الطارف سداد

[سياف العتيبي]

سلام تسليمة وفا للوفيين=اللي لهم في داخل الصدر معمور
اوحيت لي هرجات قوم ٍ قليلين=وهروجهم بالراس ضربات ساطور

[عبدالرزاق الشمري]

صح لسانك سياف
مبدا رائع
بانتظار الشاعر المقابل
وحنا متابعينكم

[ناصر الجلاه]

..

سيــاف العتيبي

..


صح لسانك يابن العم والصف عندي

وننتظر المقابل

مودتـــي

..

[سياف العتيبي]

صح بدنك يابو حسام وبيض الله وجهك على هالمرور الكريم




صح بدنك ياولد العم وبيض الله وجهك على هالمرور الكريم وهذا العشم فيك

[عمدة الشعار]

صح لسانك يا سياف

مبدى كايف

[نـاصر السهلي]

سلام تسليمة وفا للوفيين=اللي لهم في داخل الصدر معمور
اوحيت لي هرجات قوم ٍ قليلين=وهروجهم بالراس ضربات ساطور

السلام عليكم


مادام ماحد جاء اسمحلي بالرد عليك ياسياف

واستلم


يامرحبا ترحيب يسوى ملايين=يمشي على شرواك يارجل بالدور
خلّك ملصّق داخل اذنيك بالطين=لاتستمع فالهرج لأيام وشهور

[عمدة الشعار]

السلام عليكم


مادام ماحد جاء اسمحلي بالرد عليك ياسياف

واستلم


يامرحبا ترحيب يسوى ملايين=يمشي على شرواك يارجل بالدور
خلّك ملصّق داخل اذنيك بالطين=لاتستمع فالهرج لأيام وشهور


ياسلام ياسلام

رد قوي

وازهل الصفوف

[سياف العتيبي]

ياهلا يابو سيم مرورك شرف


ياهلا بناصر السهلي واستلم:



دام البقا واطلع طلوع الشياهين=فالجاش علم ٍ يمكنه راعي الشور
عقب التطور وانقلاب الموازين=تبغى عصافير الشره تحكم صقور


الشره: هي الشجرة عندنا

[نـاصر السهلي]

ياهلا يابو سيم مرورك شرف


ياهلا بناصر السهلي واستلم:



دام البقا واطلع طلوع الشياهين=فالجاش علم ٍ يمكنه راعي الشور
عقب التطور وانقلاب الموازين=تبغى عصافير الشره تحكم صقور



ان ماسريت الليل مسرى السراحين=امرح وخل الطابق اليوم مستور
عبيد مكّه ماتجاري السلاطين=والعبد يزعل لوتقول ( أبوخنفور )

[سياف العتيبي]

مانيب ساري دام مشيي على الزين=امشي على وضح النقا حيل مسرور
فيما مضى ماخاشرونا الدواوين=يالين قر الثوب ثم صار مقرور

[نـاصر السهلي]

مانيب ساري دام مشيي على الزين=امشي على وضح النقا حيل مسرور
فيما مضى ماخاشرونا الدواوين=يالين قر الثوب ثم صار مقرور




لاتلتفت يالشاعر يسار ويمين=فالدرب قدامك ترى عشرة سبور
الحمدلله ماأتعامل مع القين=وألاّ أنت زادك معْه ثابت ومصرور

[سياف العتيبي]

الله يرحم والدينك ياناصر السهلي


ابك اعد النظر فالبيوت مرة اخرى

[نـاصر السهلي]

الله يرحم والدينك ياناصر السهلي


ابك اعد النظر فالبيوت مرة اخرى



((( ابك )))

ترى معناها ماهوب طيّب


تم تعديل الأخطاء الإملائيّه

[سياف العتيبي]

انت شكلك تلعب محاورة في منتدى ثاني عشان مانشغلك استاذن للصلاة والقابلة لنا لقاء


فمان الله

[نـاصر السهلي]

والله لاألعب في منتدى ثاني ولاهم يحزنون!!!


الله يستر عليك

[راكان بن بدن السبيعي]

سياف العتيبي

صح لسانك

ناصر السهلي

صح لسانك

واصلوا لاعدمناكم

علماً أنها بين شاعرين مبدعين

[سياف العتيبي]

السيد واحد مير مارسّم اثنين=ومن عقبها فالدرب ماهوب معبور
الله يعز اللي يبا عزة الدين=واما انت ياناصر على اللعب مشكور


صح لسانك وتشرف باللعب معك ياناصر السهلي ولنا لقاءات ومحاريف مقبلة


الى كل من مر صحت ابدانكم وبيض الله وجيهكم على هالمرور الكريم