ســـــــــــــلام تسليمة وفــــــــــــــا (^^ ذعـــاذيــــــــع ^^) ... !!

[ناصر الجلاه]

..

السلام عليكم ورحمة الله وبركاته

:icon_conf:icon_conf


سلام ردية وفا لوثمنوها بالفلوس=اثقل وزن واغلى شوي امن الذهب والماسيه

وإن كان باقي في غرابيل العزيزه دمغ روس=انا مكسر روس قومٍ بالمعاند قاسيه

[منيرة الحربي]

عليكم السلاااام ورحمة الله وبركاته

وش عندك ياناصر ادور الصعب

ياربع تراي غلطت المفروض اقول يامرحبا بس تراي عدلتها هذا مغير من الفرحه لاشفت احد طلبني في محاوره استانست


الله الله

يامرحبا عد الشجر وعداد حبات الطعوس = كبر البحور اللي عميقه والجبال الراسيه


ونكان في غرابيل العزيزه ريس ٍ يروس = نبا نرفع لجله علم ونعدم ناس ٍ ناسيه

[ناصر الجلاه]

..


ههههههههههه

انتي كفو للصعب ياشاعرتنا


لاو الله ألا ضيعت والحب جا فالحب سوس=تعوذي بالله من الوسواس والخناسيه

ياشاعرتنا فيه بعض الناس ناقصها دروس=وانا مدرس جيت لكن قربي كراسيه

[منيرة الحربي]

وش جاب طاري للغرام العلم لا تعكسه عكوس = يومك تجي فزاع اتقول انا قوين باسيه



جيب المعاني جيبها والدرب نمشيبه عسوس = ياللي تدمغ روس ولعها على عباسيه

[ناصر الجلاه]

..

آسف على التأخير ياذعاذيع

واستلمـــي :


مادام ( صح صح تي ) هنا ياشاعرتنا العيطموس=بأعلمك شعر الترف والرق والحساسيه

إن جات درس ومدرسه وإن جات قلعٍ فالضروس= ايه ازهلي ايه ازهلي عباس ابن فرناسيه

[منيرة الحربي]

انا ماني بنت الترف على الحرايب لي قاموس = لا كن خلك ياعضيدي لا تجيس امواسيه



ماشفت يوم ٍ النعامه راسها ينكس نكوس = والا انت ياناصر ياراعي البن والمحماسيه

[ناصر الجلاه]

..


ياسلاااااااام ياذعاذيع

استلمـــي :

حشاك يابنت الكرم العلم ماهو بمغموس=السالفه بقفولها من دونها حراسيه

خلي نعامتهم تحوس وفي مواقعهم تدوس=انا يشرفني نسل أهل الرمح والطاسيه

[منيرة الحربي]

اما وضح علمي ياناصر بردفه علم ٍ يقوس = يوم ٍ طلبنا من طلبنا والملاعب قاسيه


وش رايك ياعميل الخير فيه ابو وجهن عبوس = لو قالو منهو ذل يسلم لا يجي حواسيه

[ناصر الجلاه]

..


واضح ولكن مانبى حربٍ كما حرب البسوس=ويصير ناتجها كليب يموت من جساسيه

يهيب أنا ماعامله هذا عميلٍ للمجوس=انا عميلي بالنقا ومذعذعٍ نسناسيه

[منيرة الحربي]

وانا عميلي مثل ناصر لا طلع يغضب نفوس = ياعله يفداه الردي ولاش لو من ناسيه


طيبه ينومسني وابرفع هامتي يهل الناموس = والك التحيا كثر در ٍ بالبحر غطاسيه

[ناصر الجلاه]

..

ذعــاذيع ياشاعرتنا غدآ نكمل انا مشغول الآن

..

[منيرة الحربي]

اعتقد ان المحاوره اخذت كفايتها وكملت على كذا



ولا كن صح السانك ياناصر وانت استاذ شعر ومنك نستفيد



وتشرفت في اللعب معك ولنا لقاء انشالله


تحياتي لك ياعزيزي


واشكر كل من تابع هاذي المحاوره

[النوري]

ناصرالجلاه

ذعــاذيع نجد


الله الله
على زين المحاور
والقاف يشعل ناره


طابت مساعيكم

متابعين بعد غيبه يجبرنا الإبداع

وانا بصفك ياالحبيبه..

واصلوا..مبدعين

[منيرة الحربي]

هلا هلا والله هلا وغلا بعد وين الغيبه يالنوري تشرف متصفحنا في وجودك يالغاليه


عاش من شافك يالغاليه



وييييييين المحاوره انتهت يالنوري



بس نشوفج في المرات الثانيه ان شالله

[سعود السلمي]

الله الله أبداع مو غريب على ناصر الجلاه و ذعاذيع نجد

بس ليتكم سهلتو القاف شوي علشان تطول المحاوره نستمع اكثر .. يالله خيرها في غيرها


صحت اللسنتكم

[منيرة الحربي]

صح بدنك ياهاوي قصيد وانت راعي الجزاله والابداع



تشرفنا في مرورك لا عدمناك




تقبل تحياتي

[ناصر الجلاه]

..

آسف ياذعاذيع ردك الأخير شفته متأخر

لكن استلمــي :

وصح لسانك ولنا لقاء



حياك ربي يافتاة الجود فاليوم النحوس=عند الطلب كم من شنب يطيح وهٍو متواسيه

أليا رفعتي هامتك الطيب فالنفس مغروس=مطنوخ ابن مطنوخ والبلاسيه بلاسيه

[ناصر الجلاه]

..

النوري

..

صح بدنك ومرورك كريــم ورائع اسعدنا تصفحك

لاهنتي

..

[ناصر الجلاه]

..

هـــاوي قصيد اررررحب

..

صح بدنك وعاش من شافك مرورك جزل ورائع دائمآ

لاهنت يالغاااالي

..

[عمدة الشعار]

تسجيل إعجاب من الطرفين


صحت ألسنتكم

[الرائد33]

السلام عليكم

صحت الالسن ناصر وذعاذيع

محماسيه , كراسيه , باسيه , عباسيه , امواسيه , .........

لهجة بعض قبايل هذيل العريقه التي نزل بها القرآن مثل ( هلك عني سلطانيه)


تقديري

[عبد المجيد بن عريج]

إن جات درس ومدرسه وإن جات قلعٍ فالضروس
ايه ازهلي ايه ازهلـي عبـاس ابـن فرناسيـه



ههههههههههههههههههههههههه هههههههههههههه
ههههههههههههههههههههههههه هههههههههههه

البيت هذا 100 ضرب 100


صح لسانك ولاهنت يابعدي ولاتهون ذعاذيع