قصتي مع هالفحل وصاحبه !!

[تاجر مواشي]

اغنام - ابل - دواجن - طيور


قصتي مع هالفحل وصاحبه !! (http://www.aghnam.com.sa/vb/showthread.php?t=331409)



السلام عليكم ورحمة الله وبركاته

اسعـد الله مسائكم / صباحكم بالمسـرات والخيرات

ما اطول عليكم ابي مشورتكـم .. شريت لي فحل من هالمنتدى المبارك من رجال الله يستر علينا وعليه

ومن العنـوان بالعرض انه يشرط النسف والقريـع .. توكلت على الله وكلمت الرجال ورحت له في محله

يبعـد عني ( 300 كيـلو ) .. شفت الفحل .. فحل ماشاء الله جبار ورقبه وراس افضل من الي في الصوره ومعرف

كلمت الرجال كيف الفحل قال الفحل ما يحتــاج شرط النسـف !! والقريـع قلت يا رجال اكيـد تشرطه لي قال اشرطه لك شرررررط

خلاصة الموضوع شريت الفحل وحملته وجبته للحلال عندي وبعد اسبوعين دخلت عليه شات حانــي ذنبتهـا قصيره مررررره

قرعها ونسفها واستبشرت بالخيــر .. بعد 4 ايام دخلت عليه شات اكبر منها ذنبـه وللاسف ما نسفها ولا فكرررر وبعض الاحيان يطمر طمرة تيـس

وحاول معها فوق ال6 مرات ولا نسف ؟؟

كلمت الرجــال وعلمته بالعلــم قال ترى الفحل بعض الاحيان يقررررع على جنب ماهو شرط ينسف قلت انت شرطت لي النسف قال ولا يهمك إذا تبي

ترجعه رجعه وخذ دراهمك بس للمعلوميه الفحل بعض الاحيان يقرع على جنب ....


وش رايكم بكلامه هل بعض الفحول النعيمي تقرع على جنب ماهو لازم النسف ؟؟

والرجال قال رجعه وانا متباعد المشوار وودي بالفحل ابي شوركم يالربع (( الفحـل ثني ))

ومع العلم شرط لي النسف لكن بيني وبينه الله وبذمتــــه ..

نصيحتكم يا اخوان .. ارجعــه عليه بحكم انه شرط لي شرط النسف ولا نسـف .. او اصبر عليه لانه يقول بعض الاحيان يقرع على جنب ؟؟ وما ادري عن صحة كلامه فيه فحول تقرع على جنب ولا ولا ... ودمتــم
[/size]

المصدر: منـتـديات أغـــنـام (http://www.aghnam.com.sa/vb) - من قسم: افكار وحلول وآراء مربي الحلال (http://www.aghnam.com.sa/vb/forumdisplay.php?f=176)


rwjd lu ihgtpg ,whpfi !!