مافات شي وكل مطرود ملحوق يالشمري

[سياف العتيبي]

من هاجس ٍ فالشعر صايل وجايل=جات المثايل يامحب المثايل
والعلم مابين اهل نجد ٍ وحايل=مافات شي وكل مطرود ملحوق



ياسلامي سلام ٍ يشمل المسلمين=ردة ٍ تشرح الخاطر ونلها بها



يالشمري وصلت لنقطة تأهب=الليل لايسري تزهب تزهب
واسمك ترى مابين الاسماء مذهب=مافات شي وكل مطرود ملحوق



انت رجل ٍ تجيب العلم دايم وزين=والهقاوي تغربل من تهقوابها

[سياف العتيبي]

يابو حسام ( عبدالرزاق الشمري )

ان كان مالقيتني الحين القابله لاحقين خير

فمان الله

[عبدالرزاق الشمري]

من هاجس ٍ بالشعر بالحيل طربان = جات المثايل كلها اشكال وألوان = وشمر تحرى العلم منكم ياعتبان = مافات شي وكل مطرود
ياهلا مرحبابك يالرفيق الفطين = ماحلا ردة ٍ ياذيب تبدى بها

أنا متأهب كل يوم ٍ وليله = واصبر على الطرقه ولوهي طويله = قدها ونشفي كل كبد ٍ عليله = مافات شي وكل مطرود ملحوق
علمنا ياعميل الخير دايم ثمين = والرديّه تنقّص كل من جابها

[سعود السلمي]

صح لسانك سياف العتيبي

صح لسانك عبد الرزاق الشمري

متابع لكم ’’

[نـواف الشمــري]

يا سلام يا سلام






جزال











متابعين

[سياف العتيبي]

والنعم في شمر ملايين ياخوك=والعلم عانه يابن الاجواد فالبوك=وبيبانه الاثنين فاتح ومصكوك=مافات شي وكل مطرود ملحوق


البقا يالمرحب مير خلك ذهين=ودنية العبد فوقه تضرس انيابها


انته تأهب كل يوم ٍ ولكن=لاجاك وقت العلم اظنك تماكن=يوم السيوف الحدب قدمك تحاكن=مافات شي وكل مطرود ملحوق


خابرك مير انا بشوف دربك منين=والرديه لاهلها ماضرينا بها

[سياف العتيبي]

هاوي قصيد

نواف الشمري

صحت ابدانكم وبيض الله وجيهكم


على هالمرور الكريم

لاهنتم

[عبدالرزاق الشمري]

عساك تسلم ماعليكم ترى زود = والليله الليله نبي منك مجهود = والدرب الآخر عنك ياذيب مسدود = مافات شي وكل مطرود ملحوق


صاحبك يالعتيبي قاسي ٍ مايلين = يوم بعض الأوادم تفلت أعصابها

أنا ترى دون حالي على طول = وانته تحاول تخلط السم بالفول = يحول ياسياف يحول يحول = مافات شي وكل مطرود ملحوق

دربنا ياعميل الخير دايم يمين = والمواقف ترانا نحسب حسابها

[سياف العتيبي]

يالصاحب اللي فالملاعب نشوفه=ويش المكاسب عقب هاك الكلوفة=اللي مشى مثلك يحسب بألوفه=مافات شي وكل مطرود ملحوق


شوف غيرك ظهر وانته هنيا رهين=قبل لاتتلف اعصابك وتبلا بها



امشي على وضح النقا مااتدسس=وادرس العالم وحتى المدرس=عساك يالمطنوخ عقبه تونّس=مافات شي وكل مطرود ملحوق


العلوم الكثيرة بالمواقف تبين=المناهج ندرسها لطلابها

[عبدالرزاق الشمري]

حنا كسبنا عرف بعض الرياجيل = يوم ان بعض الناس مامن محاصيل = غير الشتم والذم والقال والقيل = مافات شي وكل مطرود ملحوق

من ظهر ماحسدته والله انه يعين = دون حالي وبعض الناس يسرى بها

مابك قصور ٍ يالعتيبي وممنون = واللي تدسس ماحصل له ولا لون = يعيش عمره تايه الفكر مغبون = مافات شي وكل مطرود ملحوق

يالمدرس ترى الطلاب متفوقين = قبل درسك وقيفان ٍ تغنى بها

[خالد بن ناصر العتيبي]

الله الله

صحت ألسنتكم

شعار بمعنى الكلام


طرق جميل


ومبدعين

[عبدالرزاق الشمري]

الله الله

صحت ألسنتكم

شعار بمعنى الكلام


طرق جميل


ومبدعين


صح بدنك أخوي خالد
والله لايهينك ولايصغرك