@@ اسـتلمي يا أميرة القوافــى @@

[محمد السليس]

هاذي مجاراتى البسيطه والمتواضعه للشاعره القديره اميرة القوافي

http://www.sfsaleh.com/vb/forum8/thread108718.html#post1661895
وان شاء الله تنال الرضي والقبول والاستحسان





هاضتنى حروف ٍ لصافي الجبينا = فيها مطاليب وعليها مواجيب
جتنا وحنا للمجى ما احتسينا =وكم صدفة ٍ خير ٍ من الفين ترتيب
وحنا لياجات اللوازم بدينا = وقمنا مقام ٍ يشبع الطير والذيب
ناقف ونبذل كل مافي يدينا = من غير مشروه ٍ ولوم ٍ وتثريب
اما لــحّق اللى نصانا خذينا = والا قطعنا طاري الشك والريب
نخاف احد ينقد ويشره علينا =من النشاما والبنات الرعابيب
والشعر له غبه وشاطي ومينا = بحر ٍ تلاطم موجه مخيف ومهيب
احدٍ لياغاصه يجيب الثمينا = واحد ٍ لياغاصه يجيب العذاريب
وانتى من افضل من لشعره قرينا = جزاله ومعنى وحكمه وأساليب
واللى وطاك من الزمن قد وطينا = قدام لافي روسنا يطلع الشيب
ياما من الدنيا مقالب كلينا = لكنها تحسب علينا تجاريب
وللى كلينا .. ابشرك مانسينا = منها خذينا حسن سيره وتأديب
ياما خذت منا وياما عطينا = وياليتها باللى خذت تقدر تثيب
والناس لو في قربها مارضينا =ملزوم نرضي بالقدر والمكاتيب
لو بالقلوب وماتخفي درينا = ماكان صار ألنا معارف واصاحيب
ياما من ألسنة العباد انكوينــا= وياما شذبونا شاذبين العراقيب
لكن على سلم الاوائل بقينا = ندمح خطا المخطي ونجزاه بالطيب
والله على درب الصواب يهدينا = قدام احدنا يخطى الدرب ويصيب
قمنا نعيب الوقت والعيب فينا = ونعلق الشرهه بروس المراقيب
والصبر مفتاح الفرج فالسنينا = ومن لاصبر مانال طيب ٍ ولاصيب
هذا يا أميره واسلمى واعذرينا = وعسا المطالب وافيات المواجيب

وسلامتكم والعذر على القصور

[معيوف الدوسري]

1


حجز ملكي يا ابو علي

[محمد الجبريني]

صح السااانك

استاذي
وحنـا لياجـات اللـوازم بدينـا
وقمنا مقام ٍ يشبع الطير والذيـب
ناقف ونبـذل كـل مافـي يدينـا
من غير مشروه ٍ ولوم ٍ وتثريـب
كفوووووو
الله يهديك يامعيوووف
هههههههههه ذلحين وش منقزك
قدااامي لاعاد تعود\ها
ولاهنت اتشرف بأستقبالها

[معيوف الدوسري]

هاذي مجاراتى البسيطه والمتواضعه للشاعره القديره اميرة القوافي

http://www.sfsaleh.com/vb/forum8/thread108718.html#post1661895
وان شاء الله تنال الرضي والقبول والاستحسان





هاضتنى حروف ٍ لصافي الجبينا = فيها مطاليب وعليها مواجيب
جتنا وحنا للمجى ما احتسينا =وكم صدفة ٍ خير ٍ من الفين ترتيب
وحنا لياجات اللوازم بدينا = وقمنا مقام ٍ يشبع الطير والذيب
ناقف ونبذل كل مافي يدينا = من غير مشروه ٍ ولوم ٍ وتثريب
اما لــحّق اللى نصانا خذينا = والا قطعنا طاري الشك والريب
نخاف احد ينقد ويشره علينا =من النشاما والبنات الرعابيب
والشعر له غبه وشاطي ومينا = بحر ٍ تلاطم موجه مخيف ومهيب
احدٍ لياغاصه يجيب الثمينا = واحد ٍ لياغاصه يجيب العذاريب
وانتى من افضل من لشعره قرينا = جزاله ومعنى وحكمه وأساليب
واللى وطاك من الزمن قد وطينا = قدام لافي روسنا يطلع الشيب
ياما من الدنيا مقالب كلينا = لكنها تحسب علينا تجاريب
وللى كلينا .. ابشرك مانسينا = منها خذينا حسن سيره وتأديب
ياما خذت منا وياما عطينا = وياليتها باللى خذت تقدر تثيب
والناس لو في قربها مارضينا =ملزوم نرضي بالقدر والمكاتيب
لو بالقلوب وماتخفي درينا = ماكان صار ألنا معارف واصاحيب
ياما من ألسنة العباد انكوينــا= وياما شذبونا شاذبين العراقيب
لكن على سلم الاوائل بقينا = ندمح خطا المخطي ونجزاه بالطيب
والله على درب الصواب يهدينا = قدام احدنا يخطى الدرب ويصيب
قمنا نعيب الوقت والعيب فينا = ونعلق الشرهه بروس المراقيب
والصبر مفتاح الفرج فالسنينا = ومن لاصبر مانال طيب ٍ ولاصيب
هذا يا أميره واسلمى واعذرينا = وعسا المطالب وافيات المواجيب

وسلامتكم والعذر على القصور


ابو علي في راس ابوي انك ابدعت بالرد

مبدع وجزل وقرم ويشهد الله على حبك

صراحه مجاراه من الطراز الثقيل
وكفو يا ابوعلي
وعز الله ان اميره ابدعت بعد
حب لي خشمك يا كحيلان

[معيوف الدوسري]

ارحب يا محمد ما عليك تعدي طال عمرك والمعذره
لاكن ابهرني ابو علي برده الي احتريه من البارح
محمد قبل انساء الشهر عليك مبارك

[سـعـد الحويماني]

ابو علي


لا يستغرب منك هذا الابداع يا عزيزي ...

مبروك الشهر وشوي شوي على اللقيمات

صح كلك

[صلاح الأحمدي]

.
.


ماشاء الله

ابدعت يبو علي وما قصرت

مجاراة رائعة يسلم كلك


شاعرنا العذب

محمد السليس


صح لسانك وقلبك

مدد بلا عدد

يعطيك الف عافية

تحيتي لكـ

.
.

[النوري]

محمد السليس


مانتب سهل؟



رد وافي...من وافي

لكن وش السالفه< محاوره غير

تقبل مروري..والعذر

[ماجد]

محمد السليس

كفو الله

ابيات جزله وثقيله

صح لساااانك وعطر الله قبر من جابك

دمت بخير

نبضـ الشمااالـــــ

[خيالات الشعر]

محمد السليس


صح السانك مليار في مليار


ابيات جزله من شاعر جزل


تقبل تقديري واحترامي

[مهدي بن مسفر الحبابي]

أخوي محمد السليس

كل عام وانت بالف خير

صح لسانك واعتلا شانك

صوت وصدى ولا اروع

لك فائق احترامي وتقديري

[فالح المصعوك الغنّامي]

اخوي محمد السليس

عزالله انك كفيت ووفيت

رد واااافي من راسٍ وافي

صح لساااانك حتى انك ترضى

[احمد مناحي]

محمد السليس

هلا بك وغلا

صح الله لسانك وطال عمرك

وش اقول يالسليس

ماهي غريبه فلا يستغرب الابداع من موطنه

شاعر من الطراز النادر ...

رائع في كل حالاتك ومبدع في كل اغراض الشعر

تقبل مروري

[محمد السليس]

1


حجز ملكي يا ابو علي

حجزك تاج على الراس

[محمد السليس]

صح السااانك

استاذي
وحنـا لياجـات اللـوازم بدينـا
وقمنا مقام ٍ يشبع الطير والذيـب
ناقف ونبـذل كـل مافـي يدينـا
من غير مشروه ٍ ولوم ٍ وتثريـب
كفوووووو
الله يهديك يامعيوووف
هههههههههه ذلحين وش منقزك
قدااامي لاعاد تعود\ها
ولاهنت اتشرف بأستقبالها



اخى العزيز والغالى محمد الجريني


ماعليك زوود يالقرم


وصح بدنك ولاهنت والله

وعساانى ماخلا ولاعدم

[بنت البحــرين]

جااريت بقوه,,

ابدعت وابدعت,,

وفقتكم ,,

تحيتي..

[أبوعبدالرحمن]

وافية من شاعر كبير


صح قلبك وكلك


وسلمت اناملك يابوعلي


تحيتي لك

[أمل عبدالعزيز]

,
,

المبدع ( محمد السليس )..

ماشاء الله عليك
مبدع في كل أحوالك
ومجاراة ولا أروع
الله لايضرك يالذيب
وصح قلبك وكلك
لك أعذب تحية.

.

[الدندووووونه]

محمد السليس

صـــح لسااانك وعلا شاانك..

قصيده رائعه..

وافيه وبيّض الله وجهك..

تحيتي..

[** عذبة النوح **]

,

,

الشاعر جزل المشاعر

محمد السليس

صح لسانك ما تكفي لذلك مانيب قايلتها وما اقول الا لله درك

مجاراة فريده وسرعة بديهه الله لا يضرك

احسنت واحسنت اميرة القوافي صفحتين من الفضه

كتب عليهما بماء الذهب كلمات رنانه ومعاني فتانه

مروري بهذه الشامخه جاء متأخر بسبب غيابي والعتب على الضروف

والشكر لمن اعادها لتنير الصفحه الاولى

اتمنى ان لايطول غيابك اخي الكريم محمد فنحن متلهفون لمثل هذا الجمال

تقبل مروري وخالص تحيتي .

[ناصر مطلق البقمي]

محمد السليس
.
مبددددددع راقي ووافي
صح لسانك الين ترضى ولاهنت
ياخي قصيدك غير يا ابو علي
.
تقبل تحيتي وتقديري