وداعاً كسرنا المُترف ... ( قصيدة حصرية )

[االزعيم الهلالي]

.
.


عيون الوقت تناظرنا ودمعة عينها تنزف
بداية قصة الآلآم على احلام نسيناها
نسينا عمرنا الماضي وعيّا بابنا يِنصف
خَطاوي جَيّة اللّقيا في اقدامٍ نِخيناها
لقينا لحظة الغربة اسيرة ليلنا المُجحف
تداولها العنا باسمك واسمي ماتمنّاها
انا الضامي باحساسك وصوتك داخلي يذرف
بقايا عَزْفة الاشواق كئيبة ماتغنّاها
وصارت دورة الايام تواكب عمرنا بالنزف
ولين الحين والذكرى عجزنا مامحيناها
ابيك وصرختي تشهد صداها داخلي ماجفّ
تقول العمر على فقدك سنينٍ ماتهنّاها
تقول اني ترى فاقد وجودٍ مايقوله وَصف
اذا الابيات تكتبنا وحنّا ماقريناها
وداعاً والغلا مكسور وداعاً كسرنا المُترف
حزينة لحظة الفرقا بخافقنا آوِيناها
ودام العمر ياعمري لعقرب ساعته وَقّف
فمان الله يَاحْلامٍ صحايفها طِويناها


.
.

:rose: