يالا لا داني
اقوال من بنك الخيال اصرفها=لعلّها تطفي لهيب احزاني
يارب تغْفر زلّتي واخطائي=يارب ثبّتني على ايماني
وختام قولي مسْك مااختم به=اعداد مز(ن) يسقي الريضاني
ازكى صلاتي يرْدفه تسليمي=على الرسول المصطفى العدناني

[احمد مناحي]

فالح المصعوك الغنامي

هلا بك وغلا

حي الله الشاعر المبدع .....

قصيده جميله جدا وشامله فيها افكار جديده ومتجدده طرح راقي وفكر نير وقافيه عذبه بالاظافه

الى اجادة الحبك والسبك والتسلسل الرائع ..........

وهذا لايمنع من ابداء بعض الملاحظات البسيطه ان سمحت لي طال عمرك وانا اقولها من باب

الافاده والاستفاده ..


يــارب عافيـنـي ولاتـبـلانـي
يـارب عفـو(ن) منْـك يارحمانـي

في صدر البيت كلمة (عافيني ) ارى انها غير مناسبه لانها تعتبر تأنيث في اغلب اللهجات ولو انك استبدلت الصدر بـ ( يالله تعافيني ولا تبلاني ) ربما كان افضل .....

الصّحبه اللـي دون طيـب اقلعهـا
مقـلاع جـد(ن) راح مـع جدّانـي

في نظري العجز غير مناسب للصدر والتشبيه في غير محله وطريقة صياغة العجز غير مناسبه .


دولـه وشعـب(ن) مايبيـع الدولـه
عشنـا بأمـن بجوهـا الروحـانـي

العجز هنا مكسور وانا اظن انه خطأ املائي ربما كنت تقصد :

(عشنا بأمان بجوها الرحماني )..


وجهة نظر خاصه اردت ان اوضحها لك وهي لا تلغي جمال النص وتميزه ولا تحجم من ابداع

شاعرنا القدير ....


اخي العزيز ربما للعجله احيانا او لعدم الانتباه في بعض الاحيان مساوئ على النصوص

خصوصا في الشعر لكن هذا لايمنع من تصحيح الخطا ان وجد ونحن هنا نلتقي لنرتقي كما يقال

ونتناقش لنستفيد ..

هذه وجهة نظري من التواجد في المنتدياات فاانا اسعى للنقاشات في بعض الاحيان لاحسن من

قدراتي واوسع من معارفي ...

ارجو منك تقبل وجهة نظري بصدر رحب ...

تقبل مروري

[فالح المصعوك الغنّامي]

ياهلابك وغلا اخوي احمد

اولاً اشكرك جزيل الشكر اخوي على الثناء وعلى حضورك الجميل الذي يعني لي الشئ الكثير

وبيّض الله وجهك..ثانياً:ثق تماماً ان رأيك ووجهة نظرك على العين والراس ومحل اهتمام

ثانياً:بالنسبه لصدر البيت الاول ارى ان ملاحظتك على كلمة عافيني وارى انك ماغيرتها

واستبدلت كلمة (يارب) بــ(ياالله) وبالنسبه لكلمة (عافيني) من وجهة نظري التي قد تكون

خاطئه انها مناسبة في حالة الدعاء..وبالنسبه للبيت التالي:

الصّحبه اللـي دون طيـب اقلعهـا
مقـلاع جـد(ن) راح مـع جدّانـي

اردت هنا ان صحبة الردي من الناس اعتبرها من الماضي

وقد يكون رأيك صائباً وكلٌ له وجهة نظر ..

اما هذا البيت:

دولـه وشعـب(ن) مايبيـع الدولـه
عشنـا بأمـن بجوهـا الروحـانـي

فكلمة (بأمن) هي فعلاً خطأ املائي وتم تعديلها

لك جزيل الشكر اخوي احمد على حضورك الانيق والجميل واسلوبك الراقي في النقاش

تقبل اعطر التحايا وخالص الود من اخوك

احتراماتي

[نـواف الشمــري]

ماتـدري ان الديـن قـدْ وحّـدنـا
كـل جيـل ينقـل عزّتـه للثـانـي







الاخ الفاضل // فالح الغنامي






صح الله لسانك وأعلا من شانك




وتقبل مروري المتواضع






تحياتي لشخصك المحترم

[ناصر القزلان]

امحـق رفاقـه فالسّعـه مااوسعهـا
لاضاقت..اسمـح لـي ولا تلقانـي

ياسلام عليكــــــــــ يافالح .. تصوير دقيق بريشة فنان مبدع ..

شهادتي فيكــــ مجروحه لأني معجب فيما تكتبه حد الثماله ..

جزالة وحكمة واسلوب جميل لايتقنه الا الشاعر المتمكن مثلكـــــ ..

مع اطلالة الصباح ارتشفت قهوة الشعر هنا في ركن التميز ..

تقبل ودي وكل تقديري ..

[أبوعبدالرحمن]

صح لساانك يا فالح

وسلمت اناملك اخي



تحيتي لك

[خــــالـــــد]

فالح الغنامي
ـــــــــــــــــــــــــ ــــــ
تسلم يمينك يالغالي

صح لسانك أخوي

أبدعت

بانتظار جديدك
ـــــــــــــــــــــــــ ــــــ
أخوكـ/خالد

[جواهر عبدالله]

صح لسانك يا فالح ولا هنت

الله يعطيك العافية .

[ناعمة]

,
,
صح لسانك وقلبك

وتسلم

,
,
كونوا بخير

[ابن معيض]

بيض الله وجهك ياولد غنام

قصيدة جزلة من رجال جزل

تقبل فائق تحياتي

[عبدالرحمن الجبابرة]

السلام عليكم ورحمة الله وبركاته
والصلاة والسلام على أشرف الأنبياء والمرسلين سيدنا محمد وعلى آله وصحبه أجمعين

أخوي الشاعر : فالح الغنامي

صح لسانك ملايين وسلم فكرك
حضورك دائما مميز ورائع
لاعدمناك

.
.
مدتي

[فالح المصعوك الغنّامي]

اخوي نواف الشمري

صح بدنك واشكرك على مرورك الجميل

احتراماتي وموودتي

[فالح المصعوك الغنّامي]

ياسلام عليكــــــــــ يافالح .. تصوير دقيق بريشة فنان مبدع ..

شهادتي فيكــــ مجروحه لأني معجب فيما تكتبه حد الثماله ..

جزالة وحكمة واسلوب جميل لايتقنه الا الشاعر المتمكن مثلكـــــ ..

مع اطلالة الصباح ارتشفت قهوة الشعر هنا في ركن التميز ..

تقبل ودي وكل تقديري ..

استاذي الكريم ناصر القزلان

وجودك في متصفحي شرف والاعجاب متبادل طال عمرك وشهادتك اعتز بها

ووسام على صدري ..اكنّ لك كل الاحترام والود استاذي

احتراماتي لمرورك البهيّ

[فالح المصعوك الغنّامي]

ابو عبد الرحمن

ياهلا وغلا صح بدنك اخوي

احتراماتي لشخصك الكريم

[فالح المصعوك الغنّامي]

خالــــد .. سلمت ودمت

وصح بدنك يالغالي

احتراماتي لشخصك الكريم

كل الشكر لمرورك العذب

[فالح المصعوك الغنّامي]

اختي جواهر..صح بدنك

كل الشكر لمرورك الجميل

احتراماتي

[طلال سويعد]

صح الله لسانك00 وأعتلا من شانك

رائع دائما رائع

دمت بكل الود

[فالح المصعوك الغنّامي]

.

.

.

اختي ناعمه صح بدنك ودمتي بكل خير

مشكوره على المرور الجميل

.

.

.

[فالح المصعوك الغنّامي]

.

.

.

ابن معيض

ياهلا وغلا ومررحبا ..مرورك تاج على راسي يابعد راسي

حي الله ابن العم وحي الله هالطله الحلوه..صح بدنك ومرورك

شرررف طال عمرك

.

.

.

[فالح المصعوك الغنّامي]

.

.

.

طلال سويعد..ياهلا ومرحبا طال عمرك

صح بندك والرائع تواجدك

.

.

.

[محمد الجبريني]

السلام عليكم ورحمة الله وبركاته

تواصلا مع غرابيل المحبه والإخاء وعلى خجل اضع بين ايديكم هذا النص

طويل حبتين.. لكن يكفيني مروركم يااحبتي


يارب عافيني ولاتبلاني=يارب عفو(ن) منْك يارحماني
يارب انا مذنب ولا لي غيرك=اغفر ذنوب المستجير الجاني
اغفر لأبويه واشتمْله بعفوك=وامي وربعي مع جميع اخواني
والمسلمين المؤمنين ارحمهم=القاصي اغفر زلّته والداني
ماينقفل من دون مسلم بابك=وفلان بابه ينقفل وفلاني
مديت كفّي واطلبِك ياربي=عزّيت نفسي واْقصرت ذرعاني
مارحت ادوّر مال من خلق الله=لو ان فقري هدّني واشقاني
انت العظيم المعتلي في عرشك=انت الكريم المعطي المناني
احمدْك ياربي على نعمائك=سمعي وتفكيري وشوف اعياني
فضلِك كثير ونعمتِك لاتحصى=ياذا الجلال وصاحب السلطاني
يارب صبرني ولاتشقيني=يارب تنصرني على عدواني
اصبر على الدنيا ولا لي حيله=بعض الصبِر مايبري الوجعاني
مشكاي للي سائله يفْرِج لي=هم(ن) من اسبابه غديت اعاني
ماكنت احسبْني تخور عزومي=ماكنت احسب ان الزمن يقواني
لين اصطدمت بواقعي واشوفه=يبتر جذوري يستبيح اغصاني
الوقت غيّر بالسّواد الوانه=غيّر ملامح بهجتي والواني
واشوف امور(ن) قبْل كنت اجهلها=مدري وش اللي صابني واعماني
وابصرْت..ويش ابصرت عقب غيي؟=ابصرت والظلما تحوف اركاني
ماكنت اظنْ الغدْر فعله كايد=خص(ن) من اقرب ناسي وخلاني
لين اكتويت وبان لي مفعوله=منّي وفيني جمرة(ن) تصلاني
واصحابي اللي لابغيت احصيهم=وقت الشدايد ينحني ميزاني
امحق رفاقه فالسّعه مااوسعها=لاضاقت..اسمح لي ولا تلقاني
دستور يالصاحب ولا لك قيمه=تلميع وجهك غرّني واغراني
الصّحبه اللي دون طيب اقلعها=مقلاع جد(ن) راح مع جدّاني
من دون فضل(ن) لي ولا لي منّه=اعطيت محد(ن) من عطاه اعطاني
الاّ الاله اللي عطاه اغرقني=من زود فضله سالت الودياني
اكتبْك ياشعري واجرّ لحونك=معناك ضيف معزبه قيفاني
البيت صدره لا طربت وشلْتِه=بالهون..قال العجز:ياطرباني
مال الشّجر طربان حتى غصنه=قام يتمايل فيه عود الباني
ياهيه ياللي ميلتِك في نهجك=اعدّلك من قولي الملياني
ارْسم طريقك بأحتراف وخبره=ماوافقك في فكرك الشيطاني
خيّرتني مابين نار وجنّه=جنّتْك فتنه تشعل النيراني
لو فكّر لساني يردد قولك=قصّيت دون احتار عِرْق لساني
عقلك مزيج افكار صار الناتج=صربي وصهيوني على علماني
ماتدري ان الدين قدْ وحّدنا=كل جيل ينقل عزّته للثاني
واليوم في حكم الســعود اصبحنا=للدين حصن(ن) دونه الفرساني
دوله وشعب(ن) مايبيع الدوله=عشنا بأمان بجوها الروحاني
دستورنا بالنور صاغ احكامه=وحي(ن)..وقانون البلد ربّاني
دستورنا معروف شرع(ن) منزل=سنّة نبي الله مع القرآني
يارب تحفظ ذخرنا عبدالله=مالك قلوب الناس بالاحساني
يارب تحفظ اسرته واخوانه=وعيالهم وسلالة الشجعاني
يارب شاعر نوب اهيم بوادي=وادندن بدانه يالا لا داني
اقوال من بنك الخيال اصرفها=لعلّها تطفي لهيب احزاني
يارب تغْفر زلّتي واخطائي=يارب ثبّتني على ايماني
وختام قولي مسْك مااختم به=اعداد مز(ن) يسقي الريضاني
ازكى صلاتي يرْدفه تسليمي=على الرسول المصطفى العدناني

اخوي واستاذنا الكبير والمتمكن
الشاعر فالح المصعوك الغنامي
صح السااانك مد وبلاعدد انت شاعر جززززل غني عن الشهاده والشهاده لله لا لمجامله وسمعت احد المنصفين ومن لجنة التحكيم يقول انتم يا أل غنام شعركم متميز عن باقي قبيله عتيبه
وعزالله انه صدق وانا اتوقع واظن ان كل ال غنام شعراء مير وكل الشعراء اللي قدمو في الامسيات الادبيه في ملتقي عتيبه الهيلا رااائعين بكل سراااحه وامانه ولك تقديررري واحترااااامي

[صلاح الأحمدي]

،،
،،

ما شاء الله..

يسلم كلك اخوي

هذي معلقة نبطية طال عمرك ،، ابدعت وبحق

لله درك ..



فالح المصعوك الغنّامي




صح بيانك ويسلم قلبك وكلك ،، مدد


كل الاعجاب والود


تحيتي
،،
،،

[أحمد بن ناحل]

فالح الغنامي


ماشاء الله عليك


ابدعت والله بهالقصيدة الجزلة


صح لسانك .. صح لسانك وبيض الله وجهك


ودمت ودام ابداعك


تحياتي لك........,

[محمد السليس]

فالح

لله درك وانا اخوك

والعذر والله على الحضور المتأخر

ولكن انت تعرف مافي القلب تجااهل والله

قصيدة جزلة من رجال جزل

تقبل فائق تحياتي

[ابو داحم]

صح لسااااانك قصيده جزله

تحيااااااااااااااااااااات ي

[مسلط المغيري]

فالح الغنامي



كلمة صح لسانك قليله في حقك



الا اقول عطني خشمك



بيض الله وجهك على هذي النائفه



جزله يالجزل وتحمل من الابتهال الى الله والمعاني الرائعه


والله اني اتنومس لاشفت بني عمي يفوقون غيرهم

[فالح المصعوك الغنّامي]

اخوي واستاذنا الكبير والمتمكن
الشاعر فالح المصعوك الغنامي
صح السااانك مد وبلاعدد انت شاعر جززززل غني عن الشهاده والشهاده لله لا لمجامله وسمعت احد المنصفين ومن لجنة التحكيم يقول انتم يا أل غنام شعركم متميز عن باقي قبيله عتيبه
وعزالله انه صدق وانا اتوقع واظن ان كل ال غنام شعراء مير وكل الشعراء اللي قدمو في الامسيات الادبيه في ملتقي عتيبه الهيلا رااائعين بكل سراااحه وامانه ولك تقديررري واحترااااامي

.

.

.
استاذنا محمد الجبريني

ياهلا ومرحبا..حضورك يعني لي الشئ الكثير واطرائك وسام على صدري ويحق لي ان افتخر به

وماااعليك زووود طال عمرك وانت وربعك من اهل الشعر وشهادتي فيكم مجروحه..موودتي

الخالصه وشكري وتمنياتي لك بالتوفيق الدائم,,,.

.

.

[فالح المصعوك الغنّامي]

.

.

.
صلاح الاحمدي

مشرفنا الرائع حضورك رائع ويسعدني ويشرفني

صح بدنك وكلك يااستاذنا..مووودتي لشخصك الكريم.

.

.

[فالح المصعوك الغنّامي]

.

.

.
احمد بن ناحل

ياهلا بالمبدع..الابداع حضورك طال عمرك

صح بدنك وكلك..اسعدني وشرفني مرورك

مووودتي,,,.

.

.

[فالح المصعوك الغنّامي]

فالح

لله درك وانا اخوك

والعذر والله على الحضور المتأخر

ولكن انت تعرف مافي القلب تجااهل والله

قصيدة جزلة من رجال جزل

تقبل فائق تحياتي

محمد السليس

حي والله هالشوفه..حضورك شرف لي طال عمرك في اي وقت

ومالحقنا فيك شكّه يابن العم ولايجي منك قصور..

شهادتك اعتز بها ووسام افتخر به

[فالح المصعوك الغنّامي]

ابو داحم

هلا ومرحبا..صح بدنك ولاهنت سررت بمرورك

[فالح المصعوك الغنّامي]

فالح الغنامي



كلمة صح لسانك قليله في حقك



الا اقول عطني خشمك



بيض الله وجهك على هذي النائفه



جزله يالجزل وتحمل من الابتهال الى الله والمعاني الرائعه


والله اني اتنومس لاشفت بني عمي يفوقون غيرهم

,

,

,
مسلط المغيري

ياهلا ومرحبا..وقليل في حقك كلمة بيّض الله وجهك

وخشمك عليه الشحم طال عمرك..شهادتك وسام

افتخر به يابن العم يعلم الله وجودك يفرحني واتنومس به
,
,

,

[محمد الروقي]

ويش اقول

الا بيض الله وجهك يابن العم

وصح كلك في كلك في كلك عساني ما اسمع بيومك

[فالح المصعوك الغنّامي]

ويش اقول

الا بيض الله وجهك يابن العم

وصح كلك في كلك في كلك عساني ما اسمع بيومك


محمد الروقي .. اخجلني حضورك البهي يابن العم..ووجهك ابيض طال عمرك

فديت هالطله وراعيها :)