حمدان بن سالم
04-10-2007, 03:38 PM
على خبرك أنا ياحمود راسي = فلا تخشى يابو بندر علية
تراي أعْجبك وانت ادرى بباسي = سلاحي شيمتي مع حسن نية
انا أدري فيك يالغالي تواسي = مثل ماايواسي المخلص خويّة
وانا ادري كدّرك خاين وخاسي = مثل ماكدّروا أهل الحميّة
نعم ياحمود ماخَذْت احتراسي = ولافكّرت منهم بالأذية
نعم غرّوني بحلو التِّماسي = هم أحسن من يؤدّون التحية
بوجهي يفرشون الدرب ماسي = عسل كلماتهم ماذقت زيَة
مَلَوا من أغلظ الأيمان كاسي = وغرّوني بضحكاتٍ طرية
وفي يومٍ عليه من العماسي = مع رياحٍ مواريها عتيَّة
شعرت بداخلي بعض إلتغاسي = ولعنت ابليس عن ظن الخطيّة
ولكن – للأسف زاد احتياسي = وشعرت المسألة ماهي نقيّة
نعم قد صدَّروا أمرٍ رئاسي = بتهميشي بدون أدنى خطيّة
صْحابي هم صْحابي والسياسي = يحلّلها ولاهي بمْخبيّة
لو إن الغدر جاني من طْفاسي = تهون ..وقسمة ابن آدم خفية
ولو ان المسألة لعبة كراسي =ترا أهون وفيها منطقيّة
بس إن الموت طعنة من رئاسي = وأنا كل يو أذَكِّره الوصيّة
تآمر ضدي احبابي وناسي =وأثاري ضحكة المذنب شظية
انا اللي لاجلهم ذقت المآسي = وسمعت السب من ناسٍ غبية
أنافح عنهم بقمة حماسي = وهم مافكروا لو يوم فيّه
حفظت غيابهم من طيب ساسي = وردّولي خيانتهم هدية
عقب ماقدتهم يم المراسي = وعنهم شلت أكثر من قضية
نسوا لامانسوا هذا تناسي = ابد ماينِّسي حلو السجية
نسوا شعري مع الخمس الحواسي = نسوا شاعر بساتينه غنية
نزيف أقلامي وصمت احتباسي = وعض شفاي لامن قلت : هِيّـه
نسوا لامانسوا هذا تناسي = بسبق إصرار والحالة جليّة
إذا ماكانت الحفلة مقاسي = أنا أصلا أعاف الأسبقية
(أسلطن) بس مع ربعي وناسي = وللأيام دوراتٍ حريّة
يجوز إن الأمر فيه التباسي = ويجوز إني جهلت المنهجية
ولكن اللي حصل ( منهج دراسي ) = وترى البلوى دروسٍ واقعية
( وصيّــة) شيخنا راحت فلاسي = مع إنه يمتلك نفسٍ زكية
صحيح ان الغدر ياحمود قاسي =وجمراته يابوبندر لظيّة
ولكني على رغم انتكاسي = عزيز النفس والنيّة مطية
أنا الطيّب وأنا صعب المراسي = أرد الصاع صيعان رهيّة
وأنا يصعب على ( الهيس ) افتراسي = ولو هو مرتكي على (سِرِيّة )
اخوك اللي عرفته مايداسي = لكسب المجد مفتوح الشهية
اذا هااليوم هم قدروا مساسي = فلا يسلم جوادٍ من هبيّة
ولاضار الاسد غرش البساسي = لو إن غروشها تبدو قويّة
أنا ياحمود ظلّي مايداسي = وش الدنيا بلا نفسٍ أبية
انا مااْبديت ضعفي والْتماسي = لغير الله والدنيا دنيّة
ولاضرّيت رجلي للعساسي = ولو كان الثمن يغري أُوْتِيّه !
أبي رزقي يجي من حطب فاسي = وأبي شعري يُسَمّى (عبقرية )
شعر \ حمدان سالم العنزي
تراي أعْجبك وانت ادرى بباسي = سلاحي شيمتي مع حسن نية
انا أدري فيك يالغالي تواسي = مثل ماايواسي المخلص خويّة
وانا ادري كدّرك خاين وخاسي = مثل ماكدّروا أهل الحميّة
نعم ياحمود ماخَذْت احتراسي = ولافكّرت منهم بالأذية
نعم غرّوني بحلو التِّماسي = هم أحسن من يؤدّون التحية
بوجهي يفرشون الدرب ماسي = عسل كلماتهم ماذقت زيَة
مَلَوا من أغلظ الأيمان كاسي = وغرّوني بضحكاتٍ طرية
وفي يومٍ عليه من العماسي = مع رياحٍ مواريها عتيَّة
شعرت بداخلي بعض إلتغاسي = ولعنت ابليس عن ظن الخطيّة
ولكن – للأسف زاد احتياسي = وشعرت المسألة ماهي نقيّة
نعم قد صدَّروا أمرٍ رئاسي = بتهميشي بدون أدنى خطيّة
صْحابي هم صْحابي والسياسي = يحلّلها ولاهي بمْخبيّة
لو إن الغدر جاني من طْفاسي = تهون ..وقسمة ابن آدم خفية
ولو ان المسألة لعبة كراسي =ترا أهون وفيها منطقيّة
بس إن الموت طعنة من رئاسي = وأنا كل يو أذَكِّره الوصيّة
تآمر ضدي احبابي وناسي =وأثاري ضحكة المذنب شظية
انا اللي لاجلهم ذقت المآسي = وسمعت السب من ناسٍ غبية
أنافح عنهم بقمة حماسي = وهم مافكروا لو يوم فيّه
حفظت غيابهم من طيب ساسي = وردّولي خيانتهم هدية
عقب ماقدتهم يم المراسي = وعنهم شلت أكثر من قضية
نسوا لامانسوا هذا تناسي = ابد ماينِّسي حلو السجية
نسوا شعري مع الخمس الحواسي = نسوا شاعر بساتينه غنية
نزيف أقلامي وصمت احتباسي = وعض شفاي لامن قلت : هِيّـه
نسوا لامانسوا هذا تناسي = بسبق إصرار والحالة جليّة
إذا ماكانت الحفلة مقاسي = أنا أصلا أعاف الأسبقية
(أسلطن) بس مع ربعي وناسي = وللأيام دوراتٍ حريّة
يجوز إن الأمر فيه التباسي = ويجوز إني جهلت المنهجية
ولكن اللي حصل ( منهج دراسي ) = وترى البلوى دروسٍ واقعية
( وصيّــة) شيخنا راحت فلاسي = مع إنه يمتلك نفسٍ زكية
صحيح ان الغدر ياحمود قاسي =وجمراته يابوبندر لظيّة
ولكني على رغم انتكاسي = عزيز النفس والنيّة مطية
أنا الطيّب وأنا صعب المراسي = أرد الصاع صيعان رهيّة
وأنا يصعب على ( الهيس ) افتراسي = ولو هو مرتكي على (سِرِيّة )
اخوك اللي عرفته مايداسي = لكسب المجد مفتوح الشهية
اذا هااليوم هم قدروا مساسي = فلا يسلم جوادٍ من هبيّة
ولاضار الاسد غرش البساسي = لو إن غروشها تبدو قويّة
أنا ياحمود ظلّي مايداسي = وش الدنيا بلا نفسٍ أبية
انا مااْبديت ضعفي والْتماسي = لغير الله والدنيا دنيّة
ولاضرّيت رجلي للعساسي = ولو كان الثمن يغري أُوْتِيّه !
أبي رزقي يجي من حطب فاسي = وأبي شعري يُسَمّى (عبقرية )
شعر \ حمدان سالم العنزي