كل عام و غرابيل و عربها بخير

[شلعان الدوسري]

بسم الله الرحمن الرحيم

السلام عليكم و رحمة الله و بركاته

و الله يحيي أقرب شاعر



كل عام و غرابيل و عربها بخير = بلغ الله ربوع الطيب شهر الصيام
الحمول الثقيله مالها الا البعير = ودنا ودنا نمشي بحسب النظام

[الرااااااسي]

وعليكم السلام ورحمة الله وبركاته

وصح لسانك يا شلعان مبدع

والنوم قريب والا كان رديت عليك

ننتظر قبيلك

[عمدة الشعار]

بسم الله الرحمن الرحيم

السلام عليكم و رحمة الله و بركاته

و الله يحيي أقرب شاعر



كل عام و غرابيل و عربها بخير = بلغ الله ربوع الطيب شهر الصيام
الحمول الثقيله مالها الا البعير = ودنا ودنا نمشي بحسب النظام

وعليكم السلام.. وعسى أن نستفيد منكم

استلم


الله انه يبلغنا صيام الهجير = والله انه يبارك فيك في كل عام
وابشر اني معك بيديّ سيفٍ شطير = كانها بالنظام وكانها بالزحام

[شلعان الدوسري]

أشهد أنك كفو لا جاء النهار العسير = خصمكم دوم يا بو سيم قسمه حطام
و دنا يا عميل الخير بدري نسير = ثم نحتل ديرة بوش راع الظلام

[عمدة الشعار]

أشهد أنك كفو لا جاء النهار العسير = خصمكم دوم يا بو سيم قسمه حطام
و دنا يا عميل الخير بدري نسير = ثم نحتل ديرة بوش راع الظلام


ماعلى الطيبين امثالكم زود مير = شبها يوم صار الوضع فيه احتدام
يابن زايد ترى الديبان في وسط بير = لا نحرم حلال ولا نحلل حرام

[شلعان الدوسري]

كان شبيتها وضعك يا صاحي خطير = و السلامه يا بن لجواد ما من سلام
الجمل ما عليه من الحيايا يسير = و من وطا فوق راسه طاح ما عاد قام

[عمدة الشعار]

كان شبيتها وضعك يا صاحي خطير = و السلامه يا بن لجواد ما من سلام
الجمل ما عليه من الحيايا يسير = و من وطا فوق راسه طاح ما عاد قام


لا طلبنا سلام ولا هقيتك تجير = والحرار ان بدت ماهي سوات الحمام
الجمل ما يبرق في نهيق الحمير = ولا علينا ملام ولا عليكم ملام

[شلعان الدوسري]

يابو سيم اذكر الله يا الشلي و استخير = الشياهين ما تشبه طيور النعام
مشينك يا الرغا لا جيت عقب الهدير = ما اتهمناك و انته لا تجيب اتهام