المساعد الشخصي الرقمي

مشاهدة النسخة كاملة : الطارف سديد


مسري الشعار
15-10-2007, 12:33 AM
مرحباا مقدماا للشاعر الي برد


سلام ردية وفا والطيبه حظ ونصيب /// عداد ماهلت مزون الخير فوق جبالها

نبا علوم الطيبين الي يجبون الذهيب /// اجنيهها بجنيهها وريالها بريالها
ناصر الشيباني
15-10-2007, 03:07 AM
تبقااا يالمرحب حيااك الله




يامرحبا بالشاعر اللي لابعيد ولاقريب = والناس يابن الناس ماتجزا بغير اعمالها

عندي علومً طيبه وانته عسى فالك يطيب = النار من شبابها والخيل من خيالها
القنــّـــاص
15-10-2007, 03:34 AM
بدايه معتبرة

صحت السنتكم

متابعين معكم
مسري الشعار
15-10-2007, 07:35 AM
,
,

دام البقا يالي ترحب ماعلى الدنيا غريب /// كم دلة ٍ من هيلها ماينشرب فنجالها

الناس بعض الناس من فعل الردا ماتستعيب /// ضاعت مواريث الجدود الله يرحم حالها
مسري الشعار
15-10-2007, 07:36 AM
القناص صح بدك لاهنت
خالد بن ناصر العتيبي
15-10-2007, 12:37 PM
صحت ألسنتكم وواصلوا أنا متابــــــــــــــــــــع
ناصر الشيباني
15-10-2007, 01:44 PM
الله الله






لالا تعجب وانت خابر ماعلى الدنيا عجيب = كم قلت لك والله يخلي لرجال ارجاله

اللي يدور للردى نكتب على وجهه صليب = تقصرحباله عن رجالً طايلات احباله
ناصر الشيباني
15-10-2007, 01:45 PM
خالد ابن ناصر العتيبي




حيااك الله




وصح بدنك
مسري الشعار
15-10-2007, 03:28 PM
,
,

الي نشوفه بالعيون الراس من شوفه يشيب /// حتى الثياب البيض ضاقت من قلوب ازوالها

هذا زمان المرجله ولا زمان العندليب /// لاشك يا ناصر تراها حالت ٍ يرثالها
مسري الشعار
15-10-2007, 03:29 PM
خالد العتيبي صح بدنك لاهنت
عبدالهادي الجهني
15-10-2007, 03:58 PM
،

،


الله الله

صحت الألسن و لاهنتم

ازهلو الصفوف

متابع للجزلين

،

،

،
مسري الشعار
15-10-2007, 04:20 PM
صح بدنك عبدالهادي مرورك شرفنا لاهنت
ناصر الشيباني
15-10-2007, 04:23 PM
الله الله






نشوف يارجال ماشفتو عسى الدعوى تطيب = الله يعين اهل الوفا والله يطول بالها

هذا زمان العولمه مافيه لاشكً وريب = قال المثل خل الحموله مالها الا جمالها
ناصر الشيباني
15-10-2007, 04:54 PM
عبدالهادي الجهني




مرحبا حياااك الله



بيض الله وجهك على المرور



وصح لساانك
مسري الشعار
15-10-2007, 05:20 PM
الله الله يا ناصر

معليش على التاخير توني انتبه لردك

الي ينادي فالخلا مدري متى يلقى مجيب /// النفس عافت من هواذين العرب واحوالها

الله يبارك فالديوس الي يدر ٍ الحليب /// لو ينقطع ديس الكرامه ماتشوف عيالها
ناصر الشيباني
15-10-2007, 06:50 PM
الله الله



خلوهاااا



اللي ينادي فالخلا مافيه شكه مستصيب = والكلمه القشرى تبا ترجع على من قالها

الله يبارك ياوسيع العرف فالسيف العطيب = قال المثل واللي معه حيله يبا يحتالها
مسري الشعار
15-10-2007, 07:19 PM
احب امزح معاك شوي طال عمرك لايجي في خاطرك شي الدعوه مزوح

استلم استلم
’
,
بعض المساجد مالقت للمسجد امام وخطيب /// والمشكله ماهي بسيطه فحلبان لحالها

حتى نبي الخلق يا ناصر وهادينا الحبيب /// راحت نعوله يوم صلى وابن مشيب شالها
ناصر الشيباني
15-10-2007, 07:48 PM
افاا عليك الدعوى مزوح تجي وتروح


على قولة الشباب سهالات

بس استلم




ياباالحصين تلفها لكنلك فالريع ذيب = الله يخليلك رجالً تدرق بضلالها


حنا خوال المصطفى حنا بعد سقم الحريب = وانته عجوز ابليس تعرفها وتعرف خالها
خالد بن ناصر العتيبي
15-10-2007, 08:03 PM
الله الله

ههههههههههههههههههههههههه ههههههههههههههههههه



شوي شوي مزحكم لا يكبر بالحيـــــــــــــل

والله الله أنا مواااااااااصل مسري الشعار ناصر الشيباني
ناصر الشيباني
15-10-2007, 08:05 PM
يامرحبا يابو ناصر



انت زاد حبك يوم صرت سمي الشايب




حيااك الله والدعوى مزوح



بيض الله وجهك على المرور




تقبل الود
ناصر الشيباني
15-10-2007, 08:09 PM
مسري الشعار




صح الله لساانك ملايين




وبيض الله وجهك استفدنا منك الشي الكثير



تقبل الود والاحترام


اخوك


الشيباني
مسري الشعار
15-10-2007, 08:50 PM
ههههههه

النهايه خلها عندك وصح لسانك تشرفت باللعب معاك والمعذره اذا حصل غلط وقصور


يا صاحبي شمس الحقيقه لو زعلتو ماتغيب /// هذي وراثه والوراثه تنتقل لجيالها

العلم مابيني وبينك ما يعديه الرقيب /// وانته تراب الارض تعرف بًرها وحيالها
مسري الشعار
15-10-2007, 08:52 PM
خالد بن ناصر العتيبي شرفت ونورت مايحتاج مزوح تجي وتروح طال عمرك


ناصر الشيباني توني اشوف ردك الاخير بيض الله وجهك ولي الشرف وصح بدنك
ناصر الشيباني
15-10-2007, 09:26 PM
دام النهايه عندي ابشر بسعدك

والسموحه على القصور اذا حصل قصور






انته كذبت وكذبتك حطتك في وسط القليب = والاوله من جابها والطيبه من نالها


انته تشيل البندقيه مير عيت لاتصيب = واليا عجزتو خلها ياصاحبي حنا لها