مشاهدة النسخة كاملة : اقرررررررب يافتال
جريح الظلم
04-09-2007, 12:28 AM
اقرب يافتال نبي نلعب معك طاروق على الطاير
عساك تستفيد وانا اخووك
سلام تسليمه على وضح النقا =عند الرجال اهل الوفاء واهل السلوم
اللي يجيب الصدق فعلاً مايلام = واللي عقد روس الحبال يحلها
فتال شد الحيل يامال الشقا = من طاح جعله في محله مايقوم
تبا الحقيقه واعلى الدنيا السلام = واللي عقد روس الحبال يحلها
مفرح ابن فالح
04-09-2007, 12:37 AM
ياسلاااااااااا م ياسلااااااااااااام
سياف العتيبي
04-09-2007, 01:00 AM
الله الله
صح لسانك يالجريح ولسان فتال مقدما
لاهنتم
مفرح ابن فالح
سياف العتيبي
يامرحبا والله
وابرك الساعات اللي تتابعونا فيها
من شاعرً عند المواقف ما اتقا=يامرحبا واقلط وهاتلنا العلوم
هات العلوم اللي بعد ذكر السلام=واللي عقد روس الحبال يحلها
بعض الهقاوي ضيعت في من هقا=والضعف تدري للبنات وللرخوم
ياصاحبي ياصاحبي شدّ الحزام=واللي عقد روس الحبال يحلها
الحربي1
04-09-2007, 11:33 PM
جريح الظلم وفتال صحت السنتكم وعساكم على القوه
متابعين
مسلط المغيري
05-09-2007, 01:47 AM
ياسلااااااااام ياسلااااااااااااااااام
صحت السنتكم
الحربي
مسلط المغيري
حياكم الله
ومتابعتكم شرف لنا
اخوكم
جريح الظلم
08-09-2007, 03:27 AM
الله الله
استلم
احدن نزل ياصاحبي واحدن رقا = والناس يابن الناس معطى ومحروم
كم قلت لك والنور جلاي الظلام = واللي عقد روس الحبال يحلها
انته تهقوى مير في وقت اللقا = ماعندنا ياكو تفريك الخشوم
انته جمل لكن في خشمه خطام = واللي عقد روس الحبال يحلها
جريح الظلم
08-09-2007, 03:30 AM
مرحباا اخوي مفررح حياك الله
سياف صح الله بدنك
الحربي مروك اسعدني
مسلط المغيري بيض الله وجهك على المرور الطيب وصح الله بدنك
الحمد لله على السلامه
واستلم
أنته حليل ومن حساب الأصدقا=وحربً معك بالهرج ماهو بالسهوم
عليك صعب الفعل ياسهل الكلام=واللي عقد روس الحبال يحلها
احد(ن)رحل ياصاحبي واحد(ن)بقا=والخصم من فضل الولي دوم امهزوم
يالحاشي اللي انّشبك عند الحمام=واللي عقد روس الحبال يحلها
جريح الظلم
09-09-2007, 12:14 AM
الله الله
طيب استلم
حنا اصدقاء لكن ماحنا اشققا = وانته خطير انك تموت من الهموم
الوسم في خدك عليه بالحرام = واللي عقد روس الحبال يحلها
ترى الحماقه ذائماً للاحمقاء = وانته جبل لكن من فوقك نجوم
ياطيب راسك لو تعشالك يدام = واللي عقد روس الحبال يحلها
اللي يبا العذروب يبطي مالقا=والبحر هايج وانت ماتقدر تعوم
انته همومك فاليدام وفالطعام=واللي عقد روس الحبال يحلها
لايبرح العبدان حتى يُشنقا =انا جبل وانته حصاةً فالحزوم
واسمك دليل الضعف قبل الانهزام=واللي عقد روس الحبال يحلها
جريح الظلم
10-09-2007, 11:19 AM
الله الله
استلم
انا عتقتك روح من ضمن اعتقا = ترى العوافي والسلامه ماتدوم
انته همومك فالمحبه والغرام = واللي عقد روس الحبال يحلها
لابله اسمك فيه شي من النقا = وانته جبل ياصاحبي مير مخروم
جاه الدركتر والنهايه للحطام = واللي عقد روس الحبال يحلها
استلم ياجريح الظلم
الحصد قالوا من بعد دور السقا=وانته حصادك حان قدام العموم
والدق كثره دايم يفك اللحام = واللي عقد روس الحبال يحلها
اليا نقيت الشي احسن فالنقا=ياللي تحرص من ملافيح السموم
فتال انا والندّ دايم له كعام=واللي عقد روس الحبال يحلها
جريح الظلم
12-09-2007, 02:07 PM
فتال
شكرا لك واللعب معك طيب
صح الله لساانك
وفالك المليوون والجنه
جريح الظلم
صح بدنك
والله لايهينك
والف شكر لكل من تابعنا
اخوك
فتال
Powered by vBulletin® Version 4.2.6 by vBS Copyright © 2024 vBulletin Solutions, Inc. All rights reserved, TranZ by Almuhajir