رااااكان مطلوب للعدام [الأرشيف]

معيوف الدوسري

23-09-2007, 03:28 AM

فالح المصعوك الغنّامي

23-09-2007, 05:46 AM

استلم بدون مقدمات

سلام تسليم من راسي وغنيبه...تسليم ما يلحقه شكه ولا ريبه...لاكن راكان مدري ويش اسويبه

والراس مرفوع والرايات مرفوعه

تعال يا راكان في الميدان= بشرشحك والنيه النيه
واناء اعرفنك شاعر بطران= لاكن اناء سلطه آلاهيه

الله الله الله يامعيوف هذا والله الكلااااااااام

ههههههههههههههههه صح لسانك صح لسانك

الله يعينك ياراكان وفي انتظارك وصح لسانك مقدما

راكان بن بدن السبيعي

23-09-2007, 06:58 AM

يالله صباح خير .... :36_1_50[1

حيّيت يامصخّر القيفان والمعنى
ماغيرك احدٍ على المحراف يدفعنا
أقولها واكثر الجمهور يسمعنا
الراس مرفوع والرايات مرفوعه

معيوف يابسم الله الرحمن=جيتك وأنا فالراس جنيّه

نصيحتي أنك تلعن الشيطان=وألا ابشر بشلفا وجنبيّه

**** شوق ****

23-09-2007, 07:08 AM

أقول : متى تركدون

حتى في رمضان تتهاوشون جنبيه ومدري ايش :مزون:

نبي نتابع نشوف وش نهاية الجنبيه بموت من ؟ :هاها:

صحت الألسن

راكان بن بدن السبيعي

23-09-2007, 07:19 AM

فالح الغنامي

مرحبابك مرورك نوماس

وصح بدنك مؤخراً

الله يعينّا على هالسلطه الإلهيّه >> أن قاله الله لأحطه سلطة مورتيدلاّ هههههههه >> لاتصدق يامشرشحنا تراني امزح !!

حيّاك للمرّه الثانيه يافالح

راكان بن بدن السبيعي

23-09-2007, 07:27 AM

معيوف الدوسري

23-09-2007, 04:03 PM

دام البقاء والشهاده منك مابيها..يالشاعر الي تسرحها تضويه..نصحت راكان لاكن رايحن فيها

والراس مرفوع والرايات مرفوعه

لاجيتنا يا صاحبي راكان= تكوى على راسك مية كيه

مانيب ابيها صفصفة قيفان=نارد بها والبنت مرعيه

معيوف الدوسري

23-09-2007, 04:09 PM

فالح الغنامي

مرحبا مليون ولاهنت على تواجدك الكريم وازهل راكان

معيوف الدوسري

23-09-2007, 04:13 PM

أقول : متى تركدون
ولى فيه امل اركد واناء اشوف راكان:11bomb: :11bomb:

حتى في رمضان تتهاوشون جنبيه ومدري ايش :مزون:

على ها الوضع من سنين؟؟ اما من ناحية جنيه معه جنيه ملعونة جد
نبي نتابع نشوف وش نهاية الجنبيه بموت من ؟ :هاها:
الجنيه ترجع من اصل مغربيه كاز بلنكا يا راكان هههه

صحت الألسن
والسانك يا شوق تواجدك يهمنا

راكان بن بدن السبيعي

23-09-2007, 04:17 PM

طيّب طيّب ياكابتن :

تدري وش المشكله يابيه يافندي
تبغى العشا فيّ وأنا فيك متغدي
كثر الحكي مايبيّح خافية سدي

الراس مرفوع والرايات مرفوعه

تابع مسلسل ( نمر ابن عدوان)=واترك مسلسل ( طاق طاقيّه )

معيوف مايخفاك ( ابن برمان )=يوم أن طيره صاد له ( حيّه )

معيوف الدوسري

23-09-2007, 04:24 PM

شوق

هلابك مليون

مرورك يسعدنا

أما من ناحية رمضان الله يشرفه لولا الله ثم هو وألا زنطت الدب برقبته

اصبحنا واصبح الملك لله من أولتها بيشرشح >> مادون الحلق ألا اليدين

حياك الله وابشري بالفلّه والضحك

والله يعينا على شاعر التحدّي

اشوفك اتمدح بتنزنطني

اليله بيجي فيها زحلطن يا مناحي
الوعد في الاستراحه اذا ما ماخنقت ما اكون الدب

معيوف الدوسري

23-09-2007, 04:41 PM

طيب طيب يا ابومحمد

المشكله صدق بين العرب والغربي ..اطلق شنب عربي يهينه الصربي..هاذي لاهانات والله يا رفيق دربي

والراس مرفوع والرايات مرفوعه

وانتة معا وضحى وابن عجلان=هواوي وتعشق هواويه
شفته ووصلت له على الذرعان= هاذا جزا الناس الحراميه

راكان بن بدن السبيعي

23-09-2007, 04:59 PM

ابن عدوان ماعاد بقى على الفطور ألا عشر دقايق استلم :

ياصاحبي لاتحوّلها سياسيّه
باقي التفاصيل تاتيلك ببرقيّه
ويّاك أنا حربنا من جد نفسيّه

والراس مرفوع والرايات مرفوعه

اشوف كنّك هدهد سليمان=تضوي بسرّك روحه وجيّه

كيف اطلب الماء واحدٍ ظميان=لو حصّل الماء همّل اوخيّه

معيوف الدوسري

23-09-2007, 05:18 PM

اسمع يا بن عجلان .... وين وضحى؟؟؟؟ هههه

راكان خايف يودونه على كوبا..ايحاول يعدل الموضوع بسلوبا..لاكن بتوبه في الماد ويتوبا

والى انت كنك ناقة عريمان= اليا بركت ماتقوم موليه
الملح ما هو لؤلؤ ومرجان=يا بعد هاذيه وهاذيه

سعود السلمي

23-09-2007, 07:53 PM

الله الله مبدعين

صح لسانك معيوف الدوسري

صح لسانك راكان السبيعي

منيرة الحربي

23-09-2007, 08:29 PM

الله الله الله هي من اولها اعدام الله يكفينا الشر

ولا كن انكم مبدعين صح السنكم

راكان السبيعي واكيد اني في صفه

ولا يهون اخوي معيوف الدوسري

معيوف الدوسري

23-09-2007, 08:44 PM

هاوي القصيد مرحبا مليون متابعتك شرف لي ولخوي راكان...

ذعاذيع نجد مشكوره على متابعتك الجميله

يزيد غلاك الي تغلين اخوي راكان وتجين في صفه

واحد منافق ههههههههههههههههه

سـعـد الحويماني

23-09-2007, 08:46 PM

السلام عليكم ..

صحت السنتكم جميع ..في صف كابتن الفريق (علشان يحطني اساسي)
معليش راكان :)

متابع

معيوف الدوسري

23-09-2007, 09:05 PM

ارررحب يا سعد مدامك في صفي عز الله انه راح فيها راكان ازهل ابن بدن

اليل اليل اليل يا راكان تراه ينتضرني في الاستراحه واناء ارد عليه بقهره

**** شوق ****

23-09-2007, 11:34 PM

<<< تحب المحاوره من هالنوع :11umbup:

ياسلااااام عليكم بدايــه ممتعـه

<<<< مهيب بصف أحد محايــده :wink:

معيوف الدوسري

24-09-2007, 02:47 AM

يا شوووق مرحبا مافيه محايده يا معي يا مع خصمي اللدود الي اكرهه كره

ما عندنا يا شووق فيه محايد= يما معي والى معا القوماني
ون قاله الله يالجمال الزايد=اني لمرمط صاحبي راكاني
شاعر ومتحدي واعكس السايد=والعب على كيفي على قيفاني

راكان بن بدن السبيعي

25-09-2007, 06:27 AM

طيّب طيّب حطيتني في كوبا مع الأبطال والله الشرف :

سلّم على غونتنامو يا بعد حيّي
مايسجَن بداخله غير الشلي زيّي
وألا أنت لا قلت روّح يمّه تعيّي

الراس مطنوخ والرايات مرفوعه

ابك أنت اشوفك تضرب الجيلان=شمس الضحى ماتشبه الفيّه

اذبحْك ذبحة نمر للسّلمان=وعندي حصانه دبلوماسيّه

راكان بن بدن السبيعي

25-09-2007, 06:36 AM

ما عندنا يا شووق فيه محايد=يما معي والى معا القومانـي

ون قاله الله يالجمـال الزايـد=اني لمرمط صاحبي راكانـي

شاعر ومتحدي واعكس السايد=والعب على كيفي على قيفاني

ههههههههههههههههههه المشكله انك تعكس السايد :

خل الحكي عنّك وذبّ النايد=لنّك رفيقي واعَرفك شفقاني

ياجندي الشعّار جيتك رايد=بمرمطك في ساحة الميداني

اشوف وزنك يالدبيبه زايد=ماكنّك ألا فـَهد الحيّاني

راكان بن بدن السبيعي

25-09-2007, 07:24 AM

ذعاذيع نجد :

صح بدنك وهلابك

شدّي الصف وازهلي الدوسري ، أن قاله الله لأكسّره هنا قبل لايروح لجبل علي في الإمارات واحرمه من مسابقة قصيدة التحدّي

سعد الحويماني :

صح بدنك وياهلابك يابوحسن

ابرك الساعات لاجيت في صف معيوف ، ماللتماسيح عندي مكان

وتراه يلعب عليك لاهوب كابتن ولاشي ، لا لعبنا يروح يجيب الكوره لاطاحت في الإستراحه اللي جنبنا .

شوق :

صح بدنك وهلابك

تحبين هالنوعيه من المحاورات >> مشكلجيّه

وابرك لك تكونين محايده

منيرة الحربي

25-09-2007, 07:57 AM

ياسلااااام عليكم ولازت في صف السبيعي الله الله

معيوف الدوسري

25-09-2007, 12:40 PM

طيب طيب يكفيى شررف لتاريخ اخوك عبدالهادي ابن بدن احد لابطال الي رجع بسلامة الله

وش لون اسلم واناء رجال عند ابلي ..تبغى معيوف يتوهق حيل يالخبلي..ان كان بك خير رح يا شيخنا (شبلي)

والراس شواش والرايات مرفوعه

مانيب راكد واطمر الجرفان= واطى على الداب وعلى الحيه
النمر والسلمان جاو اخوان=على القنوات الفضائيه

معيوف الدوسري

25-09-2007, 12:49 PM

وتراه يلعب عليك لاهوب كابتن ولاشي ، لا لعبنا يروح يجيب الكوره لاطاحت في الإستراحه اللي جنبنا .

حلوووه يا رايد قسم بالله ضحكت منها ومن فهد الحياني يع فهد عاد

سامحك الله ,,,وبعدين الي معه التماسيح ما يخاف عليه لاحتما الميقاف

والله ما يسرنك السحليات واناء معيوف اليل اليل

قلبت عليك يا راكان هههه

معيوف الدوسري

25-09-2007, 01:00 PM

ذعاذيع نجد حياس اهم شي متابعتك

راكان بن بدن السبيعي

25-09-2007, 03:43 PM

:11bomb: افااا نمر ماذبح السلمان ياحيف على الرجال >> ماشفت حلقة البارح !!
شفت اللي قبلها يوم يطفي نمر ضوّه ويقول والله ما ولّع الغليون لين اغز رمحي في صدر السلمان >> وش عقب هالحكي ألا أنه يذبحه >> بس على قولتهم المخرج عاوز كداا

وأنت عارفٍ شغلي اللي ردّني من متابعة حلقة البارح يالشبلي:11rob:

راكان بن بدن السبيعي

25-09-2007, 04:21 PM

أنت بدوي بس شكلك ماهو بيوحي
يكفيني انك إلى هالحين طحطوحي
لا يا بعد قلبي ولا يا بعد روحي:gun_rifle
الراس مرفوع والرايات مرفوعه

من لايثبّت هرجه البرهان=عقب الحساني يكسب السيّه

أن قاله الله والوعد > غسّان=أليا قضبنا الدرب طرقيّه

راكان بن بدن السبيعي

25-09-2007, 04:34 PM

ذعاذيع نجد

صح بدنك وهلابك

معيوف الدوسري

26-09-2007, 11:35 PM

جهز المنتدا ولا ل

معيوف الدوسري

26-09-2007, 11:41 PM

حلو حلو استلم يا الرايد راكان عساه يفداك الاش

الى بدوي غصب عنك صوتن وصوره..وانت تعرفني واناء معيوف اخو نوره..اهجد قبل لاتولع فوق الثوره

والراس مرفوع والرايات مرفوعه

حنا نعدل ميلة الميزان= الدار يا راكان محميه
شهادتي جتني من الشيخان= والى انت جتك من الحساويه

راكان بن بدن السبيعي

27-09-2007, 02:57 AM

ياللي تعزوى با أخو نوره وأخو ساره:039:
خل البــداوه نهــار الحرب والغـاره:rocket:

اليوم مالك سوى الكيبورد والفـاره :11_horror

الراس مرفوع والرايات مرفوعه:11ap:

ماقلت لك مانطلب الطفران=اللي رصيده ماوصل ميّه

أنا رصيدي دايمٍ مليان=والعب معك حرب إقتصاديّه

معيوف الدوسري

28-09-2007, 03:30 AM

العولمه العبت في القرم راكاني..الي ماله ماضيٍ حاضره مجاني.. انته سبيعي لاصل والى انت لبناني

والراس مرفوع والرايات مرفوعه

لا تزعل وساسك من السبعان= لاكن حمارك فيه ماريه
ماقول لك تاجر والى فقران= اقرب وناري دايمٍ حيه

عبدالرحمن بن عمير بن حميد

28-09-2007, 04:13 AM

الله الله

شعراء من الوزن الثقيل

صح الله السنتكم جميعاً ولاهنتم

تحيتي لكم

معيوف الدوسري

28-09-2007, 04:17 PM

عبد الرحمن ابن عمير حياك الله يا ذيبان

حضورك يهمنا طال عمرك

راكان بن بدن السبيعي

29-09-2007, 09:11 PM

أنا احمد اللي خلقني كايد وفارق
اقطع يدين الحرامي والجم السارق
ماهمّني لو برق في غيمتك بارق
الراس مرفوع والرايات مرفوعه

يعلم بي الواحد عظيم الشان=صيدي من ايدي ما آكل النيّه

قد قيل راس الضبي ياكحيلان=مايسمن النفس الغناويّه

معيوف الدوسري

30-09-2007, 03:22 AM

ماني مفارق ولانت بفارق وريح..واعرفك منته ردي لاكنك اصحيح.. ون عدت كلمتك لاخرى دمك يسيح

والراس مرفوع والرايات مرفوعه

مداح نفسه صادقٍ يا فلان= اقولها ميه على ميه
قلها لخوك امطيع مع مشعان= محتاج لدروس ٍ خصوصيه

راكان بن بدن السبيعي

04-10-2007, 01:41 PM

عيدك مبارك مقدماً وشدّ حيلك في الأمسيات :

معيوف شاعر ولكن ماهو بحولي
هاوي قصيد ورفيقه محترف دولي
يضيع علمه ليا منّه شبَح زولي
الراس مرفوع والرايات مرفوعه

مانيب احب امّازح القشران=بخلّي الأوضاع رسميّه

العيد هذا يالله الغفران=خامسه أشوفك فالنعيريّه

غزلان بنت البدو

04-10-2007, 02:04 PM

صحت السنكم ياشعار

مع تحياتي لكم

وكل عام وانتم بخير

راكان بن بدن السبيعي

04-10-2007, 02:15 PM

عبدالرحمن عمير

هلابك وحيّاك الله

تروح وترجع بالسلامه >> بلّغ سلامي لبحر جدّه

راكان بن بدن السبيعي

04-10-2007, 02:21 PM

غزلان بنت البدو

صح بدنك

وحيّاك الله

وكل عام وأنتي بخير

معيوف الدوسري

04-10-2007, 04:27 PM

وانت من عواده حبيبي ونتقابل ان شاء الله قبله وشلونك من صخونتك اجر ان شاء الله

اشوف جاي معي رسمي كارشك كارشك. شكله اسم عطر ههه

اي والله الي صراحه ماني بحوالك \ اجاملك لاكن الله مجمل فعولك\العب على حضرتك وسجل بقولك

والراس مرفوع والرايات مرفوعه

انته تحب اتمازح الغزلان= اشوف قلبك فيه حنيه
مافيه رسميه وانا كحيلان=العيد بزكي بعيديه

راكان بن بدن السبيعي

04-10-2007, 08:14 PM

الحمد لله أنا مرتاح متعافي
هذا بفضل الإله الرازق الشافي
ماهيب منّك ولو هي منْك ياكافي
الراس مرفوع والرايات مرفوعه

كلن بطبعه ينظر العربان=الصيد له حارس ومحميّه

قلبك خضر لكنْ فيه اعنان=ماهوب متعدّي حراويّه

معيوف الدوسري

06-10-2007, 12:16 AM

راكان شكلي كررت كحيلان ,,, بدالها ذيبان علم

معيوف الدوسري

06-10-2007, 12:31 AM

الحمد لله انك تعافيت ادعي لك في صلاة التراويح وانت ماتبي دعاي

استلم يا كحيلان

انته تنطط علامك كن بك حاجه== الشعر سبك وحبك وافكار ومواجه== لاكن راكان اخويه مابغي احراجه

والراس مرفوع والرايات مرفوعه

ماهي على فرعون يا هامان==ياهيه يالناس الحبنتيه
الوون الاخضر خيرت الا لوان== دامه شعار لسعوديه

عمدة الشعار

06-10-2007, 09:06 PM

محاورة ولا أروع

صحت ألسنتكم وأنا متابع لكم عن بعد

ودمتم

راكان بن بدن السبيعي

07-10-2007, 08:57 PM

والله مدري عن دعاك

استلم :

أنا بلايه من اللي شفت بعيوني
احسبْك صاحي ماكنت احسبْك مجنوني
الحجز فشهار متأكد ومضموني
الراس مرفوع والرايات مرفوعه

أنته تعرْف الزود والنقصان=لكن بك خصله ( __ )

ياصاحبي ماتوفي الديّان=دايم ولك نيّات ملويّه

اللي بين الأقواس جتك على الجوال

راكان بن بدن السبيعي

07-10-2007, 09:05 PM

أبو سيم

مرحبا والله ومسهلا

صح بدنك عني وعن معيوف

ونبيك تتابع عن قرب مهوب عن بعد يالقرم

وجودك نوماس

معيوف الدوسري

10-10-2007, 04:01 PM

الله الله شهار مره وحده...الحريق

وبعدين ما جاني شي في الجوال

ما شفت غير الشحم والطيب والدله..يا الصاحب الي علينا خارب ٍ دله..يا ناس يا ضايعه به ناس مندله

والراس شواش والرايات مرفوعه

يا شينها لا فضحك في البدوان= واقول كلمتك ازدواجيه
اليا وقفنا كل شي ٍ زان =روح يا ابو غتره وطاقيه

ناصر السبيعي

12-11-2007, 04:29 AM

معيوف*****راكان

ومحاوره ماراثونيه صاخبه خخخخخخخخخخ

الله يسعدكم رائعين,,,

راكان بن بدن السبيعي

16-11-2007, 02:51 PM

يالله سترك يارب الكون ياكافي
الرد وافي ولكن ماهو بكافي
أن طعت شوري تريّح واشرب الكافي

الراس مرفوع والرايات مرفوعه

أنته وأنا ياصاحبي سيّان=لاتخطّط لحرب انتحاريّه
كلمه ولكن جات لك مجان=لاهيب لا سلفه وعاريّه

راكان بن بدن السبيعي

16-11-2007, 02:57 PM

ناصر السبيعي

مرحبا مليون

شاعر قدير مثلك يشرفنا متابعته

لك فائق التقدير

**** شوق ****

16-11-2007, 05:36 PM

راكان + معيوف = ثنائي ممتع

<<<< متابعه عن بعــد خوف يجيها منهم تكفيخ :مزون: