كيفية الشراء من موقع فراولة نت لمنتجات التجميل العالمية

[أسواق]

ازيكم يا بنات انا بكتب الموضوع ده علشان احكيلكم عن تجربتي في شراء منتجات تجميل من النت
هحكي لكم تجربتي بالتفصيل وأوضح ازاي تشتروا من أى موقع على النت

أحب أقولك شوية نصايح لازم الكل ياخد باله منها
أولا: لازم تتأكدي من ان الموقع اللى هتشتري منه موقع كبير وموثوق وليه سمعة ومتجرب من كذا حد مش تروحي تشتري من موقع لسه طالع جديد ومتلاقيش حد يعرفه أو جربه (موقع ستروبيري مثلا اعرف ناس كتير جربته وكمان في وسائل أمان كتير بالنسبة لمعلومات الفيزا)

ثانيا: يفضل تشتري من الموقع اللى بيعمل عروض وخصومات وتتأكدي ان الاسعار مخفضة عشان مش بعد لما تشتري وتلاقيه في حته تانية أرخص تزعلي وتقوللي ياريتني
ثالثا بقى: الشراء من النت للناس اللي مغرمة بالطريقة دي لأنها ليها رونقها وادمان لبعض الناس زيي مثلا http://files.fatakat.com/smilies2012/smiley-smile.gif (http://files.fatakat.com/smilies2012/smiley-smile.gif)http://files.fatakat.com/smilies2012/smiley-smile.gif (http://files.fatakat.com/smilies2012/smiley-smile.gif)
يعني لو انتي من النوع اللى عنده وقت ينزل ويشتري ويلف يبقى بلاش تتبعي الطريقة دي
رابعا: الناس الكتير اللى بعتت تسألني على المنتجات اللى أنا جبتها بالتحديد، يا جماعة المنتجات كتير جدا يعني لازم كل واحدة تدخل وتدور على اللى يناسبها لأن مش دايما اللى هيعجبني هيعجبك اختاري انتي لنفسك اللى يعجبك ويناسب امكانياتك واحتياجاتك كمان

الملاحظة الأخيرة بقى لازم لو هتشتري من النت يكون معاكي فيزا أو ماستر والافضل من الاثنين فيزا الانترنت ودي مخصصة بس لما تكوني هتشتري من موقع على النت ومش بتستخدم في أى حاجه تانية وبتطلع من أى بنك وبتشحنيها بالمبلغ اللى يعجبك




بما ان موقع فراولة نت هو اللى أنا اشتريت منه المنتجات دي، أنا هشرح لكم عليه ازاي نشتري منه وهنطبق نفس الطريقة مع أى موقع تاني لأن هي هي نفس الخطوات متشابهة الى حد كبير في غالبية مواقع الشراء من النت





يالالا نبدأ بسم الله





أول حاجه هندخل الصفحة الرئيسية:


هنا (http://arabic.strawberrynet.com/main.aspx)




http://files2.fatakat.com/2013/6/13710623449267.jpg (http://files2.fatakat.com/2013/6/13710623449267.jpg)




الأول عايزين نغير السعر بدل ما يبقى بالدولار يبقى المصري عشان نعرف سعر المنتجات بالمصري طيب هنعمل ايه ؟؟ هندوس على اختر البلد اللى متعلم عليها هنلاقي الصفحة دي جت لنا



http://files2.fatakat.com/2013/6/13710625677329.jpg (http://files2.fatakat.com/2013/6/13710625677329.jpg)



طبعا هندوس على المصرية تحت كلمة EGYPT
بعدها هنلاقينا رجعنا تاني للصفحة الرئيسية بس السعر اختلف بقى بالمصري

http://files2.fatakat.com/2013/6/13710626471040.jpg (http://files2.fatakat.com/2013/6/13710626471040.jpg)



زي ما انتوا شايفين متهيألي كل حاجه واضحة في الصفحة
يعني لو عايزه ماركة معينة هتدوسي على الماركات لو عايزه حاجه للشعر هتدوسي على العناية بالشعر

لو عايزه تختصري وتدوسي على الهدايا والعروض عشان تختاري من المنتجات اللى عليها خصم على طول تدوسي عليها من فوق وتختاري المنتج اللى انتي عايزه تشوفيه وتعرفي عنه التفاصيل ولو قررتي تشتريه ؟؟؟ تعالوا نشوف في الصورة دي هنعمل ايه



http://files2.fatakat.com/2013/6/13710627903077.jpg (http://files2.fatakat.com/2013/6/13710627903077.jpg)



المجموعة دي مثلا عجبتك واقتنعي انك عايزاها تدوسي على أضف الى السلة اللى متعلم عليها
هتروحي لصفحة تانية اللى هي دي

http://files2.fatakat.com/2013/6/13710628755818.jpg (http://files2.fatakat.com/2013/6/13710628755818.jpg)



لو لسه عايزه تشتري حاجات تاني هتدوسي على (أكمل التسوق) اللى انا معلمه عليها وبعدها هترجعي للصفحة اللى قبلها وتقلبي في الموقع وتختاري اللى انتي عايزه تشتريه وهكذا بنفس الطريقة



http://files2.fatakat.com/2013/6/13710629525965.jpg (http://files2.fatakat.com/2013/6/13710629525965.jpg)



عايزه أقولكم على حاجه مهمة في الموقع ده،
لو لاحظتم اني لما حطيت منتج تاني عمل لي خصم 1% ولو زودتي منتج تالت بيعمل خصم 2 % وهكذا لحد 6 منتجات هيعمل لك عليها خصم 5%



دلوقتي مثلا انتي خلاص اخترتي المنتجات دي وهي واضحة ادامك وسعرها والكمية وكل حاجه ، لو عايزه تلغي حاجه منهم هتدوسي على امسح المنتج ولو عايزه من نفس المنتج 2 أو 3 هتدوسي على تحديث الكميات

الخطوة اللى بعد كده انك تكتبي البريد بتاعك ولازم تكتبي بريدك صح اللى انتي بتفتحيه باستمرار عشان ده هيبقى حلقة الوصل بينك وبين الموقع بخصوص طلبك بعد كده لحد لما يوصل بالسلامة http://files.fatakat.com/smilies2012/smiley-pray.gif (http://files.fatakat.com/smilies2012/smiley-pray.gif)http://files.fatakat.com/smilies2012/smiley-laugh.gif (http://files.fatakat.com/smilies2012/smiley-laugh.gif)

http://files2.fatakat.com/2013/6/13710631853763.jpg (http://files2.fatakat.com/2013/6/13710631853763.jpg)



هتيجي لك الرسالة دي عشان تكتبي الميل تاني للتأكيد

وبعدها هتلاقي صفحة تانيه خالص زي كده



http://files2.fatakat.com/2013/6/13710632446313.jpg (http://files2.fatakat.com/2013/6/13710632446313.jpg)



أول حاجه دي الهدية اللى الموقع بيقدمها للي بيشتروا أول مرة هتختاري اللون اللى يعجبك منها
وبعدها النص اللى تحت هتلاقي الآتي:



http://files2.fatakat.com/2013/6/13710633546560.jpg (http://files2.fatakat.com/2013/6/13710633546560.jpg)



هنكتب البيانات المطلوبة ولازم تاخدي بالك ان الاسم اللى هتكتبيه هو اللى لازم يروح يستلم الطرد لما يوصل، ان مكتب البريد اللى هتكتبي اسمه هو اللى هيوصل عليه الطرد، ان الرمز البريدي مهم جدا وده سهل تجيبيه من على النت أو تتصلي بمكتب البريد اللى جنبك وتسأليه



بعد كده تدوسي على اكمل اجراءات الدفع اللى على الشمال الخضرا دي هتلاقي الصفحة دي




http://files2.fatakat.com/2013/6/13710639319578.jpg (http://files2.fatakat.com/2013/6/13710639319578.jpg)



دي بقى جزئية الدفع يعني هتختاري هتدفعي بفيزا والا ماستر وتكتبي طبعا الرقم والرمز السري وكل البيانات دي المطلوبة وبعدين في الاخر تتأكدي ان كله تمام تدوسي على تخويل الدفع وخلاص كده الموضوع في منتهى البساطة



بعد كده هتلاقي رسالة على ميلك بتأكد عليكي الطلب بتاعك وهتلاقي كمان رقم الطلب بتاعك ورقم تاني عشان تعرفي تتبعي الطلب



بعد لما يفوت حوالي 12- 13 يوم يفضل تسألي في مكتب البريد القريب منك اللى انتي كتبتي اسمه على الطرد بتاعك

وممكن تديهم موبايلك لو حظك حلو ولقتيهم يعني ناس طيبين عشان لو وصل طردك تروحي فورا تستلميه هتلاقي مبلغ الجمارك لازم تدفعيه في مكتب البريد الأول عشان تستلمي

لازم هنا تاخدي بالك ان الايصال بتاعك مختوم والكلام اللى مكتوب فيه واضح عشان حضرتك هتصوريه بموبايلك وتنزلي الصورة على الكمبيوتر أول لما ترجعي وتبعتيها للموقع وهيرد لك فلوس الجمارك دي في خلال من اسبوع لإسبوعين على نفس الكارت اللى دفعتي بيه سواء فيزا أو ماستر