الاديب طه حسين

[ذعــــــار]

السلام عليكم :


استلم يا طه حسين



تعال ياطه حسين ان كان ناوي بالهجوم =ما دمت اديب وتهجد العربان في سود الليال

خلك على وضح النقا لاجيت واطلع فالرجوم= تروح فيها صح والا تكسب الكسب الحلال

[عمدة الشعار]

الأديب ذعار صح لسانك

الأديب طه حسين في إنتظارك وصح لسانك مقدماً

أبو سيم

[ماجد الرويس]

عليكم السلام هلا ياذعار

واستلم يالاديب


ان جيت أبهجّدكم واصبحكم علي خيلً عزوم=ورمح الرديني والسهم يقصف مطانيخ الرجال!!!
ترى البرا مردود والمكسب جزيلات القسوم=وليا رقيت الضلع غيري مارقى روس الجبال!!!

[ماجد الرويس]

ابو سيم هلا فيك وصح بدنك

[ذعــــــار]

خيلك ليا شافت ذعار الخيل يا نسل القروم=تجفل ويمكن تطـرح الغتره ويلحقها العقال
وصلتـنا والله يعينك تحتمل ضرب السهوم=ماانته برايح حي غير ان كان شالوك العيال

[ذعــــــار]

ابا سيم صح بدنك وحياك الله

[ماجد الرويس]

خيلي ليا صالت وجالت تصبح بليا هدوم=لكن تدرق عن لهيب الحر في حيد الضلال
حظك رمابك ياعميلي وابشر بفرك الخشوم=ماني برايح ياعميلي لين اصليبك شمال

[ذعــــــار]

صلاة التهجد حانت ياطه

لكن الوعد بعد الصلاه ان كان ناسبك

[ماجد الرويس]

الله يجزاك خير ياذعار

وطاعة الله اهم ولاحقين خير وانا موجود عقب الصلاة

تحيتي لك

[ناصر الجلاه]

..

ذعــار
..

طــه حسين

..

صحت السنتكم يامبدعين .. على المحاوره القويه

واصلوووووووووا

والصفين ازهلوها عندي

..

[ذعــــــار]

استلم يابن حسين :



يالحاشي المفرود قبل تطيح ثم تعجز تقوم=شوري عليك انفذ بعمرك لاتوطاك الجمال
الحـر يشهر فالسماء وقت الهدد والبوم بوم=لا واعذابه كان لاح البرق في جوف الخيال

[ذعــــــار]

ويجزاك خير ياطه حسين ولك التقدير



حياك الله يا ناصر الجلاه وصح بدنك ونشكرلك مرورك

[ماجد الرويس]

يالهرش لوّ أنك تهيد ولا تكثر فالعلوم=الحمل مايل فوق ظهرك والحمولة ما تشال
ياخرب مدري ديك رومة غرتك كثّر الحلوم= انتة تهبد في عماها يوم مالك راس مال

[مقعد الدغيلبي]

حظك رمابك ياعميلي وابشر بفرك الخشوم
ماني برايح ياعميلي لين اصليبـك شمـال



هههههههههه

صح لسانك هذا والله الليل

وازهل الصف

بدون قصور فالشاعر ذعار


الليل

الليل

تحيااتي للجميع

[ذعــــــار]

دام الطحالب فوق سطح البحر ماتحتاج عوم=ان جبت منها طن يابن حسين مايسوى ريال
ياللي تقصّــر فالصـلاه ولاتحج ولاتصوم=وشلون تشـرب من غزير الجم بقصار الحبال