قصـــــائد وبحـــــــور ،،،

[وجــــدان]

السلام عليكم ورحمة الله وبركاته

وكل عام وأنتم بخير

في هذه الصفحه سنختار من عيون الشعر وعلى كل البحور المطروقه ولمختلف الشعراء المبدعين وسنذكر البحر والقصيده والشاعر ولن يكون هناك انحياز لشاعر معيّن بقدر ماهو انحياز للجمال ومحاوله لتعميق المعرفه بالبحور من القراءه الاولى وأيضاً للاستفاده من أساليب الشعراء في النظم ومواطن القوّة في قصائدهم ومن خلال هذا جميعه سيصل كل منا الى ابتداع اسلوبه الخاص به .

وستكون البدايه من هنا مع هذه القصيدة :


الشاعر : فهد عافت

البحر : الهجيني

( النظره السمحه )


قالت وش العلقم التريـاق؟=محدٍ ضماده سوى جرحـه
كل اللقا لو نظـرت فـراق=وكل البكا من ورا فرحـة
محدٍ ربح كود لمـا بـاق=محدٍ خسر كود من ربحـه
مابه خلوق وعديم أخـلاق=للكل نسبة مـن الصحـة
يا شاعري والوهم حـرّاق=أجدى من مصافحة ذبحـه
خذها حقيقة من الاعمـاق=صدرك هو اللي طعن رمحه
مافي الكتابه جديـد آفـاق=كم تشبه الكسـرة الفتحـة
قلت اسمعيني وصوتي تاق=يجمع لك الكل في شرحـه
ان قلت بعض الفراق عناق=أو قلت بعض الكفن طرحه
لانـي بكـاذب ولا آفـاق=لكنهـا النظـرة السمحـه
أكبر خطـا اننـا نستـاق=تعريف للبحر مـن ملحـه
ان تتبعيـنـي أنـا أوراق=أو تهجريني أنـا صفحـه
للشعر للحب للاشواق=لليل فـي داخلـه صبحـه
بيني وبين القلـم ميثـاق=يهدّني وأبني في صرحـه
ذي راحتي وإسألي العشاق=العاشـق كتابتـه مسحـه


أتمنى تفاعلكم لاثراء هذه الصفحه بعيون الشعر ولعيون الشعر

تحيتي لكم

[وجــــدان]

الشاعر : متعب التركي

البحر : الهجيني الجنوبي ( الطويل )

( توديع الأحباب )


توديع الأحباب مثل الموت له سكره=ادمى جروحي وشق الصدر منيّـا
والقلب طير ضلوع الآدمي وكـره=لاشاقـه الطلـع لاسلـم ولاحيّـا
مصير الأحزان تنساني وتفتكـره=ماكل الأيام بيض وسمحـة محيّـا
قل غيرها ماأنت لامجبر ولامكره=لاصار ماهي غلا ماأبي لك حميّـا
لو في يدي شي ماقلت الوعد بكره=حزمت حدب الضلوع وقلت لك هيّا
لو كل غالي يجي دايم على ذكـره=ماصرت اشوفك هناك وحبك هنيّا
ياليتني لابغيت اكره قدرت اكـره=ماكان قلبي ليا جيت اكرهك عيّـا
مادامك معيف رح لكن على فكـره=ماقلت لي ليه دمعـك سـال منيّـا

بانتظاركم

[لــيــل]

( وجــدان )


رائعة في كلّ ماتأتين به........


ومبدعة دوماً ودائماً.......


( فهد عافت ) شاعر مبدع....وله باعٌ طويل......وصدى كبير في الشعر......


سلمتِ.....وسلمَ الفكر منكِ......


ننتظر جديدكِ وبلهفةْ.........


دمتي بودّ......


وتحيّةٌ معطّرةٌ بالورد......

[بـنـت الـشـيـوخ]

عزيزتي : وجدان

موضوع رائع .. وقصائد أجمل ..

بــ صراحة متذوقين للشعر.. بس بالنسبة للبحور مانسنّعها ..

وممكن نجيب القصيدة وأنتي تبينين لنا بحرها ..

وبالتوفيق يالغلا .. ودمتِ بــ نقاء..

[عبدالهادي الجهني]

ياما حلا ياعبيد في وقـت الاسفـار=جذب الفراش وشبّ ضـوّ المنـارة
مع دلة(ن) تجذا على واهـج النـار=ونجر إلـى حـرّك تزايـد عبـاره
في ربعة(ن) ماهيب تحجب عن الجار=لا منّ خطو اللاش مـا شـبّ نـاره
النجـر دقّ وجاوبـه كـل مــرّار=مالفّـه الملفـوف مـن دون جـاره
وأخير منها ركعتيـن(ن) بالاسحـار=لاطاب نـوم اللـي حياتـه خسـاره
تلقاه في يوم(ن) يضيعن(ن) الافكار=يوم(ن) على المخلوق ما اطول نهاره
وقم في قصير البيت حشمه ومقـدار=لو جار فادمح له ولو بـه خسـاره
ترى النبي وصّى على الجار لو جار=خذ الحـذر ياعبيـد عقـب النـذاره
رافق قويّ الديـن حفّـاظ الاسـرار=ينفعك في يوم(ن) يجي بـه كـراره
ترى الهوى والغيّ هن شرّ الاشرار=ومن داس عار الناس داسوا لعـاره
جنّـب رديّ الكـار مافيـه تعبـار=مافيه مـن فعـل المناعيـر شـاره
جنّب عنه خلّـه لقصّـاف الاعمـار=واحفظ وصاتـي يارفيـع المنـاره
واسلم ودم بالخير يا طيـر غيمـار=وصلّوا على المختار ما غار غـاره


قصيدة مشهورة

فيها نصائح و حكم

البحر / المسحوب

للشاعر المعروف/ تركي ابن حميد رحمه الله


مع الشكر الجزيل على الموضوع الطيب

،

،

،

[ساره آل مسلم]

الشاعر/محمد المقهوي
البحر/المسحوب
تدرين ويش أكبر خطاء في حياتي
والغلطه اللي ذابحتني ونـا حـيَ
أني عشانك بعـت كـل أمنياتـي
وحطيتك أغلى شئ وأنتي ولا شئَ
أرخصت لك بالحب عمري وذاتي
وحرقت نفسي لجل أخليك بالفـيَ
وفيت لك يوم الوفى من صفاتـي
وضحيت لك في كل ما تملك يدي
ومع كل هذا ما نفـع تضحياتـي
وارخصتني بأسباب ناسٍ حكت فيَ
واليوم دور من يسـوي سواتـي
رح للذي غروك وأغروك بالغـيَ
ما فاتك أرحم من شقى موتٍ آتي
ماعاد ينفع فيـه طـبٍ ولا كـيَ
تدرين ويش أكبر خطاء في حياتي
أني جعلتك شئ وأنتـي ولاشـئَ

دمتم بود

[وجــــدان]

( وجــدان )


رائعة في كلّ ماتأتين به........


ومبدعة دوماً ودائماً.......


( فهد عافت ) شاعر مبدع....وله باعٌ طويل......وصدى كبير في الشعر......


سلمتِ.....وسلمَ الفكر منكِ......


ننتظر جديدكِ وبلهفةْ.........


دمتي بودّ......


وتحيّةٌ معطّرةٌ بالورد......

هلا فيك ياليل

وذائقتك الجميله بيكون لها دور في جمال هالموضوع

بانتظارك

تحيتي لك

[وجــــدان]

عزيزتي : وجدان

موضوع رائع .. وقصائد أجمل ..

بــ صراحة متذوقين للشعر.. بس بالنسبة للبحور مانسنّعها ..

وممكن نجيب القصيدة وأنتي تبينين لنا بحرها ..

وبالتوفيق يالغلا .. ودمتِ بــ نقاء..


بنت الشيوخ ياهلا فيك

وصدقيني هناك متذوقين للشعر أفضل من كثير من الشعراء :واو:

الذائقه الجميله نعمه من الله

ربي يوفقك وبانتظار مشاركتك اللي بتكون بجمال حضورك

تحيتي لك

[وجــــدان]

عبد الهادي الجهني

تسلم على القصيده الرائعه وعلى الحضور

واصل معانا للأخير

تحيتي لك

[وجــــدان]

السكبه ياهلا فيك

اختيار جميل جداً وقصيده رائعه والله

تابعي معانا ياقمر

تحيتي لك

[وجــــدان]

الشاعر : نايف صقر

البحر : الشيباني

( رحلة الغفران )


خلص كل الكلام ولابقي غير القصيد اعتاب=نشف وجه الجراح ولابقي غير السهر راحه
سلاماتٍ تطولك لاتجيني خايفٍ مرتاب=ترى لك وحشه مثل الظلام ان مات مصباحه
ترى لعيوني اكثر من صديق وللخفوق احباب=اشوفك تختصرهم في خفوقي يااول جراحه
على هونك .. ترفق ياشتاي البارد الكاذب=تراها قفلتين الطعنتين ان قلت ذباحه
بشوفك بلمحك بتذكرك لاغابو الغياب=وأبصرخ من حشاي ورحله الغفران تفاحه
ألا ياكبرها وانتى وانا واثنينا الاغراب=على قلب خساير غيرته في ذمه ارباحه
رهنت لغيبتك ظلٍ نحيل ودمعتين وباب=على قلبي قفلته والوفا همه ومفتاحه
تفضل نعمه النسيان ما ابغي لاابتعدت اصحاب=عطاياك القديمه والجديد الياس وارماحه
بقي طيفٍ باحرسه في عيوني لك عليه اهداب=ولاني حاجبه ياوجهته لاهداك مرواحه
خلص كل الكلام اهديت لك لون الوداع واخضاب=مهر كفٍ دفاها من عذاب مصافحك راحه

[صلاح الأحمدي]

،
،
،

الأستاذة / وجدان


يعطيك الف عافية وتسلمين على هاالطرح الرائع
وسابقة تسجل لك وربي ، يسلم فكرك وكلك.
وعلى فكرة انتي اوحيتي لي بفكرة موضوع اممم ناااايس ، راح تشوفوها بعدين
>>>> يقلد هههههههي

انتظريني راح نعبي السلة من اجود ثمار الشعر باذن الله

تحيتي

،

[وجــــدان]

الشاعر : طلال الرشيد
البحر : الشيباني

( بعض أحوال )


أنـا مـقدر أكون .. اني حبيب في بعض أحوال=أنـا كـلي أجـي .. و الا أروح بعزتي .. كلي
تـخيرت الـفراق و مـادريت إن الفراق وصال=أقـول انـي نـسيتك بس مدري كيف تاصل لي
خـذاني لـك سؤال في عيونك و الجواب محال=خـذاني مـنك دمـع فـي عيوني مارضى ذلي
رحـلت انت و تركت بداخلي طيفك و صبر طال=غـدت ذكـراك شمس ما تغيب و صورتك ظلي
حـكيت و مـالقيت مـن الـحكي الا الندم موّال=سكت و مت بالحسره و لا ادري و شهو احسن لي
أحـبك كـل مـافيني يـحبك يـا خـلي الـبال=تـخيلتك دواي و صرت جرحي الصعب يا خلّي
تـعبت أرحـل مع وجيه البشر بانساك بالترحال=و لا ادري وش يـجيبك في وجيه الناس و اهلّي

[وجــــدان]

هلا فيك ياصلاح

ومن العايدين الفايزين

بانتظار موضوعك اللي من الحين اراهن على امتيازه وهذا المعتاد منّك

والسلّه بانتظار قطفك المميّز

تحيتي لك

[صلاح الأحمدي]

،
،
،

الشاعر : ياليت اعرفه ؟؟؟
البحر : الهزج ( الشيباني )

على طاري صباح الورد



على طاري صباح الورد, وإسمك, والحـلا والـذوق=ذكرتك يا أجمـل أحلامـي , بقافـي واستهليتـه
على درب القصيد أسوق , قلبي والخطاوي شـوق=وإذا مالت بي الخطـوة , علـى دربـك تناسيتـه
يهز الشـوق بأعماقـي , عناقيـد الغـرام عـذوق=ويقطف بالغلا فيني , غـرام(ن) خنـت وأخفيتـه
أحبك كثر ما يشعل , غرامك في حشـاي حـروق=وشبٌه زود لو يحرق , ضلوعـي مـت مـا اطفيتـه
أحبك دمعت(ن) طاحت , على خد الصباح اشروق=يموت النور لـو طاحـت , علـى كفـي وضميتـه
أحبك , إيه أحب إسمك .وأموت بجيدك المنتوق=و تخيل كثر ما أكـره صـدودك , قمـت حبيتـه
تموت من البطا غيمه , طعنها مـن جفـاك بـروق=وغشى روض الحشا وسمي , جفافك وإنت ما ارويته
رحلت , وما بقى منك سواك إنت , و عنا مفهـوق=عنـا ذاك الربيـع اللـي , غشانـي مـا تمنيـتـه
تعال , إجرح على كيفك , تربـع واستحـل عـروق=تدلـل والبسـاط أحمـد , وأنـا لرضـاك مديتـه
قم إسهج لآخر ضلوعـي, تغلغـل داخلـي برفـوق=حلالك ما بقى منـي , مـع اللـي لأجلـك أفنيتـه
من اللي من غديت أجمل قصيدة ما غدا لـه ذوق=ومن اللي كتب باسمـك قصيـده وانكسـر بيتـه
وربي , من كتبت إسمك وبروزتـه بقلبـي فـوق=وأنـا مـا دار فـي بالـي , قصيـد مـا تحاليتـه
دخيل دمعتين اللي, غدت منها الخـدود شقـوق=ترفق سامحك ربي , على قلـب(ن) لـك أهديتـه
إذا لك حق في قلبي , فأنا لي في غـلاك حقـوق=و حقوق الشوق محفوظـة , وحـدي مـا تعديتـه
يذكرني صباح الورد , وإسمك , والحـلا والـذوق=وأردد يا ( أجمل أحلامـي ) بقافـي يـوم هليتـه


اعذروني سويت بحث عن اسم الشاعر ما حصلته
وهذي القصيدة من اروع ما قريت وحبيت انقلها لكم




تحيتي

،

[وجــــدان]

صلاح الأحمدي

والله قصيده قمّه في الروووعه

وانا بعد سويت بحث سريع ولقيت القصيده بس للأسف ماعرفت الشاعر

بجيب اسمه ان شاء الله

تحيتي لك

[عبدالهادي الجهني]

،

،


قصيدة ورد


القصيده للآمير /محمد احمد السديري رحمه الله

البحر / المسحوب


شيى بقلبي ياملا حايرن فيه = شيء تحير ابه العقول الفهامى
مخفيه بفوادي ولا ودي ابديه = وادور الخيرات شرقن وشامي
احترت به ماشفت شي يحاليه = واليوم ابنشد عنه ماني بكامي
سيل حدر مع وادي غير واديه = مدري حلا ل ماه والا حرامي
كانه حلا ل جايزن شرب صافيه = وش حلله يامفسرين الحلا مي
هاتوا تفاصيله وهاتوا معانيه = نبي الدليل الي عليه الكلامي
نبي دليل يفهم الدرب ماشيه = يمشي به التايه بليل الظلامي
يمشي به التايه ويقدي مواطيه = ويشرب قراح الما ليا صار ضامي
لا شك هجسي يوم خلا مماشيه = انه حرام ومنه زود الاثامي
احرم من الزقوم مره وحاليه = وشربه علي الضامي يزيد الهيامي
الله من قلب همومه تقزيه = تدك به مثل الجراد التهامي
من ما جري قامت تتله مشاحيه = تل الرشا من فوق هدف المقامي
روابع قامت تصيبه وتخطيه = شاف الهوايل واختلاف الاسامي
مايسمع الداعي اليا قام يدعيه = يعوم في بحرن من الهم طامي
ما يتنبه للي بصوته يناديه = يزيد همه يوم كلن ينامي
يشوف وقتن ماعرفنا تواليه = وقت يشيب من ابسن الفطامي
هذا زمانن كاثرات بلاويه = الغيم يقلب فيه عج وكتامي
يا بعد شرب الما علي كبد راجيه = ما سيل الغبرا زعوج الجهامي
انبيك يا من كلمة الحق ترضيه = اعطيك ما ينفعك وافهم مرامي
قصرن يذلك لاتقابل مبانيه = خله عسي شامخ طويله هدامي
خله عسي ما صاب اغادير يفنيه = يودع منازله الطويله رجامي
لو زان مدخاله وطالت حواميه = شيد علي الخيبه قليل الرحامي
وحي يوريك المذله وتغليه = انا اشهد انك ميت القلب عامي
من لايودك لا توده وترجيه = ارفع مقامك ياعزيز المقامي
ارفع مقامك عن عدوك وتوذيه = ويلحقك من تركت رفيقك ملامي
حق الرفيق وواجبه لا تخليه = يلزمك مثل الوالدين الحشامي
اختر عزيز الجار والحق يعطيه = شبل على هرج يقوله يحامي
مادك به عرج المذله وطاريه = يسبق على فعل الفضيله شمامي
ومن قارب الاجرب بالامراض يعديه = عدواه تسطي باللحم والعضامي
درب السلامه بيناتن مماشيه = ودرب العطب يرث عليك اللكامي
ابعد وقلبك نازح البعد يشفيه = وتلقى عن الدار البغيضه مقامي
دارن بدار وداعي الذل عاصيه = ولا تقبل الذلة نفوس الكرامي
الذل موت حايماتن ضواميه = ادخل على منزل فروض الصيامي
عن مقعد بالذل عينك تراعيه = الموت عند الذل امان وسلامي
يرضى المذله من تردت هقاويه = والذل يجفل منه قلب العصامي
والعبد له رب عن الناس يغنيه = ولولاه ما صاب الهدف كل رامي


رد الشاعر /ثواب بن طنف الجعيد العتيبي رحمه الله




هيهات ياقلبٍ كثيره طواريه = ويجيلها بين الضلوع ازحامي
اليا بنيت القيل اصواغه واعليه = ولاني بجالب سلعه ماتسامي
وهيضني الشاعر بقاف مسويه = واحكم تفاصيله قوي الحزامي
لو ما حكم فالسيل ملزوم نفتيه = والله عليم بقدرتي واهتمامي
اللي كرهته نكرهه ماندا نيه = لو يجمعونه من طوال النوامي
قلعه بوابيره وقلعه سواعيه = تقفي ليا ذعذع لهن الولامي
بعض الطيور البرق شاقه تمديره = ورقابه اطوال من رقاب النعامي
العلم الاول فات ماني مناحيه = والمقبلات إلها جزاء واحترامي
ولاباس ياقلب همومه تصاغيه = مثل الاصيل اليا صغاه الخطامي
من باح سده تفرح قلوب اعاديه = وصاعه غدا صاعين حل الصرامي
وكم واحد شيطان فرعون مغويه = ومن الحسد شمسه عليها غمامي
محضر زنابليه ومحضر مساحيه = ويبا رفيعات المباني هدامي
وتلقى خدوده كن هنه سماريه = ياطن وطي مثقلات الجلا مي
خله على اليسرى وكنك تعزيه = من غير قولة والدة للرحامي
والوقت مثل الوقت حاديه باديه = والفرق فاهله يالديب الشهامي
احد كما حيد زنيبه يذريه = يلقى الذرا في نايفات العقامي
واحدعن الطولات تقصر مراميه = ولو صاح في اعلى المرتفع مايلامي
وخل العوى للي همومه تلاويه = لي الهبوب لمشرفات البشامي
وعبد البقوم ان ما غبش له يماسيه = وباني عليه مبرقعات الخيامي
وهمٍ مناحر له وهم متقفيه = والعش ضايق من فروخ الحمامي
والضيف عذر معزبه ما يعشيه = يبا مع الترحيب شرب وطعامي
واللي يفوته مركب العز ويتيه = مثل الخليع اللي حياته عدامي
واحدٍ حباله تلحق الماء وترويه = ويمناه لاحقةٍ فروع السنامي
ومن لاتنقى دون جاره وعانيه = يلبس لباس مشوذرات الزمامي
وردي على ابو زيد ماهو تحديه = لكن ملحق خير ماني زعامي
ومن طابت ايمه وطابت لياليه = يجيه في رد الرسائل ختامي
وفرحة عيوني حايزٍ من مناشيه = تسبق سيوله مطلقات السهامي
متى نشوفه مايلاتٍ ثماريه = ومتعاقبات فيه ريمي وادامي

،

،

،

[وجــــدان]

عبد الهادي الجهني

يعطيك العافيه على الدرر اللي تطرحها هنا

تحيتي لك

[وجــــدان]

قصيده من أجمل ماقرأت في الفتره الأخيره

الشاعر : محمد عيظه
البحر : الحدا الطويل ( الرجز الفصيح )

( أنا فداك )



عداد ما تهوى القلـوب ومـا يلـوم اللايميـن=انـا فـداك انـا فـداك انـا فـداك انـا فـداك
لوتنتبه..! حتميـة الأشيـاء والشـوق الدفيـن=هنا لفت بي وال(هنا) حسب المخطط له (هنـاك)
فتّش بتاريخ الهوى بـاب الوفـا درس الحنيـن=تلقى سبب (كـل الـدروب تجيبنـي لمنتـداك)
عليك ايادي الوقـت جبّـارة ورغباتـك عجيـن=وانا وعشاقك نمـوت نمـوت ماننسـى غـلاك
انا فـدا قلبـك كثـر ماحـول قلبـك مغرميـن=احبهـم دام ان اساميـهـم تأرخـهـا شـفـاك
خلاق مبدع..طيـن قلبـك ماهـو بأيّـات طيـن=وصفك بلكنتنا الجنوبيـة ابـد (ماشـي كمـاك)
اذا سكت يمد حدسي في الغواية ليـن ويـن..!!=هماك عارف تكملـة هالشطـر والقصـة همـاك
اقسم لك اني ماتوقعت ان فـي قلبـي (Green)=أي منطقة خضرها وانا حالف يمين انه (Black)
انته وانا عبدالمعيـن اللـي نصـى عبدالمعيـن=بلشان في جوعي / وجوعي وانت بلشان بظمـاك
بس وش مـلاذ المتعبيـن الا قلـوب المتعبيـن=هذا عزاي اني خبـر مكسـور ناسـب مبتـداك
نعم مسوّي لك (Block) وقلت بانسى بعد حيـن=حتى ظهر لي في فؤادي منك اكثر من (Crack)
هذا ولا لك ذنب في حزني وانا اكثر من حزيـن=صحيح مالك ذنب لكنـي تحـت رحمـة رجـاك
يعني اذا ما اشكي عليك اشكيك ياغالـي لميـن=وانت اعظم اسراري وأعظم يوم في عمري لقاك
انا فـداك اقولهـا عـداد هـا النـاس اجمعيـن=ياللي تركتك لاجل احقق لـك هدفـك ومبتغـاك
سبايبك ما عـاد ابتعـوّذ مـن ابليـس اللعيـن=منـه تعـوّذت وهدانـي الله واوغلـت بجفـاك

تحيتي للجميع وبانتظار جمال حضوركم

[أمل عبدالعزيز]

,
,
,
,
هلا وغلا بعد عمري وجدان والله فكرة ولا أروع منها :11ap:
وبصدق سيكون هذا المتصفح جنَّة وارِفة لأعذب القصيد وبهذا يكون لكِ السبق ياغالية في مثل هذا الطرح هنا , والأجمل هو ذكر بحر القصيدة ....
وجدان
مبدعة أنتِ في كل وقت وحين:11rob:
وستكون مشاركتي كالتالي:


القصيدة للشاعر الأمير ( خالد الفيصل ) ...

البحر هو ( الحدااء ) ...



ستّل جناحه ثم حام يرقى على متن الهوى=يزفّه بعيـــد وانا محدود في حد النظر
له بـالهوا شف ومرام يلعب مع الغيمة سوا=ولا جناح لي واطيــر والأرض صارت لي مقر
طيري ، ضرب جو الهيام ولو دعيـته ما التوى=عزي لمن طيـره غدا ولا له من امره مفر
فكري تغشاه العسـام أمسيت وفكري ما ضوى=الأرض قفر من الونس والليل من فرحي قفر
شبّـيت ضوي بالظلام في صحصحٍ ذيـبه عوى=ما لي أنيس إلا النجوم أو نور وضاح القـمر
خالي وكني في زحـام قلبي تلهب وانشـوى=ما عاد أميز بالحشـا وإلا على الضـو الجمر
وين انت يا داعي سلام وين انت يا بايع دوا=ردوا لي النومـه ترى بالعين جلاد السـهر
دورت بالشدة حزام ولا لقيت اللي قوى=يا لله دخـيلك ما لقيت اللي نشد به الظهر

[وجــــدان]

ياهلا والله وغلا بالمديره

وتسلمين على حضورك ودعمك المتواصل لنا ياغلاي

واختيار منّك ولا أروع

تحيتي القلبيه لك

[لــيــل]

قصيدة رائعة ومشهورة للشاعر الكبير ( دخيل الله بن مرضي الدجيما الرّوقي العتيبي )...



البحر ( المسحوب )



ياجر قلبـي جـر لـدن الغصونـي= وغصون سدر جرها السيل جرا
وأهله من أول بالـورق يورقونـي =على غدير تحتـه المـاي قـرا
على الـذي مشيـه تخـطى بهونـي =والعصر من بين الفريقين مرا
لا والله اللي بالهـوى هوجرونـي =هجر بها الحيلات عيت تسـرا
لامبـعـد عنـهـم ولاقربـونـي= ولاعايف منهم ولانـي مـورا
وأكثر عذاب القلب يـوم سنحونـي= بيح بصبري لو بغيـت اتـدرا
لاضاق صدري قمت اباري الضعوني= كني غريب بالدلوهـة مضـرا
وقلبي عليه اشفق وتبكي عيونـي= والحال من ود الحبيـب تبـرا
ياعزتالي مـن تفـرق شطونـي= يعزا لي ارمي بالسلب واتعـرا
أدعج غنج يذبـح بسـود العيونـي=يذبـح ليامنـه هنـف واستـمـرا
ان مت فـي خـد بعيـد انقلونـي= على هدي الزمل مشيـه تـدرا
ان مت في دافي حشـاه ادفنونـي= في مستكن الروح ماهوب بـرا
بين (......) وقـدّ روس القرونـي= عن الهبايـب مستكـن مـذرا
يضفي علـي بخينقـه والقرونـي=ومبيسـمٍ عـن الهبائـب مــذرا
ياليتهـم بالحـب مـا ولعـونـي= كان ابعدوا عني بخير وشـرا
ولا انهـم يـوم انهـم قربـونـي= خلوني اقضي حاجتي واتـدرا
وياليتهم في الدرب ماواجهوني= وياليتهم مازادوا الحر حرا
وياليتهم عـن حاجتي سايلونـي=يوم اني اقعد عندهم واتحـرا
وياليتهم من زادهم أطعـمـوني=وأنا على زاد اليتيم أتجرا
الخد بـرق فـي علـو المزونـي= تقول براق من الصيف سـرا
وقفت عنده شابحات عيوني= كنّي غرير باللهاوي مضـرا

[وجــــدان]

هلا فيك ياليل وغلا

قصيده من عيون الشعر فعلاً وتغنّى بها الفنان الكبير محمد عبده

يسلم قلبك ياليل

تحيتي لك

[عبدالهادي الجهني]

،

،

،


يقول: من شرّف على روس الاقذال=راس الطويل اللي نبا من رجومه

رجمٍ براسه للمشاكيل مدهال=ميقاع سمح الريش من عقب حومه

فكّرت بالدنيا.. بالأقفا والأقبال=تضحك وتبكي بالغاتٍ رسومه

وقامت همومي بالصناديق تجتال=وزفرات بانت بالضماير رقومه

حوّلت منه وخاطري للوفا.. مال=يم العزيز اللي فؤداي يرومه

لابو بدر.. ساس الوفا مرخص المال=اللي من المعروف فصّل هدومه

وافي ويلبس له من الطيب سربال=درعٍ عريضٍ ضافياتٍ كمومه

خطّه لفا.. في صفحة الطرس سيال=قافٍ بصفحة باغةٍ ومختومه

فتحت له بالقلب باب له أقفال=وفكري صحا.. لابو بدر.. عقب نومه

أهلاً عدد ما كان نازل ورحال=من سوق نجرانٍ إلى سوق دومه

واعداد ما يسكب من الغيث همال=وبلٍ على وبلٍ تسابع اهشومه

عقبه زهور الورد بالعشب تختال=فيه أم سالم كل رجمٍ تهومه

تعلب طرب بألحانها تشده البال=ما هيب من خضر الرياض محرومه

ما سايلت من قول شامت وعذال=وما همها نوّاب وفد الحكومة

راع الوفا.. له داخل القلب منزال=لو دونه ديار وساعٍ خرومه

يابو بدر.. تبدّلت كل الأحوال=حتى أشقر الجنحان بدّل ببومه

وجميع شيمات العرب صارت أطلال=مثل الهدام اللي وساع ثلومه

دنياً يشيّب هولها روس الأطفال=ولا عرفنا بدرها من نجومه

منها الجديد إمبدلينه بالأسمال=واوباش وأنذالٍ ترفّع خشومه

أقفت سنين الخير عنّا بالأعجال=وشفنا سنين السو شومه ولومه

دنياً ضحايا قدرها كل ريبال=نطّاح قالاتٍ يجي بالزهومه

دنياً بغفلتها ركض كل ختال = وكم خيّرٍ بالغدر توكل لحومه

الخبث له بايع وشاري ونقال=والطيّب إرخص مالقى من يسومه

وديك الدجاج معلّق فيه خلخال=وحطوا مفاتيح الذهب في إبهومه




الأمير محمد الأحمد السديري رحمه الله

البحر : المسحوب




انفكت السبحة وضاع الخرز ضاع=بغيت المّه يا سليمان وازريت
صار الذهب قصدير والورد نعناع=انكرت ريحه مختلف يوم شميت
الباب طايح والمسامير خلاّع=والحب فيه السوس والفار فالبيت
أمسيت اكيل الراي بالمد والصاع=قِست الامور وعفتها ماتورَّيت
لافاقد الحيله ولا قاصر الباع=ويالله يامولاي فيك استعزيت
الذيب رزقه في مبادية الارواع=وانا برزقي في زماني تعنيت
وانا مربّى من زماني ومطواع=ربتني الايام حتى تربيّت


بديوي الوقداني رحمه الله

البحر المسحوب

[صلاح الأحمدي]

،،
،،

ما شاء الله عليكم قصايد كلها روعة ، عساكم على القوة

أبلة أمل الحمد لله على السلامة وكل عام وانت بخير

ابله وجدان
أنا اليوم جايب قصيدة من نوع ثاني >>> تغيير
بس برضو طايح في قصايد ما اعرف اسماء اللي قالهاا؟

،،

اسم الشاعر : ؟؟؟؟؟؟؟
البحر : المسحوب


حبيتي تشرب على الريق ببسي



حبيبتي تشرب علـى الريـق ببسـي =واليا تعشّت ماكلـت غيـر كتكـات

حبيبتي حطّت علـى العيـن ورْسـي =وماتلبس الا مـن جديـد الموديـلات

نحيفة(ن) عـن كـل عـذرا تنّسـي =في حسنهـا قـد كلْبشتْنـي كلبشـات

احبهـا بـس الـعـرب ماتحـسّـي =والله يعيـن المبتلـي بالطـويـلات

ياونتّـي ونّـات ســوّاق تكـسـي =زل النهار وماحصـل لـه ريـالات

والا مريض(ن) علّتـه شـي نفسـي =مافاد بـه كـي العـرب والقـراءات

لاشفتها كنّـي مصـاب(ن) ابمسّـي =مثل المهبّـل قمـت اقطّـع إشـارات

وليا حكت كنّي من النـاس خرسـي =أطرش .. خرس .. لو دوّسنّه تريلات

فيها حلا الأسبان وعطـر الفرنسـي =وفيها دلع لبنـان وعـز الإمـارات

حلوه مثل طعم الكـرز والجالكسـي =مخلوط بالسكّر معه خمـس تمـرات

لوما تزوج (عجرم) وجاب (نانسـي) =يحق لي أتـزوج ( أبـلا عطيّـات)

لاقلت : شكراً ، قالت البنت : مرسي =بنت الأفندي ناظرت لـي بغمـزات

يجلدني الاستـاذ لااهملـت درسـي =مايـدري أنـي واقـع(ن) بالبنيّـات

ابكي واقول ان البلا كـان ضرسـي =يااستـاذ تكفـى لاتنقّـص علامـات

انا وقعت اليوم مـن فـوق كرسـي =ولاحصل لي مـن حبيبـي زيـارات

قالت: أنا ليلى ، وبسمّيـك : قيسـي =عطني شعر واعطيك ضحكه وبسمات

قالت: تجي لابـوي ثـمّ(ن) تمسّـي =بس المهر تاقـف عليّـا خفـارات!

قلت: اسمحي لي واعلنـي بـالmbc =تلقيـن غيـري يابنيّـه حـثـالات

يشهد علـى ماقـول بيتـر وعبسـي =ونحّول ونامق بالرسـم والحراكـات

اليا حضرتوا يالربـع يـوم عرسـي =عانيّتـي منكـم كراتيـن كتـكـات


تحيتي

،،
،،

[وجــــدان]

عبد الهادي الجهني

ربي يسعدك

قصائد من العيار الثقيل ولشعراء أعلام رحمة الله عليهم

تحيتي لتفاعلك الجميل

[وجــــدان]

صلاح الأحمدي

مشاركه رائعه وخفيفة ظل

تسلم ياصلاح


تحيتي لك

[ساره آل مسلم]

البحر / مسحوب



الشاعر /ممدووح الرااوي الشمري

.. ولدت في صالة احد المطارات عندما مـــــــــــــرت ....

...............................................(( امــولــه ))




....... مـرت تجـر العطـر والثقل والزين

....................... وانـا مثـل كل الشـباب وقــفــوا لـه

....... عطره يذر العطر على البساتين

...................... ثقله يسولف عن نسب عن حـمـولــه

....... فستانها ذايب بخصره من اللين

....................... وخصـره من الفستان ياخـذ عمـولـه

........عزالله اني حاسدك يافساتين

...................... ياحظـك بخصـره! بعـرضه ! بطولـه!!

....... بعيونها سيوف العرب يوم حطين

...................... منها النفـاذ ( بـجلـد قلبـك ) بطولـه

....... اقـفـت وانا عيني عليها لـ هالحين

......................مـالـوم عـيـنـي ( يـاخذ العـقـل ) زولــه

...... وناديتها (( يامترفه )) وبطرف عين

....................... قالت:انـا قـلـت ايــه قالت ( امـولــه )!!

...... ( امـولـه) ميّة مـرحـبا قالت: اهلين

.................... امــولــه عـنـدي بـيـت ممـكن اقــولــه ؟

...... قالت لي قوله قلت الانسان من طين

.................... امـا انـك انـتـي طـين ماهـي( امْـعـقولـه )!!

...... انـتـي اظنك بالعـطـر تستحـمـين

...................... واجــزم بـانـك بـالجـمـال امْـغـســولــه

....... شوفي شكل شفايفك قاهر التين

.................... والجـــمــر يـكــوي والثــمـان امْعسولــه

.......( امـولـه ) انـتـي غــير كل المـزايـيـن

...................... انـتـي مثـل فصــل الربـيـــع وحـلولــه

....... قالت: مـنـيـن؟ وقلت له يعني منين

..................... مـاتـعـرفـيـن اللـي ذبـل!! مـن ذبـولـه!!

....... قالت: وشسمك بس تمتمت(( ميمين ))

.................. وآخـر ثـلاث حـروف (( دوح )) امْـغـيـولـه

....... قالت: معي للقاهره قـلـت لـه ويـن!!

.................. عـادي تـقـول القـاهـره بـكـل ســهـولــه !!

....... ( امـل ) انـا رجـال بلشـان بالـديـن

.................. ويـنـي وويـن القـاهـره (( يـامْـهـبـولــه ))

....... اقسـاط وحســابـات والـراتـب 2000

................... وحـزمـة مشــاكل اتـعـبـتـنـي حـلـولــه

......( امـولـه ) روحـي لازم انـتـي تـروحـيـن

...................انـتـي المــطـار مصـاحـبـك مـن طـفــولـه

...... تـذكريـنـي عـنـد الاهـرام تـكفـيـن

.................... تــذكـري حـال الـنــحـيـل ونــحــولــه

......( امــولــه ) انـتـي (( تـذكـره )) لاتـحـجـزيـن

.................. روحــي ( كـــذا ) تـسـتـقـبـلك اي دولـــــه

الى مصافحه اخرى

[ماجد نصار]

أبله وجدان
اعتذر عن تأخري في الحظور
موضوع رائع جداً
ولكن عيبي الكبير اني مقل في قراءة الشعر واكتفي بقراءة القصائد القريبه مني في النت
بالإضافه إلى بعض القصائد المغناه

بداية قبل فتره لفت انتباهي قصيده لك وقصيده للشاعره أمل
ليس من باب المجامله ولكن قصائد أعجبتني كثيراً
وارى انها تتفوق على قصائد الكثير وهي


على بحر الصخري.
الشاعره / وجدان

تلاقينا سوا والشـوق ظامـي=سلامه ذاب في دافي سلامـي
تلاقينـا بعـد غيبـه طويلـه=عجز يحكي وانا تهت بكلامي
تمكّن بس وبشبه ابتسامه=يجدّد كل ذرّه من هيامي
وانا في حضرة شعوره وحشني=بغيت أنطق ويسبقني ملامي
تذكّرنا ليالينا وسهرنا=وكيف يموت بحضوره ظلامي
وكيف يطير من كلمة أحبك=وكيف يتوه لو حسّ بخصامي
دقايق رجّعت كل الحكايه=وذكرى جرح في الخفّاق دامي
تذكّرنا .. تذكّرنا .. وبكينا=ولاهي من مقامه أو مقامي
نسيته صح لكن مانسيته=تناسيته وضحّيت بغرامي
توادعنا وفي الخاطر سوالـف=وضعنا قبل تذكرنا الأسامـي
صحيت وحسرة الفرقا بقلبـي=أثاريني لقيتـه فـي منامـي
غريبه كيف ضيّعنـا المحبّـه=وباقي حلمنا والشوق ظامـي

[ماجد نصار]

قصيده للشاعره أمل عبدالعزيز

البحر الصخري

على طاري الغرام وكلمتينك=تقول أرجوك ياحبّي تروّي
وروحي يالغلا في راحتينك=وقلبي منك بالحب متروّي
تفضّل قلبي براحة يمينك=وشوف بداخله شوقي وضوّي
بغيّر شكّك لصادق يقينك=بعد ماصار بالشوق متطوّي
وصار العمر ياعمري رهينك=وطاف الوقت عن ليتي ولوّي
أنا مالي سوى قلبك وعينك=إذا صدَّت عن أيامي شسوّي
ومالي غير تلويحة يدينك=وصالك ينثر مزوني ونوّي
وهبت الروح من أعذب سنينك=عشقتك من زمن ماهوب توّي
عشقتك واعترافي لك يدينك=وعفت الناس وافراحي وجوّي
أحبّك وأكره اللي حاسدينك=يعيش الحاسد بناره متكوّي
وأموت بلهفتك وأهوى حنينك=مثل طفلٍ بثوب أمَّه متلوّي
على جال الغرام وكلمتينك=وشوقك بنثر عطوري ونوّي

[نياف العتيبي]

هلابك ياوجدان


موضوع مميز

ولي عوده قريبه جدا ً بمشيئة الله


الناااايف

[وجــــدان]

هلا بالسكبه

اختياراتك روعه والله وتملكين ذائقه مميّزه

كثري من هالنمونه ياقمر


تحيتي لك

[وجــــدان]

ماجد نصار ياهلا فيك

ومشكور على حسن ظنّك فيني وان كان ماودي انك حاط لي قصيده

وين أنا ووين عيون الشعر ياماجد ؟

ههههههههه

ومعلمتنا تستاهل أكيد

ربي يعطيك العافيه ولاغنى عن حضورك الكريم

تحيتي لك

[وجــــدان]

هلا بك يانياف

ومشكور لمرورك والتميّز بيكتمل بتفاعلك معانا

تحيتي لك

[وجــــدان]

،
،،
،


الشاعر : الأمير بدر بن عبدالمحسن
البحر : اللعبوني


1

( كانها الفرقا )



ليه احس أنى ونا اشوفك حزين=وقلبي الليلـه بهمـي ممتلـي
كانها الفرقا طلبتك حاجتيـن=لاتعلمنـي .. ولاتكـذب علـى
خلنى مابيـن شكـى واليقيـن=وش يهم رضاي خله وازعلـي
باكر اللـى خافـي لازم يبيـن=والوعد بالقى مكانك بـه خلـي
وانتظر لـى ليلـه او ليلتيـن=لين مايقضي السحاب وينجلـى
ولا قطعت الياس ببكي دمعتين=للهوي الاول وبـاوادع هلـي
صاحبي باموت من كثر الحنين=بس انا بختار لحظـه مقتلـي

2

( ياسواد العين )



ياسواد العين .. فـ عيوني سواد=النظر دخان وأنفاسي لهب
من نثر في مطلع الشمس الرماد=ومن جمع في موقد اللوعه حطب
كانها الفرقا فهي همٍ وكاد=مير اظن الياس ياخل السبب
ياالبعاد اللي ورى طولك بعاد=ماورى الدرب العسير الا الصعب
وش بقي لي من الرجا كود العناد=وش جنيت من الهوى غير التعب
لو يرد العشب لومي للجراد=كان لمت السحب في جرد الحدب

تحيتي لكم

[ساره آل مسلم]

البحر /الهزج

الشاعر/مشاري بن جدلان

تذكرتـك وانـا نـاسـي
دخيل الهاجـر الزعـلان
تحـرك فينـي الاشـواق
.وانا غادي مـع النسيـان
ياويـلـي والله اتـألــم.
.لانـي هاجـر وندمـان
ولكـن انتـي الافـضـل
.طلعتـي والغـلا بركـان
انـا آسـف لتأخـيـري
على فكره.. انا خسـران
تعلقـت بوسـط حـبـك
وحبك يـروي العطشـان
وربـي لـو تعوفيـنـي.
وتمحينـي مـن الوجـدان
ابد ما حـب انـا غيـرك
حياتي ..للعـذاب الـوان
دقيقـة لــو تكرمـتـي
.انا في خاطـري كتمـان
اهوجس كثـر ماهوجـس
.اهوجس في سما الحرمان
انــا يـمـك ولكـنـي
.بعيد وخطوتـي ازمـان
ياويلـي والغـلا يـذبـح
تفجـر داخلـي قيـفـان
يزيـد الشـوق واللهفــة
ولكـن حيلـه الظمـيـان
الا منـه نـوى يــروي
.تعثر في دروب اشجـان
طلبـتـك لا تخلـيـنـي
.انا فـي داخلـي انسـان
تذكـر كــل لحظـاتـك
تذكر يـوم كـان وكـان
تذكـر يـوم انـا ويـاك
كتبت اسمك على الحيطان
تذكـر لعبـة(ن) عنـدي
.تخبيهـا وانـا زعـلان
ادور لعبـتـي وابـكـي
ولا قيهـا وانـا فرحـان
تذكـر جلسة(ن)كـانـت
قريبـة جنبنـا غــدران
انا اكتـب اسمـك انتـي
تعيدينـة كـذا غلـطـان
صغـار ومــا لـنـا الا
.سوى الضحكة تزيد احيان
عـلـى الله يامحبتـنـا .
تـدوم وجعلهـا ازمــان
يوفـق مـن نـوى حبـي
.وانا من داخلـي ولهـان
واذا ممكـن انـا راجـع
.اجيك بلهفـة العطشـان
دخيـلـك لا تخلـيـنـي
دخيل الهاجـر الزعـلا ن

[وجــــدان]

السكبه

الله عليك ما أجمل اختياراتك

لي طلب عندك

تكفين تكفين غيّري نوع الخط وخلّيه كبير شوي دمّعت عيوني وانا اقرا القصيده

هههههههههههههههههه

ربي يسعد قلبك وتحيتي لك

[صلاح الأحمدي]

،،
،،


الشاعر : مساعد الرشيدي
البحر : البسيط



سيف العشق




كيف أطفي الريح بثيابك وكيف اشعلك=كيف اتنثر على جمـرك وكيـف احتويك
نقضت ليل الحرير وجيت ماانت ل هلك=سمّيت باللي فتني بـك وقلت ابتديـك
هذا اول الدرب او هذا الطــريق اولك=جيت آتوقّا عذابات المدى ..واهتديك
شوقـي مسافـة وهمساتـك مـدار وفلك =ان ماظميتك غلى ..ياعلني ماارتويك
إية اعرفك واعرف اني من غلاك اجهلك=مرات اضمّـك واخـاف اني مشبة عليك
مـرات اشوفـك بنفس الوقت واتخيـلك=وانشد كفـوفي عن اخر سالفة من يديك
أعـنّ لك لـو تصّـب المـوت ...واتهيّلك=واجـوع لـك وآتمـنى خنجـرك واشتهيـك‎ ‎
ماقلـت لك عمر سيـف العشق مايقتلك=ماتشوفني حي قدامك وانا امـوت فيك‎ ‎
اشتقت لك قبل اجيك وجيت واشتقت لك=البارحة طول ليلي بين هذي ..وذيـك
مليت جمـر انتظارك واستحيت أسألـك =واحسبتني ما بعد جيتك وفكرت اجيـك
اثرك بقلبي من البارح وانا استعجلك= واثري نسيتك من الفرحة وقمت احتريك



تحيتي

،،
،،

[وجــــدان]

صلاح الأحمدي

اختيار أكثر من رائع على بحر البسيط أو مايقابله في النبطي ( الهجيني الطويل )

يعطيك ربي العافيه


تحيتي لك

[وجــــدان]

الشاعر : سعود بن محمد بن عبد العزيز
البحر : الهجيني

( 1 )



ابهى من الجوهر اللعاج=على نحر كل مزيونه
ابو جبين عليه التاج=فيه الحجاجين مقرونه
يا زين ما للعليل علاج=الا ان سمحتوا تداوونه
لو انك اظلم من الحجاج=في حبك النفس مفتونه

( 2 )



خل الليالي فرح وسرور=واغنم بلذات دنياها
ما تجبر الخاطر المكسور=يا قرة العين ومناها
لا صرت مخطر وانا مخطور=ارواحنا ليش نقصاها
ارض تطبه يجي به نور=ينبت ثمر ورد صمعاها

[صلاح الأحمدي]

،،
،،

الشاعر : محمد جار الله السهلي
البحر : الرجز



( اصعب سؤال ) اللي جوابه للأسف مثله ( سؤال ) !!=ما هو تفلسف !! الا موقف صار واسمع " ثاني بيت" :
البارحه يومه سأل : ( وش ذكرك ذيك الليال ؟ ) =كان الجواب بكل بساطه : ( من متى اصلا نسيت ؟ )
ادري بان جمع ( الصعوبه والبساطه ) شي محال !!=لكنها صارت كذا ! واللي (( اهم )) اني دريت :
ان الحياه فبعد احبابك اذا جف الوصال =اتعيشها لو تقتنع انك خلااص اصبحت ( ميت !!)
يا صاحبي لو كل شي يمر بالخاطر يقال =ما كانت العبره تــــولجني اليامنك طريت ؟!
شفني قدرت احبس دموعي بس ( دمع القاف ) سال =ويا كبرها ساكت ولكن داخل اوراقي بكيت !!
عمر الحكي ما كان دافي لاابتدى بقولة تعال =لجل اتجاهل رجفة حروفي اليامني حكيت ..
الحال في بعدك قسم بالله ما اسميه حال =انوي على الضحكه واحس كلي خطا لاني نويت ؟!
اتصور انك من رحلت اشوفك لجسمي ظلال=لا شفته امشي ببتعد واثره معي مهما مشيت !!
مدام يعني في بحرك لفرحتي مليون جال =وش فيه موجك ما ركد ؟ قربت اموووت وما رسيت ..
يرضيك ما عادت معي تفرق اذا جالك مجال =لاني اقتنعت انك نهايه واني ببطي ما بديت !!
صرت ( اعقد حجاجي ) اذا جابوك باطراف الجدال =وانا قبل لاقالوا اسمك كني : ميت ثم حييت ..
تعبت اعيش الدور وافتح للمعاذير الخيال =واتخيل اني جيت في بالك وبانك استحيت ..
وتردلي كلك (( وله )) وتقول : ( كن البعد طال ؟ ) =ومن الفرح ما عاتبك واقول : ( ياخي مابغيت ! )
حتى وانا تخيل حشمتك ! لن قلبي لا يزال =يكرر اسمك داخل اعماقي بنبضه لا سهيت ..
قلي شسوي فيك ؟ وانت بداخلي اصدق مثال =للحب واحساس القصيد ان عانق الليل وسريت ..
ربي يصبرني على الفرقا مدام الحظ مال=وانت بيجيلك يوم تعرف ليه في بعدك شكيت ..
واذا بلاك الله وعذبك اشتياقك (( بس تعال )) =واقرى القصايد في غيابك كلبوها بيـــت ... بيـــت ..
بتدرى ان ( اصعب سؤال ) اللي يجي رده ( سؤال )=لا قلتلي ( وش ذكرك ؟ ) ثم قلتلك ( متى نسيت ؟ )





تحيتي

،،
،،

[وجــــدان]

صلاح الأحمدي

اختيار موفّق جداً وجميل

تحيتي لك

[وجــــدان]

الشاعر : محمد بن ساقان
البحر : المسحوب


( الجرح )



ما بلل لهات العطش يا اشهب اللال=ياكود غصة عبرة(ن) تخنق الجرح
اركض ورى احلامي والاقيك يالفال=متمركي بـ حظي على جانب الضرح
قلت اكسرالروتين واجرّ موال=ماهو عشان اتميّز بـ فكرة الطرح
لا والله الاّ منك ياضيق الاحوال=لا هزت ايدين العطش منكب السَرح
زرعت جرد احلامي بـ طين الآمال=الين ما اورق في عناقيدي الترح
ياكثّر الله خير وقتي ليا مال=كانه يعلّم ضيقتي وش هو الفَرح
يعني: ليا من ضقت واعسرني الحال=تاسعني جروحي ولو ضاقت البرح
ياوقت واللي بدل ازوال بـ ازوال=يااني بنيت بخنجرك للتعب صرح
ربيت جرحي لين ماصار رجال=وش عاد لوّه مات رجال من جرح

[وجــــدان]

الشاعر : نايف صقر
البحر : الشيباني


( 1 )

( خيام الندم )


سجد قلبي على رمل الضلوع وهزه التنهيد=وانا في جوفي خيام الندم والخوف منصوبه
يارب افهق هلاكي والمنايا والدروب بعيد= مادام المودماني للتراب تقوده دروبه
ياغياث الضوامي والثمام وجرهدي البيد= اعذني من جهنم والحشر والموت وكروبه
انا مانيب لامشرك ولافاسق ولاعربيد= انا اللي لا عصى واخطا تجهم واقلقه ثوبه
وانا اللي يرتجف مثل ارتجاف الخايف الرعديد= ليا شاف القبور الضيقات وحس بذنوبه
انا عبدك ولد عبدك وجداني هل التوحيد= خطاياي اخجلتني يالله الغفران والتوبه
انا الانسان حمال النقايض والكمد والكيد= غريق الطين واللذات من راسه لعرقوبه
انا عبدك ياربي وانت تفعل ما تشاء وتريد= سالتك يالله العفو العظيم وهين دروبه

( 2 )

( ألوان )



الأحمر زهرة الرمّان واحساس الخجـل والـدّم=والأصفر للجفـاف وللعطـش والنـار والغيـره
والأخضر للمحبـه والسـلام ومهجـة المغـرمّ=والأبيض للحمـام وللغمـام وبيـض ازاهيـره
والأسود لليالـي والكحـل والغامـض المبهـمّ=والازرق للسما والبحـر وأسفـاره وأساطيـره
والأرمد للرماد وللحياد وجاره الأدهـمّ=لدخان الغموض وللحصان وعجّ أحافيـره
وبين الأحمر النافر والأصفر برتقـال تـم=كماله فالشفق والا الجمر لا إحمرّ تفكيـره
ومن مزج الحمر والزرق تلمع للسما واليمّ=قناديـل البنفسـج وآيـة الزهـر وتفاسـيـره
وإذا اللون " إنجرح " من جرأته والا برّد وأعتـمّ=على الضيّ الظلام إن ما فرج ضيقات أساريـره
هنّي اللي يداري بأوضـح الألـوان مـا يعلـم=يحسده من يهـد جبالـه البيـض لطباشيـره

تحيتي للجميع

[عبدالهادي الجهني]

الشريف بركات يوجه قصيدة لابنه مالك والتي تحتوى على وصايا وحكم عظيمة قل من يلتزم بها.

البحر : المسحوب

قراءة ممتعة



يا مرقب بالصبح ضليت اباديك = ما واحد قبلي خبرته تعلاك

وليت يا ذا الدهر ما اكثر بلاويك = الله يزودنا السلامه من اتلاك

يللي على العربان عمت شكاويك =وليت يا دهر الخطا ول مقواك

واليوم هالكانون غادي شبابيك = تلعب به الارياح من كل شباك

يا مالك اسمع جابتي يوم اوصيك= واعرف ترى يا بوك بامرك وانهاك

وصية من والد طامع فيك= تسبق على الساقه لسانه لعلياك

اوصيك بالتقوى عسى الله يهديك = لها وتدركها بتوفيق مولاك

الله بحق اجدادك الغر يعطيك = رضاه مع كل ما تمنى من امناك

احفظ دبشك اللي عن الناس مغنيك =اللي الى بان الخلل فيك يرفاك

واعرف ترى مكه ولاها ابن اخيك = لو تطلبه خمسة ملااليم ما اعطاك

اجعل دروب المرجلة من معانيك=وادراج سيسها على العز مرقاك

لا تنسدح عنها وتبغيني اعطيك = جميع ما يكفيك ما حاصل ذاك

احذر امر ليعات تبيها لتاليك = ايضا ويرخص عندها قدر مأواك

ادب ولدك ان كان تبغيه يشفيك = واستسعفه من بعد مرباه يالاك

اما سمج واستسمجك عند شانيك = ويفر من فعله صديقك وشرواك

والا بعد جهله ترا هو بياذيك= لو زعلت امه لا تخليه يالاك

واحذر تضيع كل من هو ذخر فيك = معروفه لا تنساه واوفه لعرفاك

ترا الصنايع بين الاجواد تشريك = الى طمعت بركزها لا تعداك

واحذر سرور بغبة البحر يرميك= ولا عنده افلس من تشكيك وبكاك

واوف الرجال حقوقها قبل تعنيك= لا تعتمد بالعفو فالحق يقفاك

وهرج النميمه والقفا لا يجي فيك = واياك وعرض الغافل اياي واياك

تبدي حديث للناس فيه تشكيك = وتهيم عند الناس بالكذب واشراك

واذا نويت احذر تعلم بطاريك = كم واحد تبغي به العرف واغواك

واحذر شماتة صاحب لك مصافيك = والى جرا لك جاري قال لولاك

ولا تحسب ان الله قطوع يخليك = ولا تفرح ان الله على الخلق بداك

ان اشتهى حط الطمع في تواليك =لو ما لقيته يا فتى الجود يلقاك

والضيف قوم له حين يلفيك = مما تنوشه يا فتى الجود يمناك

اكرم قباله فانها من شواديك = وابذل له المجهود ما دام يعناك

واحذر تلاقي الضيف مقرن علابيك = خله محب لك صديق اذا جاك

واوصيك زلات الصديق ان عثا فيك=ما دام يغطاها الشعر فاحتمل ذاك

راعه ولو ما شفت انه يراعيك = عساك تكسر نيته عن معاداك

واحذر عدوك لو ظهر بيصافيك = خلك نبيه وراقبه وين ما جاك

لا تامنه فاطلب من الله ينجيك = ويكفيك ربك شر ذولا وذولاك

شفني انا يا بوك بآ مرك وانهيك = عن التعرض بين الاثنين حذراك

اذا حضرت طلايب مع شرابيك = اسع لهم بالصلح واللاش يفداك

ابذل لهم بالطيب ربك ينجيك = لا تجضع الميزان مع ذا ولا ذاك

اما الشهادة ادها ان دعوا فيك = بين عمود الدين لا عميت ارياك

بالك تماشي واحد لك يرديك=طالع بني جنسك وفكر بممشاك

رابع اصيل في زمانك يشاكيك= والى شاف خملاتك عن الناس غطاك

واحذر عن طرد المجفي حذاريك = عليك بالمجبل وخل من تعداك

ثم العن الشيطان لياه يغويك = ترا ان تبعته للشرابيك وداك

واوصيك لا تشتكي علينا بلاويك = انت السبب اخذك عيونك بيمناك

واعرف ترا اللي وطا الفعر واطيك = ولا انت اعز من الجماعة هذولاك

المسك يا راسي عن الذل واخطيك=واحذر تكلم يا لساني حذاراك

والطف بجارك ثم قم دون عانيك = وافطن الما يعنيك عن ربعة اخواك

يا ذيب وان جتك الغنم في مفاليك=فاكمن الى حيث الرعايا اتعداك

من اول يا ذيب تفرس ابياديك = واليوم جا ذيب عن الفرس عداك

يا ذيب عاهدني واعاهدك ما رميك =ما رميك انا يا ذيب لو زان مرماك

والنفس خالف رايها قبل ترميك=ترا لها الشيطان يرمي بالاهلاك

ومن بعد ذا لا تصحب النذل يعديك = وعن صحبة الانذال حاشاك حاشاك

والهقوة انك ما تجي دون اهاليك=ولا اظن عود الورد يثمر بتنباك

والحر مثلك يستحي يصحب الديك =وان صاحبه عاعا معاعات الادياك

لا تستمع قول الطرف يوم يلفيك = بالكذب يقضي حاجته كل ما جاك

من نم لك نم بك ولا فيه تشكيك = ويلاه قد ازرا رفيقك وازراك

عندك حكا فينا وعندي حكا فيك = واصبحت كارهنا وحنا كرهناك

ما اخطاك ما صابك ولو كان راميك = واللي يصيبك لو تتقيت ما اخطاك

مير استمع مني عسى الله يهديك=النصح يا مالك لك الله مولاك

عندي مظنه ما تمثلتها فيك = واطلب لك التوفيق من عند مولاك


،

،

،

[وجــــدان]

عبد الهادي الجهني

ربي يعطيك العافيه

مبدع والله وذائقتك لايعلى عليها واختياراتك جميله جداً

تحيتي لك

[أمل عبدالعزيز]

,
,
,
الشاعر : فهد عافت


فتنة الحفـــــل



فتنـة الحفـل زيـدي مشيتـك بختـره=كل خطوة بروق وكـل نفحـه صهيـل
باقـي بيـن عقلـي والجنـون شعـره=اقطعيها ياشينه عاشـقٍ .. مـو هبيـل
خلي الارض تاخذ شكـل غيـر الكـره=خلي النار تاخـذ رمـز غيـر الفتيـل
من غدى الليل شعرك قلت انا بسهـره=ومن غدى الصبح وجهك قلت مالي مقيل
ارقصـي بيـن حـد الذنـب والمغفـره=ارحلي في سكونك واسكني في الرحيـل
ارجفي كنـك المـا.. فززتـه حجـره=واثبتـي كنـك الفضـه بعيـن البخيـل
وانحني مثل غصن فـي طرفـه ثمـره=واوقفي مثـل فزعـات بـدوي اصيـل
والفحـي علمينـا كيـف تقـدر مـره=تزرع الليل صبح .. وتزرع الصبح ليـل
فـي عيونـك سـواد يستحيـل اخـره=كامن ٍفي بيـاض ٍ .. اولـه يستحيـل
واحـد تخزريـن ومـا يجيـك خبـره=اشهد انه عزيـز واشهـد انـه ذليـل
اتركي العقـد بيـن الجـد والغشمـره=يخبر الناس وش معنى جميل في جميـل
كن في الصدر ظبـي عيوننـا تذعـرة=ينتفض يذعـر الـي مذعرينـه قبيـل
ومفرق الصدر حبـة العـرق تجهـرة=كن لك عقد در وعقـد مـن سلسبيـل
بينهم حسـد ربـي بعـد مـا صـوره=عقـد وده يجـف وعقـد وده يسـيـل
آآه ولا لمحـتـك مقبـلـه مـدبـره=شفـت مثلـي نحيـل زم حمـل ثقيـل
دام ذا عجـز وش للنـاس بالمـقـدره=دام ذا خصر وش لـي بالخواتـم بديـل
وسط ثوب ٍ خيوطه صمت فـي ثرثـره=به قليـل ٍ كثيـر.. وبـه كثيـر قليـل
كل شـيء بجسمـك يفضحـه يستـره=فيه فتنه قصير وفيـه حشمـت طويـل
كنـه المخطـي الـي يطلـب المعـذره=وكنه الدامح الزلـه عـن الـي يعيـل
فـي ردونـه نقـوش لـه سنابـل ذره=الله اعلم لـو ان الريـح هبـت تميـل
كل شـيء ونقيضـه فيـك بالمسطـره=اقرب من النفس وابعد مـن المستحيـل
كنـك الكـذب لكـن مـاحـد ينـكـره=وكنك الصدق لكن مافـي يدينـا دليـل
باشت الغيـد زيـدي مشيتـك بختـره=لاجل اطاول بحرفي شامخـات النخيـل
شاعـر تلمـس ايدينـك علـى دفتـره=تغرق في اوسط اوزانه بحـور الخليـل

[وجــــدان]

الله عليك يامعلمتنا الراقيه

اختيار ولا أروع ومن شاعر الروائع فهد عافت

سلمت يمينك وذائقتك الجميله


تحيتي لك

[وجــــدان]

الشاعر : محمد بن فطيس
البحر : المسحوب

( أشجع رجل )



الله يجـازي مـن يـسـوّي سـواتـك=وبذنوب مـن سـوّا سواتـك يجازيـك
مشيـت درب الثقـل وتـحـب ذاتــك=ماتـدري انــه للمهـالـك يـوديـك؟
وغـرّك جمالك...يـا خسـارة حلاتـك=ماتـدري ان ماغيـر طبعـك يحليـك؟
بتـقـول زيـنـك يشـفـع لسيئـاتـك=الحسن ماهو عـن وفـا الحـب يعفيـك
لـو التواضـع والوفـا مـن سمـاتـك=بعـت الحبايـب كلهـم ..دين..واشريـك
لكـن عجـزت اغيـرك ..يـا جراتـك=على الغيـاب اللـي بـلا عـذر ينجيـك
خطاي....في توضيـح وشـي غلاتـك=وخطاك....في توضيـح وشـو تغليـك
مافـاتـك التجريح...والعـذر..فـاتـك=وت بغي رضاي الحيـن!! ماعـاد يمديـك
صحيح احبـك .. بـس هـذي جزاتـك=باعلـمـك درس ٍ يفـيـدك ويحيـيـك
تدري وش ابيض من خفوقك؟؟...عباتـك=وتدري وش اللي غرني؟؟...نظرتي فيـك
ادري بتستغرب..تصّـبـر وجـاتــك=قصيـدة ٍ مـن واحـد ٍ كـان يبغـيـك
وتبغي تناظـر وانـت عايـش مماتـك=شف وحدتك والنـاس تجلـس حواليـك
وتبغي تشوف اشجع رجـل فـي حياتـك=شفني......وانا راحل...على كثر ما اغليك

تحيتي لكم

[صلاح الأحمدي]

,’,

الله الله ابله امل اختيار رائع لشاعر رائع
بس مدري وش خلاه يعطيها للمطرب القطري // علي عبد الستار
مع انه اجاد اللحن بس الأداء يعني لك فيه ...
تسلم الانامل ابلتنا الرهيبة وصح لسان شاعرنا الرائع فهد عافت


مودتي
,’,

[صلاح الأحمدي]

,’,

ابله وجدان يعطيك العافية اختيار رائع
لاحد افضل شعراء النبط الحاليين شاعر المليون
ياعيني والله شاعر فذ ما شاء الله عليه
وذائقة ولا اروع ابلتنا
بانتظار المزيد من در القصائد هنا


مودتي
,’,

[نايفة شمر]

,
,
,

الله على الفكرة الروعة ياوجدان ماشاء الله عليك
وبصراحة اختيارات اكثر من روعة

وبشارك معكم في الموضوع هذا باختياري بس عسى يعجبكم:

القصيدة : للملتاع طلال الرشيد

البحر : الشيباني

ياطاهرة:



يا بنت أنا ماني كذا و ظنونك تكذّب عليك= كلّي عيوب و ما قوت تخجلني ظنونك و أتوب
أكذب عليك و دوم أخونك و ألبس الأبيض و أجيك= و أعشق معك ألفين وجه و يمتلي صدري قلوب
أحلى الكلام أقول لك لو قلته البارح لذيك= ياقف على شفاهي معك مراهقٍ صبٍّ لعوب
أكذب و لا أدري ليه أكذب أعشقك ما أرتجيك=أخاف من صدق الحقيقة في الهروب من الهروب
و الله أحبك و أعشقك و أعرف زمان لي أبيك= لكنها هذي الحياة اتعلمت منا الذنوب
العين عجزت تعتقك القلب عيا يشتريك=في السجن خيّالٍ وفي في الصدر رجالٍ كذوب
هذي الحقيقة ما يجي في الكون أطهر من يديك=و أنا الذي أنقض وضوء الغيم و الماء و الهبوب
أنقض عيوبي فوق متني و انتي لعيبك شريك=و باكر تبسم لي وجيهٍ لك يعبّسها الشحوب
يا طاهرة حنا كذا و المظهر يكذّب عليك=يمكن يجي يومٍ يجي نخجل من ظنونك .. نتوب

[وجــــدان]

صلاح الأحمدي

تسلم على المرور وبانتظار ماتجود به ذائقتك الجميله

تحيتي لك

[وجــــدان]

الزعيمه

ياهلا فيك والروعه تواجدك في الموضوع

واختيار ولا أروع من ذائقه راقيه

تحيتي لك

[وجــــدان]

الشاعر : أحمد الناصر الأحمد
البحر : المسحوب

( هذي الحكايه )


غيبتك عندي ترتبط في حضورك=جيت ورحلت وياكثر شيْ بالبال
بديت في زلزال واشعلت نورك=وعند الرحيل اطفيت نورك بزلزال
ما اقول لك مثلت واتقنت دورك=بس اسألك عن حب مثل الجبل زال
من يفهم احساسك ويرضي غرورك=بعدي ولا يحتاج نضرب لك امثال
من يمسح ادموعك ويغري سرورك=من يحتويك افكار واقوال وافعال
من يقنعك لامن تجاوزت طورك=انك تعود وحكمته طولة البال
من تلتجي له لا انجرحت بشعورك=تقبل عليه بحال وتروح في حال
غيري وتذكر لا تبين قصورك=اضحك واعده من دعابات لاطفال
وانا اعترف قلبك وروحك وحورك=واشيا كثيرة فيك تشعلني اشعال
وفتحت لي كامل مداك وجسورك=وناقشتني باحلامك البيض وآمال
ونثرت من حولي شذاك وزهورك=وجلستني بظلال وانته بلا ظلال
واذكر إلى جا واحدٍ من طيورك=سولفت له والطير للحب مرسال
طيرٍ عشق صوتك وهام بعطورك=معذور لو ياقع على الغصن ما مال
هذي الحكاية قبل يظهر فتورك=حنا انتهينا ليش نكذب ونحتال
ارحل معي ذكراك تسمح أمورك=ارحل لو ان بداخلك قلب رجال

تحيتي لكم

[وجــــدان]

الشاعر : الزعيمه
البحر : المسحوب

( برج الهام )


أدري بجواله من العام مفصول =وأنا عليه أرسل رسايل من العام
مفصول وأدري بس في نفسي أقول=يمكن يجيه إحساس من ( برج الإلهام )
مشغول عني والفكر فيه مشغول =والشوق فيني زاد مع مرّ الأيام
ما كنت أظن الوضع يبقى على طول=وصدّقت قلبي لين صادفت الأوهام
وكنت أحسب إن البعد ما فيه مفعول=ألا على الشاشات في بعض الأفلام
ألين غاب وصرت في وضع مجهول=وعرفت بأن البعد قاتل وظلام
معقول ينساني مع الوقت معقول ؟= وشلون ينسى من بنى فيه الاحلام
تغيّرت بعدي أحاسيس وعقول=يا ليتها كانت بتغيير الأرقام !!
وأصبحت أحط حلول وأبدّل حلول=وينام جفني لكن القلب ما نام
وهذا خفوقي صار للحزن كشكول=حبره دموع العين وجروحي أقلام
تكتب ليالي ضامها بعد وذهول= وكل الأماني حظها طاح ما قام
قلبي وطن بأجناس الأحزان مأهول=معمور بأنواع المآسي والآلام
أنا ( زعيمة ) حزن والشوق مسؤول= عن كل همٍ لامني فيه لوام
وان كان جواله من العام مفصول=فانا خفوقي مات من دقّة العام

تحيتي

[ساره آل مسلم]

الشـــــــــــاعر :: فيـــــصل اليـــــامي

البحـــــــــــر:: المسحــــــوب
لــــك عــيـن تـتـكـلم بــعـد مـــا تـسـبـبت=بجروحي وتسأل بعد .. ويش سويت ؟!!


اخـطـيـت فــي حـقـي ولا كـنـك اذنـبـت=الـلي يـشوفك .. ما يقول انك اخطيت!!


انـا احـسب ان عـقلك تـعافى وقـد طبت=اثــرك عـلـى نـفـس الـعـقل مــا تـعافيت


يـاثـقل دم الـيـوم لـيـسمي ( الـسـبت )=ويـاثقل دمـك كـل مـا اصـبحت وامـسيت


انـــت اتــحـرى جـيـتـي كـــل مـــا غـبـت=وانـــا اتــحـرى غـيـبـتك كـــل مـــا جــيـت


اذنــبــت فــــي عــرفـك ولـكـنـني تــبـت=الله يــســامــح زلـــتــي يـــــوم زلـــيــت


الــصــدر يـتـفـجـر بــعــد حــالــة الـكـبـت=انـــا اشــهـد ان صـــدري تـفـجر ومـلـيت


اغـسـل يـديـنك انــي اجـيـك لــو شـبـت=مــعـروف عــنـي دام صـديـت .. صـديـت

[ساره آل مسلم]

البحـــــــــــــــــر،، اللعبوني؛؛

الشاعر:: سعـــــــــــــــــــــد علــــــــــــــــــوش


أنكسرت من الفراق وشوف عيني =شوف عيني وأنت تـدري بـ أنكســــــاري





كل ما مدّيت لوصالك يميني =رحت تتجاهل يميني .. مع يســـــــــاري





حتّى صرت آشوف جرحك في يديني =في يديني لـ جور صدّاتك .. مـــــــواري




حس فيها .. لا.. بلاها .. حس فيني=لاتعبرها .. لكن .. رد أعتــــــــــبـــــــاري




وين مقفي؟ جعل منت .. بمنتويني =بالجفا . والخوف . وأنواع العــــــــزاري




ياهلي . يانصف ربعي . ياخديني =يا مواني غربتي . يـــــــــاروح داري




ياشموخي . يا أنكشافي . يا دفيني =ياعلوّي . يابقائي . يا أنحـــــــــداري



يا بداياتي . يا مائي . يا أكسجيني =يا أندثاري . يا أعتدالي . يا أزدهـــــــــاري



يا بلادة حسّي . وقمّة حنيني =يا أختياري ..لا .. يا عشواء .. أختيــــــاري




أعشقك من عادني فوّل سنيني =لين صرت آخذ مع نفسي قــــــــــــــراري





من عرفتك وأنت ثالث والديني =واللّجوء أليك .. يعني لك فــــــــــــراري




ضمّني خل الضرر بينك وبيني =الضرر من ضمّتك .. شي أضطراري





خل يدّينك من الجور تحميني =من جمودي عيشني .. لين أنصهــــاري





كل ماضاقت بعيني .. يا معيني =أبتسمت وصار لي ليلي نهــــــــــــــــاري




فلا سكتت .. تروح بالطيش اتحكيني =رجعي بطبعك وبسلوبك حضـــــــــــاري




ماذبحني فيك الاّ أنّك تبيني =وماسحرني؟ الاّ حكاك الأستعــــــــاري




لا حكيت آحس بشيا .. تعتريني =ويخشع قلبي وتطريلي طــــــــــــــوااري



آعشق حكيك وأحفظه يا ضنيني =حفظ أبن تيميّه لـ حكي البخـــــــــــــــــــــ اري




ولا سرحت آآحط يدّي في جبيني =وأرجي الله مايطوّل بـ أنتــــــــــــــظاري



أدري أنّي عندك وأسألك ويني؟ =داري(ن) لاكن ماكنّي بــــــــــــــــداري




لين شيطاني تلفّظ كلمتيني =ورحت منّي ماتبي سمع أعتــــــــــــــذاري




لا تبكّيني وتفرح عاذليني =لاتخسّرني بعد كبـــــــــــــر أنتصـــــــــــــــــــار ي




لاتخلّيني بعد فيضة كنيني =وأنت خابرني على الوصل .. أنتحـــــــــــــــــــــ اري





لاتروح بروحتك؟ كلّن يجيني =ماني مكااابر .. ولا حتّى مــــــــــــــــــــــدا اري




أنكسرت من الفراق وشوف عيني= شوف عيني وأنت تدري ...... بنــــــــــــــــــــكــ ــــــــساري
__________________

[ساره آل مسلم]

الشـــــــــاعره/عبير بنت احمد

البحر//الشيباني _لويحاني_عمى يعمي عدوك ! وش بقى بي خافي ٍ ما بان

................لنا كم عام واحنا مـا نحب .. وليتــــنا نــكره

اقول " اليوم شكلي بعشق اللي برجه المـيـزان

..............ولا منـِّي ذكرتك قلت .. " شكلي .. بعشقه بكره !! "

لو اني لين جيت ازعل .. دريت انك بتهوى .. كاااااااان

..............اذا حتى الغضب لاجلك يدوووخ وينقلب سكره !

حشا مأهديك بيت ٍ قايله غيري ولوهو ْجنان

..............لأنــّه ما وصل شاعر.. معاني عشقي ْبفكره !!

وعشقي لو بقوله ما تعبــِّــر عَبرة ٍ وْ لســان

.............وتبطي ما بعد جابت قواميس العرب مَـكره

وكلـْما حاولوا يملون قلبي بالقساوه... لاااااان

.............ابد ما كنــّه الا سخـــرة ٍ لك راضي و مُـكره !!

تمنيت اربعة اشيا ابـيـــها كان حظي زان

.............وغير الاربعه لك كل شي ٍ فـِـيّ محتكره:-

1/ أقسـِّم بيننا حبي
2/ وأدبـِّل عمرنا أزمان

.............3 / ونسكن وحدنا العالم
4/ ونوفـِـي ربـــّـنــا شكره

بسْ الله يرحم امك كــم لنا واحنا ورا البيـبان

............تبي تفتح لنا ؟؟؟
والا ..

نروح

ونعشقك بكره

[لــيــل]

الـشّــاعــرة ( رســوا الـمـفــرجـيّــة الـعـوفـيّــة )



الـبـحــر ( الـهـجـيـنــي )






عديت أنـا المستقـلِّ=من نايفـات العدامـا
عيال مفرج هـلٍ لـّي=دخيلهـم مـا يضامـا
وان جا سلفهـم يـزلِّ=ما يركبـون المسامـا
رصاصهـم مستجـلِّ=يكسر صليب العظامـا
يا نجمة الصبح ياا للّي=سروا عليك النشامـى
جيت المطوع يصلـّي=صليت معـه القيامـا
واخيل بـرق يسلـّي=لا لاح وسط الظلامـا
واخيـل بـدو تـحـلِّ=ومرتعيـن الجهـامـا
يا رجم جعلـك مولـّي=يا ويل سهـل الكلامـا
يا خوي وا عبرةٍ لّـي=منها عيونـي سقامـا
ابكي ولا احد فطن لّي=راعي الهوى مايلامـا
جعل العجايـز تولّـي=والعود ولـد (.......)
قد كدّروا مشربٍ لّـي=يا ويلهم مـن الاثامـا
جيت المطوع يصلـي=وادركت معـه الاقامـا
وسمعت انا صوت خلّي=وسلّمت قبـل الامامـا
يا ضامر الوسط يا لّلي=مـا ذاق زادٍ ولا مـا
هرجه حديـث يسلّـي=ريقه يداوي السقامـا
شربـه حليـب يـزلِّ=من نا بيـات السنامـا
مشيه مع السوق يسلّي=يشبه فريـخ الحمامـا
يا ليت شمر هـلٍ لّـي=دخيلهـم مـا يضامـا
ياليت الزايد هـلٍ لّـي=قصيرهم مـا يضامـا

[وجــــدان]

الشاعر : عاطف الحربي
البحر : المسحوب

( هذي ظروفي )


عساك سالم بس هـذي ظروفي=ازريت ابيّـنـها لغيرك من الناس
وانا لو انـْـهـا طايعتني حروفي=ماكنت مثل الحين بالحيل محتاس
قلت : اكسر الروتين لابُـد توفي=كم للورق ذابل ,, تمرّه بلا احـساس
لكنّ شوفي مو على قـد شوفي=مرمي على شط السهر واطرد نعاس
ماشفتني كيف اختـنقت ابـ كفوفي=حبر ٍ يعرّيـه السطر يـزفر الباس
و ماشفت ذاك الوقت كيف ابـ وقوفي=دمع الشوارع سال في دفتر الياس
لله .. دامك حيّ .. هذي سيوفـي=خذهــا معاك وهات لي ارض و انفـاس
وللأرض ناس تموت , واليوم خوفي=لاماتت ارض وعاش من بعدها ناس

تذكّروا اسم هذا الشاعر في المراحل المقبله من شاعر المليون

تحيتي لكم

[عبدالعزيز نايف]

الشاعر ( نايف صقر الدلبحي)
البحر (الهجيني)



يهز غصن الرجا نسناس = واجمعلك الدمع من خده
مرات احس بتعب وعماس = يعاود البال من مده
لاباس ياخاطري لاباس = السيف مايجرحه حده
والقلب لولا عليه اقواس = لافز بعروقه تصده
يمديه لاهزه الهوجاس = يشقق الصدر ويقده
لي صاحب(ن) ناعم(ن)حساس = اغليه بالحيل واوده
في عيونه اعيونه النعاس = يبنيلي الشوق ويهده
والضبي والليل والقرناس = مالا اقدر احصيه واعده
يقولي في حشاه احساس = ماني بكبره ولا قده
ويقول احبك واحس بياس = والامر ماهو بيده
قلت اه يالمطرق المياس = من طاري البعد والصده
ياليت يجمع قلوب الناس = اشباه والضد مع ضده
واحبك ابها بدون قياس = لين العمر ينتهي حده
يازين مافالبعاد اوناس = ان كان لي كفه تمده
عطني لعيني بعدك نعاس = لاتاخذ النوم وتلده
وانا اوعدك واوعد القرطاس = فالحب فالين فالشده

ارجوا ان تحوز على رضاكم وباركو لنايف صقر على المولود الجديد
تحياتي

[وجــــدان]

عاشق صيد

تسلم ويعطيك العافيه على تفاعلك وعلى هالقصيده الرائعه

ومبروك لنايف ماجاه

وعساه من مواليد السعاده والله يطرح البركه فيه

تحيتي لك

[ناصر الشيباني]

الله الله


عليك وجدان



فكره ولا اروع منها



حبيت اشارك معك



بقصيده لـ مبدع مشعان البراق



على بحر الشيباني




امانه لارحلتي ودّعي قلبي شويّ .. شويّ = تراني منكسر .. من سيرة الفرقا وطاريها

تراني من هذاك اليوم .. لاميت ولاني حيّ = ولا ادري عن جميع الناس قاصيها ودانيها

امانه وش معي ؟ .. والا وش اللي من غيابك ليّ ! = ياكود الوّنه اللي ماتعدّت صدر راعيها
على حطة يدك / كل الطعون النازفه .. هيّ هيّ = بعد .. حتى انشراحة خاطري مني سرقتيها

انا مثل الغريب .. وغربة احبابي طوتني طيّ = اجاهد ضيقتي .. وظروف وقتي ويش اسميّها

ياويّ من السفر .. ومن الغياب المنتظر ياويّ = بلياك الحياه الهاديه وش حاجتي فيها !

بعد بان الصباح .. وذعذع الغربي .. ومال الفيّ = تنّهت .. وطرت لي ساعةٍ ماني بناسيها

هي اللي باقية لي من لقاك وذكريات الغيّ = تعزيني بعدك من الجروح اللي تركتيها

فمان الله .. رووحي .. والا انا مافي يديني شيّ = عسى عينٍ جفاها نومها .. تفرح بغاليها

[وجــــدان]

الأخ الشاعر ناصر الشيباني

تسلم على حضورك

بدينا بالعنصريه جايب لنا بحر الشيباني

ههههههههههههه

لكن من جد والله قصيده من أروع ماقرأت صح لسان شاعرها

ويعطيك العافيه

تحيتي لك

[صلاح الأحمدي]

,’,



الأستاذه الشاعرة وجدان


كل عام وأنت بخير


وتواصل رائع مع الابداع

يسلم كلك أختي

وأكيد لي عوده لهذا المتصفح الغني بالدرر الشعرية


تحيتي

.,.

[وجــــدان]

,’,



الأستاذه الشاعرة وجدان


كل عام وأنت بخير


وتواصل رائع مع الابداع

يسلم كلك أختي

وأكيد لي عوده لهذا المتصفح الغني بالدرر الشعرية


تحيتي

.,.

هلا ومرحبا فيك ياصلاح

وبانتظار عودتك الميمونه بحول الله

تحيتي لك

[وجــــدان]

الشاعر : بدر الخالدي
البحر : الحدا

هذه القصيده التي القاها بدر الخالدي وأهلته في مسابقة شاعر المليون


البارحه والجوع مس الذيـب يـوم انـه يعـوي=علـى سنـام طويـق والقمـره وراه بليتـهـا
اخايلـه واقـول واعـزي لحـالـك يالـقـوي=اللي تنقى فـي سمـان الفطـح لا مـن جيتهـا
واللي باساميك يتقلدهـا الخـوي مـع الخـوي=والعـرب تبديـك التحايـا وانـت مـا حييتهـا
واسمك على النخوه يعد وكل روس(ن) تشتـوي=والوجبـه الحيـه تعشاهـا وتـتـرك ميتـهـا
الجوع لو يدفعـك للمـوت الذحـاح المستـوي=حشمت نفسك عـن عظـام الهرجـه وخليتهـا
ودامك طليق(ن) ما قهرك المعتـدي والمهتـوي=وخطاك من دون المغـازي مـا بعـد سجيتهـا
يا ذيب يا ذيب الخلا اللي ليلك يـروح سـروي=مـا بيـن مرحـان الشواويـه ليـا عشيتـهـا
يا موجل(ن) قلب حضري يا موجل(ن) قلب بدوي=ياللـي تشيّـم خـوة الرجلـيـه ان خاويتـهـا
عامل خوي الذيب في عصر الفـوات المنطـوي=وقصتك فـآذان العـرب واليـا طـرت لبيتهـا
نحر ذلول(ن) من وصايفهـا شحمهـا مرتـوي=لعيـون خوتـك الفريـده والبقـا فـي صيتهـا
يـا ذيـب يكوينـي قنيبـك لا توحّيتـه كـوي=على غشـاش الكبـد والخطـوه عمـد رديتهـا
مدري غبى مدري ذكى مدري تسرع فوضـوي=لكن خطواتي علـى الهيبـه مـا قـد ضريتهـا
ياذيب عزك في زمان السيف من قبـل يهـوي=وقبـل زمـان العولمـه للـنـاس وآتيكيتـهـا
وقبل يغيب المنطق الحسـي ويبقـى المعنـوي=والغيـره تـوزع تجمّعهـا عـلـى تشتيتـهـا
وقبـل النوايـا المستقيمـه ماتعـاج وتلـتـوي=والناس تمشـي فـي تعاملهـا حسـب توقيتهـا
يا ذيب مدري كيف ابوصف حالتـك يالمنـزوي=والهاشميـه فـي طـرف عينـي ولا دنيتـهـا
لا جيث ابرثي حالتـك ضـاع الكـلام اللغـوي=والمفـردات اللـي تجملـنـي لـيـا عديتـهـا
والهاجس اللي كل مـا فليـت حويـه ينحـوي=وافكـاري اللـي تتعـب الخافـق ليـا هليتهـا
واخـاف لا تكمـل وينحـاك النزيـف الدمـوي=وابقى علـى قـول المثـل خميتهـا واخطيتهـا
ياذيب واقنب خل صوتـك يـدوي العالـم دوي=مـادام خانتـك الظـروف الله يخـرب بيتـهـا

تحيتي للكل

[محمد نايف العتيبي]

كل الشكر لك استاذه / وجــــدان

مشاركه للشاعر الرائع / مطلق بن شويه

البحر : المسحوب >> على مااعتقد هههههههه




قبلـت يـاوجـه الـغـلا .. حــيّ هـالـزّول=زول ٍ تغـيـب عـبـاد ربّــي لـيــا غـــاب
تطلـع طلـوع سهيـل مـن حـول لا حـول= وتشّخص لك عيون .. وتلافت لك أرقاب
ومن يـوم جيـت الله وكيلـك علـى طـول= سلامـك عتـاب !! وسواليـفـك عـتـاب !!
طـوّل علـي بالـك عسـا عـمـرك يـطـول=مـاكـل مـوقـف تنـشـرح فـيـه الاسـبـاب
عطـنـي يديـنـك وأنـثـر اللـيـل مـجـدول=خلّـه يطيـر أسـراب .. ويـعـوّد أســراب
وأضحـك وفـرّق جمرتينـك عــن الـلـول=بفتح لـك سموعـي قبـل مـا افتـح البـاب
خمـر الكـلام اللـي مـن شـفـاك معـسـول=أبـيـه يــدرج فـــي عـروقــي ويـنـسـاب
سوالـفـك فيـهـا مـــن الـسـحـر مـفـعـول= تأثيـرهـا عـلـى الـجـوارح والاعـصـاب
بـأمـلا عيـونـي مــن تهـايـاك وأقـــول :=يـاوجـه صـبـح ٍ لـبّـس الـلـيـل جـلـبـاب
عـذر القصيـد إليـا قصـر عـنـك مقـبـول=أوصافك أكبر مـن مـدى شعـر وإعجـاب
عـــودك مـعــزّل ومتـنـهّـض ومـفـتــول=الـيـا تـعـدّل رمــح والـيـا انـحـنـى داب
ومعـنّـقـك فـــارع و زامـــي ومـنـتــول=وصــدرك جـمـع مـالـذ كـلّـه ومـاطــاب
وسـودك طلايـع قـوم وسـيـوف وخـيـول=خيّالـهـا يــارد عـلـى الـمــوت مـاهــاب
ايّووووه من صحوة هدبهـا ويحّـووووول=وإن سلّهمت ( هذا بـلا ابـوك ياعقـاب )
قـريــب لـكـنّـك بـعـيــدٍ عــــن الــنــول=وا حــر كـبـدي حـــرّة الـظــن لاخـــاب
مـاكــل مـجــدٍ يـبـلـغ الـمــرء مـعـقـول=اللي ماجاب حصان أبـو زيـد وش جـاب
مـن لا جمـع راسـك براسـه علـى طـول=والا يـقـضّـي تـالــي الـعـمــر عــــزّاب

دمتم بخير ,,

[وجــــدان]

هلا ومرحبا يامحمد

يعطيك العافيه على المشاركه الجميله

صح لسان شاعرها

وتسلم على الذائقه الجميله

تحيتي لك

[صلاح الأحمدي]

؛
ههههههي
قلت انا راح ارجع :11utup: وهذا انا رجعت :tongue:
بس ايش جبت لكم من السمين قصيدة حولية :) ،، طبعا البحر الشيباني ،،
؛
قصيدة شاعر الوطن اللواء خلف بن هذال العتيبي
؛
http://www.5ymah.net/inf/voicesm/2080.ra
؛

بديت بماابتداه المبتدي في نشرة الأخبار=من الموجز يفصل صاحب النشرة عناوينه
سلام الله سلامٍ يشمل الغيّاب والحضّار=على راس الزعيم اللي عساها تبطي سنينه
ملكنا القايد الأعلى ملكنا الفارس المغوار = ملكنا اللي مقاليد الأمور تعود بيدينه
ملكنا ريفنا ومضيفنا هو سيفنا البتار = على الظالم عذاب وينْصر المظلوم من حينه
تحمل ثم تحمل ثم تحمل له هموم كبار=حمَلْها لو تحمَّلْها جبل ثارت براكينه
سما بالراشدات الخالدات المفردات ابكار = يوجّهنا بعون الله وحنا من معاوينه
ملك راعي ملك داعي ملك تلفت له الأنظار = ملك ميمون تمتد الأمانه من ميامينه
تسلسل من ميامينٍ لهم بالشامخات إشعار= إشعار الحق والمنبر من الشبهه معرينه
تفانوا واستماتوا عن مباديهم هم الثوار= رموز الدّرب الأبيض من ثلاث قرون محيينه
على الملة ولا بدعة ولا خدعة ولا استعمار= هذا قانونهم محدٍ فرض فيهم قوانينه
لك التمجيد ياالصنديد وأنت السيد وأنت البار=تبر ولا تبر ومعدنك بالطيب تعدينه
معك ساعدك أخوك وله جزيل الشكر والمقدار= ولي العهد ماخلْيَت عن الناسي مواعينه
من العرفان ياسلطان والإجلال والإكبار= تميل كروم الاخضر بالدهر خضرٍ بساتينه
حميت أقصى الحدود من العبث وأنت الذرى واستار= على يمناك يادرع الوطن حفظه وتحصينه
اندافع عن وطن ينعم بخير وعز وإستقرار= مهو بل من بغاه من أول التاريخ حامينه
ولو واحد يمس حدودنا خاب وهبا وانهار= يفكر قبل ياقع والوطن بايدي سلاطينه
من أولنا إلى آخرنا ندير الناس ما نندار = زعامه من زعامة ثابته والحكم مرْسينه
على هاماتنا قام الكيان بحشد واستنفار= من البيدا يخيط بها السماء منْعت زكاوينه
ميات من السنين ولا حكمنا طاغيٍ جبار=ملينا الأرض عدل وعُرضنا بالطهر مالينه
اندافع عن عقيدتنا اندافع لو تروح أعمار= صبيٍ ما يدافع ترْبت يسراه ويمينه
لنا دستور نحكم به ولا يَغْدر بنا غدار = مضيْنا به وقمْنا به ولا حنا مخلينه
ولا حاخام نؤمن به ولا الرهبان والأحبار= ولا ملحد ولا بوذي بشرع الله نافينه
ولا ترحيب بالتبشير والتنصير والكفار = هدفهم قلب الأُمَّة يفصلونه عن شرايينه
عن التضليل والتهويل معطين الزمان إنذار= تجرعْنا الوقاية من سلوب المعرفه تينه
اليا اهتز الرِّدى ترميه من خلف الظهور يسار=وله ما نلتفت والجدول المرسوم ماشينه
تراث أجدادنا عشنا عليه وبه نموت أحرار=احران السيف ساعات الوغى بالدم مروينه
ليا زادت رقوم القوم رجْعَّنا الرقوم أصفار=تحت راية بطل بالحيل مرضينا ومرضينه
انجاهد في سبيل الله ونطلب ربنا الغفار = يحل ذنوبنا وعيوبنا باسماه داعينه
نبى الجنة وأهل سنة وللدين الحنيف أنصار=وعفو القبر ما يعطيك من لبنه ومن طينه
رجالٍ مالها دين وكرامة وإعتبار ودار= وتطيح ولا تقوم وتنتهي بالذل ولعينه
ترا التفريط والإفراط يجلب للشُعوب أضرار = مرض معدي وفيه الطب ما بانت براهينه
نبى الدين الوسط يضفي على الوَجْه المليج خمار=عمر برعاية الرحمن واخز الله شياطينه
عسى حرَّابة أهل الدين ما يبقى لهم ديَّار= على وجه البَسيطة والله المعبود راجينه
هذولا نورنا وسرورنا للمهتدين أنوار = قناديل الظلام ليا غدى السَّاري مدلّينه
أعدانا برِّقوا فينا ودقوا في النعش مسمار= يا شين التفرقة يا شينها والضعف يا شينه
غزونا غزوة ما مثلها وسط النهار جهار=ولا به مرشدٍ يستنكر الإرهاب ويدينه
محَرِّكْت الفتن من طبعها تضرب على الأوتار=مغنيهم يجيب الك الطرب عزفه وتلحينه
شباب المسلمين من الحظاير يوخذون أغرار= بكيت الأغبيا يالأغبيا وين الذكي وينه
لعبتوا في وطنكم وانثى أهلكم من عليه يغار=غديتوا في هوى الشيطان وين أنتم مودِّينه
سواقط تدِّعي من غير حجة والجنون أطوار = ضعوف نفوس خليا روس مختله ومسكينه
براغم غاوية للهاوية يجري بها التيار=من أصغرهم ليا أكبرهم تحَت عشرين تسنينه
اليا غابت عقول الناس عنها عميت الأبصار=يربى الكبش ويجر لذكاته عقب تسمينه
غلط يانايمين اصحوا ترا نوم السبات أخطار= شعيب السيل هادر ويتحدر من مكامينه
اليا حل الثعل بألفين أسد من شافهن يحتار=ثعالب لو عليهن من تواصيف الأسد عينه
وليا حل الأسد بألفين ثعلب غيَّر المعْيار=صنع منهن أسود ولونهن طابق ملاوينه
وأنا ماني بشاعر للوطن كل الوطن شعَّار=سلع بيع وشرا بالنقد لا سلفه ولا دينه
وانا ماقول عالم يعلم اللي سيَّر الأقدار=ف راسه من خيال ممارسٍ ما ضاع تخمينه
عبرت من البحور بحور ما يعبر بها البحار=ولا دوَّرت للمحار وأغرتني مثامينه
شربت من القناعة والمناعة بالضمير الحار=ولي نفس رضت بالوقت في عسره وفي لينه
لقيت الحقد ياكل صاحبه مثل الحطب والنار=يشوف من الغباين حي ويموت بطواعينه
إذا خاطبك عاقل صارحه يشبعك بالأفكار=وإذا خاطبك جاهل قل يازين الهرج يازينه
وإذا مالت بك الكفّة تخير ف الرجال أخيار=على الكفّة موازينك تعادلها موازينه
سألتك ياهنية يبو مازن وش حصل وش صار=ورا ميثاق مكة ماالتزمتوا في مضامينه
دعاكم رجل ما يرضى على الإسلام وصْمة عار=يقود عروبته ويعظ بالناجذ على دينه
ملك مسلم ملك محرم ملك يستقبل الزوَّار=كبير الجاه وأنتم في جوار البيت ناصينه
جمعْكُم يالثنين اخوين وأعطاكم من الأشوار=والاا ياليتكم يوم اسمعتوا له مطيعينه
سعى باصلاح ذات البين صلحٍ ما عليه غبار=مثل شمس الضحى بشهود عدل وتمْ تدوينه
هذا الفعل الجميل اللي يخلد للرجال أذكار=إمام المسلمين وربْنا يرعاه ويعينه
تباشرنا فرح وانحلت الأزمة بجني أثمار=وش اللي دار والماضي ورا السلات طاوينه
تبرَّكْتوا على الراي الصواب وبُورك المشوار=وعودتوا على غاياتكم والقدس ناسينه
لعل الله يجمع شملكم ويشتت الأشرار=تنافركم يمكِّن غاصبٍ ماكان تمكينه
كلام بدون غاية والنهاية شجب واستنكار=مَثَل عابر ليا طاح الجمل كثرت سكاكينه
ولا ننساك ياحسني مُبارك ياعزيز الجار=برزت بموقفٍ يفشل به المحتل ويهينه
فتحت أرض الكنانة وأصبحت غزة بدون أسوار=كسرت الحصْر عن شعبٍ يضيق الكون في عينه
عزيمة يعربيٍ من بني يعرب يرد الثار=اليا ضاقت عليهم مصر تَاسعْهم ميادينه
تجهدت الحواجز واقتحمت وسهِّل المعبار=عبر شعبٍ نفذ منه الغذا يطلبك تموينه
بعد شرِّدْ وجرَّدْ من بلاده مَن يبي يختار=يوطن في زُحل ولا على المرِّيخ توطينه
يمين إن الحياة أحلام ليل وللحروب أسرار=يجي يومٍ قريب ويرجع اللاجي لأراضينه
ويرَدَّ الحق من خشم الزَّنَد والعزم والإصرار=بعد ما ضاع والعلم اليقين يعود لجهينه
؛
؛
كتبها حصريا للمدرسة الأملية
صلاح الأحمدي
؛


؛
http://up101.arabsh.com/my/f0e0c1d.gif ،، وَتَحِيَّة ،،
؛

[وجــــدان]

؛
ههههههي
قلت انا راح ارجع :11utup: وهذا انا رجعت :tongue:
بس ايش جبت لكم من السمين قصيدة حولية :) ،، طبعا البحر الشيباني ،،
؛
قصيدة شاعر الوطن اللواء خلف بن هذال العتيبي
؛
http://www.5ymah.net/inf/voicesm/2080.ra
؛

بديت بماابتداه المبتدي في نشرة الأخبار=من الموجز يفصل صاحب النشرة عناوينه
سلام الله سلامٍ يشمل الغيّاب والحضّار=على راس الزعيم اللي عساها تبطي سنينه
ملكنا القايد الأعلى ملكنا الفارس المغوار = ملكنا اللي مقاليد الأمور تعود بيدينه
ملكنا ريفنا ومضيفنا هو سيفنا البتار = على الظالم عذاب وينْصر المظلوم من حينه
تحمل ثم تحمل ثم تحمل له هموم كبار=حمَلْها لو تحمَّلْها جبل ثارت براكينه
سما بالراشدات الخالدات المفردات ابكار = يوجّهنا بعون الله وحنا من معاوينه
ملك راعي ملك داعي ملك تلفت له الأنظار = ملك ميمون تمتد الأمانه من ميامينه
تسلسل من ميامينٍ لهم بالشامخات إشعار= إشعار الحق والمنبر من الشبهه معرينه
تفانوا واستماتوا عن مباديهم هم الثوار= رموز الدّرب الأبيض من ثلاث قرون محيينه
على الملة ولا بدعة ولا خدعة ولا استعمار= هذا قانونهم محدٍ فرض فيهم قوانينه
لك التمجيد ياالصنديد وأنت السيد وأنت البار=تبر ولا تبر ومعدنك بالطيب تعدينه
معك ساعدك أخوك وله جزيل الشكر والمقدار= ولي العهد ماخلْيَت عن الناسي مواعينه
من العرفان ياسلطان والإجلال والإكبار= تميل كروم الاخضر بالدهر خضرٍ بساتينه
حميت أقصى الحدود من العبث وأنت الذرى واستار= على يمناك يادرع الوطن حفظه وتحصينه
اندافع عن وطن ينعم بخير وعز وإستقرار= مهو بل من بغاه من أول التاريخ حامينه
ولو واحد يمس حدودنا خاب وهبا وانهار= يفكر قبل ياقع والوطن بايدي سلاطينه
من أولنا إلى آخرنا ندير الناس ما نندار = زعامه من زعامة ثابته والحكم مرْسينه
على هاماتنا قام الكيان بحشد واستنفار= من البيدا يخيط بها السماء منْعت زكاوينه
ميات من السنين ولا حكمنا طاغيٍ جبار=ملينا الأرض عدل وعُرضنا بالطهر مالينه
اندافع عن عقيدتنا اندافع لو تروح أعمار= صبيٍ ما يدافع ترْبت يسراه ويمينه
لنا دستور نحكم به ولا يَغْدر بنا غدار = مضيْنا به وقمْنا به ولا حنا مخلينه
ولا حاخام نؤمن به ولا الرهبان والأحبار= ولا ملحد ولا بوذي بشرع الله نافينه
ولا ترحيب بالتبشير والتنصير والكفار = هدفهم قلب الأُمَّة يفصلونه عن شرايينه
عن التضليل والتهويل معطين الزمان إنذار= تجرعْنا الوقاية من سلوب المعرفه تينه
اليا اهتز الرِّدى ترميه من خلف الظهور يسار=وله ما نلتفت والجدول المرسوم ماشينه
تراث أجدادنا عشنا عليه وبه نموت أحرار=احران السيف ساعات الوغى بالدم مروينه
ليا زادت رقوم القوم رجْعَّنا الرقوم أصفار=تحت راية بطل بالحيل مرضينا ومرضينه
انجاهد في سبيل الله ونطلب ربنا الغفار = يحل ذنوبنا وعيوبنا باسماه داعينه
نبى الجنة وأهل سنة وللدين الحنيف أنصار=وعفو القبر ما يعطيك من لبنه ومن طينه
رجالٍ مالها دين وكرامة وإعتبار ودار= وتطيح ولا تقوم وتنتهي بالذل ولعينه
ترا التفريط والإفراط يجلب للشُعوب أضرار = مرض معدي وفيه الطب ما بانت براهينه
نبى الدين الوسط يضفي على الوَجْه المليج خمار=عمر برعاية الرحمن واخز الله شياطينه
عسى حرَّابة أهل الدين ما يبقى لهم ديَّار= على وجه البَسيطة والله المعبود راجينه
هذولا نورنا وسرورنا للمهتدين أنوار = قناديل الظلام ليا غدى السَّاري مدلّينه
أعدانا برِّقوا فينا ودقوا في النعش مسمار= يا شين التفرقة يا شينها والضعف يا شينه
غزونا غزوة ما مثلها وسط النهار جهار=ولا به مرشدٍ يستنكر الإرهاب ويدينه
محَرِّكْت الفتن من طبعها تضرب على الأوتار=مغنيهم يجيب الك الطرب عزفه وتلحينه
شباب المسلمين من الحظاير يوخذون أغرار= بكيت الأغبيا يالأغبيا وين الذكي وينه
لعبتوا في وطنكم وانثى أهلكم من عليه يغار=غديتوا في هوى الشيطان وين أنتم مودِّينه
سواقط تدِّعي من غير حجة والجنون أطوار = ضعوف نفوس خليا روس مختله ومسكينه
براغم غاوية للهاوية يجري بها التيار=من أصغرهم ليا أكبرهم تحَت عشرين تسنينه
اليا غابت عقول الناس عنها عميت الأبصار=يربى الكبش ويجر لذكاته عقب تسمينه
غلط يانايمين اصحوا ترا نوم السبات أخطار= شعيب السيل هادر ويتحدر من مكامينه
اليا حل الثعل بألفين أسد من شافهن يحتار=ثعالب لو عليهن من تواصيف الأسد عينه
وليا حل الأسد بألفين ثعلب غيَّر المعْيار=صنع منهن أسود ولونهن طابق ملاوينه
وأنا ماني بشاعر للوطن كل الوطن شعَّار=سلع بيع وشرا بالنقد لا سلفه ولا دينه
وانا ماقول عالم يعلم اللي سيَّر الأقدار=ف راسه من خيال ممارسٍ ما ضاع تخمينه
عبرت من البحور بحور ما يعبر بها البحار=ولا دوَّرت للمحار وأغرتني مثامينه
شربت من القناعة والمناعة بالضمير الحار=ولي نفس رضت بالوقت في عسره وفي لينه
لقيت الحقد ياكل صاحبه مثل الحطب والنار=يشوف من الغباين حي ويموت بطواعينه
إذا خاطبك عاقل صارحه يشبعك بالأفكار=وإذا خاطبك جاهل قل يازين الهرج يازينه
وإذا مالت بك الكفّة تخير ف الرجال أخيار=على الكفّة موازينك تعادلها موازينه
سألتك ياهنية يبو مازن وش حصل وش صار=ورا ميثاق مكة ماالتزمتوا في مضامينه
دعاكم رجل ما يرضى على الإسلام وصْمة عار=يقود عروبته ويعظ بالناجذ على دينه
ملك مسلم ملك محرم ملك يستقبل الزوَّار=كبير الجاه وأنتم في جوار البيت ناصينه
جمعْكُم يالثنين اخوين وأعطاكم من الأشوار=والاا ياليتكم يوم اسمعتوا له مطيعينه
سعى باصلاح ذات البين صلحٍ ما عليه غبار=مثل شمس الضحى بشهود عدل وتمْ تدوينه
هذا الفعل الجميل اللي يخلد للرجال أذكار=إمام المسلمين وربْنا يرعاه ويعينه
تباشرنا فرح وانحلت الأزمة بجني أثمار=وش اللي دار والماضي ورا السلات طاوينه
تبرَّكْتوا على الراي الصواب وبُورك المشوار=وعودتوا على غاياتكم والقدس ناسينه
لعل الله يجمع شملكم ويشتت الأشرار=تنافركم يمكِّن غاصبٍ ماكان تمكينه
كلام بدون غاية والنهاية شجب واستنكار=مَثَل عابر ليا طاح الجمل كثرت سكاكينه
ولا ننساك ياحسني مُبارك ياعزيز الجار=برزت بموقفٍ يفشل به المحتل ويهينه
فتحت أرض الكنانة وأصبحت غزة بدون أسوار=كسرت الحصْر عن شعبٍ يضيق الكون في عينه
عزيمة يعربيٍ من بني يعرب يرد الثار=اليا ضاقت عليهم مصر تَاسعْهم ميادينه
تجهدت الحواجز واقتحمت وسهِّل المعبار=عبر شعبٍ نفذ منه الغذا يطلبك تموينه
بعد شرِّدْ وجرَّدْ من بلاده مَن يبي يختار=يوطن في زُحل ولا على المرِّيخ توطينه
يمين إن الحياة أحلام ليل وللحروب أسرار=يجي يومٍ قريب ويرجع اللاجي لأراضينه
ويرَدَّ الحق من خشم الزَّنَد والعزم والإصرار=بعد ما ضاع والعلم اليقين يعود لجهينه
؛
؛
كتبها حصريا للمدرسة الأملية
صلاح الأحمدي
؛


؛
http://up101.arabsh.com/my/f0e0c1d.gif ،، وَتَحِيَّة ،،
؛


الأخ الرائع صلاح

ربي يعطيك العافيه ومن أجمل الاختيارات في هذا الموضوع وحلاوتها انها حصريه وطازه للمدرسه ،،،، تسلم ايديك ياصلاح

بعدين وش قصدك راجع وما راجع شكلك تقصدني ؟

ههههههههههههههههههههههههه

تحيتي لك

[ماجد نصار]

...

من أجل الشعر

..

[توتة^^]

روعة ماشاء الله