موضوع يخص جمهور الاهلي

[الاهلي الراقي]

بصراحة ويؤسفني اني اقول الشي دا انا ساكت عنو طول الموسم
لكن اليوم سار نقار بيني وبين اصحابي اتحادية وغير اتحادية عن الجمهور
كنت اعابط معاهم ولكن ف نفسي كنت اوافقهم الكلام

جمهور الاهلي يحضر ولكن مجرد صورة مانسمع اهازيج ولا شي وخير دليل اخر مبارة
في الجوهرة صاحبي يقول كنت جالس مع الشبابية عددهم قليل
وكان جمهور الاهلي كثير بشكل مجنون ولكن ساكت مالو حس والشبابية مع الاتحادية صوتهم اعلى
والله شي يزعل
ومباراتنا مع الاتحاد دايما اسمع جمهور الاتحاد وماسمع جمهورنا واتحدا احد يعابطني
لكن لمن يجي هدف للاهلي يسكتو الاتحادية ويطلع جمهورنا
ياخي ياتحضر وتشجع وتتفاعل ياتقعد ف بيتك دام وجودك زي عدمو
ورئيس الرابطة لاازم يشوف حل لنفسو نبغى اهازيج تحمس اللاعيبة مو تحمس الجمهور
اتمنى الموسم الجاي يكون غير لجمهورنا