تعـــــــــــــــــال ياسيــــاف البحـــر وش قيســــه %%%

[ناصر الجلاه]

..


شفتك موجود وحبيت

اتعلم منك يابن العم

أستلـــــم :


سلام يأهل الدين . من هاجسٍ عراف=من هاجسٍ عراف . دقت نعاطيسه

الزين كب الشين . تعال ياسياف= تعال ياسياف . البحر وش قيسه





..

.

[سياف العتيبي]

يامرحبا واهلين ,ياللي دبلت القاف=ياللي دبلت القاف, اطلع تضاريسه
البحر شال اثنين, يابادي المحراف=يابادي المحراف, احذر دواعيسه

[ناصر الجلاه]

.
.


ألك البقا فألحين . وخلاف ماش خلاف=وخلاف ماش خلاف . لوفيه تغريسه

مروين ابوحدين . بارباع وألا انصاف=برباع وألا انصاف . في حامي وطيسه

[الرااااااسي]

الله الله

صحت السنتكم يا شعراء

[سعود السلمي]

صح لسانك يا ناصر كلام ماهو غريب على شاعر مثلك

صح لسانك يا سياف تابعت لك محاورات قبل كذا مدرسة شعر مشاء الله عليك

[فتال]

الله الله

ياسلام

محاوره قويه

متابعين وعساكم على القوه

[محمد الدهمشي]

صح لسان الشاعرين

[سياف العتيبي]

خابرك علمك زين, والطيب بك ينشاف=والطيب بك ينشاف, ماهو بتلبيسه
لاقاموا القسمين, القلب منهم خاف=القلب منهم خاف, وكثرت هواجيسه

[سياف العتيبي]

الراسي

صح بدنك

لاهنت

[سياف العتيبي]

هاوي قصيد

صح بدنك مشكور شهادتك هذي وسام على صدر مبتدي


لاهنت

[سياف العتيبي]

فتال

صح بدنك

لاهنت

..................


ابو راشد

صح بدنك

لاهنت

[ناصر الجلاه]

..


تلعب معي بيتين . ياشاعرٍ صراف=ياشاعرٍ صراف . كثرت عواسيسه

لاتخاف وأنت ذهين . اشرف مع المشراف=ترى هذا المشراف . هبت نسانيسه

[سياف العتيبي]

دربك سرىبك وين, ياصاحب المغراف=ياصاحب المغراف, احسب لواحيسه
انشد به الدارين, ماجاك علم ٍ لاف=ماجاك علم ٍ لاف, يمشي به ابليسه

[سياف العتيبي]

الشاعر ناصر الجلاه اللعب معك مكسب

وانا والله اني مشغول وودي باللعب معك ان كانك تبي تنهيها والا كملتها بكره

فمان الله

[ناصر الجلاه]

.

.

آمنك الله ياسياف وترى ماهي اجباريه وأنا أخوك

نتسلا ونتشرف مع اللعب مع شرواك

سعدت باللعب معك ويجمعنا قاف ثاني على خير

مودتي

.

.