حمدان بن سالم
14-10-2007, 09:20 AM
غزلان ياطهر الندى والسحابة = ياريحة النعناع يارقة أغصان
قصيدة الماء لابتدا بانسكابه = من فوق جالٍ ماوطى فوقه انسان
يعزف خريره كنِّه إلاّ ربابة = في كف شاعر يتقن العزف فنان
غزلان ياجيَّة مطوّل غيابه = اللي غيابه عذّب قلوب خلان
لاميّتٍ يطوون صفحة كتابه = ولاهو من الحيِّين واتشوفه أعيان
وفي قمة أحساس الألم والكآبه = عوّد لغالينه وضمّته الأحضان
غزلان ضمِّيتك بحزن وغرابه = ترى الفرح في بعض حالاته أحزان
يمكن تكوني حلم وإلا دُعابة = فيها تواسيني تصاريف الأزمان
ويوم ابتسمتي قلت لامااتّشابه = نشيد صبحك غير عن كل الألحان
تاريخ ميلادك ضلوعي حسابه = مكتوب في دمِّي على كل شريان
غزلان زدتيني شباب وصبابة = وللبيت أضفتي جو فرحة وسلوان
أبوك صار أكثر شموخ ومهابة = وأمك نست من ضحكتك كل حرمان
دعوة أخوانك يوم صارت مجابة = كلٍّ لربه يرفع إيديه فرحان
هذا اختلط خدِّك بطاهر لعابه = وهذاك يقضي جنبك الليل سهران
واختك بذوق وفن وايضا رتابة = تكتب على سبّورة الصف : غزلان
ويوم اسئلوها : من تكون بذرابة = قالت بعزة نفس : غزلان حمدان
غزلان ياأصدق حروف الكتابة = يابحر دفء إبدون مرسى وشطآن
لاماقوى لك لاشعر لاخطابة = انتِ حقيقة ماتبي أي برهان
الصبح أخذ من مبسمك واكتسابه = ومن وجهك الورد اكتسب سحر الالوان
والكون أخذ منك السعة والرحابة = والليل ياخذ من تراتيلك إيمان !
من دونك الدنيا شبيهة بغابة = لولا الطفولة ماتخيّلت الاوطان
شعر \ حمدان بن سالم العنزي
قصيدة الماء لابتدا بانسكابه = من فوق جالٍ ماوطى فوقه انسان
يعزف خريره كنِّه إلاّ ربابة = في كف شاعر يتقن العزف فنان
غزلان ياجيَّة مطوّل غيابه = اللي غيابه عذّب قلوب خلان
لاميّتٍ يطوون صفحة كتابه = ولاهو من الحيِّين واتشوفه أعيان
وفي قمة أحساس الألم والكآبه = عوّد لغالينه وضمّته الأحضان
غزلان ضمِّيتك بحزن وغرابه = ترى الفرح في بعض حالاته أحزان
يمكن تكوني حلم وإلا دُعابة = فيها تواسيني تصاريف الأزمان
ويوم ابتسمتي قلت لامااتّشابه = نشيد صبحك غير عن كل الألحان
تاريخ ميلادك ضلوعي حسابه = مكتوب في دمِّي على كل شريان
غزلان زدتيني شباب وصبابة = وللبيت أضفتي جو فرحة وسلوان
أبوك صار أكثر شموخ ومهابة = وأمك نست من ضحكتك كل حرمان
دعوة أخوانك يوم صارت مجابة = كلٍّ لربه يرفع إيديه فرحان
هذا اختلط خدِّك بطاهر لعابه = وهذاك يقضي جنبك الليل سهران
واختك بذوق وفن وايضا رتابة = تكتب على سبّورة الصف : غزلان
ويوم اسئلوها : من تكون بذرابة = قالت بعزة نفس : غزلان حمدان
غزلان ياأصدق حروف الكتابة = يابحر دفء إبدون مرسى وشطآن
لاماقوى لك لاشعر لاخطابة = انتِ حقيقة ماتبي أي برهان
الصبح أخذ من مبسمك واكتسابه = ومن وجهك الورد اكتسب سحر الالوان
والكون أخذ منك السعة والرحابة = والليل ياخذ من تراتيلك إيمان !
من دونك الدنيا شبيهة بغابة = لولا الطفولة ماتخيّلت الاوطان
شعر \ حمدان بن سالم العنزي