المنقهر
17-02-2003, 12:09 PM
اسلي نفسي والدنيا تسلي نفسها فيني .... أجاري الوقت لو عاند لوه مايجاريني ......
تعلمت اني اسامح واعدي زلة الأيام ..... تعلمت ارضى بالواقع ولا اتبع سنا الأحلام .....
في بداية حديثي اعتذر عن مقالي هذا حيث انه جاء بدون ترتيب مسبق ....
في الحقيقة أن اغلب ماكتبته سابقا في الكتابات الجادة لي تحوم وتدور حول " البنات " ...
ولكن هذه المرة " أبشطح شوي " ....
أرجوا أن يبقى فكركم هنا ولا يذهب بعيدا .....
في ليلة من الليالي كنت ماكثا في غرفتي " الحوسه "" ... ركلت "قوطي ببسي " كان ملقى بإهمال في غرفتي ... ثم إنطلقت كالمجنون الى سريري " المكسر " وقد برعت في تطبيق " نقزة سنوكا " تلك المرة ...
المهم أنني إضطجعت "اهوجس " قبل النوم وهي عادة أعتقد أن أغلب شباب المملكة العربية السعودية فرع الوسط يمارسون هذه العادة الا وهي " الهواجيس " قبل النوم ......
أعلم أنكم ستقولون لماذا فرع الوسط بالذات .. أقول لأن كل منطقة من مناطق مملكتنا الغالية علينا يتميز بشيء خاص به ماعدا الوسط واقصد بالوسط هنا الرياض وماجاورها ....
ففي شرق البلاد وغربها يوجد بحر يرد الروح " اللي تقبس معه " ينقز للبحر طوالي ... وفي الشمال " براد يحبه قلب قلبك " .... وفي الجنوب جبال كلما ضاق صدرك اقعد ناقز من جبل لجبل والا حاول تلمس السحاب وافلقني ان لمسته .... <<<< يلعن ام المزاج خخخخخخخخ ......
وفي سدير والقصيم والزلفي وشقراء <<< يقدر شقراء واااجد رغم انه موب منها ......
في هذه المناطق يوجد بر اغبر كلما ضاق صدرك رح سولف انت والجن فيه <<< مشهوره هالمناطق بكثر الجن فيها .....
اما في الرياض وهي العاصمة وللظهر قاصمة ....
لايوجد مكان يوسع الخاطر ...
على العموم موب هذا اللي ابي اتكلم عنه في هالسياق ...
اللي ابي اوصل له ...
ودعونا نعود الى انسداحتي الرهيبه على السرير حيث رجلي اليمنى على الجدار مادها ورجلي اليسار اطق طق بها اسفل السرير ...
ويدي اليمنى احك بها شعر رأسي الكثيف (( الطفره لها دور في كثافه الشعر )) .... ويدي اليسرى في مكان ما بأنفي :( .....
وقد كنت عائدا من حفلة طورطه جميله اقامها ابن عمتي بمناسبة تخرجه ...
<<<<<< ياشين السرج على البقر ..... اعذروني أبتكلم عامي اصرف والله .....
المهم جلست أفكر في المجالات الوظيفية المتاحة له ....
ووين ممكن انه يشتغل .... ووصلت لأنه إن ما كان معه شهاده مساندة على الأقل والا " فليمش خشمه " .....
نسمع كثيرا في التلفزيون ونقرأ أكثر في الصحف حول ان المستقبل هو للقطاع الخاص ونردد بغباء شديد ... أننا سنعمل في القطاع الخاص ....
ولكن هل نحن دولة صناعية ؟
لا لسنا كذلك ....
إذا ماهي الشركات اللتي سنعمل بها ؟
اغلبها ... شركات اجنبية لن تدوم في هذه البلاد ... والبعض القليل الآخر ..... " مايبون سعودي " ....
ستقولون ليس شرطا أن يكون القطاع الخاص صناعيا ...
أرد بسهولة شديدة .... صحيح ولكن القطاع الصناعي فرصه الوظيفية اكثر بكثير من غير الصناعي ....
او ان صح لي التعبير التجاري .....
أنا لاانكر ان تسعة اعشار الرزق بالتجارة ....
ولكن كيف سنبدأ ومن اين ونحن لانملك رأس مال هذا اولا ... ولو عملنا عند تجار فإن راتب هذه الوظيفة سيكون قليلا جدا بالكاد يكفي مؤنتنا ... وان قبلنا بذلك الراتب الضئيل ... فإن الوظيفه مؤقته وليست دائمة ....
ياااااااه ياله من بؤس نعيش فيه ....
شباب " كالجحوش " لا يستطيعون عمل شيء .....
انا لا أطلب من دولتنا اي شيء ....
ولكن فقط تنظيم المهام قليلا .....
بمعنى شخص عمره 50 سنه وفيه شاب جديد ومتحمس ......
نفرض ان ابو خمسين سنه ذا ... يستلم 10 الالف .... خلاص نعطيه خمسه وتقاعد وبالخمسه الثانيه نوظف شاب جديد ومتحمس او على الاقل نعطي الشاب ثلاث الاف ونخلي ابو خمسين سنه مستشار يوجه الشاب فتره لين يتشرب كل خبره القديم وبعدها يحال للتقاعد المبكر ...
الان حاطين التقاعد 60 سنه وفيه ناس اعمارهم على ست الالف سنه وماتقاعدوا ....
طيب نسبه الشباب في المملكة او بالاصح اللي اعمارهم تحت 14 سنه اكثر من نصف السكان يعني قدام في ازمه وظيفية وبالتالي بنلحق مصر
وابشركم بأن وقت يجي السعودي ويشتغل اي شي لو حتى رقاصه جاي في الطريق ان لم يتم تدارك هذا الامر من تجار البلد "الأغبياء " اقول البعض وليس الكل طبعا ....
بتقولون هم احرار في فلوسهم ..... طيب احرار بس موب نصرف في الخارج ست ملايين كل سنه وفي الداخل ناكل جبن وزيتون عشان نوفر فلوس للسفر في العطلة وذا الهوامير بامكانهم يساعدون في حل مشكله شبابنا الخايس مع احترامي لهم والا وشوله يقعدون تسذا والله لو ندزكل واحد لديرته ونشتغل فلاليح ولانقعد تسذا ....
والله الواحد يصفق عمره سبعين وهو مازال يهوجس بالعرس والزواج ......
قسم بالله الواحد مايستحمل وبناتنا يعنسن في بيوتهن محد جا ياخذهن .....
والمشكله الان حتى لو رحنا لمزارعنا في ديارنا تلقى مزرعتكم في وسط البر لا مويه ولا كهرب ولا شي ...
واللي هم يحبونهم معطينهم اراضي على الخط السريع .....
قسم بالله ظلم وش الكلام هذا .......
والله يامزرعتنا فيها ست وستين بير ارتوازي ومع ذلك ماطاع يطلع ماء الظاهر بيطلع نفط والماء مابعد طلع .....
<<<<<< وراه قام يهاوش ذا .....
والله ياجماعه ما أنلام ..... االوقت هذا الواحد اذا درس مافيه شي يشجعه يكمل دراسته واذا اشتغل مافيه شي يحثه على الاستمرار بالوظيفه لأن ماهنا رواااااااااتب ......
ياخي وين التكافل الاجتماعي ....
وين المعيشة التكافلية وحياة الجرادة والجهاز التنفسي .... كل هذا ندرسه في المراحل الاولية ودراستنا تسنها وجه اللي مضبط المناهج ....
اجل صفه الصلاه ..... الحمد لله شعب مسلم يعملونا صفه الصلاه ست مرات ....
اول مره في اولى ابتدائي
وفي رائع ابتدائي واولى متوسط واولى ثانوي وثالث ثانوي واول سنه جامعيه ....
وشو قالوا لكم كفار ...
وتلقانا ندرس تفسير درس عن الزكاة وفي التوحيد ناخذ نفس الدرس مافيه اي اختلاف ....
طيب اوكي علمونا شي اكبر من هذا .... علمونا وش هي الكتب السته ووشو صحيح البخاري ومسلم حفظونا اياها او على الاقل فهمونا شرح الاحاديث ....
موب نفس الدروس تلقاها في الفقه والتوحيد والتفسير والحديث وحصه القران احيانا المدرس يزلب القرايه ويقعد يعطيك درس توحيد ....
واذا رحنا للكليات ..... 101 سلم - 102 سلم - 103 سلم - 104 سلم - 105 سلم
ادري بيطلعون لي ناس وبيقولون هذا علماني ويمكن يهدرون دمي بعد ....... بس لو فكروا موب الدين تعصب الدين فهم وتطبيق ....
قسم بالله مايقهرني الا هاللي مسوين فيها رجال الدين وحنا كفره عندهم ياخوي كلنا مسلمين وماتدري يمكن اننا احسن منهم بعد ....
يجيك واحد كان كل عمره مفحط واكبر داشر ويهديه رب العالمين .. وطبعا ماله اي عمل مالقا الا الهئية هيئه الامر بالمعروف والنهي عن المنكر ...
ويبدأ يشوف الناس كلهم سرابيت وناس دشرين ويتخيلهم بنفس تكفيره يوم كان داج ....
بصراحه وخلونا واقعيين ترا ملينا من ذا السكوت .... الهيئة فيها ناس والله ماشفت احسن منهم من ناحية التعامل ولكن ايضا فيها كثييييييييييييير من اللي يعملون فيها ناس ادنى مستوى في التعامل هم ....
تحس يدورون عليك زلة يالواحد .... ولو تقول لهم شي كفروك والعياذ بالله .... ابقولكم سالفه والله صايره صدق .... يوم من الايام دخلوا الهيئة المقهى اللي ادخل منه على الانترنت ويطبون على واحد فاتح مواقع اباحية .. وييشيلونه معهم في الجمس وهم طالعين طلع واحد من المقهى وهو بفمه سيجاره وينقز له واحد من هاللي الله يصلح حالهم بس احد افراد فرقه الكوماندز فرقة الهيئة ويهاوش ذا اللي معه زقاره يقول له : اتدخن امام الشيخ ؟ والله ويقوم ويضفه معه في الجمس .....
خير انشاء الله هباااااال .....
عشان كذا اقول الدين تعامل رفيع واسلوب راقي مهوب بالقوة الا في حالات معينة بس ....
الشيخ عبدالعزيز بن باز الله يرحمه - كما ذكر احد افراد عائلته - انه كان من بين احد ازواج بناته واحد مدخن ... لاحظ وهو مفتي البلاد ماراح وبالقوه خلاه يتراك الدخان لأ ...
صار كلما دخل ذا اللي يدخن يقول للي جالسين عنده جاء فلان - اسم الرجال - طبعا هو مايكون درى انه جاء ولكن من ريحه الدخان يعرفه .... وبعدها بفتره الرجال ترك الدخان وكان الشيخ هو السبب الرئيسي اللي خلاه يترك الدخان ...
شوفوا وشلون فن التعامل ......
يعني انا اشوف لو بعض مشايخنا الافاضل يتبرعون بشوي من وقتهم ويقام مركز لتأهيل رجال الهيئة وفق اصول وتعاليم الشريعة الإسلامية الحنيفة ... اعتقد بتضبط الأمور ...
ارجع لدراستك يالشاب السعودي المجاهد في دراستك .....
ويجيك مدرس اجنبي من اي دوله عربية ويقعد يمطرس بك ويلعب في معدلك لعب بس لأنه دكتور وماتقدر تقوله شي ...
والا يجيك سعودي شايف رويحته ويطلع عقده عليك ....
وتعال شفهم في المحاظرات اللي يصير فيها دوائر تلفزيونيه مغلقه هأ هأ هأ ....
انواع الذرابة وفيه بنات ياخذون A+ عنده مع انه حالف ماحد ياخذ عنده هالدرجه ...
واذا صارت المحاضره مهوب حاضرينها قسم عليشه والا مدري وين ...
تلقاه جايك فاق القلابي والازارير مفتوحه ونفسه في طرف خشمه تسنه واحد غاصبينه يغسل كرشة يوم عيد الضحية .......
والطالب ياعيني عليه حبيب ومايقول شي .. ماله الا يعض على شحم ويسكت ......
وتخرج بحمد الله وفضل منه ... وفرحااااان متشقق لأنه راح جزء من حياته وقرب الجزء الأهم اللي هو اثبات نفسه ....
ويومين ثلاثه وهو فرحان وكل من شافه يقول له مبروك مبروك وهو المفروض يقوله احسن الله عزاك .....
لأنه على الاقل في دراسته كان يسلتم الف الا عشرة ريال اللحين خلاص بااااااح ماعاد فيه حتى الالف اللي ناقصه عشرة مدري وين تروح هالعشرة ....
والله لايحللهم عليها ان كان فعلا ماتروح لصندوق الطالب .... لأني بصراحه مااشوف في جامعاتنا غير المؤتمرات والندوات اللي مانستفيد منها اي شي واظن منها ياخذون هالعشرة المشكله نوقع على استلام مبلغ الف ريال وحنا ماناخذ الا 990
اكيد بتقولون عشرة اريل ماتضر
الا تضر وونص ... اذا صرنا مانستلم الا كل خمس مكافئات مع بعض
تطلع خمسين ريال ....
صح مو من حقنا حتى الالف لأن اغلب الدول يدرسون والطالب يدفع فلوس مو العكس .....
بس على الاقل يعني شي يغطي شي ....
الاتصالات تسحب من هنا والكهرب غار من الاتصالات وصار ينافسها بالسحب والمياة تسنها بدت تغير ...
بتقولون وانت وش دخلك ابوك هو اللي يدفع فاتورة الكهرب والتلفون والمويه ....
ايه بس ابوي كلما زادت فواتير البيت كلما قلت ميزانيته ونقص المصروف :( ..... <<< الله يسمعك يقول انك تاخذ مصروف من الاصل ..... بس ولو حتى لو مااخذت انا فيه غيري ياخذون .....
المهم ويبدأ الشاب السعودي البائس المغلوب على امره بالهواجيس ويفكر كيف يصرف على روحه على الاقل ماياخذ من اهله شي ....
يقوم يتسلف ويفتح له محل والا شي .... لا ومساكين والله اللي سووا فيها تجار الغفلة رايحين يساهمون واللي يشوفهم يقول هذا العثيم واللي على يساره الجميح واللي وراهم ابو راجحي ....
اجل شله شباب متسلفين ميتين الف ومساهمين فيها بالاتصالات اول يوم ارتفعت الاسهم وصلت فوق الثلاثميه ..... قالو نبي نصبر يمكن تطق خمسميه ونصير من اصحاب الملايين ..... وثاني يوم ينزل السهم الى اقل من ميتين وهم مساكين تورطوا واظنهم متوزين في البر لا يلاحقونهم الديانة ....
يعني شوف الجشع والطمع في تجار البلد الاغبياء .... البعض وليس الكل ...
يغرقون السوق بالطلب ويكون الطلب اكثر من العرض وترتفع اسعار السوق وبعدين يبيعون كل شي ويصير العرض اكثر من الطلب وتنقص اسعار الاسهم وهم اللي استفادوا اعنبوا دراكم انتم معكم ملايين ليه توهقون هالضعوف المساكين ....
واخبركم ان الشاب السعودي اغلب الشباب السعودي اذا ماانتهى فيه الامر بالسجن بسبب الاسلاف والديون والا بيصير اسير الهم ..... واللي يستر الله عليه فهو بيعيش عالة على اهله ....
لذلك اناشد كل من يستطيع المساعده ان يبذلوا الخير ليزرعوا في ارض خصبة ويساهموا في المشروع الرابح الا وهو إنماء هذه البلد ... لأن في النهاية الخير بيعود على الجميع
تقبل التبرعات لي شخصيا على حساب رقم ( اذا فتحت حساب نحط له رقم / فرع السليمانية ) ......
=====================
في النهاية اقدم إعتذاري عن هالمقال الحوسة بس والله شي جا بالنفس والله يستر احس اني بيصير لي شي عقب هالمقال .....
اخوكم
أبوعطش .....
تعلمت اني اسامح واعدي زلة الأيام ..... تعلمت ارضى بالواقع ولا اتبع سنا الأحلام .....
في بداية حديثي اعتذر عن مقالي هذا حيث انه جاء بدون ترتيب مسبق ....
في الحقيقة أن اغلب ماكتبته سابقا في الكتابات الجادة لي تحوم وتدور حول " البنات " ...
ولكن هذه المرة " أبشطح شوي " ....
أرجوا أن يبقى فكركم هنا ولا يذهب بعيدا .....
في ليلة من الليالي كنت ماكثا في غرفتي " الحوسه "" ... ركلت "قوطي ببسي " كان ملقى بإهمال في غرفتي ... ثم إنطلقت كالمجنون الى سريري " المكسر " وقد برعت في تطبيق " نقزة سنوكا " تلك المرة ...
المهم أنني إضطجعت "اهوجس " قبل النوم وهي عادة أعتقد أن أغلب شباب المملكة العربية السعودية فرع الوسط يمارسون هذه العادة الا وهي " الهواجيس " قبل النوم ......
أعلم أنكم ستقولون لماذا فرع الوسط بالذات .. أقول لأن كل منطقة من مناطق مملكتنا الغالية علينا يتميز بشيء خاص به ماعدا الوسط واقصد بالوسط هنا الرياض وماجاورها ....
ففي شرق البلاد وغربها يوجد بحر يرد الروح " اللي تقبس معه " ينقز للبحر طوالي ... وفي الشمال " براد يحبه قلب قلبك " .... وفي الجنوب جبال كلما ضاق صدرك اقعد ناقز من جبل لجبل والا حاول تلمس السحاب وافلقني ان لمسته .... <<<< يلعن ام المزاج خخخخخخخخ ......
وفي سدير والقصيم والزلفي وشقراء <<< يقدر شقراء واااجد رغم انه موب منها ......
في هذه المناطق يوجد بر اغبر كلما ضاق صدرك رح سولف انت والجن فيه <<< مشهوره هالمناطق بكثر الجن فيها .....
اما في الرياض وهي العاصمة وللظهر قاصمة ....
لايوجد مكان يوسع الخاطر ...
على العموم موب هذا اللي ابي اتكلم عنه في هالسياق ...
اللي ابي اوصل له ...
ودعونا نعود الى انسداحتي الرهيبه على السرير حيث رجلي اليمنى على الجدار مادها ورجلي اليسار اطق طق بها اسفل السرير ...
ويدي اليمنى احك بها شعر رأسي الكثيف (( الطفره لها دور في كثافه الشعر )) .... ويدي اليسرى في مكان ما بأنفي :( .....
وقد كنت عائدا من حفلة طورطه جميله اقامها ابن عمتي بمناسبة تخرجه ...
<<<<<< ياشين السرج على البقر ..... اعذروني أبتكلم عامي اصرف والله .....
المهم جلست أفكر في المجالات الوظيفية المتاحة له ....
ووين ممكن انه يشتغل .... ووصلت لأنه إن ما كان معه شهاده مساندة على الأقل والا " فليمش خشمه " .....
نسمع كثيرا في التلفزيون ونقرأ أكثر في الصحف حول ان المستقبل هو للقطاع الخاص ونردد بغباء شديد ... أننا سنعمل في القطاع الخاص ....
ولكن هل نحن دولة صناعية ؟
لا لسنا كذلك ....
إذا ماهي الشركات اللتي سنعمل بها ؟
اغلبها ... شركات اجنبية لن تدوم في هذه البلاد ... والبعض القليل الآخر ..... " مايبون سعودي " ....
ستقولون ليس شرطا أن يكون القطاع الخاص صناعيا ...
أرد بسهولة شديدة .... صحيح ولكن القطاع الصناعي فرصه الوظيفية اكثر بكثير من غير الصناعي ....
او ان صح لي التعبير التجاري .....
أنا لاانكر ان تسعة اعشار الرزق بالتجارة ....
ولكن كيف سنبدأ ومن اين ونحن لانملك رأس مال هذا اولا ... ولو عملنا عند تجار فإن راتب هذه الوظيفة سيكون قليلا جدا بالكاد يكفي مؤنتنا ... وان قبلنا بذلك الراتب الضئيل ... فإن الوظيفه مؤقته وليست دائمة ....
ياااااااه ياله من بؤس نعيش فيه ....
شباب " كالجحوش " لا يستطيعون عمل شيء .....
انا لا أطلب من دولتنا اي شيء ....
ولكن فقط تنظيم المهام قليلا .....
بمعنى شخص عمره 50 سنه وفيه شاب جديد ومتحمس ......
نفرض ان ابو خمسين سنه ذا ... يستلم 10 الالف .... خلاص نعطيه خمسه وتقاعد وبالخمسه الثانيه نوظف شاب جديد ومتحمس او على الاقل نعطي الشاب ثلاث الاف ونخلي ابو خمسين سنه مستشار يوجه الشاب فتره لين يتشرب كل خبره القديم وبعدها يحال للتقاعد المبكر ...
الان حاطين التقاعد 60 سنه وفيه ناس اعمارهم على ست الالف سنه وماتقاعدوا ....
طيب نسبه الشباب في المملكة او بالاصح اللي اعمارهم تحت 14 سنه اكثر من نصف السكان يعني قدام في ازمه وظيفية وبالتالي بنلحق مصر
وابشركم بأن وقت يجي السعودي ويشتغل اي شي لو حتى رقاصه جاي في الطريق ان لم يتم تدارك هذا الامر من تجار البلد "الأغبياء " اقول البعض وليس الكل طبعا ....
بتقولون هم احرار في فلوسهم ..... طيب احرار بس موب نصرف في الخارج ست ملايين كل سنه وفي الداخل ناكل جبن وزيتون عشان نوفر فلوس للسفر في العطلة وذا الهوامير بامكانهم يساعدون في حل مشكله شبابنا الخايس مع احترامي لهم والا وشوله يقعدون تسذا والله لو ندزكل واحد لديرته ونشتغل فلاليح ولانقعد تسذا ....
والله الواحد يصفق عمره سبعين وهو مازال يهوجس بالعرس والزواج ......
قسم بالله الواحد مايستحمل وبناتنا يعنسن في بيوتهن محد جا ياخذهن .....
والمشكله الان حتى لو رحنا لمزارعنا في ديارنا تلقى مزرعتكم في وسط البر لا مويه ولا كهرب ولا شي ...
واللي هم يحبونهم معطينهم اراضي على الخط السريع .....
قسم بالله ظلم وش الكلام هذا .......
والله يامزرعتنا فيها ست وستين بير ارتوازي ومع ذلك ماطاع يطلع ماء الظاهر بيطلع نفط والماء مابعد طلع .....
<<<<<< وراه قام يهاوش ذا .....
والله ياجماعه ما أنلام ..... االوقت هذا الواحد اذا درس مافيه شي يشجعه يكمل دراسته واذا اشتغل مافيه شي يحثه على الاستمرار بالوظيفه لأن ماهنا رواااااااااتب ......
ياخي وين التكافل الاجتماعي ....
وين المعيشة التكافلية وحياة الجرادة والجهاز التنفسي .... كل هذا ندرسه في المراحل الاولية ودراستنا تسنها وجه اللي مضبط المناهج ....
اجل صفه الصلاه ..... الحمد لله شعب مسلم يعملونا صفه الصلاه ست مرات ....
اول مره في اولى ابتدائي
وفي رائع ابتدائي واولى متوسط واولى ثانوي وثالث ثانوي واول سنه جامعيه ....
وشو قالوا لكم كفار ...
وتلقانا ندرس تفسير درس عن الزكاة وفي التوحيد ناخذ نفس الدرس مافيه اي اختلاف ....
طيب اوكي علمونا شي اكبر من هذا .... علمونا وش هي الكتب السته ووشو صحيح البخاري ومسلم حفظونا اياها او على الاقل فهمونا شرح الاحاديث ....
موب نفس الدروس تلقاها في الفقه والتوحيد والتفسير والحديث وحصه القران احيانا المدرس يزلب القرايه ويقعد يعطيك درس توحيد ....
واذا رحنا للكليات ..... 101 سلم - 102 سلم - 103 سلم - 104 سلم - 105 سلم
ادري بيطلعون لي ناس وبيقولون هذا علماني ويمكن يهدرون دمي بعد ....... بس لو فكروا موب الدين تعصب الدين فهم وتطبيق ....
قسم بالله مايقهرني الا هاللي مسوين فيها رجال الدين وحنا كفره عندهم ياخوي كلنا مسلمين وماتدري يمكن اننا احسن منهم بعد ....
يجيك واحد كان كل عمره مفحط واكبر داشر ويهديه رب العالمين .. وطبعا ماله اي عمل مالقا الا الهئية هيئه الامر بالمعروف والنهي عن المنكر ...
ويبدأ يشوف الناس كلهم سرابيت وناس دشرين ويتخيلهم بنفس تكفيره يوم كان داج ....
بصراحه وخلونا واقعيين ترا ملينا من ذا السكوت .... الهيئة فيها ناس والله ماشفت احسن منهم من ناحية التعامل ولكن ايضا فيها كثييييييييييييير من اللي يعملون فيها ناس ادنى مستوى في التعامل هم ....
تحس يدورون عليك زلة يالواحد .... ولو تقول لهم شي كفروك والعياذ بالله .... ابقولكم سالفه والله صايره صدق .... يوم من الايام دخلوا الهيئة المقهى اللي ادخل منه على الانترنت ويطبون على واحد فاتح مواقع اباحية .. وييشيلونه معهم في الجمس وهم طالعين طلع واحد من المقهى وهو بفمه سيجاره وينقز له واحد من هاللي الله يصلح حالهم بس احد افراد فرقه الكوماندز فرقة الهيئة ويهاوش ذا اللي معه زقاره يقول له : اتدخن امام الشيخ ؟ والله ويقوم ويضفه معه في الجمس .....
خير انشاء الله هباااااال .....
عشان كذا اقول الدين تعامل رفيع واسلوب راقي مهوب بالقوة الا في حالات معينة بس ....
الشيخ عبدالعزيز بن باز الله يرحمه - كما ذكر احد افراد عائلته - انه كان من بين احد ازواج بناته واحد مدخن ... لاحظ وهو مفتي البلاد ماراح وبالقوه خلاه يتراك الدخان لأ ...
صار كلما دخل ذا اللي يدخن يقول للي جالسين عنده جاء فلان - اسم الرجال - طبعا هو مايكون درى انه جاء ولكن من ريحه الدخان يعرفه .... وبعدها بفتره الرجال ترك الدخان وكان الشيخ هو السبب الرئيسي اللي خلاه يترك الدخان ...
شوفوا وشلون فن التعامل ......
يعني انا اشوف لو بعض مشايخنا الافاضل يتبرعون بشوي من وقتهم ويقام مركز لتأهيل رجال الهيئة وفق اصول وتعاليم الشريعة الإسلامية الحنيفة ... اعتقد بتضبط الأمور ...
ارجع لدراستك يالشاب السعودي المجاهد في دراستك .....
ويجيك مدرس اجنبي من اي دوله عربية ويقعد يمطرس بك ويلعب في معدلك لعب بس لأنه دكتور وماتقدر تقوله شي ...
والا يجيك سعودي شايف رويحته ويطلع عقده عليك ....
وتعال شفهم في المحاظرات اللي يصير فيها دوائر تلفزيونيه مغلقه هأ هأ هأ ....
انواع الذرابة وفيه بنات ياخذون A+ عنده مع انه حالف ماحد ياخذ عنده هالدرجه ...
واذا صارت المحاضره مهوب حاضرينها قسم عليشه والا مدري وين ...
تلقاه جايك فاق القلابي والازارير مفتوحه ونفسه في طرف خشمه تسنه واحد غاصبينه يغسل كرشة يوم عيد الضحية .......
والطالب ياعيني عليه حبيب ومايقول شي .. ماله الا يعض على شحم ويسكت ......
وتخرج بحمد الله وفضل منه ... وفرحااااان متشقق لأنه راح جزء من حياته وقرب الجزء الأهم اللي هو اثبات نفسه ....
ويومين ثلاثه وهو فرحان وكل من شافه يقول له مبروك مبروك وهو المفروض يقوله احسن الله عزاك .....
لأنه على الاقل في دراسته كان يسلتم الف الا عشرة ريال اللحين خلاص بااااااح ماعاد فيه حتى الالف اللي ناقصه عشرة مدري وين تروح هالعشرة ....
والله لايحللهم عليها ان كان فعلا ماتروح لصندوق الطالب .... لأني بصراحه مااشوف في جامعاتنا غير المؤتمرات والندوات اللي مانستفيد منها اي شي واظن منها ياخذون هالعشرة المشكله نوقع على استلام مبلغ الف ريال وحنا ماناخذ الا 990
اكيد بتقولون عشرة اريل ماتضر
الا تضر وونص ... اذا صرنا مانستلم الا كل خمس مكافئات مع بعض
تطلع خمسين ريال ....
صح مو من حقنا حتى الالف لأن اغلب الدول يدرسون والطالب يدفع فلوس مو العكس .....
بس على الاقل يعني شي يغطي شي ....
الاتصالات تسحب من هنا والكهرب غار من الاتصالات وصار ينافسها بالسحب والمياة تسنها بدت تغير ...
بتقولون وانت وش دخلك ابوك هو اللي يدفع فاتورة الكهرب والتلفون والمويه ....
ايه بس ابوي كلما زادت فواتير البيت كلما قلت ميزانيته ونقص المصروف :( ..... <<< الله يسمعك يقول انك تاخذ مصروف من الاصل ..... بس ولو حتى لو مااخذت انا فيه غيري ياخذون .....
المهم ويبدأ الشاب السعودي البائس المغلوب على امره بالهواجيس ويفكر كيف يصرف على روحه على الاقل ماياخذ من اهله شي ....
يقوم يتسلف ويفتح له محل والا شي .... لا ومساكين والله اللي سووا فيها تجار الغفلة رايحين يساهمون واللي يشوفهم يقول هذا العثيم واللي على يساره الجميح واللي وراهم ابو راجحي ....
اجل شله شباب متسلفين ميتين الف ومساهمين فيها بالاتصالات اول يوم ارتفعت الاسهم وصلت فوق الثلاثميه ..... قالو نبي نصبر يمكن تطق خمسميه ونصير من اصحاب الملايين ..... وثاني يوم ينزل السهم الى اقل من ميتين وهم مساكين تورطوا واظنهم متوزين في البر لا يلاحقونهم الديانة ....
يعني شوف الجشع والطمع في تجار البلد الاغبياء .... البعض وليس الكل ...
يغرقون السوق بالطلب ويكون الطلب اكثر من العرض وترتفع اسعار السوق وبعدين يبيعون كل شي ويصير العرض اكثر من الطلب وتنقص اسعار الاسهم وهم اللي استفادوا اعنبوا دراكم انتم معكم ملايين ليه توهقون هالضعوف المساكين ....
واخبركم ان الشاب السعودي اغلب الشباب السعودي اذا ماانتهى فيه الامر بالسجن بسبب الاسلاف والديون والا بيصير اسير الهم ..... واللي يستر الله عليه فهو بيعيش عالة على اهله ....
لذلك اناشد كل من يستطيع المساعده ان يبذلوا الخير ليزرعوا في ارض خصبة ويساهموا في المشروع الرابح الا وهو إنماء هذه البلد ... لأن في النهاية الخير بيعود على الجميع
تقبل التبرعات لي شخصيا على حساب رقم ( اذا فتحت حساب نحط له رقم / فرع السليمانية ) ......
=====================
في النهاية اقدم إعتذاري عن هالمقال الحوسة بس والله شي جا بالنفس والله يستر احس اني بيصير لي شي عقب هالمقال .....
اخوكم
أبوعطش .....